ဒေါက်တာလွဏ်းဆွေ
နအဖလုပ်မယ့် ကလိန်ကကျစ် ရွေးကောက်ပွဲက ဖင်နား အတော်ကပ်နေပေမယ့် ကျနော်တို့ ဒီမိုကရေစီအင် အားစုတွေဘက်ကတော့ အခုအထိ ရွေးကောက်ပွဲကို ပျက်အောင်ဖျက်နိုင်မယ့် ကြိုးပမ်းမှုမျိုး၊ အဲဒီကတဆင့် အဆုံးသတ်တိုက်ပွဲဆီ ကူးပြောင်းနိုင်ရေးအတွက် ဦးဆောင်ကဏ္ဍမှာရှိတဲ့ ပုဂ္ဂိုလ်တွေက တိုက်ပွဲခေါ်ဖို့ ကြိုးစား လုပ်ဆောင်နေတာမျိုး မတွေ့ရသေးပါဘူး။
အခုအချိန်မှာ လူထုက ကြည်ညိုလေးစား ယုံကြည်အားထားတဲ့ ဒေါ်အောင်ဆန်းစုကြည်က နေအိမ်ခြံဝင်းကိစ္စ၊ အကျယ်ချုပ်ထပ်ချတာ တရားမျှတမှုမရှိပါဆိုတဲ့ကိစ္စ၊ အဖွဲ့ချုပ်ကို ဖျက်သိမ်းတဲ့ကိစ္စတွေနဲ့ ပတ်သက်ပြီး တရား ဥပဒေမရှိ ထင်ရာစိုင်းနေတဲ့ စစ်အုပ်စုထံ တရားဥပေဒလမ်းကြောင်းကတဆင့် တရားစွဲတာ၊ အယူခံဝင်တာ တွေ လုပ်နေတယ်။ နအဖရဲ့ ၂၀၁၀ ရွေးကောက်ပွဲနဲ့ ပတ်သက်ပြီးတော့လည်း ဆန္ဒမရှိရင် မဲမပေးဖို့၊ ရွေး ကောက်ပွဲကို စောင့်ကြည့်ဖို့၊ ရွေးကောက်ပွဲမှာ မတရားမှု တွေ့ခဲ့ရင် တိုင်တန်းဖို့နဲ့ အခုနောက်ဆုံး အန်တီစု ကိုယ်တိုင် မဲသွားမပေးဘူးဆိုတာတွေ ပြောနေတယ်။
အန်အယ်လ်ဒီ ဗဟိုကော်မတီဝင်တွေကတော့ ဒေါ်အောင်ဆန်းစုကြည် ပြောတဲ့ ဆန္ဒမရှိရင် မဲမပေးနဲ့ဆိုတဲ့ အ ခြေခံပေါ်မှာ ရွေးကောက်ပွဲသပိတ်မှောက်ရေးဆိုတဲ့ လမ်းကြောင်းကို အကောင်အထည်ဖော်ဆောင်ရွက်ရင်း ဒေါ်အောင်ဆန်းစုကြည် မကြာမီ လွတ်လာလိမ့်နိုး မျှော်နေကြတယ်၊ အနှစ် (၂၀) တောင်းတာ မရခဲ့တဲ့ တွေ့ ဆုံဆွေးနွေးရေးဆိုတာကို ဖြစ်လာလိမ့်နိုး ဆက်စောင့်နေကြတယ်။ ကျန်တဲ့ ပြည်တွင်းပြည်ပ အတိုက်အခံ အ တော်များများကလည်း နအဖရဲ့ ရွေးကောက်ပွဲ မတရားတာကို ပြောရင်းနဲ့ သပိတ်မှောက်ဖို့၊ ဆန့်ကျင်ဖို့ လောက်နဲ့ပဲ အချိန်ကုန်နေကြတာတွေ့ရတယ်။ လွဲတာတော့ တော်တော်လွဲနေပြီလို့ ထင်လို့ ကျနော့်ရဲ့အမြင် ကို အားမနာတမ်းပြောရင်း ပွင့်ပွင့်လင်းလင်း ရေးလိုက်ရခြင်းဖြစ်ပါတယ်။
“NLD ပါတီရဲ့ အနာဂတ်နဲ့ ပတ်သက်လို့ သေရေးရှင်ရေးတမျှ အရေးကြီးနေတဲ့ အချိန်အခါမှာ ဒေါ်အောင်ဆန်းစုကြည်မှာ အဲဒီလို စကားနဲ့တင် တည့်မတ်ပေးနိုင်တဲ့ ပါဝါမျိုး ရှိနေတာကို လက်တွေ့ကျကျ သိလိုက်ရတဲ့အတွက် ရှေ့ဆက်ရမယ့် နိုင်ငံရေးခရီးအတွက် အန်အယ်လ်ဒီပါတီဝင်တွေ၊ ပြည်တွင်းပြည်ပ ဒီမိုကရေစီအင်အားစုတွေနဲ့ မြန်မာပြည်သူတွေ များစွာအားတက်ခဲ့ကြသလို ဆက်လက်ပြီးတော့လည်း အရေးကြီးတဲ့ Command မျိုး အချိန်ကိုက် ထပ်ပေးလိမ့်ဦးမယ်လို့ မျှော်လင့်ခဲ့ကြပါတယ်”
တကယ်တော့ ကျနော်လေးစားတဲ့ ဒေါ်အောင်ဆန်းစုကြည်နဲ့ ဦးတင်ဦး၊ ဦးဝင်းတင်တို့လို အန်အယ်လ်ဒီဗဟို ကော်မတီဝင်တချို့အပေါ်၊ စီအာရ်ပီပီက ခေါင်းဆောင်တချို့အပေါ် ထောက်ပြဝေဖန်မှုတွေ မလုပ်ချင်တာ အ မှန်ပါပဲ။ ရှင်းရှင်းပြောရရင် တကယ်လည်း ပေးဆပ်တိုက်ပွဲဝင်နေသူတွေမို့ တိုက်ပွဲပြီးဆုံးတဲ့အထိ ထောက်ပြ ဝေဖန်တာမျိုး မလုပ်ရလေကောင်းလေလို့ ယူဆထားတာပါ။ ဒါပေမယ့် ခေါင်းဆောင်တွေ အသက်ရသထက် ရလာကြပြီး တိုက်ပွဲဝင်ဖို့ အကောင်းဆုံးကျန်ရှိချိန် နည်းနည်းလာတာနဲ့အမျှ ဝေဖန်ထောက်ပြစရာတွေ ပိုပိုပြီး တွေ့လာတာမို့ မရေးချင် မပြောချင်ဘဲ ရေးရပြောရတော့တာဖြစ်ပါတယ်။
ကျနော်တို့လူ့အဖွဲ့အစည်းမှာက ယဉ်ကျေးမှုထုံးတမ်းစဉ်လာနဲ့ ရှုမြင်ရင် အဂါရ၀ပြုသလို ဖြစ်မှာစိုးတာရယ်၊ မြန် မာနိုင်ငံသားတွေရဲ့ ထုံးစံအတိုင်း အားနာတတ်တဲ့စိတ်က ကြီးစိုးပြီး ပြောမထွက်ဘဲ ရေငုံနှုတ်ပိတ် နေချင်ကြ တာရယ်ကြောင့် အတော်များများ (အားလုံးနီးပါးလောက်) က ကိုယ်လေးစားကြည်ညိုတဲ့သူတွေဆို ဝေဖန် ထောက်ပြရမှာ စိုးရွံ့တတ်ကြပါတယ်။ ကျနော်လည်း ထိုနည်း၎င်းပါပဲ။ အားလည်းနာတယ်၊ လေးလည်းလေး စားတာရယ်ကြောင့် ဖြစ်နိုင်ရင် ပြောကို မပြောချင်ပါဘူး။ ဒါပေမယ့် ကျနော်က အမုန်းခံရမှာစိုးလို့၊ မှားသွားမှာ စိုးလို့ မပြောဘဲ ‘၀ါးတားဖော်လို ဖစ်ရ်ှဖော်လို’ နေတာမျိုးလည်း ၀ါသနာမပါပြန်လေတော့ (ပြီး တိုင်းပြည်အရေး က ကိုယ်နဲ့လည်း သက်ဆိုင်နေတာမို့) ဘာကောင်မှမဟုတ်ပေမယ့် မြင်တာကိုမြင်တဲ့အတိုင်း စေတနာနဲ့ ပြော ကြားလိုက်ရခြင်းဖြစ်ပါတယ်။
ကျနော် ဘာကြောင့် အားမနာတမ်း ပြောရသလဲဆိုရင် …
၁။ မြန်မာ့ဒီမိုကရေစီအင်အားစုတွေအတွက် သေရေးရှင်ရေးတမျှ အရေးကြီးတဲ့အချိန် ရောက်နေလို့ရယ်၊
၂။ ရဟန်းရှင်လူ၊ ကျောင်းသားပြည်သူတွေ အနှစ် (၂၀) ကျော် အသက်၊ သွေး၊ ချွေးပေါင်းမြောက်မြားစွာ ရင်း နှီးပေးဆပ်ခဲ့တာတွေ အချည်းနှီးဖြစ်ကုန်မှာ စိုးတာရယ်၊
၃။ ဦးဆောင်သူတွေကို မျှော်လင့်တကြီးနဲ့ သူတို့ရဲ့ဘ၀တွေ အစုတ်အပြတ်သတ်ခံ စောင့်စားအားပေးခဲ့တဲ့ ပြည်သူတွေရဲ့ အနာခံမှုတွေ အဓိပ္ပါယ်မဲ့ဖြစ်ကုန်မှာစိုးတာရယ်၊
၎။ ဒီအတိုင်းဆက်သွားလို့ နိုဝင်ဘာ (၇) ရက်ကို ကျော်သွားရင် မြန်မာဒီမိုကရေစီရေး တစ်ကနေ ပြန်စရမယ့် ကိန်းဆိုက်နေမှာစိုးတာရယ် … စတာတွေကြောင့်ပဲဖြစ်ပါတယ်။
ဒါပေမယ့် ဝေဖန်ထောက်ပြတာကို သေချာမဖတ်ဘဲ၊ စေတနာကို မြင်အောင်မကြည့်ဘဲ ကျနော်တို့ အတိုက်အ ခံတချို့တချို့ရဲ့ထုံးစံအတိုင်း “မင်းပဲ တက်ပြီး ဦးဆောင်ပါလား” ဆိုပြီး ငါ့စကားနွားရ ပြောမယ့်သူတွေ၊ “ဟိုလို လုပ်ပါလား၊ ဒီလိုလုပ်ပါလား၊ ငါလည်း မလုပ်တတ်ဘူး” ဆိုပြီး ရိမယ့် ထေ့မယ့် ကလိမယ့်သူတွေ၊ “ဒီလိုပြောရ အောင် မင်းက ဘာတွေလုပ်ခဲ့လို့လဲ” လို့ဆိုပြီး ဘယ်ကမှန်းမသိ၊ ဘယ်သူဘယ်ဝါမှန်းမသိ ပါးစပ်အညောင်းခံ၊ လက်အညောင်းခံ မေးခွန်းထုတ်မယ့်သူတွေ၊ “ဒီကောင် ရန်သူအားရအောင် လေလည်တဲ့ကောင်” ဆိုပြီး ဗိုလ် သန်းရွှေနဲ့ နေ့ခင်းကြောင်တောင် လူလယ်ခေါင်မှာ လိင်တူဆက်ဆံပြရတော့မယောင် ပေးစားရင်း အချိန်ကုန် ကြမယ့်သူတွေလည်း အခုလို သေရေးရှင်ရေးကာလအထိ ရှိနေဦးမှာပါ။ ရှိလည်း ပြဿနာမဟုတ်ပါဘူး၊ လွတ် လွတ်လပ်လပ် ဆဲနိုင်၊ ရိနိုင်၊ ထေ့နိုင်၊ ကလိနိုင်ပါတယ်။ ကျနော်ကတော့ မြန်မာ့ဒီမိုကရေစီအင်အားစုတွေ တိုက်ပွဲဖော်ဖို့၊ တိုက်ပွဲခေါ်ဖို့ အကောင်းဆုံးအချိန် သိပ်မကျန်တော့ဘူးထင်လို့ တာဝန်ရှိသူတွေ လုပ်လိုလုပ် ငြား၊ အချိန်မီလိုမီငြား တိုင်းပြည်နဲ့ ပြည်သူ့အကျိုးကို မျှော်ကိုးပြီး အားမနာတမ်း တိုက်တွန်းပြောလိုက်ရခြင်း ဖြစ်ပါတယ်ခင်ဗျား။
(၁) ဒေါ်အောင်ဆန်းစုကြည်နဲ့ အန်အယ်လ်ဒီဗဟိုကော်မတီ တောင်းနေတဲ့ တွေ့ဆုံဆွေးနွေးရေး ဖြစ်နိုင်ခြေမရှိသလောက်နည်းပါး။
