လိုအပ်နေသည့် ညီညွတ်ရေး

ဒေါက်တာလွဏ်းဆွေ

စစ်အာဏာရှင်စနစ်အောက်မှ ရုန်းထွက်လွတ်မြောက်ရန် ကြိုးစားနေကြသော ပြည်ပမြန်မာ့ဒီမိုကရေစီရေး လှုပ်ရှားသူများ၊ အဖွဲ့အစည်းများအကြားတွင် တောင်းဆိုသံတခုကို မကြာခဏ ကြားရလေ့ရှိသည်။ “ညီညွတ် ရေးက အရေးကြီးတယ်၊ ညီညွတ်ရေး တည်ဆောက်ကြပါ” ဟူသည့် တောင်းဆိုသံပင်ဖြစ်ပါသည်။ ထိုတောင်း ဆိုသံများ ပွက်လောညံနေသည်ကို ထောက်ရှုခြင်းအားဖြင့် ပြည်ပမြန်မာ့ဒီမိုကရေစီရေး လှုပ်ရှားသူများအ ကြား၊ အဖွဲ့အစည်းများအကြား ညီညွတ်မှုမရှိကြကြောင်း တပ်အပ်သေချာ ပြော၍ရပေသည်။ ယနေ့အထိ မြန် မာ့ဒီမိုကရေစီရေးတိုက်ပွဲကို အဆုံးမသတ်နိုင်ဘဲ ကြန့်ကြာနေခြင်းသည် ညီညီညွတ်ညွတ် လက်တွဲလုပ်ဆောင် နိုင်ခြင်းမရှိမှုက အဓိကအကြောင်းတချက်ဖြစ်သည် ဟူ၍လည်း တောင်းဆိုသူတို့က ယူဆနေကြပေသည်။

နိုင်ငံရေးတိုက်ပွဲများ ဆင်နွှဲရာတွင် အဘယ့်ကြောင့် ညီညွတ်ရေး လိုအပ်သလဲ၊ ညီညွတ်မှုကြောင့် မည်ကဲ့သို့ သော အောင်မြင်မှုကို ရရှိခဲ့သည်လဲ ဆိုသည်ကို အတိတ်သမိုင်းစာမျက်နှာများအား လှန်လှောကြည့်ရှုပါက အ ထင်အရှား တွေ့မြင်နိုင်မည်ဖြစ်သည်။ မဝေးသေးသော အတိတ်သမိုင်းတွင်ပင် မြန်မာပြည်သူလူထုသည် မိမိ တို့အပေါ် နည်းအမျိုးမျိုးဖြင့် ညှင်းပန်းနှိပ်စက် အနိုင်ကျင့် ဗိုလ်ကျခဲ့သည့် ဖက်ဆစ်ဂျပန်တို့အား ဗိုလ်ချုပ် အောင်ဆန်း ဦးဆောင်သည့် ဗမာ့တပ်မတော်နှင့်အတူ တိုင်းရင်းသားပြည်သူတရပ်လုံးက အသက်၊ သွေး၊ ချွေး ပေးဆပ်၍ ညီညီညွတ်ညွတ် ခုခံတော်လှန်ပြီး မြန်မာ့မြေပေါ်မှ မောင်းထုတ်နိုင်ခဲ့သည်။

ထို့နောက် နယ်ချဲ့အင်္ဂလိပ်တို့ထံမှ လွတ်လပ်ရေးကို အရယူရန်အတွက် ညီညွတ်ရေးအင်အားကို ပြသနိုင်ရန် ဗိုလ်ချုပ်အောင်ဆန်း ဦးဆောင်သည့် ဖလပလအဖွဲ့ချုပ်ကြီးက ဆက်လက်ကြိုးပမ်းလုပ်ဆောင်ခဲ့သည်။ ပင်လုံ စာချုပ်ကို ချုပ်ဆိုပြီး ညီညွတ်ရေးကို တည်ဆောက်နိုင်ခဲ့သည်။ အင်္ဂလိပ်အစိုးရအနေဖြင့် မြန်မာနိုင်ငံကို ဆက် လက်သွေးခွဲအုပ်ချုပ်ရန် မကြိုးစားတော့ဘဲ လွတ်လပ်ရေးပေးရန် ဆုံးဖြတ်ခဲ့ရခြင်းသည် ဗိုလ်ချုပ်အောင်ဆန်း ဦးဆောင်သည့် ဖဆပလအဖွဲ့ချုပ်ကြီး၏ နောက်တွင် တိုင်းရင်းသားပြည်သူလူထုတရပ်လုံး ညီညီညွတ်ညွတ် ရှိ နေကြသည်ကို နားလည်သဘောပေါက်သွားခြင်းက အကြောင်းတချက်ဖြစ်ပေသည်။ ညီညွတ်မှုအင်အားဖြင့် ‘ရရင်ရ၊ မရရင်ချ’ တော့မည်ကို သိသွားသည့်အတွက်လည်း မြန်မာပြည်မှ ထွက်ခွာရန် ဆုံးဖြတ်ခဲ့ခြင်းဖြစ် သည်။

