ဘာသံတွေလဲဗျာ

လစ်တမတ်စက္ကူ

ခုတလော အသံတွေက တညံညံ ဖြစ်နေကြတယ်။ စိတ်တိုင်းမကျလို့ ဖြစ်တာလား၊ အားမရလို့ ဖြစ်တာလား၊ အောင်ပွဲမြန်မြန်မရသေးတဲ့အတွက် ဖြစ်တာလား၊ ဒါမှမဟုတ်လည်း ဖွချင်တဲ့ ရည်ရွယ်ချက်နဲ့ တညံညံ ဖြစ် ကြတာလား၊ ဘာလဲဆိုတာတော့ မသိပါ။ သို့သော် တချို့အသံတွေက လွတ်လပ်စွာ ပြောရေးဆိုခွင့်ဆိုတဲ့ ဘောင်အတွင်းက ပြောကြတာ ဖြစ်ပေမယ့် တဖြည်းဖြည်းနဲ့ ကိုယ့်တပ်ကိုယ်နင်းသလိုမျိုး ဖြစ်လာနေသလား လို့ အတွေးတောင် ဝင်မိပါတယ်။

နော်ဝေမှာနေတဲ့ ‘ဖိုးသာအောင်’ ဆိုတဲ့ လူတဦးကလည်း သူ့ရင်ထဲက ခံစားချက်တွေကို ဆောင်းပါးတပုဒ် အ နေနဲ့ ထုတ်ပြောလာတာလည်း တွေ့ရသလို၊ ဒေါက်တာလွဏ်းဆွေဘလော့ဂ်ထဲမှာလည်း ‘အက်ဆစ်’ ဆိုတဲ့ ကလောင်နာမည်နဲ့ ဒေါ်စုနဲ့ အဖွဲ့ချုပ် အသုံးမကျဖူးလို့ ပြောထားတာတွေ ဖတ်ရတော့ စိတ်ထဲမှာ အင်မတန် နွမ်းနယ်ရပါတယ်။ သို့သော်လည်း ဒီလူတွေ ပြောတာက သူတို့ခံစားချက်။ တိုင်းတာတွက်ချက်မှုတွေ ဖြစ်လို့ သူတို့ရဲ့အခွင့်အရေးအရ ပြောခွင့်ရှိပါတယ်။ ဒါမျိုး မပြောရဘူး၊ မတင်ပြရဖူးလို့ လူတဖက်သားကို စီရင်ချက် ခြဖို့ဆိုတာကလည်း မကောင်းပါ။ ကျနော်တို့က ကျနော်တို့ကိုယ် ကျနော်တို့ ဒီမိုကရက်တွေလို့ ပြောနေတာမို့ လား။ ဒီမိုကရက်တယောက်က ကိုယ်သာ ဒီလိုမျိုးပြောမယ်၊ တခြားလူဆို ဒီလိုမျိုး ပြောခွင့်မရှိဆိုပြီး ကန့် သတ်လို့မှ မကောင်းတာကိုးဗျာ့၊ ဟုတ်တယ်မဟုတ်လား။

