ကိုယ့်အလှည့်တော့ မနွဲ့စတမ်း

ဇော်မင်း

ဒီမိုကရေစီ တစတစ ဖွံ့ဖြိုးလာဖို့အတွက် အကောင်းဆုံး နည်းလမ်းကတော့ ပါလီမန်တွင်း၊ လွှတ်တော်တွင်းက နေ တစတစ တိုက်ယူရမယ်ဆိုတာ မှားတဲ့ နည်းလမ်းမဟုတ်ပါ။ သွေးမြေမကျတဲ့ တိုက်ပွဲဖြစ်တဲ့အတွက် နိုင်ငံ သားအားလုံးအတွက်လည်း ပိုပြီးအကျိုးရှိပါတယ်။ ဒီလိုအခြေအနေမျိုးနဲ့ ပတ်သက်ပြီး ကျနော်တို့ရဲ့ အိမ်နီး ချင်း နိုင်ငံတခုဖြစ်တဲ့ အိန္ဒိယနိုင်ငံရဲ့ဖြစ်စဉ်ကို ကြည့်ရင် ထင်ထင်ရှားရှား မြင်နိုင်ပါတယ်။

သို့သော်လည်း ဒီမိုကရေစီ ဖွံ့ဖြိုးမှုကို ဆောင်ကျဉ်းတဲ့နေရာမှာ ရွေးကောက်ပွဲ ကျင်းပပေးရုံ၊ နိုင်ငံရေးပါတီတွေ ဖွဲ့စည်းခွင့်ရရုံနဲ့တော့ မလုံလောက်သေးပါဘူး။ အိန္ဒိယနိုင်ငံကို ပြန်ကြည့်မယ်ဆိုရင် ယေဘုယျအားဖြင့် တွေ့ရ မှာကတော့ ...

၁။ နိုင်ငံရေးပါတီများ လွတ်လပ်စွာ ဖွဲ့စည်းခွင့်နဲ့ စည်းရုံးပိုင်ခွင့်ရှိခြင်း၊ လက်ရှိ အုပ်စိုးနေဆဲ အစိုးရများက နိုင်ငံ ရေးပါတီများကို ဖိနှိပ်ခြင်းမရှိ။

၂၊ သတင်းမီဒီယာ လွတ်လပ်ခွင့် အပြည့်အဝရှိခြင်း၊ ဥပမာ ဆိုရပါက အစိုးရဘက်တော်သား သတင်းစာများ၊ နိုင်ငံရေးပါတီ လက်ဝေခံ သတင်းစာများ မှိုလိုပေါက် ရှိနေကြပေမယ့် အမှန်ကို အမှန်အတိုင်း တင်ပြနေတဲ့ ဂုဏ်သိက္ခာကြီးမားတဲ့ သတင်းစားများလည်း အများအပြားရှိနေခြင်း။

၃။ မတူကွဲပြားတဲ့ အသင်းအပင်းအဖွဲ့အစည်းများ လွတ်လပ်စွာ ဖွဲ့စည်းတည်ထောင် လုပ်ကိုင်ခွင့်ရှိခြင်း။

၎။ စစ်တပ်အပါအဝင် လက်နက်ကိုင်တပ်များက နိုင်ငံရေးမှာ ဝင်ရောက်စွက်ဖက်မှု မရှိခြင်း။

၅။ တရားဥပဒေစိုးမိုးမှု အားကောင်းခြင်း၊ လွတ်လပ်တဲ့ တရားစီရင်ရေးရေးတည်ရှိခြင်း ... စတာတွေအပြင် အ ခြားအချက်အလက်များလည်း အများအပြား ရှိနေပါသေးတယ်။

