ပါလီမန်ထဲမှာ တိုက်ယူမတဲ့လား

ဇော်မင်း

မြန်မာပြည်မှာ ရွေးကောက်ပွဲပြီးကတည်းက အခြေအနေများ တစုံတရာ အတိုင်းအတာတခုထိ အကောင်းဖက် ကို ဦးတည်ပြီး ပြောင်းတော့မလားလို့ နိုင်ငံတာက အစိုးရများက တွက်နေကြပါတယ်။ အထူးသဖြင့် ဥရောပ တိုက်က အစိုးရတချို့နဲ့ အာရှဒေသတွင်းက အစိုးရများက ရွေးကောက်ပွဲရှိတာဟာ ဘာပဲပြောပြော တိုးတက် လာတဲ့ လက္ခဏာလို့ မြင်ကြပါတယ်။ ဘာတွေများ မြင်သာထင်သာ တိုးတက်လာသလဲလို့ ဟိုကြည့်ဒီကြည့် လိုက်ကြည့်လိုက်တော့ တွေ့လိုက်ရတဲ့ လတ်လတ်ဆတ်ဆတ် ကိစ္စတခုကတော့ ရခိုင်ပြည်က တန်ဖိုးမဖြတ် နိုင်တဲ့ ရှေးဟောင်းအမွေအနှစ်တွေဖြစ်တဲ့ ဘုရားတွေ၊ စေတီတွေ၊ ပုထိုးတွေ၊ ကျုံးဟောင်းတွေကို ဘူဒိုဇာတွေ နဲ့ ဖျက်ဆီးနေတယ်ဆိုတာကို သွားတွေ့ရပါတယ်။ စိတ်မကောင်းစရာတွေပါပဲ။ လူမျိုးတမျိုးအတွက် ဘယ်လို မှ ပြန်အစားထိုးမရနိုင်တဲ့ ဆုံးရှုံးမှုတွေလို့ ဆိုနိုင်ပါတယ်။

ရခိုင်အမျိုးသားတို့အဖို့ သူတို့ရဲ့ ရှေးဟောင်းအမွေအနှစ်တွေကို ကာကွယ်ဖို့ ထိန်းသိမ်းဖို့ ဘာမှမတတ်နိုင်ဘဲ စစ်အစိုးရ လုပ်ချင်တိုင်း လုပ်နေတာကို ထိုင်ကြည့်နေရပါတယ်။ အခုရွေးကောက်ပွဲမှာ အမတ်နေရာတချို့ ရ ထားတဲ့ ရခိုင်ပါတီလည်း ဒီကိစ္စအတွက် ဘာလုပ်နိုင်သလဲလို့ ကြည့်လိုက်တော့ အမတ်မင်းများလည်း ဘာသံ မှ မထွက်သလို ဘာမှမလုပ်နိုင်တာကို မြင်ရပါတယ်။ ရွေးကောက်ပွဲပြီးလို့ အမတ်တွေ ဖြစ်လာရင် ကိုယ့်ပြည် နယ်ထဲမှာ ပြည်နယ်ရဲ့ကောင်းကျိုးကို ဆောင်ရွက်နိုင်မယ်လို့ ထင်ထားတဲ့ တွက်ကိန်းဟာ တက်တက်စင် အောင် လွဲနေတယ်ဆိုတာကို အထင်အရှား မြင်ရပါတယ်။ ဒါဟာ အပြစ်တင်နေတာ မဟုတ်ပါဘူး။ တွက်ရေး က စက်သူဌေး၊ တွက်ကြည့်မှ စက်မရှိဆိုတာလို ဖြစ်နေတာကို ထောက်ပြခြင်းဖြစ်ပါတယ်။ တခါ ရခိုင်အမတ် မင်းတွေ ဘာမှပြောရဲလို့ မြန်မာအမတ်မင်းများက ကူပြီး ဒီကိစ္စကို ဝိုင်းဝန်းပေးတယ်ဆိုတာလည်း မကြားရပါ ဘူး။

