စံမိုးဝေ၏ ဒေါက်တာလွဏ်းဆွေသို့ အိတ်ဖွင့်ပေးစာ

ဒေါက်တာလွဏ်းဆွေခင်ဗျား ...

ဒေါက်တာလွဏ်းရဲ့ဘလော့ဂ်မှာ တင်ထားတဲ့ ‘အက်ဆစ်’ ဆိုတဲ့ ကလောင်ရှင်တဦး ရေးသားထားတဲ့ ဝေဖန် ရေး ဆောင်းပါးတပုဒ်ကို ကျနော် ဖတ်ရပါတယ်။ တပြိုင်နက်တည်းဆိုသလို ရဲဘော်ကျော်သန်းရဲ့ အိတ်ဖွင့် ပေးစာနဲ့ ကိုလွဏ်းဆွေရဲ့ အိပ်မက်အကြောင်း ရေးသားထားတာကိုပါ ဖတ်လိုက်ရပြန်တယ်။ ဒေါက်တာ လွဏ်းတို့ တော်လိုက်ပုံကတော့ အိပ်မက် မက်တာတောင် အသံဖမ်းစက်ထည့်ထားသလိုပါလားဆိုပြီး အံ့သြ မိပါတယ်။ တော်လိုက်တာ ...။

ကျနော် ပြောချင်တာက လွတ်လပ်စွာ ပြောဆိုရေးသား ထုတ်ဖော်ခွင့်ကိစ္စပါ။ ဒါအရေးကြီးတယ်လို့ ထင်ပါ တယ်။ ကျနော်တို့လည်း အလွန်လိုလားတောင့်တတဲ့ ကိစ္စပါ။ တာဝန်ယူမှုတော့ လိုပါတယ်။ ရေးချင်တိုင်းရေး နာမည်အတုတွေ သုံးချင်သလိုသုံးပြီး ရေးသားနေတာဟာ စစ်အစိုးရအဆက်ဆက်ရဲ့ အစိုးရပိုင် သတင်းစာ တို့၊ မြက်ခင်းသစ်လို စစ်အစိုးရ အလိုကျ စာစောင်တွေမှာ ရေးကြတဲ့ လုပ်လေ့လုပ်ထရှိတဲ့ ဓလေ့တွေပါ။

“ငရဲခွေးကြီး လွတ်နေပြီ” ဆိုတဲ့ အိုးဝေမဂ္ဂဇင်းဆောင်းပါးကို ထည့်သွင်းဖော်ပြခဲ့သူ အယ်ဒီတာ ကိုအောင် ဆန်းရဲ့ တာဝန်ယူမှုမျိုးနဲ့ ယခုအနေအထားဟာ တူညီတယ်လို့ ကျနော် မယူဆမိပါဘူး။ ဘာကြောင့်လဲဆို တော့ အိုးဝေမဂ္ဂဇင်းက ဖော်ပြတဲ့နေရာမှာ ရေးသူရဲ့အာဘော်သာ ဖြစ်ပါသည်ဆိုတာ မပါသလို ဖော်ပြခဲ့တဲ့ အယ်ဒီတာဟာ ဆောင်းပါးပါ အချက်လက်တွေဟာ မဂ္ဂဇင်းရဲ့ ရှုမြင်ပုံနဲ့ တသားထဲ ဖြစ်ပါတယ်ဆိုတာကို ရဲရဲ ကြီး တာဝန်ယူသွားခဲ့လို့ ဖြစ်ပါတယ်။