နော်ဝေက ဖိုးသာအောင် ဆိုတဲ့လူကတော့ လက်ဝဲအုပ်စုနဲ့ ပြည်ပရောက် အတိုက်ခံတွေကို အတော်လေး ဆော်ထားပါတယ်။ လူကောင်းလူဆိုး ခွဲတဲ့နေရာမှာ တိတိကျကျ ခွဲပြောဖို့ လိုတယ်လို့ ထင်တာပါပဲ။ ပြည်ပ ဆိုပြီး လုံးပြောလိုက်တော့ ဖိုးသာအောင်လည်း နော်ဝေမှာ နေတာပဲလေ။ သူလည်း ပြည်ပထဲက တဦးမဟုတ် ဘူးလားဆိုတာ ပြန်ပြီးထောက်ပြလိုပါတယ်။ ထိုင်းလူမျိုးတွေက ဗမာဆိုရင် မယုံရဘူး၊ လစ်ရင်ခိုးတယ် တိုက် တယ်၊ အောက်တန်းကျတယ်၊ အလုပ်ကြမ်းသမားနဲ့ ပြည့်တန်ဆာအဆင့်မှာပဲ ရှိတယ်လို့ လုံးပြောတာမျိုးကို ဗမာလူမျိုးအများစုက လက်ခံလိမ့်မယ်မထင်ပါဘူး။ ဉာဏ်ပညာအဆင့်အတန်း မြင့်မားတဲ့ တခြားနိုင်ငံက လူ မျိုးတွေကလည်း ထိုင်းတွေ အပြောသက်သက်ကိုတော့ လက်ခံမယ်လိမ့်လို့လည်း မထင်ပါဘူး။ အဲသလိုပါပဲ ဖိုးသာအောင် ပြောနေတဲ့ ပြည်ပရောက် အုပ်စုဆိုတာတွေမှာလည်း မှန်မှန်ကန်ကန် လုပ်ကိုင်နေတဲ့ သူတွေရှိ သလို သူခိုးတွေ၊ ငတိုတွေ၊ အခွင့်အရေးသမားတွေရှိတာလည်း ဟုတ်တယ်။ သို့သော် သတင်းအချက်အ လက်မှန်မှန်ကို သိတယ်ဆိုရင် ဘယ်သူတွေက အခွင့်အရေးသမား၊ ဘယ်သူတွေက မှန်မှန်ကန်ကန် လုပ် ကိုင်နေတယ် ဆိုတာကိုရော ဖိုးသာအောင်က မရေးသင့်ဘူးလား။ အင်တာနက်ကနေ ရေးကြတာပဲ။ မျက်နှာ ပူစရာ လိုမယ်မထင်ပါဘူး။ ဖိုးသာအောင်ကိုယ်တိုင်ကော နော်ဝေမှာ မြန်မာ့အရေးအတွက် ဘာတွေလုပ်နေ သလဲ၊ နော်ဝေမရောက်ခင်ကရော ဘာတွေလုပ်ခဲ့သတုံးဆိုတာ အများသူငါ သိအောင် သူကိုယ်တိုင်က မိတ်မ ဆက်သင့်ဖူးလား၊ ဖိုးသာအောင်နဲ့ ပတ်သက်လို့ကတော့ ဒီလောက်ပဲ ပြောချင်ပါတယ်။

‘အက်ဆစ်’ ကိစ္စကတော့ နောက်တပိုင်းပါ။ မကြာသေးခင် ကာလများကလည်း သူ့ရဲ့ဆောင်းပါးတပုဒ်ကို ဒေါက်တာလွဏ်းဆွေဘလော့ဂ်မှာ ဖတ်လိုက်ရပါသေးတယ်။ အခုဆောင်းပါးနဲ့ သိပ်မကွာလှပါဘူး။ အက်ဆစ် ဆိုတဲ့ သူက သူမသေခင်မှာ အောင်ပွဲကို မြင်ချင်လို့ထင်ပါရဲ့။ ဒေါ်စုကို ပြောထားလိုက်တာများ ရစရာတောင် မရှိတော့ပါဘူး။ သို့သော် အက်ဆစ်မှာလည်း လူတဦးအနေနဲ့ လွတ်လပ်စွာ ပြောဆိုဝေဖန်ပိုင်ခွင့်ရှိတော့ သူ လည်း ပြောပါစေလို့သာပဲ ဆိုရမှာပါ၊ ကျနော့်အမြင်အရ ပြောရရင်တော့ အက်ဆစ်ရဲ့အာသီသက သူအရွယ် ကောင်းတုန်း တိုင်းပြည်ကို အောင်ပွဲနဲ့အတူပြန် ပြည်သူတွေက သပြေပန်းတွေ ကမ်း၊ အဲသလိုမျိုး အရသာကို မခံစားလိုက်ရမှာစိုးလို့ ပြောတဲ့သဘောနဲ့ တူပါတယ်။ တခြားထွေလီကာလီတော့ ရှိဟန်မတူပါဘူး။ ခပ်ရိုးရိုးပဲ ပြောတာလို့ တွက်လို့ရပါတယ်။ ဘာဖြစ်လို့တုန်းဆိုတော့ သူ့ရဲ့ဆောင်းပါးကို ဖတ်ကြည့်လိုက်တော့ အရေးအ သားစတိုင်၊ နိုင်ငံရေးအတွက်အချက်၊ အနာဂတ်မျှော်မှန်းချက် စတာတွေနဲ့ ပတ်သက်လို့ သူကိုယ်တိုင်လည်း ချက်ကျလက်ကျ နားလည်ဟန်တော့ မတူဘူး။ တကျပ် တမတ်ဆိုတဲ့ စကားပုံအတိုင်း လုပ်တာလည်း ဖြစ် ကောင်း ဖြစ်နိုင်ပါတယ်။ နာမည်ကြီးချင်တာလည်း ပါဟန်တူပါတယ်။ တကျပ် တမတ် ဆိုတာက ဒီလိုဗျ။ နာ မည်လည်းမကြီး လူအများကလည်း လုံးလုံးမသိတဲ့ လူတဦးဟာ တကျပ်ဖိုးလောက် နာမည်ကြီးနေတဲ့ လူကို တက်ဆဲရင်၊ တက်ဝေဖန်ရင် အနည်းဆုံးတော့ သူ့အနေနဲ့လည်း တမတ်ဖိုးလောက် လူသိခံလာရတယ်ဆိုတဲ့ နည်းဟောင်းကြီးက ရှိထားတာကိုး။ ရိုးလွန်းပါတယ်။