တကယ်တော့ အနှစ် (၂၀) ကျော် အချိန်ကာလတလျှောက်လုံး ကျနော်တို့ ဒီမိုကရေစီအင်အားစုတွေ တ တောင်းထဲတောင်းရင်း အချိန်တွေကုန်ခဲ့ကြတယ်။ ပြည်သူ့လွှတ်တော်ခေါ်ပေးဖို့၊ တွေ့ဆုံဆွေးနွေးရေးလုပ်ဖို့ လိုမျိုး ကြီးကြီးမားမားတွေ အကြိမ်ကြိမ် တောင်းခဲ့သလို အခြားသေးသေးမွှားမွှား တောင်းခဲ့တာတွေ အများ သားဆိုတာ ထုတ်ခဲ့တဲ့ ကြေညာချက်တွေကို ပိသာချိန် ချိန်ကြည့်ရင် သိနိုင်မယ်လို့ ထင်ပါတယ်။ အခုလို အ နှစ် (၂၀) ကျော် အချိန်ကုန်ခဲ့ပြီးကာမှ အဲဒီလိုတောင်းခဲ့တာတွေကို မှားတယ်လို့ အပြစ်ပုံချသလိုမျိုးလည်း မ ပြောချင်တော့ပါဘူး (တော်ကြာ ထောက်ပြဝေဖန်တာလို့ နားလည်မပေးဘဲ ဘလိမ်းဂိမ်းပဲ တဂျိန်းဂျိန်း လုပ်နေ တယ်လို့ တွင်တွင်ပြောတတ်သူတွေ ကယောင်ကတမ်း ထအော်မှာကို မကြားလိုတော့လို့ပါ)။
ဒါပေမယ့် နည်းပေါင်းစုံနဲ့ တောင်းတာတွေ ဘာကြောင့် မရခဲ့သလဲဆိုတာကိုတော့ ပြောချင်ပါတယ်။ ဒါက လည်း ရှင်းပါတယ်၊ တောင်းတာ ဘာလို့မရသလဲဆိုရင် ပေးမယ့် (ပေးနိုင်တဲ့ ပါဝါရှိတဲ့) ဗိုလ်သန်းရွှေက မပေး ချင်လို့ပဲပေါ့။ မပေးချင်တဲ့သူဆီ သွားတောင်းနေလို့မရတာပေါ့။ မပေးချင်လို့လည်း သူ့အထက်က ရွေးကောက် ပွဲပြီးရင် စစ်တန်းလျားပြန်မယ်လို့ ကတိပေးထားတဲ့ ဗိုလ်ချုပ်ကြီးစောမောင် (သူ့ခမျာ ရိုးရိုးသားသား) ကို ဖယ် ရှား၊ ၉၀ ရွေးကောက်ပွဲမှာ နိုင်တဲ့ အန်အယ်လ်ဒီကိုလည်း အာဏာမလွှဲဘဲ မျက်နှာပြောင်တိုက် ဆက်အုပ်ချုပ်၊ ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေကိုလည်း အပြစ်မရှိအပြစ်ရှာ ဖမ်းဆီးထောင်ချ၊ ပြီးတော့ သူ ကွေးနေအောင် ကခိုင်းခဲ့တဲ့ ဗိုလ်ခင်ညွန့်လို လူမျိုးကိုတောင် အချိန်တန်တော့ ကန်ထုတ်ခဲ့တာကို ကြည့်ရင် ရှင်းနေတာမဟုတ်လား။
ဒါကိုမှ သဘောထားကြီးစွာနဲ့ အခုလို သေရေးရှင်ရေးအချိန်အထိ ဒေါ်အောင်ဆန်းစုကြည်၊ ဆရာကြီး ဦးဝင်း တင်နဲ့တကွ အန်အယ်လ်ဒီ ဗဟိုကော်မတီလူကြီးတွေက စစ်အုပ်စုနဲ့ တွေ့ဆုံဆွေးနွေးရေးကို တဖက်သတ် မျှော်လင့်နေခြင်းဟာဖြင့် အချိန်ဖြုန်းသလိုသာ ဖြစ်နေပြီး ဖြစ်လာမယ့် အလားအလာ မရှိသလောက်နည်း တယ်လို့ပဲ ကျနော့်အမြင်ကို ပွင့်ပွင့်လင်းလင်း ပြောချင်ပါတော့တယ်။ အနှစ် (၂၀) ကျော်အတွင်း ပြည်တွင်း ပြည်ပက ဖိအားများချိန်တချို့နဲ့ ရွှေဝါရောင်တော်လှန်ရေးလို နိုင်ငံရေးအကျပ်အတည်းဆိုက်ချိန် မျိုးလောက် မှာသာ ဖိအားတွေ လျော့ကျစေရေးနဲ့ နိုင်ငံရေးလည်ပင်းအစ်နေတာကနေ ထွက်ပေါက်ရရှိဖို့အတွက် စစ်အုပ်စု က ဒေါ်အောင်ဆန်းစုကြည်နဲ့ ဓာတ်ပုံတွဲရိုက်ပြီး တွေ့ဆုံဆွေးနွေးတော့မယောင် ဟန်ရေးပြကာ ‘တွေ့ဆုံဆွေး နွေးရေး’ စကားလုံးကို အကြိမ်ကြိမ်အလီလီ အသုံးချလုပ်စားသွားခဲ့တာ အားလုံးအသိပဲဖြစ်ပါတယ်။
ဒါ့အပြင် စစ်အုပ်စုဝင်တွေမှာ အတိုက်အခံတွေနဲ့ အမှန်တကယ် တွေ့ဆုံဆွေးနွေးလိုတဲ့ စိတ်ဆန္ဒမရှိသလို ဒေါ် အောင်ဆန်းစုကြည်နဲ့တကွ အခြားအတိုက်အခံခေါင်းဆောင်တွေနဲ့ တန်းတူတွေ့ဆုံဆွေးနွေးနိုင်၊ ဆွေးနွေးရဲတဲ့ အရည်အချင်းနဲ့ သတ္တိမျိုးလည်း ရှိမှာမဟုတ် (စစ်အုပ်စုခေါင်းဆောင်တွေဟာ ဆက်ပြီးတော့လည်း သူတို့ အ ခြေအနေ နည်းနည်းကောင်းနေသေးတဲ့အထိ လိုအပ်ရင် တွေ့ဆုံဆွေးနွေးရေးဆိုတာကို အယောင်ပြ လုပ်စား နေဦးမှာဖြစ်ပြီး အခြေအနေလုံးဝမလှတော့မှသာ တန်းကနဲ ထွက်ပြေးမယ့် လူစားမျိုးတွေဖြစ်) တဲ့အတွက် မ ဖြစ်နိုင်တဲ့အရာကို စောင့်စားမနေဘဲ ကျန်ရှိတဲ့ တလမပြည့်တပြည့် အချိန်အတွင်းမှာ လူထုအပေါ် သြဇာကြီး တဲ့ ခေါင်းဆောင်တွေအနေနဲ့ ၉၀ မန်းဒိတ်ကို မဖြစ်မနေ အကောင်အထည်ဖော်ဖို့ တိုက်တွန်းတာမျိုး၊ စစ်အစိုး ရယန္တရားရပ်ဆိုင်းရေးအတွက် အထွေထွေသပိတ်ဆော်သြတာမျိုးနဲ့ လူထုတိုက်ပွဲဖော်ဖို့သာ အကြံပြုလိုပါ တယ်။
(၂) တိုက်ပွဲနဲ့ ဆွဲထုတ်နိုင်မှသာ ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေ အပြီးတိုင် လွတ်မြောက်နိုင်မယ်။
နအဖစစ်အုပ်စုဟာ နိုဝင်ဘာ (၇) ရက်မတိုင်မီမှာ အန်အယ်လ်ဒီ တခုခုထလုပ်မှာ စိုးရိမ် (လုပ်နိုင်တဲ့ ပါဝါ လည်း အန်အယ်လ်ဒီမှာ အမှန်တကယ် ရှိနေသေး) တဲ့အတွက်ကြောင့် နိုဝင်ဘာ (၁၃) ရက်နေ့မှာ ဒေါ်အောင် ဆန်းစုကြည်ကို လွှတ်ပေးမယ်ဆိုတဲ့ မျှော်လင့်ချက်အနံ့ပေးပြီး (တရားဝင်လိုလို တရားမ၀င်လိုလို မယားငယ် လေသံပစ်ပြီး) နှစ်သိမ့်နေတာကို အားလုံးအသိပဲဖြစ်ပါတယ်။
အန်အယ်လ်ဒီပါတီအနေနဲ့ အဲဒီလို အနံ့ပေး နှစ်သိမ့်တာကို ယုံစားပြီး စောင့်နေရင် အမှားကြီးမှားလိမ့်မယ်လို့ ထင်မြင်မိပါတယ်။ တကယ်လို့ နိုဝင်ဘာ (၁၃) ရက်မှာ ဒေါ်အောင်ဆန်းစုကြည် လွတ်လာခဲ့တယ်ဆိုရင်လည်း ရွေးကောက်ပွဲအပြီးမှာ နအဖစစ်အုပ်စုက သူ့ခြေသူ့လက် ထိန်းချုပ်နိုင်တဲ့ အနေအထားမျိုးရှိလို့သာ လွှတ်ပေး တာမျိုးဖြစ်နိုင်ပြီး လက်ကျန်တနှစ်ခွဲ ဆက်မထားဘူးလို့လည်း တထစ်ချ ယုံစားမရတဲ့ စစ်အုပ်စုဖြစ်တာကို သ တိရှိကြဖို့လိုမယ်ထင်ပါတယ်။ အဲဒါကြောင့်မို့ နအဖ သနားမှ ချမ်းသာရာရမယ့် မမျှော်လင့်ကောင်းတဲ့အရာကို မျှော်လင့်မနေဘဲ တကယ်တမ်း ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားမားအားလုံး အစစ်အမှန် လွတ်မြောက်ဖို့အတွက် နိုဝင်ဘာ (၇) ရက်မတိုင်မီ ပြည်သူ့အစိုးရဖွဲ့စည်းကာ စိန်ခေါ်တိုက်ပွဲဝင် အနိုင်ယူတာ မျိုးကို အမြန်ဆုံး အကောင်အထည်ဖော်ဆောင်ရွက်ဖို့ တိုက်တွန်းအပ်ပါတယ်။
(၃) အဖြေထွက်မှာမဟုတ်တဲ့ ရွေးကောက်ပွဲသပိတ်မှောက်မှု လုပ်ဆောင်ခြင်းလောက်နဲ့ ပြည်သူလူ ထုကို ဆွဲခေါ်နိုင်မှာမဟုတ်။
အခုလောလောဆယ် အန်အယ်လ်ဒီဗဟိုကော်မတီဝင်တွေနဲ့ အောက်ခြေပါတီဝင်တွေ ကွင်းဆင်းဆောင်ရွက် နေတဲ့ ရွေးကောက်ပွဲ မဲမပေးရေး စည်းရုံးလှုံ့ဆော်ခြင်းနဲ့ ရွေးကောက်ပွဲကို သပိတ်မှောက်ဖို့ လုပ်ဆောင်နေ တာကို အောက်ခြေပါတီဝင်တွေကလွဲလို့ ပြည်သူလူထုအများစု စိတ်ဝင်စားအားမှာမဟုတ်ဘူးလို့ ထင်မိပါ တယ်။
ပြည်သူလူထုအများစု စိတ်မ၀င်စားအားမယ့် အကြောင်းအရင်းတွေထဲမှာ … (၁) ရွေးကောက်ပွဲကို သပိတ် မှောက်တော့ကော ဒီမိုကရေစီရမှာလားလို့ ရိုးရိုးသားသား တွေးကြမှာကတကြောင်း (၂) ၂၀၀၈ ဖွဲ့စည်းပုံအ ခြေခံဥပဒေ အတည်ပြုရေးတုန်းက အန်အယ်လ်ဒီက “ဗုတ်နိုး” လို့ စည်းရုံးလှုံ့ဆော်ခဲ့ပေမယ့် နအဖစိတ်ကြိုက် အတည်ပြုသွားတဲ့ နမူနာကို တွေ့ခဲ့ကြပြီးဖြစ်လို့တကြောင်း (၃) အန်အယ်လ်ဒီပါတီအနေနဲ့ သူတို့ကို ပေးအပ် ထားတဲ့ မန်းဒိတ်နဲ့ သူတို့အလုပ်သင့်ဆုံး အလုပ်ဖြစ်တဲ့ ‘ပြည်သူ့အစိုးရဖွဲ့စည်းရေး’ ကို ဦးတည်လုပ်ဆောင်ဖို့ ကြိုးပမ်းတာမျိုး မတွေ့ရတဲ့အတွက် စိတ်ပျက်လက်ပျက်ဖြစ်တာကတကြောင်း ... အဲသလို အကြောင်းတွေ ကြောင့် သပိတ်မှောက်တဲ့ကိစ္စကို စိတ်မ၀င်စားကြခြင်းဖြစ်မယ်လို့ ယူဆပါတယ်။ (ခြွင်းချက်အနေနဲ့ ရွေး ကောက်ပွဲသပိတ်မှောက်ရေး လှုံ့ဆော်မှုကတဆင့် လူထုတိုက်ပွဲဖော်ဆောင်ခြင်းမျိုးကို တက်လှမ်းကောင်း တက်လှမ်းနိုင်ပေမယ့် အဲဒီလိုဖြစ်ပေါ်နိုင်ဖို့ဆိုတာ ဦးဆောင်ပါတီ အန်အယ်လ်ဒီက ခေါင်းဆောင်တွေအနေနဲ့ တိုက်ပွဲခေါ်ရဲမှသာ ဖြစ်နိုင်ပါလိမ့်မယ်။ အခုအချိန်အထိတော့ အဲဒီလိုမျိုး တိုက်ပွဲခေါ်မယ့် အရိပ်အယောင် စိုး စဉ်းမျှ မတွေ့မြင်မိသေးပါ)။