စစ်အစိုးရအနေနဲ့လည်း မလုပ်သင့်တာ မလုပ်ထိုက်တာကို ခွဲခြားသိမြင်ဖို့ လိုပါတယ်။ တခုကလည်း မြန်မာနိုင် ငံဆိုတာ တိုင်းရင်းလူမျိုးပေါင်းစုံနဲ့ စုဖွဲ့ထားတဲ့ နိုင်ငံဖြစ်တယ်ဆိုတာ စစ်အာဏာရှင်များက အသိအမှတ်ပြုပုံ မ ပေါ်ပါဘူး။ မြန်မာလွှမ်းမိုးရေးကိုသာ တစိုက်မတ်မတ် လုပ်နေတယ်ဆိုတာ ကုန်လွန်ခဲ့တဲ့ နှစ်ပေါင်းများစွာက အခြေအနေတွေကို ပြန်ကြည့်တာနဲ့လည်း သိနိုင်ပါတယ်။ တိုင်းပြည်တပြည် တိုးတက်ဖို့ဆိုတာက တည်ငြိမ် အေးချမ်းဖို့ လိုပါတယ်။ တည်ငြိမ်တယ်ဆိုတာ အကြောက်တရားကြောင့် လူတွေဘာမှာ ပြန်မပြောရဲဘဲ တည် ငြိမ်တာမျိုးကို ဆိုလိုတာမဟုတ်ပါဘူး။ ဒီမိုကရေစီ ဖြန့်ကျက်မှု၊ တရားမျှမှုတွေကြောင့် တည်ငြိမ်တာမျိုးကို ဆို လိုတာဖြစ်ပါတယ်။ မြန်မာနိုင်ငံဟာ လူမျိုးစုံနေထိုင်တဲ့ တိုင်းပြည်တပြည်ရယ်လို့ ဖြစ်လာတာဟာ နှစ်ပေါင်းတ ထောင်ခန့် ရှိပြီလို့ ယေဘုယျအားဖြင့် ဆိုနိုင်ပါတယ်။ ဒုတိယကမ္ဘာစစ်အပြီးမှ ပေါ်ပေါက်လာတဲ့ စင်္ကာပူလို မြို့ပြနိုင်ငံ အသစ်ကလေး တခုတောင် သူ့နိုင်ငံအတွင်းမှာ မှီတင်းနေထိုင်နေတဲ့ အိန္ဒိနွယ်ဖွားတွေ၊ တရုတ်နွယ် ဖွားတွေ၊ မူလကတည်းက ရှိခဲ့တဲ့ မလေးနွယ်ဖွားတွေ အားလုံးအတွက် ရုပ်ပိုင်းဆိုင်ရာအရ တိုးတက်အောင် ဖွံ့ ဖြိုးအောင် ဆောင်ရွက်ပေးနေတာ အားလုံး မျက်မြင်ပဲဖြစ်ပါတယ်။ ဒါကြောင့် အကြမ်းဖျဉ်းပြောရရင် စင်္ကာပူ ဟာ တည်ငြိမ်တယ် အေးချမ်းတယ်လို့ ပြောရမှာပါပဲ။ ဒီမိုကရေစီ ဖြန့်ကျက်မှု အားမကောင်းသေးတာ၊ ခွင့်ပြုမှု အလွန်နည်းသေးတာကတော့ ခြွင်းချက်လို့ ဆိုနိုင်ပါတယ်။