နောက်တချက်ကတော့ မြန်မာ့နိုင်ငံရေးသမိုင်း၊ ဒေသတွင်း နိုင်ငံရေးသမိုင်း၊ ကမ္ဘာ့နိုင်ငံရေးသမိုင်းတွေကို တီးမိခေါက်မိဟန်လည်း ရှိပုံမပေါ်ပါဘူး။ သူ့လိုအင်ဆန္ဒတွေချည်းပဲ တောက်လျှောက် ပြောနေတော့တာကိုး ဗျ။ ဘာနဲ့တူသတုန်းဆိုတော့ မိဘရဲ့အခက်အခဲကို နားမလည်တဲ့ သားငယ်လိုပဲ၊ ကျောင်းကို မော်တော်ကား လေးနဲ့ တက်ချင်တော့ ကားဝယ်ပေးဖို့ တဆာဆာ ပူစာနေတဲ့ သားဆိုးတယောက်လိုပဲလို့ ဆိုလိုက်ချင်ပါ တယ်။

မြန်မာ့သမိုင်းကိုပဲ ပြန်ကြည့်လေဗျာ။ အင်္ဂလိပ်တွေရဲ့ ဝိုင်အမ်စီအေအဖွဲ့ကို အတုယူပြီး ဖွဲ့စည်းခဲ့တဲ့ ဝိုင်အမ်ဘီ အေက ခေါင်းဆောင်များလည်း အင်္ဂလိပ်နယ်ချဲ့ကို အပြုတ်မတိုက်နိုင်ဘဲ နှစ်ချမ်းတောင် ကွဲခဲ့သေးတယ် မ ဟုတ်လား။ အဲတာကြောင့် သူတို့ကို အပြစ်တင်ရမလား။ ပြောရရင် သီပေါမင်း ပါတော်မူတဲ့ နောက်ပိုင်း သူ တို့က ကမ္ဘာကြီးရဲ့ခေတ်သစ်နိုင်ငံရေးကို အဲဒီအချိန်ကမှ စပြီး မြည်းစမ်းဖူးတာမဟုတ်လား။ အားနည်းချက် တွေတော့ ရှိတော့မပေါ့။

ဝန်းသိုစော်ဘွားကြီး ဦးအောင်မြတ် အင်္ဂလိပ်တွေကို ခံတိုက်ရင်း မနိုင်နိုင်တော့ နောက်ဆုံး တရုတ်ပြည်ထဲ ဝင်သွားပြီး ခိုလုံရတယ်မဟုတ်လား။ အဲတာကို အင်္ဂလိပ်ကို နိုင်အောင် မတိုက်နိုင်ရကောင်းလား။ ဗမာ့မြေ ပေါ်က အပြီးမောင်းထုတ်နိုင်အောင် မကြိုးစားရကောင်းလားဆိုပြီး ဦးအောင်မြတ်ကို အပြစ်တင်ရင် တရား လား။ မတရားဘူးလားဆိုတာ စဉ်းစားကြည့်ရင် သိနိုင်ပါတယ်။ အဲဒီကာလက ဦးအောင်မြတ်ရဲ့ တော်လှန် ရေးတပ်မှာ လက်နက်တပ်ဆင်မှုနဲ့ အင်္ဂလိပ်တပ် လက်နက်တပ်ဆင်မှုက တူမတဲ့လားဗျာ။ ရေရှည်မှာ ဦး အောင်မြတ် ဘယ်လိုကြံ့ကြံ့ခံနိုင်မလဲ။ တပ်ပျက်တော့တာပေါ့။