(၄) နိုဝင်ဘာ ၇ ရက် မတိုင်မီ သက်စွန့်ဆံဖျား ‘ဖောက်ထွက်’ လုပ်ဆောင်မှသာ ပြည်သူလူထုနဲ့အ တူ အောင်ပွဲခံနိုင်မယ်။
အထက်ပါ ရှင်းလင်းချက်များနဲ့ အခြေအနေအရပ်ရပ်ကို ထောက်ရှုစဉ်းစားရင် အခုအချိန်ဟာ နအဖ အကွက်ချ လုပ်ဆောင်နေတဲ့ ၂၀၁၀ ရွေးကောက်ပွဲကို တိုက်ဖျက်ဖို့နဲ့ မြန်မာပြည်သူလူထုကို စစ်ကျွန်အဖြစ် တရားဝင် သွတ်သွင်းတော့မယ့်အရေးကနေ လက်မတင်လေး ကယ်တင်နိုင်ဖို့အတွက် ဒေါ်အောင်ဆန်းစုကြည်၊ ဦးတင် ဦး၊ ဦးဝင်းတင်တို့လို ပြည်သူလူထုလေးစားကြည်ညိုတဲ့ ခေါင်းဆောင်တွေနဲ့ ၉၀ မန်းဒိတ်ရှိတဲ့ ပုဂ္ဂိုလ်တွေ အရဲ စွန့် ဦးဆောင်တိုက်ပွဲဝင်ရမယ့် အချိန်ကျရောက်နေကြောင်း ထင်ထင်ရှားရှား တွေ့မြင်နိုင်မှာဖြစ်ပါတယ်။
အဲဒီအတွက်ကြောင့် ဆရာကြီး ဦးဝင်းတင် ပြောကြားခဲ့တဲ့အတိုင်း မြန်မာပြည်သူတွေ ‘ထွက်ပေါက်’ ရရှိဖို့အ တွက် တာဝန်ရှိ၊ တာဝန်သိ၊ မန်းဒိတ်ရှိ၊ လူထုကြည်ညိုလေးစားတဲ့ ပုဂ္ဂိုလ်တွေက အရဲစွန့် ‘ဖောက်ထွက်’ စဉ်း စားပြီး နိုဝင်ဘာ (၇) ရက်မတိုင်မီ ပြည်သူ့အစိုးရ အမြန်ဆုံးဖွဲ့စည်းကာ စိန်ခေါ်တိုက်ပွဲဝင်ကြဖို့လိုပြီဖြစ်ကြောင်း အလေးအနက်အကြံပြုလိုပါတယ်။
(၅) စိန်ခေါ်တိုက်ပွဲဝင်ရေးအတွက် ဒေါ်အောင်ဆန်းစုကြည်၊ အန်အယ်လ်ဒီနဲ့ စီအာရ်ပီပီတို့မှာ လူ ထုပါဝင်လာအောင် ဆွဲခေါ်နိုင်တဲ့ ပါဝါအပြည့်ရှိ။
တချို့သော ဒေါ်အောင်ဆန်းစုကြည်ထိ ဓားကြည့်၊ အန်အယ်လ်ဒီထိ ဓားကြည့်ဆိုတဲ့ အတိုက်အခံတချို့က တော့ ဒေါ်အောင်ဆန်းစုကြည် အကျယ်ချုပ်ကျနေတဲ့အတွက် ဘယ်လိုလုပ် Command (အမိန့်) ပေးနိုင်မလဲ လို့ စောဒကတက်ကြတယ်။ ဒေါ်အောင်ဆန်းစုကြည်ဟာ အကျယ်ချုပ်ကျနေတာမှန်ပေမယ့် ပြင်ပနဲ့ အဆက် အသွယ် လုံးဝပြတ်တောက်နေတဲ့သူ မဟုတ်ပါ။ ဒါ့အပြင် ဒေါ်အောင်ဆန်းစုကြည်ဟာ လူထုခေါင်းဆောင်ဖြစ် တဲ့အတွက် ဒီမိုကရေစီရေးနဲ့ ပတ်သက်ရင် Command (အမိန့်) ပေးနိုင်တဲ့ ပါဝါအရှိဆုံးသူဖြစ်တယ်ဆိုတာ ပြီးခဲ့တဲ့ မတ်လ (၂၉) ရက်တုန်းက အဖြစ်အပျက်ကို ပြန်ကြည့်ရင် ထင်ထင်ရှားရှား တွေ့မြင်နိုင်မှာပါ။
မတ် (၂၉) ရက်မတိုင်မီက ရွေးကောက်ပွဲကော်မရှင်မှာ မှတ်ပုံထပ်တင်ဖို့ မတင်ဖို့ကိစ္စနဲ့ ပတ်သက်ပြီး အမျိုး သားဒီမိုကရေစီအဖွဲ့ချုပ်မှာ ဦးအောင်ရွှေ ဦးဆောင်တဲ့ အုပ်စုနဲ့ ဆရာကြီး ဦးဝင်းတင် ဦးဆောင်တဲ့ အုပ်စုတို့ အားပြိုင်နေပုံရပြီး ဦးအောင်ရွှေ ဦးဆောင်တဲ့ အုပ်စုက ၂၀၁၀ ရွေးကောက်ပွဲကော်မရှင်ထံမှာ ပါတီမှတ်ပုံတင်ဖို့ စိုင်းပြင်းနေတာကို ဆရာကြီး ဦးဝင်းတင်အနေနဲ့ မှတ်ပုံတင်ရင် ပါတီက အနားယူမယ်လို့တောင် ဖိအားပေး ပြောဆိုရတဲ့ အခြေအနေအထိ ဆိုက်ရောက်ခဲ့တယ်။
ဒါပေမယ့် အဲဒီအချိန်မှာ အန်အယ်လ်ဒီ ကံကောင်းခဲ့ပါတယ်။ ဦးအောင်ရွှေတို့အုပ်စုဘက်က ရွေးကောက်ပွဲ ကော်မရှင်ထံ ပါတီမှတ်ပုံတင်ချင်နေတဲ့ကိစ္စကို နေအိမ်အကျယ်ချုပ် ကျခံနေရပေမယ့် ပြင်ပနဲ့ ဆက်သွယ်ခွင့် ရရှိနေတဲ့ လူထုခေါင်းဆောင် ဒေါ်အောင်ဆန်းစုကြည်က ပါတီမှတ်ပုံတင်ရန်မလိုဆိုတဲ့ သဘောထားဆန္ဒပေး လိုက်လို့ ဆရာကြီး ဦးဝင်းတင်တို့ ပါတီမှတ်ပုံမတင်ချင်တဲ့ အုပ်စုဘက်က ကန့်ကွက်မဲမရှိ တခဲနက် အနိုင်ရရှိခဲ့ ပါတယ် (တနည်းအားဖြင့် ပြောဆိုရမယ်ဆိုရင် ဦးအောင်ရွှေတို့အုပ်စု နအဖစစ်အုပ်စုအကြိုက် ချောက်ထဲကို ဦးတည်မောင်းနှင်ချင်နေတဲ့ အန်အယ်လ်ဒီကားကြီးရဲ့ စတီယာတိုင်ကို ဒေါ်အောင်ဆန်းစုကြည်က ရီမုတ်ကွန် ထရိုးနဲ့ လမ်းမှန်ပေါ်မှာ ဆက်ရှိနေအောင် တည့်မတ်ပေးလိုက်တာလို့ပဲ ကျနော်တော့ယူဆပါတယ်)။
NLD ပါတီရဲ့ အနာဂတ်နဲ့ ပတ်သက်လို့ သေရေးရှင်ရေးတမျှ အရေးကြီးနေတဲ့ အချိန်အခါမှာ ဒေါ်အောင်ဆန်း စုကြည်မှာ အဲဒီလို စကားနဲ့တင် တည့်မတ်ပေးနိုင်တဲ့ ပါဝါမျိုး ရှိနေတာကို လက်တွေ့ကျကျ သိလိုက်ရတဲ့အ တွက် ရှေ့ဆက်ရမယ့် နိုင်ငံရေးခရီးအတွက် အန်အယ်လ်ဒီပါတီဝင်တွေ၊ ပြည်တွင်းပြည်ပ ဒီမိုကရေစီအင်အား စုတွေနဲ့ မြန်မာ ပြည်သူတွေ များစွာအားတက်ခဲ့ကြသလို ဆက်လက်ပြီးတော့လည်း အရေးကြီးတဲ့ Command မျိုး အချိန်ကိုက် ထပ်ပေးလိမ့်ဦးမယ်လို့ မျှော်လင့်ခဲ့ကြပါတယ်။ ပွင့်ပွင့်လင်းလင်းပြောရရင် အခုလို သေရေးရှင် ရေးရောက်နေချိန်မှာ ဒေါ်အောင်ဆန်းစုကြည်အနေနဲ့ ၉၀ မန်းဒိတ်ကို အသုံးချပြီး ပြတ်ပြတ်သားသား စိန်ခေါ် တိုက်ပွဲဝင်ဖို့ဆိုတဲ့ Command မျိုး ပေးလိမ့်မယ်လို့ မျှော်လင့်ခဲ့ကြပါတယ်။
ဒါပေမယ့် အခုအချိန်အထိ ၉၀ မန်းဒိတ်ကို အသုံးချဖို့နဲ့ ပတ်သက်ပြီး ဘာမှဖွင့်ဟပြောဆိုတာ မကြားရသေးလို့ Command ပေးသင့်ပြီလို့ အကြံပြုတိုက်တွန်းရခြင်းဖြစ်ပါတယ်။ ဒီလို Command ပေးနိုင်တဲ့ ပါဝါမျိုးဟာ လူ ပုဂ္ဂိုလ်တယောက်ချင်းအနေနဲ့ဆိုရင် ဒေါ်အောင်ဆန်းစုကြည် တဦးတည်းမှာသာ ရှိနေတာဖြစ်ပြီး အဖွဲ့အစည်း၊ လူပုဂ္ဂိုလ်အစုအဝေးနဲ့ဆိုရင် အန်အယ်လ်ဒီနဲ့ စီအာရ်ပီပီမှာသာ ရှိနေတာပါ။ မှားမှာကြောက်လို့၊ သမိုင်းတရားခံ ဖြစ်မှာစိုးလို့ ဒါမှမဟုတ် ကိုယ့်ကိုယ်ကိုယ်နဲ့ ကိုယ့်အင်အားကိုယ်မယုံရဲလို့ မလုပ်ဘဲ နိုဝင်ဘာ (၇) ရက်ကျော် တဲ့အထိ အခုအတိုင်း ဆက်သွားနေရင်တော့ ၉၀ တုန်းက မဲပေးခဲ့တဲ့၊ အားကိုးခဲ့တဲ့ မြန်မာပြည်သူတွေတော့ “သေပြီဆရာ” လို့ပဲ တရပါတော့မယ်။
(၆) နိုင်ငံတကာဖိအားဆိုတာ “အိုးကပူမှ စလောင်းကပူ” မယ့် အနေအထားပါ။
နိုင်ငံတကာအနေအထားကို ကြည့်မယ်ဆိုရင်လည်း ဗိုလ်သန်းရွှေတို့ရဲ့ ရွေးကောက်ပွဲ ဖြစ်မလား မဖြစ်မလား တောင် မသေချာသေးဘူး၊ အခုကိုပဲ နောက်အစိုးရသစ်နဲ့ ဆက်ဆံဖို့ဆိုတဲ့ လေသံတွေကို အမေရိကန်၊ တောင် ကိုရီးယားနဲ့ ထိုင်းတို့လို နိုင်ငံမျိုးတွေကတောင် ဟနေပါပြီ။ တရားမ၀င် အစိုးရအဖြစ်နဲ့ ရပ်တည်ခဲ့တဲ့ အနှစ် (၂၀) ကျော်အတွင်းမှာတောင် တရုတ်၊ အိန္ဒိယနဲ့ အာဆီယံတို့လို ပတ်ဝန်းကျင်နိုင်ငံတွေက ရေနံ၊ သဘာဝ ဓာတ်ငွေ့၊ သယံဇာတတွေမျက်နှာနဲ့ (မသာအိမ် ဖဲတက်ရိုက်ချင်တဲ့စိတ်ကို အကြောင်းပြုပြီး) ဖေးဖေးမမ ကာ ကာကွယ်ကွယ် ဆက်ဆံခဲ့တာကိုကြည့်ရင် ရွေးကောက်ပွဲနဲ့ လိမ်ပြီး တရားဝင်အစိုးရလို့များ ကြေညာချိန်ကျ ရင် ဘယ်လောက်တောင် အမြီးနှန့် လက်ခုပ်တီးပြီး ညာစားကြမလဲဆိုတာ ရိုးရိုးလေး စဉ်းစားကြည့်ရင်ကို အ ဖြေပေါ်နေပါတယ်။