လူမျိုးတိုင်းဟာ သူတို့ရဲ့ ကိုးကွယ်ယုံကြည်မှု၊ ရိုးရာယဉ်ကျေးမှု၊ ရှေးဟောင်းအမွေ ... စတာတွေနဲ့ ပတ်သက် လို့ မြတ်နိုးတန်ဖိုးထားကြပါတယ်။ အဲဒါနဲ့ ပတ်သက်လို့ ဥပမာတခုကို ပြောလိုပါတယ်။ အင်္ဂလိပ်ကိုလိုနီလက် ထက်တုန်းက ဘုရားပေါ်ကို အင်္ဂလိပ်အုပ်စိုးသူ အာဏာပိုင်တွေ ဘွတ်ဖိနပ်စီးပြီး တက်လာတဲ့အတွက် မြန်မာ တွေဘက်မှာ စွေ့စွေ့ခုန် မဖြစ်ခဲ့ဘူးလား၊ ရိုင်းလိုက်တဲ့ ကုလားဖြူတွေ၊ ငဒို့လူမျိုးကို စော်ကားလေခြင်းဆိုပြီး ဒေါသထွက်ခဲ့ကြတယ်မဟုတ်လား၊ အဲဒီဘုရားပေါ်မှာ ကိုလိုနီအရှင်သခင်တွေ ဖိနပ်စီးပြီး တက်ရာကနေတ ဆင့် အမျိုးသားရေးလှုပ်ရှားမှုတွေ ပေါ်ပေါက်လာခဲ့တယ်ဆိုတာကို မမေ့ကြသေးဖူးလို့ ထင်ပါတယ်။ ဒါတောင် ကိုလိုနီအုပ်ချုပ်သူ အင်္ဂလိပ်တွေဟာ ဘွတ်ဖိနပ်စီးပြီး ဘုရားပေါ် တက်ရုံသာ တက်ခဲ့ခြင်းဖြစ်ပါတယ်။ ဘုရား တွေကို ဖြိုချဖျက်ဆီးတာမျိုး မလုပ်ခဲ့ပါဘူး။

အခုမှာက ရခိုင်အမျိုးသားတွေရဲ့ရှေးဟောင်းအမွေအနှစ်တွေကို ရထားလမ်းဖောက်ဖို့ဆိုတဲ့ အကြောင်းပြချက် နဲ့ စစ်အစိုးရက ဘူဒိုဇာတွေနဲ့ ထိုးပြီး ဖျက်ဆီးနေတာကို ရခိုင်အမျိုးသားတွေ မချိတင်ကဲဖြစ်မှာ အမှန်ပါပဲ။ ဒေါ သထွက်ကြမှာလည်း အသေအချာပါပဲ။ မြန်မာပြည်ဟာ တိုင်းရင်းသားလူမျိုးပေါင်းစုံ မှီတင်းနေထိုင်တဲ့ တိုင်း ပြည်ဆိုတာ အထက်မှာလည်း ပြောခဲ့ပြီးပါပြီ။ အဲတာကြောင့် မြန်မာတွေ ကိုယ်ရဲ့ယဉ်ကျေးမှု ရှေးဟောင်းအ မွေအနှစ်တွေကို မြတ်နိုးသလို တခြားသောတိုင်းရင်းသားလူမျိုးများလည်း သူတိုရဲ့ကိုယ်ပိုင်ယဉ်ကျေးမှု အမွေ အနှစ်တွေကို မြတ်နိုးလိမ့်မယ်ဆိုတာ အထူးသံသယဖြစ်စရာမလိုပါဖူး။ အခုလို မြန်မာစစ်အစိုးရက ရခိုင်အမျိုး သားတွေရဲ့ ရှေးဟောင်းယဉ်ကျေးမှု အမွေအနှစ်တွေကို ဖျက်လိုဖျက်ဆီး လုပ်နေတာဟာ ရခိုင်အမျိုးသားတွေ ဘက်က ဘယ်လိုမြင်မလဲ၊ ရခိုင်တွေဟာ မြန်မာတွေရဲ့လက်အောက်မှာ ကိုလိုနီကျွန်ဘဝသဖွယ် နေထိုင်နေ ရလို့ အခုလိုမျိုး အဖြစ်တွေကို ရင်ဆိုင်နေရတာလို့ သူတို့ဘက်က မြင်မှာမလွဲပါဘူး။ ဒီလို အကျိုးဆက်တွေ ကြောင့် မြန်မာမုန်းတီးရေးစိတ်များလည်း တဟုန်းဟုန်းနဲ့ မြင့်တက်လာပါလိမ့်မယ်။ ဒီလိုမျိုးသာ ဖြစ်နေကြပြီ ဆိုရင် အနာဂတ်မြန်မာပြည်မှာ တည်ငြိမ်အေးချမ်းဖို့ လွယ်ကူပါ့မလား၊ ဖွံ့ဖြိုးတိုးတက်ဖို့ကော ဖြစ်နိုင်ပါ့မလား။