အဲသလိုပဲ ဂဠုန်ဆရာစံဟာ တိုင်းပြည်တဝှမ်းလုံးမှာရှိတဲ့ လယ်သမားတွေဆီက ထောက်ခံမှု အပြည့်အဝရရဲ့ သားနဲ့ ဖိနှိပ်နေတဲ့ အင်္ဂလိပ်အစိုးရကို အပြုတ်မတိုက်နိုင်ရကောင်းလားလို့ အပြစ်တင်မယ်ဆိုရင်လည်း ကြိုး ပေးခံရလို့ ဘဝတပါးရောက်သွားတဲ့ သွားလေသူကြီးက မင်း ဆင်းတိုက်ကြည့်လေလို့ ပြောများပြောမလားမ သိ။ ဟိုက တော်မီဂန်းလို အော်တိုမက်တစ် သေနတ်နဲ့ ပစ်နေတဲ့ အချိန်မှာ ကိုယ့်ဘက်က ခါးတောင်းကျိုက် ပြီး လက်ဖွဲ့လေး လက်မောင်းမှာ ချည်ပြီး ဒါးလွတ်ကိုင် တက်ရတာကိုး။ မတူတာကို ပြောပြနေတာပါ။ ဖြစ်နိုင် ရင်တော့ အဲဒီ ၁၉၃ဝ ခုနှစ်မှာပဲ အင်္ဂလိပ်အင်ပိုင်ယာကြီးကို ဗမာ့မြေပေါ်က အပြီးအပိုင် မောင်းထုတ်ချင်တာ လူတိုင်းရဲ့ဆန္ဒလို့တောင် ပြောနိုင်ပါရဲ့။

ဒေသတွင်း နိုင်ငံရေးကို ကြည့်ပါဦး။ ဂျပန်နိုင်ငံဆိုတာ ဆာမူရိုင်းတို့ တိုင်းပြည်ပါ၊ အသက်ပဲ သေခံတယ်၊ အ ရှက်နဲ့ လူမလုပ်ဘူးဆိုတဲ့ တိုင်းပြည်တခုပါ။ သို့သော်လည်း အမေရိကန် စစ်သင်္ဘောတွေက အမြောက်နဲ့ချိန် ပြီး စီးပွားရေးတံခါးဖွင့်ဆိုပြီး ဖိအားပေးတော့ ဆာမူရိုင်းတွေ ခံမတိုက်ပေါင်ဗျာ၊ တံခါးဖွင့်ပေးလိုက်ရတယ်။ (သီပေါမင်းကတော့ နောက်ဆုံးမှာ သတ္တိကောင်းလွန်းလို့လား၊ ဒုံးဝေးလွန်းလို့လား၊ ဒါမှမဟုတ် ဘာဆိုဘာမှ မသိတာလားမသိ။ အင်္ဂလိပ်ကို ခံတော့တိုက်ရှာပါတယ်။ ဂျပန်ဆာမူရိုင်းတွေထက် သာတယ်လို့ ပြောရင် တောင် ရမလားမသိ) အဲဒီကစပြီး မီဂျီခေတ်ဆိုတာ ဂျပန်မှာ ပေါ်လာတာပဲ။ ဗမာပြည်က မင်းတုန်းမင်းခေတ် နဲ့ ခေတ်ပြိုင်အချိန်လို့ ဆိုနိုင်ပါသေးတယ်။ အဲတာကြောင့် အဲဒီအချိန်က ဆာမူရိုင်းတွေကို အမေရိကန် ခံမ တိုက်လို့ဆိုပြီး ဘယ်သူက အပြစ်တင်သလဲ။ ဂျပန်လူမျိုးတွေ ကိုယ်တိုင်တောင် အပြစ်တင်တယ်လို့ မကြားမိ ပါဘူး။ အမှန်ကတော့ ဆာမူရိုင်းတွေက ခံတိုက်ချင်ပါတယ်တဲ့။ သို့သော် ဆာမူရိုင်းအုပ်စုတွေဟာ တနိုင်ငံလုံး မှာ အကွဲကွဲအပြားပြား ဖြစ်နေလို့ပါ၊ မညီညွတ်ကြပါဘူးတဲ့။ ဘုရင်ဆိုတာကလည်း အဲဒီအချိန်တုန်းက နာမည် ခံသက်သက် ဖြစ်နေတာကိုး။