အထက်က တင်ပြထားတဲ့ အချက်မျိုးတွေ မြန်မာနိုင်ငံမှာ တခုမှ မရှိပါ။ အခုလာမယ့် နိုဝင်ဘာလ ရွေးကောက် ပွဲပြီးရင် ကြံ့ဖွတ်အမတ်များက ပါလီမန်မှာ အများစု ဖြစ်နေလိမ့်မယ်ဆိုတာ အားလုံးသိထားပြီးသားပါ။ လော လောဆယ် ရသလောက်ကနေ တိုက်ယူမယ်၊ နောက်မှ တဖြည်းဖြည်းချင်း ချဲ့ယူမယ်ဆိုတဲ့ ပါလီမန်အမတ် များကတော့ အနည်းစုပဲ ဖြစ်ပါတယ်။ ကြံ့ဖွတ် အမတ်များကတော့ စစ်သားလူထွက်၊ လက်ရှိစစ်သားနဲ့ စစ် သားနောက်လိုက် အရပ်သားတွေ ဖြစ်နေတာမို့ သူတို့အကြောင်း ထူးပြီး မပြောလိုတော့ပါ။ နောင်မှ တဖြည်း ဖြည်းချင်း ချဲ့ယူမယ်ဆိုတဲ့ အမတ်မင်းများကို ပြောလိုခြင်းသာ ဖြစ်ပါတယ်။ သူတို့အနေနဲ့ ဘယ်လောက် အ တိုင်းအတာအထိ သတ္တိရှိရှိ ပြောရဲ ဆိုရဲ၊ တောင်းဆိုရဲမလဲ ဆိုတာကို စောင့်ကြည့်ဖို့ဖြစ်ပါတယ်။

မကြာသေးခင်က ဖိလစ်ပိုင်နိုင်ငံမှာ နိုင်ငံရေးပြိုင်ဘက်နှစ်ဦးအကြား အုပ်စုလိုက် သတ်ဖြတ်မှုတခု ဖြစ်ပွားခဲ့ပါ တယ်။ လူပေါင်း (၅၂) ဦးကို သေနတ်သမားများက နေရာမှာပဲ ပွဲချင်းပြီး ပစ်သတ်ခဲ့ပါတယ်။ သတ်ဖြတ်မှုအပြီး သေဆုံးသူများကိုရော၊ မသေမရှင်ဖြစ်နေသူများကိုပါ ကျင်းကြီးတခုထဲမှာ ထည့်မြှုပ်ခဲ့ပါတယ်။ ကျင်းကြီးတူးဖို့ ဘူဒိုဇာကိုတောင် အဆင်သင့်ထားပြီး လုပ်ကြံခဲ့တဲ့ လူသတ်မှုကြီး ဖြစ်ပါတယ်။ အသတ်ခံရတဲ့ (၅၂) ဦးထဲမှာ သတင်းထောက်က အယောက် (၂ဝ) ကျော်ပါတယ်လို့ သိရပါတယ်။ ဖိလစ်ပိုင်တနိုင်ငံလုံး ဆူပွက်သွားခဲ့တဲ့ ဖြစ်ရပ်လည်းဖြစ်ပါတယ်။ အမျိုးသမီး သမ္မတဖြစ်သူ အာရိုယိုအနေနဲ့ ဒီကိစ္စကို အမြန်ဆုံး စုံးစမ်းစစ်ဆေးပြီး တာဝန်ရှိတဲ့၊ အပြစ်ရှိတဲ့သူကို အရေးယူဖို့လည်း ဖိအားများ ပြင်းထန်ခဲ့ပါတယ်။ သို့သော်လည်း သမ္မတလုပ်သူ က လူသတ်ပွဲကြီးကို နောက်ကွယ်ကနေ စီစဉ်ခဲ့တဲ့ နိုင်ငံရေးသမားကို အရေးမယူနိုင်ခဲ့လို့ နောက်တခါ ရွေး ကောက်ပွဲမှာ မဲမရတော့ဘဲ သမ္မတဘဝကနေ ဆင်းပေးလိုက်ရပါတယ်။

မြန်မာပြည်မှာကော နောင်မှာ အဲသလို အဖြစ်မျိုးတွေ မကြုံဖူးလို့ မပြောနိုင်ပါ။ အကယ်၍ အဲသလိုမျိုး ကြုံခဲ့ မယ်ဆိုရင် တဖြည်းဖြည်းချင်း နေရာချဲ့ယူမယ်ဆိုတဲ့ အမတ်မင်းများ တိုင်းသိပြည်သိ ပြောကြားဖို့၊ အပြစ်ရှိသူ ကို အရေးယူဖို့ ဒေါင်းတင်မောင်းတင် တောင်းဆိုရဲတဲ့ သတ္တိရှိပါ့မလား။