ရေးသူလို့ ဆိုလိုက်တာနဲ့ ရေးသူဟာ လူအများသိတဲ့ တာဝန်ယူသူတဦးတယောက် ဖြစ်ဖို့လိုပါတယ်။ သတင်း စာတွေကို ဖတ်ကြည့်ရင် သိနိုင်ပါတယ်၊ သိက္ခာရှိတဲ့ သတင်းစာမှန်သမျှဟာ သူတို့အရေးတယူ တလေးတစား ဖော်ပြသူဟာ ဘယ်သူဘယ်ဝါ ဖြစ်ပါတယ်၊ သူ ရေးသားတဲ့ အကြောင်းအရာအပေါ် ဘယ်လောက်အကျွမ်း တ၀င် ရှိတဲ့အတွက် ဒီလိုလူမျိုးက ရေးသားထားတာ ဖြစ်တာကြောင့် ကျွန်ုပ်တို့ သတင်းစာကနေ ဒါကြောင့် နေရာပေးတင်ပြပေးနေတာ ဖြစ်တယ်ဆိုတာကို ဖွင့်ဟဖော်ထုတ်ပေးထားတာတွေကို ဆောင်းပါးတွေရဲ့ အ ဆုံးမှာ တွေ့ရလေ့ရှိပါတယ်။ သတိပြုကြည့်ရင် တွေ့နိုင်ပါတယ်။ (မှတ်ချက် - မြန်မာ့အလင်းတို့၊ ကြေးမုံသတင်း စာတို့ကို ရည်ညွှန်းခြင်းမဟုတ်ပါ။)

အဲဒီလို မဟုတ်ခဲ့ရင်တော့ အစိုးရပိုင် သတင်းစာတွေမှာ နာမည်ဝှက်တွေနဲ့ ရေးသားထားတာ မှန်သမျှဟာ စစ် အစိုးရအာဘော်တွေ ဖြစ်သလို ဒေါက်တာလွဏ်းဆွေဘလော့ဂ်မှာ အဲဒီလို အလားတူ ရေးသားထားတာတွေ ဟာ ဒေါက်တာလွဏ်းဆွေရဲ့ အာဘော်တွေလို့ သတ်မှတ်တာကို ခံရပါလိမ့်မယ်။ ကျနော် စိုးရိမ်စိတ်ပူနေမိ တယ်။

စီးပွားရေးအကြောင်း၊ လူမှုရေးအကြောင်း၊ နိုင်ငံရေးအကြောင်း၊ ဘာအကြောင်းပဲဖြစ်ဖြစ် ဝေဖန်သုံးသပ်မယ်၊ ရေးသားမယ်၊ ပြောမယ်ဆိုရင် ရေးသူပြောသူရဲ့ ရေချိန်လိုပါတယ်၊ တန်းဆိုတာရှိပါတယ်။ (အက်ဆစ်ဟာ အ များသူငါ လေးစားသူ နိုင်ငံရေးသမား (သို့) နိုင်ငံရေးလေ့လာသူ၊ ကျွမ်းကျင်သူတဦးဖြစ်ကောင်းဖြစ်မှာပါ။ ကျ နော်မသိပါ။ အငြင်းလည်း မပွားလိုပါ) အဲဒီတန်းကိုတော့ နားထောင်တဲ့သူ၊ စာဖတ်တဲ့သူတွေကို အသိပေးရ မှာ မိတ်ဆက်ပေးရမှာ အယ်ဒီတာမှာ တာဝန်ရှိပါတယ်။ ပုတ်ခတ်တယ်၊ ဝေဖန်တယ်၊ ဆဲတယ်ဆိုတာ လွယ်ပါ တယ် လူတိုင်းလုပ်တတ်ပါတယ်။ ဘယ်လိုလူစား ပါးစပ်က ဒီစကား ထွက်လာတာလဲ ဒီစာ ဖြစ်လာတာလဲဆို တဲ့ အပေါ်မှာတည်ပြီး အလေးဂရုပြုကြရမှာပါ။ ပေါက်ပန်းဈေး လျှောက်ပြောနေတာမျိုးကတော့ အချိန်ဖြုန်း ခြင်း သက်သက်သာဖြစ်ပါလိမ့်မယ်။