အာဖရိကတိုက်ကို ကြည့်ရင်လည်း မင်ဒဲလားဟာ ထောင်ထဲမှာ (၂၇) နှစ်နေခဲ့ရတယ်။ ဒီထက်စောပြီး ထောင် က လွတ်အောင်လုပ်၊ လူဖြူအုပ်စိုးသူတွေကို ပြန်ခံချ၊ နှစ်တိုတိုအတွင်း လူမဲတွေလက်ထဲကို အုပ်ချုပ်ရေးအာ ဏာပြန်ရောက်၊ သိပ်ကောင်းတဲ့ ဇာတ်ထုတ်ပေါ့။ သို့သော်လည်း ထင်တိုင်းမှ ဖြစ်မလာတာ ဘယ်လိုလုပ်မ လဲ။ ထင်တိုင်းဖြစ်မလာတဲ့ အချိန်ကာလများအတွင်းမှာ စိုက်လိုက်မတ်တတ် လုပ်စရာရှိတဲ့ အလုပ်ကို လုပ်နေ တာကိုက တော်လှန်ရေးလို့ ဆိုရမှာပါပဲ။ မင်ဒဲလား ထောင်ကျနေချိန်မှာ သူရဲ့အေအင်စီအဖွဲ့က ခေါင်းဆောင် တွေ ဘာလုပ်နေတယ် ထင်သတုန်း။ တချို့က ကျောင်းအုပ်ဆရာကြီးတွေ၊ တချို့က အလုပ်သမားသမဂ္ဂ ခေါင်းဆောင်တွေ၊ တချို့က သင်းအုပ်ဆရာတွေ။ တချို့က လက်နက်ကိုင်နယ်မြေတွေမှာ ... စတဲ့ ပုံစံတွေနဲ့ လူထုအကြားမှာ လုပ်သင့်တဲ့အလုပ်တွေ ဆက်လုပ်နေတယ်။ အေအင်စီဆိုတာ နာမည်အနေနဲ့ ပြောရရင် အဲ ဒီအချိန်တုန်းက ပျက်သွားပြီလို့တောင် လူတွေက ထင်နေကြတာ။ တော်လှန်ရေး၊ နိုင်ငံရေးမလုပ်ဘဲ ဘာဖြစ် လို့ ကျောင်းဆရာတွေ လုပ်နေတာလဲ၊ ဘာဖြစ်လို့ သင်းအုပ်ဆရာတွေ၊ သမဂ္ဂခေါင်းဆောင်အလုပ်တွေ လုပ် နေတာလဲလို့ သူတို့ကို လက်ညှိုးထိုးပြီး အပြစ်တင်ရင်လည်း ရတာပါပဲ။