တခါ ကာကွယ်ရေးဦးစီးချုပ်ဖြစ်တဲ့ ဗိုလ်ချုပ်ကနေ တိုင်းပြည်ချောက်ထဲကျဖို့ လက်တလုံးသာ လိုတော့တာမို့ စစ်တပ်ကနေ အာဏာထပ်သိမ်းမယ်၊ ပါလီမန်ကို ဖျက်သိမ်းမယ်ဆိုတဲ့ အခြေအနေမျိုး ဖြစ်လာခဲ့ရင် တဖြည်း ဖြည်းချင်း နေရာချဲ့ယူမယ်ဆိုတဲ့ အမတ်မင်းများက စစ်ဗိုလ်တွေကို ဒါမျိုးမလုပ်ဖို့ ချက်ချင်း နောက်ကိုဆုတ်ဖို့ ရဲရဲတင်းတင်း ပြောရဲမယ့် သတ္တိမျိုးရှိပါ့မလား။ နောက်တချက်ကလည်း တိုင်းရင်းသားဒေသတွေမှာ စစ်တပ် ကနေ လူသတ်၊ မုဒိမ်းကျင့်၊ အမျိုးစုံ နှိပ်စက်နေတာတွေ ဆက်ပြီး ကျူးလွန်နေသေးရင် ဒါမျိုးတွေ ရပ်တန်းက ရပ်ဖို့ တဖြည်းဖြည်းချင်း နေရာချဲ့ယူမယ်ဆိုတဲ့ အမတ်မင်းများအနေနဲ့ ပြောရဲ တောင်းဆိုရဲပါ့မလား။

တဘက်မှာလည်း အမတ်မင်းတွေသာမကပါဘူး။ တဖြည်းဖြည်းချင်း နေရာချဲ့ယူသွားမယ်ဆိုတဲ့ အိုင်ဒီယာကို နှစ်သက်တဲ့ မြန်မာပြည်တွင်းက မြန်မာပညာရှင်အဖွဲ့အစည်းများ အနေနဲ့လည်း ဒါမျိုးတွေကို ကြုံလာခဲ့ရင် ပ ညာရှင်ရှုထောင့်ကနေ သတ္တိရှိရှိ ထောက်ပြရဲပါ့မလား ဆိုတာကလည်း စိတ်ဝင်စားစရာဖြစ်ပါတယ်။

မြန်မာနိုင်ငံရဲ့ ပါလီမန်ဒီမိုကရေစီခေတ်တုန်းက တခုသော ရွေးကောက်ပွဲကာလအတွင်း မုံရွာနယ်မှာ ခြောက် လောင်းပြိုင် လူသတ်မှုဆိုတာဖြစ်ခဲ့ပါတယ်။ နိုင်ငံရေးပါတီကြီးတခုက နောက်ကွယ်က ကြိုးကိုင်ခဲ့တဲ့ လူသတ် မှုကြီး ဖြစ်ပါတယ်။ နိုင်ငံသားများအကြားမှာ အုတ်သော်အောင်းနင်းဖြစ်ခဲ့တဲ့ သတင်းလည်းဖြစ်ပါတယ်။ သ တင်းစာများက အဲသည့် လူသတ်မှုကြီးကို နိုင်ငံသိ ရေးကြသားကြပြီး ပြည်သူတွေကို တင်ပြနိုင်ခဲ့ပြီး တာဝန်ရှိ သူများကို အရေးယူဖို့ပါ သတ္တိရှိရှိ တောင်းဆိုခဲ့ပါတယ်။ အဆိုပါ နိုင်ငံရေးပါတီကြီးလည်း နောက်ဆုံး ရွေး ကောက်ပွဲမှာ ခွက်ခွက်လန်အောင် ရှုံးခဲ့ပါတယ် (အဆိုပါ လူသတ်မှုကြီးအပြင် ပြည်သူများ မကြိုက်နှစ်တဲ့ အ ခြားကိစ္စများလည်း ပါဝင်နေ)။ အဲဒီ့ခေတ်တုန်းက သတင်းမီဒီယာဆိုတာ အတော်ကြီး လွတ်လွတ်လပ်လပ် ရေးနိုင်သားနိုင်တဲ့ အခွင့်အရေးများ ရှိနေလို့ဖြစ်ပါတယ်။