ရေးသူ မည်သူမည်ဝါဆိုတာ မသိရဘဲ ရေးသူအာဘော်သာ ဖြစ်ပါသည်ဆိုခြင်းဟာ အားနည်းချက်တခု ဖြစ် နေပါတယ်လို့ ကျနော် ပြောချင်ပါတယ်။ သတိပြုဆင်ခြင်စရာဖြစ်မယ် ယူဆပြီး ရေးလိုက်ရတာပါ။ မည်သည့် လှုံ့ဆော်မှုမှမပါတဲ့ အရင်းခံ စေတနာနဲ့ ရေးသားလိုက်ခြင်းသာဖြစ်ပါတယ်။

စနစ်တကျ လွတ်လပ်စွာ ထုတ်ဖော် ရေးသား ပြောဆိုနိုင်ကြပါစေ။
ကျနော် စံမိုးဝေ ပါ။

ချစ်ခင်ရသော ရဲဘော်ကြီး စံမိုးဝေ ခင်ဗျား ...

အချက် (၂) ချက် ပြန်ကြားလိုပါတယ်။

(၁) ပထမဦးစွာ ‘အက်ဆစ်’ ရဲ့ ဆောင်းပါးကို အချိန်ကုန်ခံ၊ စိတ်ဝင်တစား ဖတ်ရှု၊ တလေးတစား လေ့လာ သုံးသပ်ပြီး တကူးတက ပေးစာ ရေးသားပေးပို့တဲ့အတွက် အထူးကျေးဇူးတင်ရှိကြောင်း ပြောလိုပါတယ်။

(၂) ရဲဘော်ကြီး စံမိုးဝေရဲ့ ပေးစာထဲမှာ “အစိုးရပိုင် သတင်းစာတွေမှာ နာမည်ဝှက်တွေနဲ့ ရေးသားထားတာ မှန်သမျှဟာ စစ်အစိုးရအာဘော်တွေ ဖြစ်သလို ဒေါက်တာလွဏ်းဆွေဘလော့ဂ်မှာ အဲဒီလို အလားတူ ရေး သားထားတာတွေဟာ ဒေါက်တာလွဏ်းဆွေရဲ့ အာဘော်တွေလို့ သတ်မှတ်တာကို ခံရပါလိမ့်မယ်။ ကျနော် စိုးရိမ်စိတ်ပူနေမိတယ်” လို့ ဖတ်ရပါတယ်။

စိတ်လည်း မပူပါနဲ့၊ စိုးလည်း မစိုးရိမ်ပါနဲ့လို့ ပြောကြားလိုပါတယ် ရဲဘော်ကြီး စံမိုးဝေခင်ဗျား။ ကျနော့်ရဲ့ဘ လော့ဂ်မှာ “ရေးသူ၏ အာဘော်သာဖြစ်သည်” ဆိုတဲ့ စာတန်းထိုးမပါတဲ့ ဆောင်းပါးတိုင်း (ဥပမာ-တာဝတိံ သာ တုတ်ကြီး၊ ဇော်မင်း၊ မောင်ဂဒိုး၊ ရွှေဆည်းဆာ၊ စိုးနေလင်း၊ ဂါမဏိ ... စသဖြင့်) ကို ကျနော် ရာနှုန်းပြည့် သဘောတူလက်ခံတဲ့ ဆောင်းပါးတွေလို့ ယူဆနိုင်ပါတယ်။ ဆောင်းပါးရှင်ရဲ့ အာဘော်နဲ့ ဒေါက်တာလွဏ်း ဆွေရဲ့အာဘော် ထပ်တူထပ်မျှပဲလို့ ယူဆနိုင်ပါတယ်။ ကျနော့်အနေနဲ့ ငြင်းစရာလုံးဝမရှိပါ။ အက်ဆစ်ရဲ့ အ ရင်ဆောင်းပါးတချို့မှာလည်း “ရေးသူ၏ အာဘော်သာဖြစ်သည်” ဆိုတဲ့ စာတန်းထိုးမပါတာကို ပြန်ရှာကြည့် ရင် တွေ့နိုင်မှာပါ။