ထိုသို့သော အတိတ်သမိုင်းစာမျက်နှာမှ အားကျအတုယူဖွယ် နာမူနာယူစရာများရှိနေလင့်ကစား မြန်မာ့ဒီမိုက ရေစီရေးတိုက်ပွဲ အနှစ် (၂၀) ကျော်ကြာလာသည့် ယနေ့အချိန်အထိ ပြည်ပရှိ တက်ကြွလှုပ်ရှားသူများ၊ နှစ် ယောက်ရှိလျှင် သုံးဖွဲ့ဖြစ်နေသော အဖွဲ့အစည်းများအကြားတွင် ညီညွတ်ရေးတည်ဆောက်နိုင်မှု မရှိသည့်အ တွက် ပြည်တွင်းရှိ ဒီမိုကရေစီအင်အားစုများထံ ထိရောက်သည့် ပံ့ပိုးကူညီမှုများ ဆောင်ရွက်ပေးနိုင်ခြင်းမရှိ သည်ကို တွေ့ရပေသည်။ ထို့အတွက် ညီညွတ်ရေး မတည်ဆောက်နိုင်ခြင်း၏ အားနည်းချက်များကို မိမိအနေ နှင့် တဦးချင်းအမြင်ဖြင့် ရှာဖွေဆန်းစစ်ကြည့်မိပေသည် (ကျနော်၏ အမြင်ကို သဘောတူသူ ရှိကောင်းရှိမည် ဖြစ်သလို သဘောမတူသူ ရှိပါကလည်း လွတ်လပ်စွာ သဘောထားကွဲလွဲနိုင်ပါသည်။ သဘောထားကွဲလွဲသူ များ လွတ်လပ်စွာ ဝေဖန်ပြောဆိုလာမည်ကိုလည်း ၀မ်းမြောက်ဝမ်းသာ ကြိုဆိုပါသည်)။

ပထမဦးစွာ ဦးဆောင်မှုအပိုင်းကို သုံးသပ်ရာတွင် လွတ်မြောက်နယ်မြေ၌ ဖဆပလအဖွဲ့ချုပ်ကြီးကဲ့သို့ တခု တည်းသော ညီညွတ်သည့် တပ်ပေါင်းစုကို မတွေ့ရဘဲ လှေကြီးပေါ်တွင် လှေကလေးတွေ တင်လိုက်၊ လှေက လေးပေါ်တွင် လှေကြီးတွေ ပြန်တွေ့ရလိုက်နှင့် ရယ်မောစရာ ကမောက်ကမဖြစ်နေသည့် အနေအထားကိုသာ တွေ့နေရပေသည်။ ထို့အပြင် …

(၁) ပြည်ပနိုင်ငံများ၊ အဖွဲ့အစည်းများထံမှ အထောက်အပံ့ရသည့် အကူအညီများကို ဒီမိုကရေစီရေးတိုက်ပွဲအ တွက် ထိထိရောက်ရောက် အသုံးချခြင်းမပြုနိုင်ဘဲ ဦးဆောင်မှုအခန်းကဏ္ဍကို အုပ်စီးထားကြသည့် လက်တ ဆုပ်စာ လူတချို့က ကိုယ်ကျိုးအတွက် အလွဲသုံးစားပြုလုပ်ကြခြင်း (၀ါ) ကိုယ်ကျိုးစီးပွားကိုသာ ရှေ့တန်းတင် လုပ်ဆောင်နေသူတချို့က ဦးဆောင်မှုအခန်းကဏ္ဍများကို အုပ်စီးထားကြခြင်း၊