မြန်မာပြည်က သတင်းမီဒီယာသမားများအနေနဲ့ ဆင်ဆာကို ရှောင်ပြီး အလုပ်လုပ်ရတာကို အားလုံးက သ ဘောပေါက် နားလည်မှုပေးထားပါတယ်။ သို့သော်လည်း ဖိလစ်ပိုင်ကလို အစုလိုက် အပြုံလိုက် လူသတ်မှုကြီး တွေ၊ မုံရွာ ခြောက်လောင်းပြိုင် လူသတ်မှုတွေ၊ အခြားအခြားသော ကျော်မကောင်း ကြားမကောင်း အဖြစ်အ ပျက်တွေကို ရင်ဆိုင်လာရရင်၊ နောင်အနာဂတ်မှာ ဖြစ်လာခဲ့ရင် ဘယ်လိုဘယ်ပုံ ရပ်တည်ပြီး ပြည်သူတွေသိ အောင်၊ ကမ္ဘာကသိအောင် တင်ပြမလဲဆိုတာကလည်း စောင့်ကြည့်ရမယ့် စိတ်ဝင်စားဖွယ် အချက်တချက် ဖြစ်ပါတယ်။ ဆင်ဆာဘုတ်က ခွင့်မပြုလို့ မရေးရဲဘူးဆိုရင်လည်း သတင်းစာ၊ ဂျာနယ်များရဲ့တာဝန်သာ ဖြစ်ပါ တယ်။

ပြန်ကောက်ပါ့မယ်။ တဖြည်းဖြည်းချင်း နေရာကို ချဲ့ယူသွားမယ်ဆိုတဲ့ အချက်ကို မကန့်ကွက်ပါ။ ဘယ်လိုချဲ့ မှာလဲ၊ တပါးသူက တဖြေးဖြေးချင်း ပေးသမျှကို ယူပြီးမှ ဆက်ချဲ့မယ်ဆိုတဲ့သဘောလား၊ မပေးမချင်း ပါလီမန် ထဲမှာ ထိုင်စောင့်နေကြမှာလား၊ မပေးမချင်း ဂျာနယ်တိုက်မှာ ထိုင်စောင့်ပြီး ဘေးလွတ်ရာတွေပဲ ရေးနေကြမှာ လား၊ သို့မဟုတ် ဆိုရေးရှိကဆို၊ ပြောရေးရှိကပြောဆိုတဲ့မူကို လက်ကိုင်ထားပြီး သတ္တိရှိရှိ တင်ပြပြောဆို ချဲ့ ယူတာမျိုးကို လုပ်မှာလား၊ ပညာရှင်အဖွဲ့ဆိုတာတွေကရော အစိုးရငြိုငြင်တဲ့ ကိစ္စတွေကို ဆက်ပြီးလက်ရှောင် နေကြဦးမှာလား။

ဟိုတုန်းကတော့ အန်အယ်လ်ဒီအနေနဲ့ ဟိုဟာမလုပ်ခဲ့ဘူး၊ ဒါမလုပ်ခဲ့ဘူး။ ဒီနေရာမှာ အားနည်းတယ်၊ ဟိုနေ ရာမှာ ဦးဆောင်မှု မရဲတင်းဘူး ... အစရှိတာတွေကို ပြောခဲ့ဝေဖန်ခဲ့တဲ့သူများ မကြာမီ ကိုယ့်အလှည့် ရောက် တော့မယ် ဆိုတာကို သတိချပ်ဖို့ လိုလာပါပြီ။ နောက်လာမယ့် ကာလမှာ ပါလီမန်အမတ်မင်းများရော၊ မြန်မာ ပညာရှင်များရော၊ သတင်းမီဒီယာများရော စိန်ခေါ်မှုပေါင်းစုံကို ရင်ဆိုင်ရတော့မယ်ဆိုတာ မမေ့ဖို့လိုကြောင်း ပြောလိုခြင်းဖြစ်ပါတယ်။ ဒီမိုကရေစီ ထွန်းကားဖို့ အားလုံးမှာ တာဝန်ရှိပါတယ်။ ။

ဇော်မင်း
၁၉၊ ၁ဝ၊ ၂ဝ၁ဝ