ဒါ့အပြင် အနှစ် (၂၀) ကျော်အတွင်း အမေရိကန်၊ အနောက်ဥရောပနဲ့ ကုလသမဂ္ဂက စီးပွားရေးပိတ်ဆို့ဒဏ် ခတ်မှုတွေနဲ့ ဖိအားပေးမှုတွေ လုပ်ခဲ့တာတွေလည်း ဂိတ်ဆုံးသလောက်ရှိနေပြီလို့ ထင်ပါတယ်။ ဘာဖြစ်လို့လဲ ဆိုတော့ သူတို့မှာကလည်း နအဖကို ကိုယ်ထိလက်ရောက် အရေးယူပေးဖို့ဆိုတာ ဘောလုံးသမားကို အနီ ကတ်ပြ မောင်းထုတ်နိုင်တဲ့ ကွင်းလယ်ဒိုင်လူကြီးလို ပါဝါအာဏာ ချက်ချင်းသုံးလို့ရတာမျိုးမဟုတ်တော့ စီးပွား ရေးပိတ်ဆို့ဒဏ်ခတ်မှုတွေရယ်၊ အခြားဖိအားပေးမှုတွေရယ်၊ စိုးရိမ်ပူပန်ကြောင်း ပြောဆိုတာရယ်နဲ့ပဲ ကူညီနိုင် သလောက် ကူညီခဲ့တာလို့ ထင်ပါတယ်။ ကျနော်တို့ အတိုက်အခံဘက်ကလည်း နအဖ လူချတယ်၊ ညစ်ပတ် တယ်ပဲ တိုင်တန်းရင်း အချိန်ကုန်နေပြီး ကိုယ်က (မြန်မာအသင်းတိုက်စစ်မှူး ၀င်းအောင်လို) တဘက်အသင်း နောက်တန်းတွေ ကိုယ့်ကိုဖြုံအောင် (မချမပြုရဲအောင်) ခပ်ကြမ်းကြမ်း ကစားပြတာမျိုး တကြိမ်တခါမှ မရှိခဲ့ လေတော့ အခုအချိန်အခါမှာ တသင်းလုံး ကျိုးပဲ့ဒဏ်ရာရတဲ့ အနေအထားမျိုးနဲ့ တိုးခဲ့ရတာဖြစ်ပါတယ်။
အမှန်ကတော့ အမေရိကန်၊ အနောက်ဥရောပနဲ့ ကုလသမဂ္ဂတို့က ကာယကံရှင် အိုးကမပူတဲ့ အနေအထားမျိုး မှာ စလောင်းဖြစ်တဲ့ သူတို့က သူတို့ ပူပေးလို့ရသလောက်ပဲ အစွမ်းကုန်ပူပေးခဲ့တဲ့သဘောဖြစ်ပါတယ်။ အစိုးရ ဖွဲ့ဖို့ တာဝန်ရှိတဲ့၊ မန်းဒိတ်ရှိတဲ့ အန်အယ်လ်ဒီနဲ့ စီအာရ်ပီပီတို့က အစိုးရဖွဲ့ပြီး ချဲလင့်ခ်ျခေါ်တဲ့အထိ တချီတလမ်း အကဲစမ်းတာမျိုးလောက်မှ မလုပ်ခဲ့လေတော့ (အိုးကမှ မပူခဲ့လေတော့) စလောင်းဖုံးဖြစ်တဲ့ သူတို့အနေနဲ့ သူ တို့ ပူပေးနိုင်သလောက် အစွမ်းကုန် ပူပေးခဲ့တာကိုပဲ ကျေးဇူးတင်ရမလို ဖြစ်နေပါတယ်။ ခက်တာက ဗိုလ်သန်း ရွှေတို့ရဲ့ အတုအယောင် ရွေးကောက်ပွဲကြီး အောင်မြင်သွားခဲ့ရင် အနှစ် (၂၀) ကျော် အတိုက်အခံတွေအပေါ် ပူနိုင်သလောက်ပူပေးခဲ့တဲ့ စလောင်းကြီး (အမေရိကန်၊ အနောက်ဥရောပနဲ့ ကုလသမဂ္ဂ) က အရင်လောက် ကော ဆက်ပူပေးပါဦးမလားဆိုတာ စိုးရိမ်စရာဖြစ်လာပါတယ်။
(၇) ပြည်သူ့အစိုးရဖွဲ့ရန်မှတပါး အခြားမရှိ။
နိုင်ငံတကာအနေအထားတွေက အဲဒီလို အခြေအနေတွေရှိနေလို့ အခုအချိန် စလောင်းက တတ်နိုင်သ လောက် ပူပေးနေတုန်းရှိဆဲအချိန်မှာ အိုးဖြစ်တဲ့ အန်အယ်လ်ဒီ၊ စီအာရ်ပီပီတို့က ကျနော်တို့လည်း ပူပါပြီဆိုတဲ့ အကြောင်း အမြန်ဆုံးပြသဖို့ တိုက်တွန်းနေရတာဖြစ်ပါတယ်။ မဟုတ်ဘဲ ဒီအတိုင်း သပိတ်မှောက်တာလောက် နဲ့ နိုဝင်ဘာ (၇) ရက်ကို အကျော်ခံလိုက်ရင်တော့ နိုဝင်ဘာ (၇) ရက်ရဲ့ ဟိုမှာဘက်မှာ မြန်မာ့ဒီမိုကရေစီရေး “မကျေနပ်ရင် တစ်ကပြန်စ” ဆိုတဲ့ အနေအထားမျိုးကို ပြန်ရောက်ပြီး အနှစ် (၂၀) ကျော် အသက်၊ သွေး၊ ချွေး နဲ့ဘ၀တွေ ရင်းနှီးပေးဆပ်ခဲ့သမျှ ‘ပလုံစွပ်’ ဖြစ်ကုန်မှာကို အထူးစိုးရိမ်ရကြောင်းနဲ့ လူထုကြည်ညိုလေးစားအား ထားတဲ့ ခေါင်းဆောင်တွေနဲ့ တာဝန်ရှိ မန်းဒိတ်ရှိတဲ့ ခေါင်းဆောင်တွေကို “ပြည်သူ့အစိုးရဖွဲ့ရန်မှတပါး အခြားမ ရှိ” ပါကြောင်း လေးစားစွာ အကြုံပြုတိုက်တွန်းပြောကြားရင်း ကျနော့်ရဲ့တင်ပြမှုကို နိဂုံးကမ္ပတ်အဆုံးသတ် လိုက်ရပါတယ်။ ။
အားလုံးသို့ လေးစားစွာဖြင့် …
ဒေါက်တာလွဏ်းဆွေ
Posts
48 comments:
အဖြစ်သင့်ဆုံး ။ အလုပ်သင့်ဆုံး အချိန်ကျပြီ ။
လေသံတွေ နဲ့ဘဲ လေဖန်းဒန်းစီးနေရမယ့် အခါ မဟုတ်တော့ ။ကြေငြာချက် ထုတ်ရုံလောက်နဲ့
ပြောင်းလဲ သွားမှာ မဟုတ် ။ သပိတ်မှောက်ရုံနဲ့ မလုံလောက် ။ ဒီပွဲ မှာ ရေငုံနေကြယင် ၇၄ တုန်းကလို ထပ်ရှုံးဦးမှာဘဲ ။ ဒါဆိုယင်တော့ စောင့်ပေရော ဆယ်စုနှစ်ပေါင်းများစွာ ။ ရင်း ပေရော့ အသက်ပေါင်းများစွာ ။ စတေးပေတော့ အချိန်ပေါင်းများစွာ ။ ဒါကြောင့် ချ ကို ချရတော့မယ် ။
ပြတ်ပြတ်သားသား ပေါ့ ။ ဒါပါဘဲ ။ ကျနော်ရို့ကတော့ ဘာကောင်မှ မဟုတ်ပေမယ့် ကျရာနေရာက ဝင်နွှဲဖို့ အဆင်သင့် ။ စောင့်နေတယ် ။ ဒါပါဘဲ ။
အင်အယ်ဒီ စီအီးစီ နဲ့ စီအာပီပီ က ဘာမှ လုပ်မယ် မထင်တော့ပါ။ ဒီလိုနဲ့ပဲ November 7th ကို အီးရော အီးရော နဲ့ ကျော်သွားပါလိမ့်မယ်။ နောက်ထပ်ကြေငြာချက်တွေ ထုတ်ရင်း ကန့်ကွက်ရင်းနဲ့ ဦးအောင်ရွှေ လဲ မာလကီးယားသွားမှာပါပဲ။
ဦးတင်ဦး နဲ့ ဦးဝင်းတင် တုိ့လဲ ကျမ်းမာရေး မကောင်းလှတော့ပါ။ အင်အယ်ဒီ CEC အဖို့ ဒေါ်အောင်ဆန်းစုကြည် ကို လွှတ်မှာကို မျှော်လင့် နေကြတာ နဲ့ပဲ အချိန်ကုန်နေပါပြီ။
အလေးအနက်ထားလုပ်သင့်ပါပြီ၊
ပေးဆပ်မှုရှိမှ တန်ရာတန်ဖိုးရမယ်ဆိုတာ
သမိုင်းတစ်လျှောက်လုံးပြခဲ့ပါပြီ။
ကျောင်းသားနှင့်ဘုရားသားများ
ပေးဆပ်ခဲ့ပြီ။ ပြည်သူပြည်သား
သွေးမနည်းကြပါနဲ့။ တာဝန်ရှိကြပါ။
ခေါင်းဆောင်များပြတ်သားပါ။
ကုလားထိုင် ဖက်ထားမဲ့သူ (ဦးအောင်ရွှေ)
ဘေးမဲ့ထားခဲ့ပါ။
နောက်လိုက်ဖို့ ကျရာနေရာက ဝင်နွှဲဖို့
ကျနော်တို့အသင့်စောင့်နေတယ်။
သိပ်ကောင်း..။ အရမ်းထိမိ တန်ဘိုးရှိလိုက်တာဗျာ ။
လေးစားမိပါတယ်ဆရာ ..။ တချက်အကြံပြုပါရစေ ။
ရိတာထေ့တာမဟုတ်ပါ ၊ တကယ်တိုက်တွန်းအကြံပြုတာပါ။
၁။ဆရာ့ဘလော့ကနေ ဘယ်နေ့ဘယ်သူတွေ ဘယ်လိုတိုက်ပွဲဝင်ကြမလဲ ဦးဆောင်ကြမလဲလို့ ခေါင်းဆောင်နာမည်ခံထားတဲ့ ဆရာကြီးတွေကို နာမည်တပ် တရားဝင်မေးပေးပါလား ။
၂။ဆရာကိုယ်တိုင်ပါဝင်တဲ့ လူထုတိုက်ပွဲကော်မီတီမှာရော ငါတို့ဘယ်လိုဦးဆောင်မယ်ဆိုပြီး ပြတ်သားတဲ့တိုက်ပွဲဝင်ဘို့
အခြေနေမရှိဘူးလား၊ အဲလိုလုပ်ဘို့ တိုက်တွန်းဆွေးနွေး ကြည့်ပါလားဆရာ။
၃။မဲဆောက်မှာရှိတဲ့ နိုင်ငံရေးတော်လှန်ရေးသမား အမည်ခံ အားလုံးတက်ဘို့ ညီလာခံတရပ် အမြန်ကျင်းပ ဘို့ နီးစပ်ရာလူတွေစုစီစဉ်ပြီး ဆရာ့ဘလော့ကနေ ဆော် သြပါလားခင်ဗျာ ။အဲဒီကနေ ဘယ်သူတွေ တော်လှန်ရေး စိတ်ဘယ်လောက်ရှိသေးလဲ ညာမနေကြတော့ပဲ (သက်စွန့်)တိုက်ပွဲတခုကိုသွားဘို့ ခေါင်းဆောင်မလို ဘုံတူညီမှုနဲ့ တိုက်ပွဲဝင်ဘို့ ဆွေးနွေးမဲ့ ညီလာခံတရပ်ပေါ့။
၎။ခုလိုပြောနေတဲ့ မင်းကရောလို့ပြန်မေးရင် စစ်အုပ်စုရဲ့ ခွေးကောက်ပွဲပျက်ရေး ပျက်အောင်ဖျက်နိုင်ရေးအလုပ် တွေ (ဘယ်လောက်ထိရောက်မထိရောက်ဆိုတာထက်) လုပ်နေပါတယ် ၊ အစွမ်းကုန် လုပ်နေကြပါတယ် ၊ လုပ်နေတဲ့သူတွေလဲ ရှိတော့ရှိပါတယ် လို့ ပြောပါရစေ။
အရေးတော်ပုံအောင်ရမည်။
စစ်အာဏာကို ဖယ်နိုင်ရေး အစွမ်းကုန်တိုက်နိုင်ကြရမည်။