ဒါ့အပြင် အခြားသော ပိုင်ဆိုင်မှုတွေနဲ့ ပတ်သက်လို့ ပြောရမယ်ဆိုရင် ရခိုင်ကမ်းလွန်ပင်လယ်ပြင်က ထွက်ရှိ လာမယ့် သဘာဝဓာတ်ငွေ့တွေကို ရခိုင်လူမျိုးတွေ ဈေးချိုချိုနဲ့ သုံးစွဲခွင့်ရပါ့မလား ဆိုတာကလည်း မေးရမယ့် မေးခွန်းတခု ဖြစ်လာပါတယ်။ တရုတ်ပြည်ကို တိုက်ရိုက်တင်ပို့ဖို့ ပိုက်လိုင်းတွေ ဆောက်နေတယ်မဟုတ်လား။ ပြောရမယ်ဆိုရင် အဲဒီသဘာဝဓာတ်ငွေ့တွေကို ဒေသခံ ရခိုင်အမျိုးသားတွေ သုံးစွဲခွင့်ရမှာမဟုတ်သလို မြန်မာ အပါအဝင် တခြားသော တိုင်းရင်းသားများလည်း အဖိုးအခနည်းနည်းနဲ့ သုံးစွဲခွင့်ရဖို့ဆိုတာ ငရဲပြည်က အပ်တ စင်းနဲ့ နတ်ပြည်က အပ်တစင်းလိုပါပဲ။

နောက်တချက်ကတော့ ပြီးခဲ့တဲ့ စက်တင်ဘာလတုန်းက စစ်တွေမြို့မှာ ဆရာတော်ဦးဥတ္တမနေ့ အခမ်းအနား လုပ်မှာကို စစ်အာဏာပိုင်တွေက ခွင့်မပြုခဲ့ပါဘူး။ ဦးဥတ္တမဟာ ရခိုင့်အာဇာနည်တပါးဖြစ်သလို မြန်မာတနိုင်ငံ လုံးရဲ့ ပထမဆုံးသော အာဇာနည်တဦး ဖြစ်တယ်ဆိုတာ ဘယ်သူမှ မငြင်းနိုင်ပါဘူး။ ဒါကို ဘာသဘောနဲ့ စစ် အာဏာပိုင်တွေက တားမြစ်တာလဲ။ ရခိုင်ပြည်နယ်အတွင်း ရခိုင်အမျိုးသားရေးစိတ်ဓာတ်တွေ ပိုမိုမြင့်တက် လာမှာကို ချိုးနှိမ်တဲ့သဘောနဲ့ ရည်စူးပြီး တားမြစ်တယ်လို့သာ စွပ်စွဲရတော့မှာဖြစ်ပါတယ်။

ရခိုင်ပြည်နယ်မှာ အခုဖြစ်နေသလို အလားတူ အဖြစ်အပျက်မျိုးတွေ တခြားသော တိုင်းရင်းသားဒေသတွေမှာ ဖြစ်ခဲ့တာ ရှိနေပါသေးတယ်။ ဥပမာတခုကို ပြောရမယ်ဆိုရင် အခုလက်ရှိ စစ်အစိုးရလက်ထက်မှာ ရှမ်းပြည်က ကျိုင်းတုံဟော်နန်းကိုလည်း အလာတူပါပဲ၊ ဘူဒိုဇာနဲ့ ထိုးချဖျက်ဆီးခဲ့ပါတယ်။ အာဏာပိုင်တွေ အကြောင်းပြ တာကတော့ အဲသလို ဖျက်ဆီးရတာဟာ ခရီးသွားနဲ့ ဧည့်ကြိုလုပ်ငန်းအတွက် ခေတ်မီဟော်တယ် တည် ဆောက်ဖို့ဆိုပြီး အကြောင်းပြခြင်းဖြစ်ပါတယ်။ ဒီအကြောင်းပြချက်ဟာ မခိုင်လုံပါဘူး။