အခု အက်ဆစ်ရဲ့ဆောင်းပါး အပါအ၀င် “ရေးသူ၏ အာဘော်သာဖြစ်သည်” ဆိုတဲ့ စာတန်းထိုးပါတဲ့ ဆောင်း ပါးတွေကတော့ (အချက်အလက်၊ အယူအဆ၊ တင်ပြပုံမှာ ...) ကျနော် ရာနှုန်းပြည့် သဘောတူလက်ခံမှုမရှိတဲ့ (ရာခိုင်နှုန်း အနည်းငယ်ကွဲလွဲတဲ့)၊ ဒီမိုကရေစီဘက်တော်သားစစ်စစ်လို့ ကျနော် စိတ်ချယုံကြည်ထားသူတွေ ရေးတဲ့ ဆောင်းပါးတွေလို့ ပြောလို့ရပါတယ်။ အက်ဆစ်မတိုင်ခင်မှာလည်း ဆရာစိုးနေလင်း၊ မောင်ဂဒိုးတို့ရဲ့ ဆောင်းပါးတပုဒ်စီနဲ့ အခြားဆောင်းပါးတချို့မှာ အလားတူ “ရေးသူ၏ အာဘော်သာဖြစ်သည်” လို့ စာတန်း ထိုးပြီး တင်ဆက်ခဲ့တာရှိပါတယ်။

ဘာဖြစ်လို့ အဲသလို တင်ဆက်ရသလဲဆိုတော့ ကျနော် ရာနှုန်းပြည့် သဘောတူလက်ခံမှုမရှိသော်ငြား ဒီမိုက ရေစီဘက်တော်သားစစ်စစ်တွေ ရေးသားတင်ဆက်တဲ့ အတွေးအခေါ်အယူအဆတွေ၊ အချက်အလက်တွေ ဖြစ်တဲ့အတွက် (ချောင်ထိုးမထားဘဲ) တခြား ကျနော့်ကဲ့သို့သော ဒီမိုကရေစီဘက်တော်သားတွေ ဖတ်စေချင်၊ တွေးစေချင်၊ အကြံပြုစေချင်တဲ့ ရည်ရွယ်ချက်နဲ့ တင်ဆက်ပေးခြင်းဖြစ်ပါတယ်။ ကျနော်က ကမ္ဘာကျော်စာ နယ်ဇင်းကြီးတွေရဲ့ စံနှုန်းအတိုင်း တင်ဆက်နေသူမဟုတ်ဘဲ ရှုပ်ထွေးပွေလီလွန်းလှတဲ့ အခြေအနေတွေကြား မှာ ကိုယ့်စံ၊ ကိုယ့်ပေတံနဲ့ ချီတက်နေတဲ့သူဖြစ်လို့ ဒီလောက်ဆို ရဲဘော်ကြီး စံမိုးဝေ သဘောပေါက် နားလည် ပေးနိုင်မယ်လို့ ယူဆပါတယ်။

ချစ်ကြည်စွာ ...

ဒေါက်တာလွဏ်းဆွေ

မှတ်ချက် ။ ။ ‘တော်လိုက်တာ’ ဆိုတဲ့ စကားအတွက်တော့ မဲဆောက်ကို ပြန်လာလည်ရင် အနည်းဆုံး ဘ လက်ခ်လေဘယ်လ်လောက်မှ လက်ခံတွေ့ဆုံနိုင်ပါမယ်။ အခုတော့ ရဲဘော်စံကို လွမ်းတာနဲ့ ခင်ညွန့်ရည်ရဲ့ ‘ဆောင်းအမီ’ သီချင်းကို ဖွင့်ပြီး နားထောင်နေပါတယ်။