အေး ...ပြောရမယ်ဆ်ိုရင်တော့၊ နောက်ဆုံးအချိန်ကို ရောက်နေပါပြီ၊ အခုလည်း တရားစွဲတယ်ဆိုလား ဘာဆိုလား ကြားတာပဲ အခု အချိန်မှာမှ တရားစွဲတာတို့ အယူခံတင်တာတို့လောက်နဲ့ကတော့ ဘာမှအလုပ်ဖြစ်မှာ မဟုတ်တော့ဘူုး၊ အယူခံတင်တာကို ဟိုတုန်းက လက်မခံပဲနဲ့ အခုမှ လက်ခံတယ်ဆ်ိုတာ ပြန်လွတ်လာနိုးနိုးနဲ့ စောင့်နေအောင် မက်လုံပေးတာပါပဲ၊ အဲလိုသာ စောင့်နေလို့ကတော့၊ LND ရဲ့ နောက်ဆုံးနေ့ရက်များ ဆိုတဲ့ ခေါင်းစီးနဲ့ ဘယ်လို ဆောင်းပါးတွေ ရေးကြမလဲဆိုတာကိုပဲ၊ ဘလော့ဂါတွေ တွေးထားကြပေတော့။ စင်တင်ဘာတုန်းက LND ဆိုလို့ ရပ်ကွက်ထည့်က ကောင်လေးတွေ တစ်ယောက်စ နစ်ယောက်စ လောက်ပဲ ဝါသနာအရ ထွက်လာတာကို တွေ့တယ်၊ ဘယ်ခေါင်းဆောင် တစ်ဦင်္းတစ်ယောက်ကမှ ဘာမှ မလုပ်ခဲ့ကြဘူး၊ ဒါနဲ့ တောင် ဒေါ်အောင်ဆန်းစုကြည်ကို ဝန်းရံပေးကြပါလို့ ပြောနေကြသေးတယ်၊ ပြည်သူတွေ မညံ့ပါဘူး။ ဘာလုပ်ရမယ် ဆိုတာကိုသာ ပြောပါ၊ နအဖ လုပ်ပြီးမှ ကြော်ငြာချက် ထုပ်တာတို့၊ ကန့်ကွက်တာတို့ ၊ တရားဥပဒေနဲ့ မညီင်္ဘူးဆိုတာတို့တွေ ကိုတော့ မပြောပါနဲ့ ဗျာ။ LND ခေါင်းဆောင်ဆေတွကို လေးစားပါတယ်။
အွန်လိုင်း က နေ တော်လှန် တာကတော့လူတိုင်းတော်လှန်တတ်ပါတယ်..။
NLD နဲ့ LND တောင်ခွဲမသိတဲ့ သူတွေရှိနေသရွေ့.. အောင်မြင်ဦးမယ်..တော်လှန်ရေးကြီး..။(ဒီမိုကရေစီ
သမားပီသရင်..ကျွန်တော့်ကွန့်မန့်တင်ပေးပါ)
လူကြီးတွေကြားထဲမှာအကွဲအပြဲတွေအသင်းအုပ်စုဖွဲ့ မှုတွေရှိနေသေးသမျှ တော့ဘယ်လိုနည်းနဲ့မျှမအောင်မြင်ဘူး ကျွန်တော်ကလူငယ် တယောက်ရဲ့အတွေးပဲတွေးတတ်သေးတယ်ဗျာ တကယ်ပြောရမယ်ဆိုရင် ကျွန်တော်တို့လူကြီးတွေကသွေးတိုးစမ်းနိုင်ငံရေး အစမ်းသပ်ခံနိုင်ငံရေးလုပ်နေကြတာပါဗျ။တကယ်တိုက်ပွဲခေါ်တဲ့နိုင်ငံရေးမလုပ်ကြပါဘူး လုပ်ဖို့ပဲသတ္တိမရှိကြပါဘူး တကယ်ဦးဆောင်ဆွေးနွေးမှုမရှိဘူး တိုင်ရင်းသားတွေနဲ့ သေသေချာချာညှိနှိုင်းတိုင်ပင်ဆွေးနွေးမှု မလုပ်ကြဘူးပြည်ပနအဖလို့အောင်အမည်တပ်ပေးရမလိုဖြစ်နေတယ် ၂၀၀၈တုန်းက ကျွန်တော်တို့တွေဘုတ်နိုးတွေကောနိုးဘုတ်တွေကောလုပ်လိုက်ရတာအမောပဲ မအောင်မြင်ဘူးဆိုတော့၂၀၁၀ ရှိပါသေးတယ်အဲဒီအချိန်အပီတိုက်တာပေါ့တဲ့ လူကြီးတွေပြောတာပဲ ဘာတွေပြင်ဆင်ပြီးပြီလဲမေးတော့ ရွေးကောက်ပွဲဥပဒေမထွက်သေးလို့ဆိုပဲ တကယ်တမ်း ရွေးကောက်ပွဲဥပဒေထွက်လဲလာရောအူးယားဖားယားနဲ့အတင်းအစည်းဝေးတွေခေါ် ဘာတွေခေါ်လုပ်ကြတယ် ချီးပါခါနီးမှချီးကတွင်းပေါက်ရှာကြ ပရိုပိုဇယ်တွေတင်လုပ်ငန်းဖေါ်ဆောင်ရေးတွေလုပ်နဲ့ ဘယ်မှာလဲစနစ်ကျတဲ့စုစည်းမှု လူကြီးတွေဘာတွေလုပ်နေလဲဗျ ကျွန်တော်တို့လူငယ်တွေစုစည်းပြီ ဆိုတော့မင်းတို့တွေက ဘာလုပ်မှာလဲအဖွဲဖွဲ့တာလားဘာလားနဲ့တကယ်ကော ဒီမိုကရေစီကျကျအလုပ်တွေလုပ် နေကြလား ကိုယ့်ကိုယ်ပဲပြန်မေးကြပါ တိုင်းပြည်အတွက်လုပ်နေတာလား ကိုယ့်အတွက်ကိုယ်လုပ်နေတာလား ကျွန်တော်တို့လူငယ်တွေကထောက်ပြရင်ရိုင်းတယ်ပြောမယ် လူကြီးပိုင်းတွေမှာကောဘယ်လိုအခြေအနေ၇ှိနေလဲ သူ့လူ ငါ့လူ အမြဲတမ်းခွဲ နေတာပဲမဟုတ်လား မြောက်လွတ်နယ်မြေမှာလွတ်လပ်စွာသဘောထားကွဲလွဲခွင့်ရှိတယ် ကွဲလွဲကြပါ တိုင်းပြည်အတွက်ဘာမှအရာမဝင်တဲ့သူတွေအဖြစ်နဲ့ဆက်လက်ရပ်တည်ပေးကြပါ။ပြည်ပကခေါင်းဆောင်အားလုံးကိုကျေးဇူးတင်ပါတယ် အမြဲသဘောထားကွဲလွဲမှဒီတော်လှန်ရေးကြီးကလဲဆက်လက်ရှိနေမှာလေ တော်လှန်ရေးကြီးအဓွန့် ရှည်ပါစေ။
ဒီဆောင်းပါးဟာ တကယ်ကောင်းပါတယ်။ စာရေးသူရဲ့ (ပြည်သူတွေရဲ့ ) အားမလို အားမရကိုလည်း ထင်ဟပ်စေပါတယ်။ နောက်လိုက်ကောင်းအနေနဲ့ လည်း သာမန်ပြည်သူတစ်ယောက် အနေနဲ့ သေမှာ၊ အဖမ်းခံရမှာ မကြောက်မရွံ့ နဲ့  တတ်စွမ်းသရွေ့ လုပ်ဆောင်ခဲ့ဖူးပါတယ်။ ပြည်သူအားလုံးတိုက်ပွဲဝင်ကြ တော့ဆိုရင် တိုက်ပွဲ ၀င်ကြမှာပါ။ အခုက မျောသလို ဖြစ်နေတယ်။ NLD က Do or Die မှဖြစ်မှာပါ။ ရက်က တဖြည်း ဖြည်းနဲ့ သုံးပတ်လောက် ဘဲ ကျန်ပါတော့ တယ်။ ပြည်သူတွေ စစ်ကျွန်ဘ၀ ကို ရောက်ရတော့ မှာလား။ အမှန်က ပြည်သူ့ အစိုးရအဖြစ်ကြေငြာပြီး သူတို့ အဖမ်းကို လွယ်လွယ်နဲ့ မခံဘဲ ရှောင်တိမ်းပြီး နောက်ကွယ်က ဘာလုပ်ရမယ်ဆိုတာကို ညွှန်ကြား ရမှာပါ။ ပြည်သူတွေက ဘာလုပ်ရမလဲ မသိဘူး ဖြစ်နေပါတယ်။ ဟုတ်ပြီ။ ကိုယ်တိုင်လည်း မဲမပေးဘူး။ မိသားစု။ အပေါင်းအသင်းတွေ လည်း မဲမပေးဖြစ် အောင် သေချာအောင် တိုက်တွန်းလို့ ရမယ်။ ဒါနဲ့ တင် NLD ကရပ်နေလို့ မရဘူး။ သူတို့ က 2008 တုန်းကလို လုပ်သွားမှာ။ ဒီတော့ မဲမပေးရေးထက်ပိုတဲ့ တစ်ခုခုကို ပြတ်ပြတ်သား သား လုပ်ရပါမယ်။ လုပ်ကြပါ။ နောက်မှာ ပြည်သူ တစ်ရပ်လုံးရှိပါတယ်။ ပြတ်ပြတ်သားသား ညွှန်ကြားပါ NLD
Theinn ကလဲ စိုးရိမ်နေလိုက်တာ။ ဘာတွေရေးထားလို့ မတင်ပေးမှာစိုးနေတာလဲ။
မှားရိုက်မိလို့ နေမှာပေါ့။ NLD တော့လူတိုင်းသိမှာပါ..အမျိုးယုတ်ခွေးစုပ်တွေတောင် NLD ဆိုကောင်းကောင်းသိတာကို။
ဟုတ်တော့ဟုတ်ပါတယ်. on line မှာရေးကြတာတော့လွယ်တာပေါ့. လက်တွေ့ လုပ်ကြဖို့ လဲလိုသေးတယ်။ အများပြည်သူကောင်းစားစေချင်ပါတယ်.ခံစားနေရတာတွေများလွန်းပါပြီ..လူဘ၀တိုတိုလေးမှာလူတန်းစေ့လေးနေခွင့်ရသင့်တယ်. တာဝန်ရှိသူများလဲကိုယ့်ဘို့ ဘဲကြည့်လို့ မဖြစ်သေးဘူး. ငါလုပ်ပေးလိုက်လို့ တိုင်းပြည်ဘယ်လောက်ကောင်းသွားတယ်ဆိုတဲ့ပီတိမျိုး ခံယူတတ်တဲ့အဆင့်လောက်ရှိတဲ့ခေါင်းဆောင်မျိူးဆိုရပါ
ပြီ..ကိုယ်ကျိုးကတော့အဆင့်နှိမ်သတ္တ၀ါတွေတောင်ကြည့်တတ်ကြပါတယ်။
ဖွဲ့ကြကွာဖွဲ့ကြ။ ဒီဘက်မှာလည်း တို့က ကားပြာကြီးတွေနဲ့ အကုန် အင်းစိန်ပို့ ဖို့စောင့်နေတယ်။ မပူနဲ့။ အခု အကျဉ်းသား ၁သောင်းကျော်လည်း လွှတ်ပေးမယ် ဆိုတော့ မင်းတို့ အထဲမှာ ချောင်ချောင်ချိချိ ရှိမှာပါ။ ဒေါ်စုကြည်လည်း နိုဝင်ဘာ လွတ်ဖို့ မစဉ်းစားနဲ့။ အရင် သက်ညှာ ခဲ့တဲ့ ပြစ်ဒဏ်တွေပါ ပေါင်းခံရမယ် မှတ်။
လွမ်းဆွေ နဲ့ ထိုင်းနယ်စပ်က ကောင်တွေ မျက်ခုံးလှုပ်နေပြီလေ။ ရွေးကောက်ပွဲပြီးရင် သူတို့ဘုံပျောက်တော့မယ်။ အခု သူတို့ ပထွေး အမေရိကန် ကိုယ်တိုင်က နောင်တက်လာမဲ့ အစိုးရ သစ်နဲ့ ဆက်ပြီး ဆက်ဆံသွား မယ်လို့ပြောနေပြီ။ ဖတ်ကြည့်ကြ http://www.voanews.com/burmese/news/myanmar-us-104855864.html ။ အဲတော့ ဒီမောင်တွေ မျောက်မီးခဲ ကိုင်မိသလို ဆွေ့ဆွေ့ ခုန်ပြီး။ မင်းသားမလုပ်ရ ပတ်မထိုးဖေါက်မယ် ဆိုတာမျိုးလာ လုပ်နေကြပြီ။ ဒါပေမဲ့ ရဟန်းရှင်လူ အပေါင်း မပူကြပါနဲ့။ အင်းစိန် ထောင်ကြီး ခါထားပြီးပါပြီ။ နယ်စပ်က ဘုံပျောက်လာမဲ့ ကောင်တွေအတွက် နိုင်ငံတော်စရိတ် နဲ့ ကျွေးမွေး ပြုစုစောင့်ရှောက်ထားမှာပါ။