ကျိုင်းတုံဟော်နန်းဟာ တချိန်တုန်းက ရှမ်းပဒေသရာဇ် စော်ဘွားတွေ နေထိုင်ခဲ့တဲ့ ဟော်နန်းဖြစ်ပါတယ်။ အခု ခေတ်မှာ စော်ဘွားဆိုတာ မရှိတော့ပေမယ့် ဒီအဆောက်အဦဟာ ရှမ်းအမျိုးသားများအတွက် ရှေးဟောင်းရိုး ရာ အမွေအနှစ်များထဲက တခုဖြစ်ပါတယ်။ နောင်လာနောက်သား ရှမ်းမျိုးဆက်သစ်လူငယ်များ သမိုင်းရေး ဆိုင်ရာအရ ကြည့်ရှုလေ့လာနိုင်ဖို့အတွက် ဆက်လက်တည်ရှိသင့်တဲ့ အဆောက်အဦလည်း ဖြစ်ပါတယ်။ နိုင်ငံ ခြားသား ခရီးသွားများအတွက် ဟော်တယ်ဆောက်တာ လွတ်ရာကျွတ်ရာ တနေရာရာမှာ ဆောက်လို့ရပါ တယ်။ ငေါ့တော့တော့ပြောရရင် အဲဒီနေရာမှာမှ ဟော်တယ်မဆောက်ရင် တိုးရစ်တွေက လာမတည်းတော့ ဘူးလို့ အဆိုတင်ထားလို့လား၊ မြန်မာတွေလက်အောက်မှာ ကိုလိုနီသဖွယ်နေနရလို့ အခုလို စော်ကားခံရတာ လို့ ရှမ်းအမျိုးသားတွေဘက်က မြင်မှာမလွဲပါဘူး။ အခုတော့ လူမျိုးတမျိုးအတွက် အစားထိုးလို့ မရနိုင်တဲ့ သ မိုင်းဆိုင်ရာ အမွေအနှစ်တွေကို လက်လွတ်စပယ် လုပ်နေတယ်လို့သာ ပြောပါရစေ။

တကယ်တမ်းပြောမယ်ဆိုရင် အစိုးရဆိုတာမျိုးဟာ လူမျိုးတိုင်းရဲ့ရှေးဟောင်းသမိုင်းအမွေအနှစ်တွေကို မဖျက် ဆီးသင့်တဲ့အပြင် ထိန်းသိမ်းစောင့်ရှောက်ထားဖို့တောင် ကူညီဖို့ လိုအပ်ပါတယ်။ ဒီနေရာမှာ ရှေးဟောင်းအမွေ အနှစ်ဆိုရင် ထိန်းသိမ်းထား၊ ခေတ်သစ်အဆောက်အဦဆိုရင် ဖျက်ချခွင့်ရှိတယ်လို့ ဆိုလိုတာလည်းမဟုတ်ပါ။ ဥပမာတခုပြောရရင် ချင်းပြည်နယ်မှာရှိတဲ့ ချင်းအမျိုးသားများ ကိုးကွယ်ရာဖြစ်တဲ့ အခုခေတ်မှ တည်ဆောက် တဲ့ ခရစ်ယာန်ဘုရားကျောင်းများကို ဖြိုချဖျက်ဆီး မီးရှို့တဲ့ လုပ်ရပ်မျိုးကို စစ်တပ်က အကြိမ်များစွာ ပြုလုပ်ခဲ့ပါ တယ်။ ဒီလိုမျိုး လုပ်ရပ်တွေဟာလည်း မလုပ်သင့်တဲ့ လုပ်ရပ်လို့ ဆိုပါရစေ။ ဒါမျိုးတွေ ချင်းပြည်နယ် နေရာအ နှံ့အပြားမှာ ဖြစ်ပျက်ခဲ့ပါတယ်။ အလွန်အင်မတန် ဝမ်းနည်းဖွယ်ကောင်းတဲ့ လုပ်ရပ်များပါ။

