ဗဟန်း အ.ထ.က (၁) မှ ကျောင်းသား/သူအချို့ စာမေးပွဲဖြေဆိုခွင့် ပိတ်ပင်ခံရ (ပြည်တွင်းမှ ပေးပို့တဲ့စာ)

ကျောင်းအမည် - အ.ထ.က (၁) ဗဟန်း
ကျောင်းအုပ် - ဒေါက်တာ ဒေါ်နွယ်နီလွင်
ပညာရေးမှူး - ဒေါ်မြင့်မြင့်ကြည်
မြို့ - ရန်ကုန်မြို့

အထက်ပါကျောင်းမှ ချမှတ်လိုက်သော လုပ်ရပ်များသည် လူမဆန်လွန်းသည်ဟု ထင်သည်။ ဒဿမတန်း (တက္ကသိုလ်ဝင်တန်း) တွင် အစိုးရထံ ဖြေဆိုခွင့်တင်ပြီးသား ကျောင်းသား/ကျောင်းသူအချို့ကို ကျောင်းစည်း ကမ်းဖောက်ဖျက်ခြင်း၊ (၇၅) ရာခိုင်နှုန်းမပြည့်မီခြင်းမဟုတ်ပါဘဲလျက် ကျောင်းလပတ်စာမေးပွဲတွင် မဖြေဆို နိုင်ရုံမျှတခုတည်းကို အကြောင်းပြကာ အစိုးရစာမေးပွဲဖြေဆိုခွင့်ကို ပိတ်ပင်လိုက်ကြောင်းသိရသည်။ ကျောင်း သားမိဘများထံ လက်မှတ်ထိုးစေပြီး အချို့ကျောင်းသားများကို တနှစ်ရပ်နားပါရန် တောင်းဆိုသည်ဟု ဆို သည်။ ယင်းအတွက် မကျေလည်ကြသော မိဘ၊ အုပ်ထိန်းသူများက တောင်းဆိုသဖြင့် အချို့ကျောင်းသား များကိုသာ လက်သိပ်ထိုး ပြန်လက်ခံနေပြီး အချို့ကို ပိတ်ပင်ထားမြဲဖြစ်သည်ဟု ကြားသိရပါသည်။ ယင်းသို့ ထုတ်ပယ်ထားခြင်းခံရသော ကျောင်းသား/သူများအနက် စာရင်းကောက်ယူရရှိသော အမည်များမှာ အောက် ပါအတိုင်းဖြစ်သည်။

၁။ မောင်မျိုးဇော်
၂။ မောင်အောင်ကျော်ဝင်း
၃။ မောင်ချစ်ဟိန်းထွဋ်
၎။ မောင်အာကာဖြိုး
၅။ မောင်ဇော်ဝင်းထွဋ်
၆။ မောင်ဟိန်းမင်းဝင်း
၇။ မောင်ဟိန်းမင်းလင်း
၈။ မောင်ရဲလင်းထက်
၉။ မောင်သူရသိန်းဇော်
၁၀။ မောင်ဥာဏ်ဝင်းထွဋ်
၁၁။ မနီနီလှိုင်
၁၂။ မအိမ့်မြင့်ချယ်
၁၃။ မချိုချိုမြင့်
၁၄။ မဖြူနှင်းဝေ
၁၅။ မနှင်းနန္ဒာထွန်း

ယင်းကောက်ယူရရှိသည့် (၁၅) ဦးအနက် မောင်မျိုးဇော်၏ ကျောင်းဝင်အမှတ်မှာ - ၃၁၀/၀၉ ဖြစ်ပြီး အဆိုပါ ကျောင်း၏ ဒဿမတန်း (ဃ) တွင် ပညာသင်ကြားနေသူဖြစ်သည်။ အတန်းပိုင်ဆရာမအမည် ဒေါ်ဝင်းမာဖြစ် သည်။ ကျောင်းသား၏ မိဘအုပ်ထိန်းသူများမှာ - အဖ ဦးဌေးနှင့် အမိ ဒေါ်နွယ်ဖြစ်ပြီး မွေးသက္ကရာဇ်မှာ ၁၃- ၁-၁၉၉၄ ဖြစ်သည်။ ပြီးခဲ့သည့် လပတ်ကျောင်းစာမေးပွဲတွင် ဖြေဆိုရရှိသော အမှတ်မှာ ...

မြန်မာစာ - ၃၂ မှတ်
အင်္ဂလိပ်စာ - ၁၈ မှတ်
သင်္ချာ - ၁၅ မှတ်
ဓာတုဗေဒ - ၁၆ မှတ်
ရူပဗေဒ - ၂ မှတ်
ဘောဂဗေဒ - ၃၉ မှတ်တို့ ဖြစ်ကြပါသည်။

ကျောင်းစည်းကမ်းစည်းမျဉ်းလည်း ဖောက်ဖျက်ထားခြင်းမရှိသော၊ ပညာရေးဌာနမှ ချမှတ်ထားသော စည်း မျဉ်းတခုဖြစ်သည့် ကျောင်းခေါ်ချိန် (၇၅) ရာခိုင်နှုန်းလည်း ပြည့်မီသော ကျောင်းသူ/သားများကို “လပတ်စာ မေးပွဲတို့တွင် မဖြေဆိုနိုင်သောကြောင့် အစိုးရတက္ကသိုလ်ဝင်ခွင့်စာမေးပွဲတွင် ဖြေဆိုနိုင်စွမ်းမရှိ” ဟူ၍ ဥပဒေမဲ့ အကြောင်းပြ ထုတ်ပယ်သည့် ယင်းကျောင်း၏ လုပ်ရပ် မှန်ကန်မှုရှိမရှိကို စာဖတ်သူတို့ တွေးယူဆင်ခြင်နိုင် ကြစေရန်နှင့် -

အပြစ်မဲ့ ထုတ်ပယ်ခံလိုက်ရသော ကျောင်းသားများ၏ အနာဂတ်မှာ ယင်းစီမံချက်ဖြင့်ပင် တနှစ်ဟူ၍ အ ကြောင်းမဲ့ အညွန့်ကျိုးသွားကြရမည်လော။ ကျောင်းသားများ၏ ကြိုးပမ်းခွင့်ကို မမြှင့်တင်ဘဲ နှိမ်ချသမှု ပြုကြ သည့် ယင်းကျောင်းမှ ဆရာ၊ ဆရာမများသည် “ကျောင်းဆရာ၊ ကျောင်းဆရာမ” ဟူသော အမည်ပင် ခံယူ ထိုက်သလော။ ယင်းသို့သော ကျောင်းမျိုးကို ယခုပင် သွားရောက်စုံစမ်းနိုင်သည့်အလျောက် သိရှိကြပြီးပါက ဤသို့ပင် လျစ်လျူရှုထားကြမည်လော ဆိုသည်ကို မြန်မာပြည်သူပြည်သားများ၏ ပညာရေးကဏ္ဍအတွက် တထောင့်တနေရာမှ တွေးဆကြပါစေရန် တင်ပြအပ်ပါသည်။

ပေးပို့သူ - ဟန်စိုး