ဒေါက်တာလွမ်း.. သိပ်ကောင်းတဲ့ ဗျူဟာတင်ပြမှုပါ.. ကြောင်ကိုဘယ်သူခြူဆွဲပေးမလဲ.. ဆိုတဲ့ ခပ်ဖျင်းဖျင်း မေးခွန်းတွေ--သံသယ တွေ နဲ့ အချိန်ကုန်နေမဲ့အစား.. နင်းစရာရှိ နင်း ခြေ စရာရှိ ခြေ.. စသင့်ပြီ.. လက်ရှိ ရွေးကောက်ပွဲရယ်..ဖွဲ့စည်းပုံရယ်..တိုင်းပြည်အခြေ အနေရယ်က.. မိတ်ဆွေရှေ့နေတစ်ယောက်ပြောဘူးတဲ့ အခြေအနေမျိုးရောက်နေတယ်.. " You are up in the shit creek without the paddles." “ချီးချောင်းကိုလှော်တက် မပါဘဲ ဆန် တက်နေရတဲ့ အခြေအနေမျိုးပါ” တက် မရှိတော့ ချီးချောင်းထဲလက်နှစ်ပြီး လှော် ရင်း ဆန်တက်ကိုတက်ရတော့မှာပါ.. ချီးပေမှာ ကြောက်နေရင်တော့... ချီးချောင်းထဲမှာဘဲ တိုင်းပြည်ဟာ မြုတ်သွားတော့မှာပ... ကျနော့စိတ်ထဲမတော့.. ရွေးကောက်ပွဲအထိတောင် ရောက်မယ် မထင်ဘူး.. သိတဲ့အတိုင်းဘဲ..မစ ရသေးဘူး.. သင်းတို့ရဲ့ စရိုက်ဆိုးတွေအတိုင်း.. ကားပြာတွေ..ဖမ်းမယ်တွေ နဲ့ အူသံတွေပေးနေကြပြီ.. ဘာမှမလိုချင်ဘူး..ဖွဲ့စည်းပုံပြောင်းပြီး..စစ်မှန်သောဒီမိုကရေစီစနစ်.. ကို လမ်းဖေါ်နိုင်ရင် ကျေနပ်ပြီ... Decision maker များရဲ့ Initiation သာလိုပါတယ် လို့ထင်မြင်ယူဆပါကြောင်း.....
theinn ပြောသလို..ပါပဲ၊ စာလုံးပေါင်းမှာတာကိုဝန်ခံပါတယ်၊ ဒါပေမယ့် စာသားထည့်က အဓိပ္ပါယ်တစ်ခုခုမှားတာများ ရှိပါသလား။ လူဆိုတာကတော့ ကိုယ့်ဝါသနာနဲ့ ကိုယ်ပါ စာနဲ့ တော်လှန်နေတာရှိမယ်၊ အလုပ်နဲ့ တော်လှန်နေတာရှိမယ်၊ ဘယ်လိုပဲ တော်လှန်တော်လှန်၊ လုပ်နိုင်တာကို လုပ်နိုင်သလောက်ပဲ လက်ခံစေချင်ပါတယ်၊ အေး တစ်ခုတော့ရှီတယ်နော်၊ ငါ ခေါင်းဆောင်ဟေ့....လို့ နာမည်ကို လက်ခံတယ်ဆိုရင် ဦးဆောင်ကြပါ၊ မင်းပဲ ထလုပ်ကြည့်ပါလား၊ သူပဲ ထလုပ်ကြည့်ပါလားလို့ တစ်ယောက်နဲ့ တစ်ယောက် အငိုက်ဖမ်းနေလို့ကတော့၊ သူကတော့ ၈၈ က ဘာကောင်မို့လို့လည်း၊ ငါကတော့ ဘယ်လိုလို လုပ်ခဲ့တာနဲ့ ၊ ဘုန်းတော်ဘွဲ့တွေပဲ ရေးနေ၊ ကြော်ငြာချက်တွေပဲလုပ်နေ၊ အစိုးရကို တရားပဲ ပြန်စွဲနေလို့ကတော့လား..။ နိုင်ငံတော် အစိုးရကို မပြောနဲ့ အုံး၊ ရဝတ ဥက္ကဋ္ဌကိုပဲ တရားစွဲကြည့်ပါအုံး ကိုယ့်လူတို့ရယ် ၊ လယ်နဲ့ ချောင်းကို ပေါင်ပေးရလိမ့်မယ် မှတ်။
Where is Sein Win? What is he doing at D.C? How come he's so quiet?
Good News!
I do have a plan to assassinate Big 1-5s before Nov 7. My men are already in 'Sittwe'. Just sit back and relax.
အပြုသဘောဝေဖန်လိုက်တာ ထိမိတယ်ဗျာ။ NLD တိုက်ပွဲ ပြောင်းသင့်ပြီ။
တရားစွဲတာ သပိတ်မှောက်တာ တချိန်ကျရင် အသုံးဝင်မှာပါ။
စစ်အာဏာရှင်တွေကို ဘက်ပေါင်းစုံက (VIOLENT OR NON VIOLENT) တိုက်ပွဲဝင်တာ ကြိုဆိုတယ်ဗျို့
Ye Min ဆိုတဲ့မအေပေးမိုက်ရိုင်းလိုက်တာ၊တခုရှိအင်အားသုံးဖမ်းစီးမဒိန်းသမားစောက်ကျင့်ခုထိမဖျောက်နိုင်သေးဘူး၊
သောက်ရေးမပါတဲ့ခွေးမြောက်ပွဲပြီးတော့လွန်းဆွေ ကဘာဖြစ်မှာတုန်း၊ နိုင်ငံထဲကလူတွေကအရင်ကြုံရမှာ.
ဒေါ်စုကိုမစော်ကားပါနှင့် မင်းမဖေတွေထက်အများကြီးသာပါတယ်..
This is the end of NLD leaded by the person don't dare to take the risk of Revolution. All of them will sink down into the current of Evolution.
တွေ့ဆုံဆွေးနွေးရေး ကို တောင်းဆိုနေ တာ ကို ရပ်ပြီး လူထုတွေပါဝင်လာမယ့် လူထုတိုက်ပွဲ ဖော်ဆောင်လိုက်ရင် တည့်မတ်သွားမယ် လို့ ယုံကြည်ပါတယ်.........
ဆရာ ရေ ထိရောက်တဲ့ လှုံ့ဆော်မှုပါဘဲ အန္တရာယ် က ခေါင်းလောင်းသံမည်နေပါပြီ ဆရာ ...ကျွန်တော်တို့ မြန်မာလူမျိုးဆိုတာကလည်း ခေါင်းဆောင် မရှိရင် ဘာမှမလုပ်တတ်တဲ့ လူမျိုးဖြစ်နေတော့....ခေါင်းဆောင်က အမိန့်ပေးမှ လုပ်တဲ့ အကျင်ံ့က မွေးထဲက အကျင့် ပါသလို ဖြစ်နေတာ ကျွန်တော်တို့ တသက်ပါ ဆရာ ..နိုဝင်ဘာ (၇)ရက်မရောက်ခင် အမိန့်သံကို စောင့်ရင်း..........
အိုင်ဆေး ဆြာလွဏ်း၊
အခုလိုအတည် အခန့်၊ မျှမျှတတ၊ အများနားခံသာအောင်၊ ဂိုဏ်းခွဲ ချင်သူတွေ မလိုတမာသူတွေ အလွယ်တကူ တိုက်လို့ မရအောင် အစွန်း မထွက်ဘဲ ရေးထား လို့ ကြိုဆိုပါတယ်။ ဝမ်းသာပါတယ်။
အထူးသဖြင့် အနောက်အုပ်စု နဲ့ ကုလ ကို အသားလွတ် မဆော်တာ၊ သမာသမတ် ကျကျ သုံးသပ်ထားတာ ကို သဘောကျပါတယ်။
တကယ်တန်းပြောရရင် အန်တီစု အနေနဲ့ အခုနေ ထရှိုးရင် အရှုံးမရှိပါဘူး။
ဆြာလွဏ်း နားလည်မှာပါ ရှိုးဝိုင်းမှာ ဆက်ရှင်ကလည်း ပြည့်တော့မယ် “လတ်(စ်)ဝါနင်” မှာ “ရမ်း” မျှော် ပြီး “ရှားဖဲ” ရိုက်တဲ့လူက အပုံကြီးနဲ့ တစ်ထရိုင်ပေါက် နေတဲ့ အိမ်ကို အောက်ပြုတ် နဲ့လှမ်းရှိုးသလိုပေါ့။
ဘာမှ သိပ်နစ်နာစရာ မရှိပါဘူး။ အနည်းဆုံးတော့ ဖဲ ပွတ်ရတာပေါ့။
“ရှားဂျက်” ကလေးတက်ဆောင့် ပြီး ရမ်းပေါက်သွားလို့ ကတော့ “ထရိုင်ကတ်” သမားလွမ်းပြီပေါ့။
ဒီအတိုင်း မျှောနေလို့ကတော့ “ထရိုင်ကတ်” သမားကစင်ပေါ်ကဘဲလေ။ ကင်းပူးလေးတွေ၊ ကွင်းပူးလေးတွေ ကို လည်း ဒင်းကဘယ် ကြောက်ပါလိမ့်မလဲ။ ဒိုသမား ဟောက်ဆင်လေး တွေပေါ်လာရင်လည်း ဒင်းက အပုံပုတ်ပြီးဟောက်လိုက်မှာပေါ့။ ဟောက်လည်း ဟောက်ထုတ်နေတာ ပဲမဟုတ်လား။
အန်တီစု က လတ်တလောမှာ (စိတ်တော့မရှိပါနဲ့) အောက်ပြုတ်ပဲလေ။ အလွန်ဆုံး ဖြစ် အကျယ်ချုပ် ကနေ အကျဉ်းချုပ်ပေါ့။ ဘာဖြစ်သေးတုန်း။ လွတ်လာပြီဆိုလည်း ဘာမှလုပ်လို့ ရမှာမှမဟုတ်တာ။ နည်းနည်းလှုပ်ရင် ပြန် “ဝန်” ရမှာဘဲလေ။ အသက်လည်း နည်းနည်း ထောက်လာပြီဆိုတော့ ပြောရရင် ဆက်ရှင်ကနီးပြီပေါ့။
အိုင်ဆေး ဆြာလွဏ်း၊ နောက်ဆက်ပြီး အခုလို အရည်ရ အဖတ်ရ တာလေးတွေ ဖတ်ရမယ် လို့ မျှော်လင့်မိပါတယ်။
အနာဘောဂစရိယ
ဝီလျှံသာဂိ
Ye Min
ခုပဲ ရယက ကအစ အသတ်ခံနေရပြီတဲ့၊ (ဧရာဝတီသတင်းကိုဖတ်ကြည့်လိုက်)၊အာဏာရှိတုန်းလေသံ မပြင်းပါနဲ့ မမိုက်ရိုင်းပါနဲ့၊ စိန်မခေါ်ပါနဲ့၊ အော် တစ်ခုတော့ မှာထားဦးမယ်နော်၊ အာဏာလက်နက်အားကိုးနဲ့ မုဒိန်းကောင် လူသတ်ကောင်တွေလို့ ပြည်သူက သမုတ်ထားတာအကြောင့်းမဲ့တော့ မဟုတ်ဘူး။ အချိန်တန်ယင်လည်း ဒီလေသံ ဒီဟန်နဲ့ ပြည်သူကြား ကားယား ကားယား လာခဲ့ပါလို့ ဖိတ်ခေါ်ပါတယ်ဗျာ။
၈၈ တုန်းက ချက်စားတာ၊ ဒီတစ်ခါ အစိမ်းလိုက်ဝါးမှာဆိုတာတော့ နားလည်ထားပါ။
NLD က..ဦးဆောင်ပြီး…လူထုအုံကြွမှု..လုပ်မှာလား..? လူထုအုံကြွမှုကြီး..မတော်တဆ..ဖြစ်လာတာကို.. NLD နဲ့ ..ပြည်ပပြန်..တို့  က..