နောက်ဆက်ပြီး ပြောလိုတာကတော့ ဥပမာဆိုရရင် မြန်မာလူမျိုးတွေ အထွတ်အမြတ်ထားတဲ့ မြန်မာပြည် အ လယ်ပိုင်းက ရှေးဟောင်းပုဂံဘုရားတွေကို တရုတ်စီးပွားရေး ကုမ္ပဏီကြီးတခုက ရထားလမ်းဖောက်တာနဲ့ မ လွတ်လို့ ဒါမှမဟုတ် တရုတ်ပြည်ကို သွယ်တန်းနေတဲ့ သဘာဝဓာတ်ငွေ့ပိုက်လိုင်း တည်ဆောက်တဲ့ လမ်းပေါ် မှာရောက်နေလို့ဆိုပြီး ဘူဒိုဇာတွေနဲ့ ထိုးချဖျက်ဆီးတော့မယ်ဆိုရင် မြန်မာလူမျိုးတွေ စိတ်ထဲမှာ ဘယ်လိုများ ရှိပါ့မလဲ။ စိတ်ဆိုးခြင်း၊ ဒေါသထွက်ခြင်း၊ ခံပြင်းခြင်းများနဲ့ အတူ တရုတ်မုန်းတီးစိတ်တွေလည်း တဟုန်းဟုန်း တောက်လောင်လာလိမ့်မယ်ဆိုတာ မြေကြီးလက်ခတ်မလွဲပါဘူး။

ကိုယ့်လူမျိုးရဲ့ ရှေးဟောင်းယဉ်ကျေးမှုအမွေအနှစ်တွေကို ချစ်မြတ်နိုးတာ၊ ထိန်းသိမ်းလိုတာ လူမျိုးတိုင်းရဲ့ အ ခွင့်အရေးတခုပါ။ အဲသလိုပါပဲ။ ကိုယ့်ရဲ့ယဉ်ကျေးမှု ရှေးဟောင်းအမွေအနှစ်တွေကို ကိုယ်ချစ်မြတ်နိုးသလို တ ခြားသော တိုင်းရင်းသားလူမျိုးများလည်း သူတို့ရဲ့သက်ဆိုင်ရာ ရိုးရာယဉ်ကျေးမှု ရှေးဟောင်းအမွေအနှစ်တွေ ကို ချစ်လိမ့်မယ်၊ မြတ်နိုးလိမ့်မယ်ဆိုတာ သံသယဖြစ်စရာ မလိုပါဘူး။

အခုလို တိုင်းရင်းသားတွေရဲ့ ရှေးဟောင်းအမွေအနှစ်တွေ၊ ယဉ်ကျေးမှုလက်ရာတွေကို မြန်မာစစ်အာဏာပိုင် တွေက ဖျက်ဆီးနေတဲ့အတွက် တိုင်းရင်းသားတွေရဲ့စိတ်ထဲမှာ မြန်မာလူမျိုးမုန်းတီးရေးတွေ ဘယ်လောက် များ အထပ်ထပ် ကိန်းအောင်းနေမလဲဆိုတာ တွက်မကြည့်ရဲလောက်အောင် ဖြစ်မိပါတယ်။

ကိုင်း ... ရွေးကောက်ပွဲကြီးကတော့ ပြီးလို့သွားပါပြီ၊ အနာဂတ်မှာ အမတ်မင်းများ ဘာတွေလုပ်နိုင်မလဲဆိုတာ ကတော့ မသိသေးပေမယ့် ရခိုင်ပြည်နယ်မှာ ဖြစ်ပျက်နေတဲ့ အခုလို အခြေအနေတွေကို ဘယ်သူမှ အကာအ ကွယ်မပေးနိုင်ဘူးဆိုတာ ထင်ထင်ရှားရှား မြင်နေရပါတယ်။ ပါလီမန်ထဲမှာ တိုက်ယူမယ်ဆိုတဲ့ ပုဂ္ဂိုလ်များ ဘာ များပြောခြင်ကြပါသလဲ။

ဇော်မင်း
(၂၅ ရက်၊ နိုဝင်ဘာလ၊ ၂ဝ၁ဝ ခုနှစ်)