ဂျာမနီကနေ အင်္ဂလန်ကို ထွက်ပြေးလာရတဲ့ ကွန်မြူနစ်တို့ရဲ့ ဖခင်ကြီး ကားလ်မတ်စ်ဟာလည်း အင်္ဂလန်ဟာ ဆိုးဝါးလွန်းတဲ့ အရင်းရှင်တွေရဲ့လက်အောက်မှာ ရောက်နေတာကြောင့် နောင်မှာ အဖိနှိပ်ခံတို့ရဲ့ ပထမဆုံး တော်လှန်ရေးဟာ အင်္ဂလန်နိုင်ငံမှာ စဖြစ်လိမ့်မယ်လို့ ဟောကိန်းထုတ်ခဲ့ပါတယ်။ သို့သော် အခုအချိန်အထိ အင်္ဂလန်မှာ အလုပ်သမားတွေ ဦးဆောင်တဲ့ တော်လှန်ရေးဟာ မဖြစ်ခဲ့ပါဘူး။ အရင်းရှင်တွေက သိပ်လျှင် တော့ လက်နက်ကိုင် (သို့မဟုတ်) အကြမ်းဖက်တဲ့ ပဋိပက္ခအထိ အဖြစ်မခံဘဲ ညှိနှိုင်းဆွေးနွေးတဲ့ နည်းတွေနဲ့ အလျှော့အတင်းလုပ်ရင်း အလုပ်သမားလောကနဲ့ ဆက်ဆံလာတာ အခုအထိပါ။ သို့သော် ကားလ်မတ်စ် တွက်ချက်ခဲ့တဲ့ အဲဒီတော်လှန်ရေးမျိုးဟာ ၁၉၁၇ ကျမှ ရုရှားနိုင်ငံမှာ ဖြစ်ခဲ့တယ်။ အင်္ဂလန်မှာ အလုပ်သမား တွေ ဦးဆောင်တဲ့ တော်လှန်ရေး မဖြစ်ခဲ့လို့ အဲဒီအချိန်က အလုပ်သမားခေါင်းဆောင်တွေကို အပြစ်တင်မ လား။ ဘယ်လိုအခြေအနေတွေကြောင့် တော်လှန်ရေး မဖြစ်လိုက်ရသလဲ ဆိုတာကိုကော ထည့်သွင်း မစဉ်း စားသင့်ဘူးလား။

ကိုင်း ... နောက်ဆုံးတော့ ကိုယ့်တိုင်းပြည်ဘက်ပဲ ပြန်လှည့်ရမှာပေါ့။ ဗိုလ်ချုပ်အောင်ဆန်းတို့ ရဲဘော်သုံးကျိပ် ဆိုတာ လူသုံးဆယ်ပေါ့ဗျာ။ လမ်းခုလပ်မှာ တဦးသေတော့ (၂၉) ဦးပဲ ရှိတော့တာပေါ့။ အဲဒီ လူ (၂၉) ယောက်ဟာ ဂျပန်က သင်ပေးလိုက်တဲ့ စစ်ပညာနဲ့ လက်နက်တချို့နဲ့ ပြန်လာတယ်ဆိုပါတော့။ နယ်စပ်မှာ လူစုလို့ နောက်ထပ် အယောက် (၃ဝဝ) ရတယ်ထား၊ အဲဒီ တပ်အင်အား (၃ဝဝ) လောက်ကို အင်္ဂလိပ် စစ် တပ်က ဘယ်မှုမလဲ။ မသာ ဘယ်ဈေးပေါက်သလဲလို့တောင် မေးလိုက်ဦးမယ်။ ဗိုလ်ချုပ်တို့အုပ်စုကို အင်္ဂလိပ် စစ်တပ်က အသားကုန် ကျွေးလွှတ်လိုက်မှာပေါ့၊ နောက်ဖြစ်နိုင်ခြေကတော့ အင်္ဂလိပ်စစ်တပ်က ကျွေးမလွှတ် ခင် ယိုးဒယားစစ်တပ်က အင်္ဂလိပ်ကို မျက်နှာလုပ်ချင်တာနဲ့ ဗိုလ်ချုပ်တို့အုပ်စုကို ထောင်ဖမ်းပြီး အင်္ဂလိပ် လက်ထဲ အပ်လည်း ရတာပဲလေ။ အဲဒီခေတ်က လူ့အခွင့်အရေး ဆိုတာကလည်း ခေတ်မှ မစားသေးတာ၊ ဗိုလ်ချုပ်တို့တပ်တွေကို ပြည်သူတွေက ထောက်ခံနေတယ်ဆိုဦးတော့ အင်္ဂလိပ်ကလည်း အဲသလောက်နဲ့ တော့ အချဉ်ဘယ်အဖြစ်ခံမလဲ။ ဒါပေမယ့် ဗိုလ်ချုပ်တို့နောက်မှာ ထပ်ချပ်မကွာ ပါလာတဲ့၊ စင်္ကာပူခံတပ်ကို သိမ်းလာတဲ့၊ မလေးရှားကို သိမ်းလာတဲ့ ဂျပန်တပ်အင်အားက သုံးသိန်းခွဲလောက် ပါလာလို့ပေါ့။ အဲဒီ သုံး သိန်းခွဲလောက်မှာလည်း ရိုးရိုးခြေလျင်တပ်တင် မဟုတ်ဘဲ အမြောက်တပ်တို့၊ စစ်အင်ဂျင်နီယာတပ်တို့၊ နောက်ဆုံး ဂျပန်ဘုရင့်လေတပ်ပါ ပါလာခဲ့တယ်ဆိုတာကို မေ့ထားလို့တော့ မဖြစ်ဘူးမို့လား။ အခြေအနေ အ ချိန်အခါကို နားလည်နိုင်အောင် ပြောပြတာပါ။