ခွစီးပြီး…ဦးဆောင်လို့ …အာဏာရအောင်ယူနိုင်..ဘို့ သေချာပြီလား…?
NLD..ကို..တခြားနိုင်ငံရေးအင်အားတွေက(အပစ်ရပ်တွေ..ကပါ).…၀န်းရံကြပါ့မလား..?
လူထုကရော..အရင်နှစ် ၂၀ ကျော်လောက်ကလို…ထောက်ခံဘို့ သေချာပြီလား…?
US နဲ့ ..နိုင်ငံတကာကရော…ဘယ်လိုလဲ…?
အမျိုးသားချင်းစစ်ခင်းမယ်ဆိုရင်…ဒီတခါ..သင်တို့  လူနည်းစု..ဘ၀..ရောက်နေတာ..ထည့်စဉ်းစား..ပြီးပြီလား……..?
အမျိုးသားပြန်လည်သင့်မြတ်ရေး..ကို..ရည်ရွယ်ရိုးမှန်ပါရဲ့ လား..….?
နောက်ထပ်ပြဿနာတခုကလည်း..စလာပြန်ပါပြီ..။
မြန်မာ့ တော်လှန်ရေး၏ ရန်သူများ စားရင်း
Enemies of the Burmese Revolution 20101003 ..ဆိုကာ..
http://myatlayngon.blogspot.com/2010/10/blog-post_9236.html..မှာ...တင်လာခဲ့သည်..။
831. Thakin Ba Sein, mentor of Dictator General Ne Win, Ba Sein-Tun Oke faction, founder of Dohbama Asiayone.
လက်ရာကတော့…ဗကပ…(BCP)…. လက်ရာလို့ ယူဆအပ်သည်..။ တော်လှန်ရေးအောင်ပွဲခံလျှင်..
သုတ်သင်ရှင်းလင်းပစ်မည့် ..စာရင်း..Black List…ပင်ဖြစ်သည်..။
ဒါမျိုးတွေ…မဆလ..ခေတ်ကတည်းက…စီစဉ်လေ့ရှိဘူးသည်..။
NLD က..လူထုတိုက်ပွဲ..နဲ့ အာဏာရလျှင်..ဒီလိုလုပ်မှာကွ…လို့ ကြိုတင်ခြိမ်းချောက်လိုက်တာလား….?
လိုရင်းတိုရှင်းပဲ..ပြောမည်..။
သခင်ဗစိန်..ကို..ဘာကြောင့် ..ထည့် တာလဲ…?
88 Generation Students Group…All Burma Federation of Students’ Union, All Burma Students’ Democratic Front, All Burma Young Monks Union,……etc.,စသည် တို့  က…
သခင်ဗစိန်…ကိစ္စ..တသဘောထဲလား..?
မြန်မာ့နိုင်ငံရေးသမိုင်း…ကို..ဘယ်လိုနားလည်လက်ခံထားတာလဲ..?
အမျိုးသားပြန်လည်သင့်မြတ်ရေး… အမျိုးသားပြန်လည်သင့်မြတ်ရေး…တကြော်ကြော်အော်ပြီး..
လင်္ကျာနိုင်ငံရေးအင်အားကို…လူထုနဲ့ ရန်တိုက်ပေးတာလား..?
ဒါမှမဟုတ်…ဒီမိုကရေစီရေး ထက် လက်ဝဲ လင်္ကျာနိုင်ငံရေး ပဋိပက္ခ ကို..ဇောင်းပေးဦးတည်..ချင်တာလား..?
သေချာစဉ်းစားကြဦးနော်…..
ဒါ..စဉ်းစားပြီး..ဆုံးဖြတ်ပြီးသား….ဆိုရင်လဲ…….
အမျိုးသားပြန်လည်သင့်မြတ်ရေးတွေ… အမျိုးသားညီညွတ်ရေး.တွေ…
ငြိမ်းချမ်းရေးတွေ….ဒီမိုကရေစီရေး တွေ…
လျှောက်ပြောမနေကြပါနဲ့ …တော့….အသင်..လက်ဝဲ၀ါဒီ…တို့ ….
၈၈ ဖြစ်ဖြစ်…၆၂ ဖြစ်ဖြစ်..၇၅ ဖြစ်ဖြစ်….ဗကပ..လမ်းစဉ်လိုက်.. ဗကပ..ပဲ..ယူဆမည်..။
NLD ဖြစ်ဖြစ်…ဒီမိုကရေစီ..ဘယ်လောက်အော်အော်….
ဗကပ..လမ်းစဉ်လိုက်.. ဗကပ..ပဲ..ယူဆမည်..။
ကဲ ကိုယ် ယုံတာ ကိုယ် ဆက် လုပ် ကြ ပါ စို့ …။ ။
ဆင်ဖမ်းမယ် ကျားဖမ်းမယ်
အနှစ် ၂၀ ရှိပြီး...
ရွေးကောက်ပွဲကိုလည်း မနှောင့်ယှက်နိုင်
ရွေးကောက်ပွဲ ပျက်သွားရင်လည်း ရှေ့ဆက်ဖို့လမ်းစဉ်က မရှိ ယောင်ဝါးဝါး
တော်တော် ချီးကျူးစရာကောင်းတဲ့ မြန်မာအတိုက်အခံတွေပါ...နိုဘယ်ဆုလည်းရ အောက်စဖုတ်ကနေလည်း ဘွဲ့တွေ ရထားပါတယ်ဆိုတဲ့ ဒေါ်အဲရစ်စုကြည်ကတော့ ၆ တန်းတောင် မအောင်တဲ့ ဦးသန်းရွှေကို မတိုက်နိုင်ဘူးတဲ့...
မောင်လူထု စာရေး လိုက်ပါတယ်။
အရင် ၁၉၈၇ တုန်းက မောင်ကျောငိးသား တယောက်တည်းနဲ့ မဆလ အသင်း ကစားခဲ.တာဗျ။ မဆလ က မရှုးံသေးဘူး။
၁၉၈၈ ရောက်မှ ကျနော် မောင်လူထု မောင်ကျောငိးသားဖက် က ၀င်ကစားခဲ.တာ။
မဆလ အသင်း ကို နိုင်ခဲ.တယ်။
ညီခဲ.တာကိုး။ ကျနော် တို.နာသွားရင် လဲတဲ့့အရံတွေကလဲ ကောင်းမှကောင်း။
၁၉၈၈ စက်တင်ဘာ နောက်ပိုငိးကျ
မောင်အန်အယ်ဒီ၊မောင်နယ်စပ်၊မောင်အဝေးရောက်၊
မောင်တိုင်းရင်းသား...တို့ လဲ ပါလာပြီ။
အသင်းက နအဖ အသင်း နဲ့ ဖြစ်သွားပြီ။
ကျနော်တို့ ကတော့ အရင် မဆလ အသင်း ကိုခပ်ကြမ်းကြမ်း ကစားးခဲ.သလို ဆက်ကစားးခဲ.ကြတယ်။
ဒါပေမဲ့ နအဖ အသင်းကိုကျ မနုိူင်ဘူးဗျ။
ပွဲတိုင်း တသင်းလုံးမှာ ကျနော်ရယ်၊ မောင်ကျောငိးသားနဲ့့ မောင်တိုင်းရင်းသား သုးံယောက်ပဲ ကျိုးပဲ့ဒဏ်ရာရ၊နာခဲ.ရတယ်။ ကျန်တဲ့ လူတွေကတော့့အေးဆေးပဲဗျာ။
အနှစ် (၂၀)တောင်ရှိပြီ၊ ခုထိ မနုိူင်ဘူးဗျ။
နောက်တော့  ဘယ်ဟုတ်လိမ့် မတုန်း။
တသင်းလုံးမှာ ကျနော်မောင်လူထုရယ်၊ မောင်ကျောငိးသားနဲ့့ မောင်တိုင်းရင်းသား သုးံယောက်ပဲ နအဖ အသင်း
ကို ခပ်ကြမ်းကြမ်း နဲ့ တကယ် ကစားတာ ဖြစ်နေတာကိုး။
ကျန်တဲ့ အသင်းဝင် တချို့ ခေါက်ဆွဲ စား ရင် စားနေကြမှာ။
မောင်လူထု(ရှေ့တန်း၊ဒီမိုကရေစီအသင်းဝင်ဟောင်း)
ဒီမိုကရေစီဆိုတာ အများသဘောထားကို အနည်းစုက လေးစားလိုက်နာရတာပါ..အခုက ဘာနဲ့တူနေကြသလဲဆိုတော့ အစိုးရနဲ့အတိုက်ခံပါတီတစ်ခုမှာ မနိုင်နိုင်ရာနဲ့သတ်ကြဖြတ်ကြနဲ့ နိုင်တဲ့သူ စင်ပေါ်တတ်တမ်းကစားနေကြတဲ့ ပုံစံဖြစ်နေတယ်...
တိုက်ကြခိုက်ကြနဲ့ နိုင်တဲ့သူအစိုးရလုပ်တမ်းလုပ်နေကြတာဟာ တကယ့်ဒီမိုကရေစီနိုင်ငံရဲ့ အနှစ်သာရ လုပ်ငန်းစဉ်တွေမဟုတ်ဘူး...ထိုင်းနိုင်ငံလိုဖြစ်နေတယ် ဒီအစိုးရကိုမကြိုက်လို့ဆိုပြီး အတိုက်ခံတွေက ဆူလိုက်ပူလိုက် သတ်ကြဖြတ်ကြနဲ့ အစိုးရကိုဖြုတ်နိုင်ရင် အတိုက်ခံက အစိုးရတတ်လုပ် ဒီလိုနဲ့သံသရာလည်နေတယ် နိုင်တဲ့သူအစိုးရလုပ်စတမ်း...ကလေးတွေကြနေတာပဲ...ခံလိုက်ရတာကတော့ ကြားထဲက ဘုမသိဘမသိ ၀င်ပြီးစတေးခံလိုက်ရတဲ့ပြည်သူတွေပဲ...