(၂) ဦးဆောင်မှုအခန်းကဏ္ဍကို ရယူထားကြသူများသည် လွတ်မြောက်နယ်မြေရှိ အောက်ခြေလူထုနှင့် ထိ တွေ့ဆက်စပ်မှု (အောက်ခြေလူထုကို စည်းရုံးလုပ်ဆောင်မှု) မရှိသလောက် နည်းပါးလှခြင်း၊ ကိုယ်ကျိုးစွန့် အ နစ်နာခံ လုပ်ဆောင်မှုများ မတွေ့ရသလောက် နည်းပါးခြင်း၊

(၃) “တူရာကို တွဲလုပ်မည်၊ မတူရာကို ခွဲလုပ်မည်” ဆိုသည့်မူနှင့် ချီတက်နေကြသော်ငြား ‘၀ါးစေ ဝေစား’ သည့် အလုပ်များတွင်သာ တူညီနေကြပြီး စွန့်လွှတ်အနစ်နာခံ လုပ်ဆောင်ရမည့်အပိုင်းတွင် မတူညီသည်က များသည့်အတွက် တော်လှန်ရေးခရီး ထင်သလောက် မပေါက်ရောက်နိုင်ခြင်း၊

(၄) ကျယ်ပြန်သည့် စည်းရုံးရေးအမြင်ဖြင့် ပူးပေါင်းလုပ်ဆောင်ခြင်းမရှိဘဲ မာဖီးယားဆန်ဆန် အုပ်စုဖွဲ့၊ ဂိုဏ်းဖွဲ့ ၍ ဝေစုခွဲသည့် ကန့်သတ်နိုင်ငံရေးမျိုး လုပ်ဆောင်နေကြခြင်း၊

(၅) ဦးဆောင်မှုကဏ္ဍကို ရယူထားကြသူများအနေနှင့် လူထုအင်အားကို အခိုင်အမာ တည်ဆောက်ရမည့်အ စား နိုင်ငံရပ်ခြားခရီးစဉ်များ အပြိုင်အဆိုင်ထွက်ပြီး လက်ဖြန့်အသနားခံခြင်း နည်းနာများလောက်သာ ဆောင် ရွက်ကာ အချိန်ဖြုန်းနေကြခြင်း (၀ါ) ရေပေါ်ဆီနိုင်ငံရေး လုပ်ဆောင်မှုလောက်တွင်သာ မွေ့လျော်နေကြခြင်း၊

(၆) နအဖစစ်အုပ်စုကို နဖူးတွေ့ဒူးတွေ့ ရင်ဆိုင်တိုက်ခိုက်နေသည့် အဖွဲ့အစည်းတချို့၏ လိုအပ်ချက်များအပေါ် ၀ိုင်းဝန်းအထောက်အကူပြုမှု နည်းပါးလှခြင်း၊

(၇) ဒီမိုကရေစီရေးလုပ်ဆောင်နေသူများနှင့် လွတ်မြောက်နယ်မြေရှိ လူထုအကြား တသားတည်း ဆက်စပ်မှု မျိုး မတွေ့ရဘဲ “အဖွဲ့အစည်းလူတန်းစား” သဘောမျိုး သီးခြားဖြစ်တည်နေခြင်း၊

… စသည့် စသည့် အားနည်းချက်များကြောင့် ခေါင်းဆောင်မှုအပိုင်းကို လွတ်မြောက်နယ်မြေရှိ မြန်မာလူထုက အယုံအကြည် ကင်းမဲ့လာခြင်းသည် ညီညွတ်မှုကို မတည်ဆောက်နိုင်ခြင်း၏ အကြောင်းတချက် ဖြစ်လာတော့ သည်။

ဒုတိယအချက်အနေဖြင့် မြန်မာ့ဒီမိုကရေစီအရေးကို ဆောင်ရွက်နေကြသော လူတကိုယ်ချင်းစီ၏ ဗြဟ္မစိုရ်တ ရား လက်ကိုင်ထားနိုင်မှု အနေအထားကို သုံးသပ်ကြည့်မိပေသည်။ မြန်မာလူမျိုးတို့သည် မေတ္တာ၊ ကရုဏာ၊ မုဒိတာ၊ ဥပေက္ခာတည်းဟူသော ဗြဟ္မစိုရ်တရားလေးပါးကို လက်ကိုင်ထားသည်ဟု ဆိုကြသော်လည်း ဗြဟ္မ စိုရ်တရား လေးပါးထဲမှ မုဒိတာတရား ပွားများနိုင်မှုအပိုင်းကိုမူ ခံယူကျင့်သုံးနိုင်သူ လွန်စွာနည်းပါးလှသည်ဟု ထင်မိပေသည်။ ဥပမာအားဖြင့် …