အဲတာကြောင့် ပြောရရင် ဒေါ်စုကို ဟိုလိုလုပ်သင့်တယ်၊ ဒီလိုလုပ်သင့်တယ် ပြောနေတဲ့ သူတွေနဲ့ တချီတ မောင်းလောက်တော့ အများသူငါ ရှေ့မှာ တရားဝင် စကားရည်လုသလို ပြိုင်ပြောချင်တယ်ဗျာ။ အခုလို အင် တာနက်ကနေ နာမည်ဝှက်တွေနဲ့ ရေးနေရတာ အားမရပါဘူး။ ဟုတ်တယ်မဟုတ်လား။ အက်ဆစ်လည်း နာ မည်ဝှက်ကို သုံးနေရတာ တခုခုကို ထောက်ထားနေရလို့ဆိုတာ ရိပ်မိပါတယ်။ တခေါက်တကျင်းလောက် တော့ ပွင့်ပွင့်လင်းလင်း ဆုံခြင်ပါ သေး တယ်၊

နောက်ဆုံးပိတ်ကတော့ ဒေါက်တာလွဏ်းဆွေကိုလည်း တခုလောက်တော့ ဆွေးနွေးချင်ပါတယ်။ နာမည်ဝှက် နဲ့ ရေးလာတဲ့သူတွေကို လက်မခံနဲ့လို့ ပြောတာမဟုတ်ပါ၊ အကြောင်းကြောင်းကြောင့် တချို့လည်း နာမည် ဝှက်တွေနဲ့ ရေးမှဖြစ်မယ်ဆိုတော့ နားလည်နိုင်ပါတယ်။ သို့သော် အစွန်းရောက်တဲ့ ကိစ္စတွေကို ပွင့်လင်းစွာ ဖော်ထုတ်ခွင့်ဆိုတဲ့ ခေါင်းစဉ်အောက်မှာ တင်လာရင် နောင်မှာ လက်သင့်ခံသင့် မခံသင့်ဆိုတဲ့ ကိစ္စဖြစ်ပါ တယ်။ ဒေါက်တာ့ စီဘောက်မှာ တချို့လူတွေက ဘယ်လိုရေးထားသလဲဆိုတော့ ‘မြင့်မြတ်သော မျိုးချစ်မ ဟာဗမာ’ (အတိအကျတော့ မမှတ်မိ) ဆိုတဲ့ အမည်မျိုးတွေနဲ့ အစ္စလာမ်ဘာသာဝင်တွေကို ချိုးချိုးဖဲ့ဖဲ့ ကွန်မင့် တွေကို တင်ထားတာ တွေ့ရပါတယ်။ တကယ်လို့များ တခြားသူတွေကလည်း နာဇီဝါဒ၊ ဖက်ဆစ်ဝါဒဟာ ကိုယ့်အမျိုးသားတွေရဲ့ မြင့်မြတ်ခြင်းကို ပိုမိုတိုးတက်စေတယ်၊ ဘာပဲပြောပြော ကိုယ့်အမျိုးသားတွေကို အဲဒီ ဝါဒတွေဟာ အကျိုးပြုတယ်ဆိုတဲ့ ကိစ္စတွေနဲ့ ပတ်သက်လို့ တင်လာရင် လက်ခံမှာလား ဆိုတာကိုလည်း မေး လိုပါတယ်။ တချို့က ဂျူးဆန့်ကျင်ရေး ကိစ္စမျိုးတွေ တင်လာရင်ကော ဒေါက်တာ့ဘလော့ဂ်မှာ လက်ခံမှာ လား၊ လူတိုင်းဟာ သတင်းအင်ဖော်မေးရှင်းနဲ့ ပတ်သက်ရင် ဒါမှမဟုတ် ကိုယ့်အမြင်ကို ကိုယ်လွတ်လပ်စွာ တင်ပြနိုင်ဖို့ လွတ်လပ်မှု ရှိဖို့လိုတယ်ဆိုတာကို ကျနော် မကန့်ကွက်ပါ။ အကယ်၍ ဒေါက်တာ့ဘလော့ဂ်မှာ ‘မြင့်မြတ်သော မျိုးချစ်မဟာဗမာ’ ဆိုတဲ့ သူများကို ဆက်ပြီးလက်သင့်ခံမယ်ဆိုရင် တခြားသော မဟာလူမျိုး တွေ၊ မဟာဘာသာဝါဒတွေ တက်ရေးကြတာကိုလည်း လက်ခံဖို့ လိုတယ်လို့ ပြောပါရစေ။