(၁) တော်လှန်ရေးနယ်ထဲသို့ အရင်ရောက်နှင့်သူများက ‘မောင်ဦး’ ဘွဲ့ခံယူကာ မိမိထက် အရည်အချင်းရှိသူ များကို နေရာပေးရန် ၀န်လေးတတ်ကြခြင်း၊ မိမိထက် လုပ်ကိုင်ဆောင်ရွက်နိုင်သူများ မိမိတို့စည်းဝိုင်းအတွင်း ၀င်ရောက်လာကြမည်ကို အကြီးအကျယ် စိုးရိမ်ကာ ကန့်သတ်ဖို့ ကြိုးစားကြခြင်း (အာဏာရှင်များကဲ့သို့ပင် ရ ထားသည့် ကုလားထိုင်နေရာများကို ရာသက်ပန် ရယူထားလိုကြခြင်း)။ ထို့ကြောင့်ပင် အမှန်တကယ် တိုက်ပွဲ ၀င်လိုစိတ်ရှိသူတချို့ စိတ်ဓာတ်ကျကာ တတိယနိုင်ငံသို့ ထွက်ခွာကုန်ကြခြင်း၊

(၂) မုဒိတာတရား ပွားများနိုင်မှု နည်းပါးခြင်းက တဦးနှင့်တဦး၊ တဖွဲ့နှင့်တဖွဲ့အကြား အပြန်အလှန် လေးစားမှု၊ အပြန်အလှန် အသိအမှတ်ပြုမှု ကင်းမဲ့ခြင်းဆီသို့လည်း ဦးတည်စေသဖြင့် ပူးပေါင်းဆောင်ရွက်မှုအပိုင်းတွင် အားနည်းလာခြင်း၊

… စသည့် စသည့် အချက်များကြောင့် အနှစ် (၂၀) ကြာလာသည်နှင့်အမျှ ခေါင်းဆောင်မှုအပိုင်း၊ ပူးပေါင်း ဆောင်ရွက်မှုအပိုင်းတွင် ထက်မြက်သွက်လက်လာခြင်း မရှိတော့ဘဲ တနေ့တခြား ချုံးချုံးကျလာခြင်းသည် ညီ ညွတ်ရေး မတည်ဆောက်နိုင်ခြင်း (၀ါ) ညီညွတ်ရေးတည်ဆောက်ရန် ကြိုးပမ်းလိုစိတ်မရှိတော့ခြင်း၏ အ ကြောင်းတချက် ဖြစ်လာပေတော့သည်။

ထို့ပြင်တ၀ ညီညွတ်ရေး မတည်ဆောက်နိုင်ခြင်း၏ အခြားအကြောင်းတရားများလည်း များစွာ ရှိဦးမည်ဖြစ် သည့်အားလျော်စွာ ဆက်လက်တိုက်ပွဲဝင်ရဦးမည့် တော်လှန်ရေးခရီးကြမ်းအတွက် ညီညွတ်ရေးကို ကြိုးပမ်း လိုစိတ်ရှိသူများ တတ်အားသရွေ့ ရှာဖွေဆန်းစစ်ကြရမည်ဖြစ်ပေသည်။ ထိုထိုသော ညီညွတ်ရေး မတည် ဆောက်နိုင်ခြင်း၏ အကြောင်းတရားပေါင်းစုံကို ရှာဖွေသုံးသပ်ပြီးသကာလ အထက်တွင် ဆိုခဲ့သကဲ့သို့ ဦး ဆောင်မှုအပိုင်းကို အယုံအကြည်ကင်းမဲ့နေမှုအား ပြန်လည်တည့်မတ်နိုင်ကာ လူတကိုယ်ချင်းစီ၏ စိတ်ထား များကို ပြုပြင်ပြီး နိုင်ငံနှင့် ပြည်သူအပေါ် အမှန်တကယ် စိတ်စေတနာကောင်းထား ဆောင်ရွက်မည့်သူများ ဦး ဆောင်မှုအခန်းကဏ္ဍ၌ ပိုမိုပါဝင်လာနိုင်သည့် တနေ့တွင် ညီညွတ်ရေးတည်ဆောက်နိုင်ရန် ပိုမိုနီးစပ်လာမည် ဟု ယုံကြည်မိပါသည်။ ။

ဒေါက်တာလွဏ်းဆွေ