သြော် ... နောက်တခုကတော့ ဒေါက်တာဘလော့ဂ်ထဲမှာပဲ ဒေါက်တာ ပြောဖူးတယ်လေ။ မှတ်မိလား၊ အခု ဗွီ အိုအေကို ရောက်နေတဲ့ ဦးကျော်ဇံသာဟာ သတင်းပြောရင်း တမင်များ ဖွနေသလားဆိုပြီး ဒေါက်တာ ရေး ထားတာ ဖတ်ဖူးပါတယ်။ ဒါကြောင့် ဦးကျော်ဇံဖွ ဆိုပြီး သူ့ကို ဒေါက်တာ နာမည်ပေးခဲ့တာ မှတ်မိသေးလားဗျ၊ အက်ဆစ်ကိစ္စကတော့ ဒေါက်တာ တမင်ဖွတာတော့ မဟုတ်ပါဘူးနော်။ ကျနော် မှားရင်လည်း ဆောရီးပါပဲ ဗျာ၊ ကျနော့်ရဲ့ ဒီပြန်စာလေးကို ဒေါက်တာ့ဘလော့ဂ်မှာ ထည့်ပေးလိမ့်မယ်လို့ မျှော်လင့်ပါတယ်။

ဒါနဲ့ ကျနော်က အက်ဆစ်နဲ့တော့ အမျိုးမတော်မပါဘူး။ ကျနော့်နာမည်က ‘လစ်တမတ်စက္ကူ’ ပါ။ ကျေးဇူး တင်ပါတယ်။

လစ်တမတ်စက္ကူ

(ဆရာ) လစ်တမတ်စက္ကူခင်ဗျား ...

လူမျိုးရေး၊ ဘာသာရေး အစွန်းရောက်တဲ့ ကိစ္စမျိုးတွေ ရေးသားတာကို ကျနော့်ရဲ့ဘလော့ဂ်မှာ လုံးဝခွင့်မပြုပါ ဘူး။ စီဘောက်မှာရော၊ ကွန်မင့်မှာပါ တွေ့ရင်တွေ့သလို ဖျက်တာ၊ ဘန်းတာ အမြဲလုပ်ပါတယ်။ ဒါပေမယ့် လက်ဖက်ရည်ဖျော်လည်း ကျနော်၊ မုန့်လုပ်လည်း ကျနော်၊ စားပွဲထိုးလည်း ကျနော်၊ ပန်းကန်ဆေးလည်း ကျနော်ဖြစ်နေတဲ့ အနေအထားမို့ မျက်စိလျှံပြီး မဖျက်မိ၊ မဘန်းမိတာလေးတွေ ရှိခဲ့မယ်ဆိုရင် နားလည်ခွင့် လွှတ်စေလိုပါတယ်ခင်ဗျား။ အက်ဆစ်ကိစ္စ ဖွတယ်၊ မဖွဘူးဆိုတာကတော့ စာဖတ်သူတွေကသာ အဆုံးအ ဖြတ်ပေးရမယ့် ကိစ္စဖြစ်လို့ ကျနော့်ဘက်က ဘာမှပြောစရာမရှိကြောင်းပါ။ စာမူရေးသားပေးပို့တဲ့အတွက် အ ထူးကျေးဇူးတင်ရှိပါကြောင်း ကျေးဇူးစကား ပြောကြားလိုက်ရပါတယ်ခင်ဗျား။

လေးစားစွာဖြင့် ...

ဒေါက်တာလွဏ်းဆွေ