ဒီမိုကရေစီကိုသွားတဲ့နေရာမှာ မိမိရဲ့ဆန့်ကျင်ဘက်လူပဲဖြစ်ဖြစ် ကောင်းတာလုပ်ရင်အားပေးရမယ် မှားနေရင် လမ်းကြောင်းတည့်ပေးရမယ် ကောင်းတာအတူတွဲလုပ် မကောင်းတာတွေ့ရင် ပြောဆိုဝေဖန်ထောက်ပြပေးရမယ်...ဒါကမှ ပညာရှင်ဆန်ဆန် နိုင်ငံရေးသမားကောင်းတွေရဲ့လုပ်ရပ်တွေပါ...အဲလိုမဟုတ်ပဲ ငါအာဏာမရမချင်းဘယ်သူတွေဘာလုပ်လုပ် အကောင်းမထင် ဆူမယ် ပူမယ် အာဏာကိုမရရအောင်ယူမယ်ဆိုတဲ့ပုံစံလုပ်နေတာက မရင့်ကျက်သေးတဲ့လူရိုင်းတစ်ယောက်လိုဖြစ်နေသလို နိုင်ငံရေးသမားကောင်းတွေရဲ့လုပ်ရပ်မဟုတ်ပါဘူး...
ဒါက ဘာနဲ့တူသလဲဆိုတော့ မိမိအာဏာရဖို့ တစ်ပါးသူ ပြည်သူရဲ့ ကျောပေါ ပုခုံးပေါ် ခေါင်းပေါ်ကို တတ်နင်းပြီး ထိုင်ခုံပေါ်ပြေးထိုင်တဲ့ မျောက်တစ်ကောင်လိုအဖြစ်နဲ့တူနေတယ်...မြန်မာပြည်တွင်းထဲက ပြည်သူတွေကို စစ်တမ်းကောက်ကြည့်ပါအုံး...ဘယ်နှစ်ရာခိုင်နှုံးများ လမ်းပေါ်ထွက် ဆူပူချင်ကြသလဲဆိုတာ နဲ့ ငြိမ်းချမ်းစွာနဲ့ ဒီမိုကရေစီအသွင်ကူးပြောင်းရေးကို လိုချင်ကြသလဲဆိုတာကို မေးကြည့်နိုင်ပါတယ်...သေချာတာကတော့ ဘယ်ပြည်သူမှမဆူပူချင်ကြပါဘူး...
စစ်တပ်အုပ်ချုပ်မှုကနေ မိမိတို့ကိုယ်တိုင်ရွေးချယ်တင်မြောက်ကြမယ့် အရပ်သားအစိုးရအုပ်ချုပ်မှုပုံစံပြောင်းလဲသွားတာကို နှစ်ခြိုက်ကြတာပါ...ဒီမိုကရေစီဆိုတဲ့ စနစ်တစ်ခုကိုငြိမ်းချမ်းစွာပြောင်းလဲသွားတာကို ပိုပြီးနှစ်သက်ကြတာပါ...ဒီစနစ်ကိုကျင့်သုံးတဲ့အခါမှာ ပြည်သူတွေရဲ့ ရသင့်ရထိုက်တဲ့အခွင့်ရေးအားလုံးကို နိုင်ငံကိုဦးဆောင်သွားကြမယ့်သူတွေက ဥပဒေမှာ လိုအပ်တာကိုဖြည့်ဆည်း မလိုအပ်တာကိုဖြုတ်ပြီး တရားဝင်ပြုပြင်ပြုလုပ်သွားကြမှာပါ...ပြည်သူတွေလိုချင်တာက သေကြေပြီးမှမရေရာတဲ့ ဒီမိုကရေစီစကားလုံးထက် သေချာရေရာတဲ့ ငြိမ်းချမ်းစွာနဲ့ မိမိတို့အခွင့်ရေးတွေကို ရရှိလာမယ့် ဒီမိုကရေစီစနစ်ကို ပိုတောင်းတကြတာပါ...
အခုပြောနေတဲ့ တိုက်ပွဲခေါ်သံတွေ ဆူပူအုံကြွမှုတွေဆိုတာ ဒီမိုကရေစီစကားလုံးကိုဗန်းပြပြီး မိမိတို့အာဏာရအောင် ပြည်သူကိုစတေးခိုင်းနေတဲ့ ကွန်မြူနစ် ဗကပ လမ်းစဉ်တွေပါ...
ဒီလိုလုပ်ရပ်မျိုးတွေဟာ ရွံမုန်းစရာအလွန်ကောင်းပါတယ်...ပြည်သူကို ဒီမိုကရေစီရစေချင် ကျင့်သုံးစေချင်တဲ့စေတနာသန့်သန့်ပဲရှိတယ်ဆိုရင် အခုကျင်းပမယ့် လျှောက်လှမ်းမယ့် အထွေထွေရွေးကောက်ပွဲကနေ ဖြစ်လာမယ့် ဒီမိုကရေစီစနစ်မှာ အတူလက်တွဲပါဝင်ပြီး ပြည်သူတွက်လုပ်ပေးရမယ့် လုပ်ပေးသင့်တဲ့အရာအားလုံးကို တရားဝင်တင်ပြကြ ဆွေးနွေးကြနဲ့လက်တွဲပြီး ဖြေရှင်းပြီး ပြည်သူကိုကူညီရမှာပါ...
ပြည်သူတွက်ကောင်းတဲ့အရာကို တင်ပြလို့ ဆွေးနွေးလို့ ဘယ်စစ်သားကမှ ကန့်ကွာမှာမဟုတ်ဘူး စစ်သားလည်း ပြည်သူပဲ ဒီတော့ ကောင်းတာလုပ်ရင် သူတို့လည်းအားပေးလုပ်ဆောင်သွားကြမှာပဲ...
အခုက အဲဒီလိုမဟုတ်ပဲ မိမိအာဏာရဖို့တွက်ကိုပဲကြည့်ပြီး ပြည်သူကိုစတေးခိုင်းနေတာက စိတ်ဓာတ်တွေအောက်တန်းကျပါတယ်...နောက်တစ်ခုက ၉၀ တုန်းက ဒို့ကိုအားပေးခဲ့တဲ့ပြည်သူတွေ ပြည်သူတွေဆိုပြီး တမ်းတနေလို့မရဘူး ဘာလို့လည်းဆိုတော့ မနေ့က BBC မှာပြောသွားတဲ့ ပြည်သူတစ်ယောက်လိုပါပဲ ၉၀ တုန်းကမဲပေးတယ်ဆိုတာ ဒေါ်စုကြည်ဆိုတာ ဗိုလ်ချုပ်သမီးဖြစ်လို့ဆိုတဲ့ အပေါ်ယံလူပုဂ္ဂိုလ်ကိုကြည့်ပြီးပေးခဲ့တာလို့ဆိုတယ် နိုင်ငံကိုဦးဆောင်မယ့်သူတွေရဲ့ အရည်ချင်းတွေကို မလေ့လာပဲပေးခဲ့တာလို့ပြောခဲ့တယ်...
ဒါက ဘာကိုဆိုလည်းဆိုတော့ ၉၀ တုန်းက အသိပညာအရရော မီဒီယာအရရော ဖွံ့ဖြိုးမှုနည်းနေသေးတဲ့တွက် ပြည်သူတွေဟာ ကိုယ်ပိုင်ဆုံးဖြတ်နိုင်စွမ်းမရှိကြသေးပဲ အပေါ်ယံကြည့်ပြီး မဲထည့်ခဲ့ကြတယ် ချစ်လို့ ကြိုက်လို့ ထည့်ခဲ့တာမဟုတ်ပါဘူး...ဒီတော့ ဒါကို ဒီမိုကြီးများက ငါတို့နောက်မှာ ပြည်သူတွေရှိတယ်ဆိုပြီး တစ်ယောက်တည်း လမ်းပေါ်မှာ နောက်လည်းလှည့်မကြည့်ပဲအော်နေတာတွေ့ရတော့ ဘေးကလူတွေက ဒီလူ စိတ်မှကောင်းသေးရဲ့လားလို့တွေးမိနေမှာပဲ...
နောက်ဆုံးအဓိကအချက်ကတော့ (၁)ပြည်သူတွေကို စေတနာသန့်သန့်နဲ့ ဒီမိုကရေစီရစေချင်တယ် ဒီမိုကရေစီနိုင်ငံတွေလို ပြည်သူတွေရသင့်ရထိုက်တဲ့အရာတွေရနိုင်ခံစားနိုင်ဖို့ဆိုတာတွေကို ရစေချင်တယ်ဆိုရင် အခြေခံဥပဒေထဲကနေ ပြုပြင်ဖြည်ဆည်းလုပ်ဆောင်ပေးနိုင်ဖို့ ရွေးကောက်ပွဲကနေ ဖြစ်လာမယ့် ဒီမိုကရေစီစနစ်ကနေ ဥပဒေတွင်းကနေ ပြည်သူကိုကူညီနိုင်တဲ့ လမ်းစဉ်ကိုလိုက်ရမယ်...
(၂)တကယ်တော့ ဘယ်နိုင်ငံမှာပဲဖြစ်ဖြစ် အာဏာအရှိဆုံးက လက်နက်ကိုင်အဖွဲ့စည်းထဲမှာပဲရှိပါတယ်...လက်နက်ကိုင်တပ်မတော်က ဆန့်ကျင်လျင် ဖမ်းလျင်လည်း သမ္မတဆိုတဲ့ပုဂ္ဂိုလ်ကြီးတွေလည်း ပလ္လင်ပေါ်ကနေဆင်းပြေးရတာပါပဲ...ဒီချိန်မှာ အိုဘားမားကြီးက စစ်ဗိုလ်ချုပ်တစ်ယောက်ကို ဖြုတ်ချနိုင်ပေမယ့် အမိန်ပေးနိုင်ပေမယ့် တကယ်တမ်း တပ်မတော်က အမိန့်မနာခံ ခေါင်းဆောင်လုပ်သူက ဆန့်ကျင်လာလျှင် သမ္မတအိုဘားမားကြီးမှာ ဘာလက်နက်မှာမရှိတဲ့တွက် ခွေးပြေးဝက်ပြေးပြေးရမှာပါ...
ဒါကြောင့် မြန်မာနိုင်ငံမှာလည်း အေးချမ်းစွာနဲ့ ဒီမိုကရေစီစနစ်ကိုကူးပြောင်းတာကို လက်မခံပဲ မိမိအာဏာရဖို့တွက် ပြည်သူကိုဆူခိုင်းပူခိုင်းလို့ နောက်ဆုံးပြည်သူက ဆူမယ် ပူမယ်ဆိုရင်တောင်မှ ဘယ်နှစ်ရက်ဘယ်နှစ်လီ ဆူပူနိုင်မှာလဲ?ထိုင်းနိုင်ငံက ရှပ်နီတွေလို လနဲ့ချီပြီး ဆူပူနိုင်မလား?လက်နက်ကိုင်ထားတဲ့ တပ်မတော်ကို ဆူပူလိုက်ယုံနဲ့ အာဏာသိမ်းသွားနိုင်ပြီလား?...
ယနေ့မြန်မာနိုင်ငံကိုအုပ်ချုပ်နေတာက လက်နက်ကိုင်စစ်တပ်...သူတ်ို့မှာ လက်နက်ရှိတယ် အာဏာရှိတယ်...ဒီမိုကရေစီနိုင်ငံကလို အတိုက်ခံတစ်ခုက သမ္မတတစ်ယောက် အစိုးရတစ်ရပ်ကို ဆန္ဒပြ ဆူပူသောင်းကျန်းယုံနဲ့ ဖြုတ်ချချင်ဖြုတ်ချနိုင်မယ်...မြန်မာနိုင်ငံကအခြေနေက အဲဒီလိုဖြုတ်ချနိုင်ခဲ့တဲ့ နိုင်ငံတွေရဲ့အခြေနေနဲ့မတူတာပါပဲ..
မတူတဲ့အခြေနေကိုအတင်းဆွဲညှိယူရင်တော့ ကိုယ်ပဲနစ်နာဆုံးရှုံးမှာပဲ...ဆူပူပြီး ဒေါ်စုကြည်ကို ခေါ်ထုတ်သွားနိုင်ခဲ့ပြီးလို့ နိုင်ငံခေါင်းဆောင်ဆိုပြီးကိုယ့်ပါသာ တတ်လုပ်လိုက်ပြီဆိုပါတော့ အာဏာက သူလက်ထဲမှာမရသေးပါဘူး လက်နက်ကိုင်တပ်မတော်က သူ့ဘက်မှာရှိမနေသေးပါဘူး ဒါကြောင့် ဒေါ်စုကြည်က ငါသမ္မတဖြစ်ပြီးဆိုပြီး အစိုးရတတ်ဖွဲ့လည်း လက်နက်ကိုင်ထားတဲ့ တပ်မတော်က လိုက်ပစ် လိုက်ဖမ်းတဲ့အခါ သူလည်း အခြားနိုင်ငံကဖြစ်ပျက်သွားတဲ့ သမ္မတွေလိုပဲ ဖနှောင့်နဲ့တင်ပါး တစ်သားတဲ့ကြအောင် ပြေးပေတော့...
အဲဒီတော့ ဒီလို ဆူပူအုံကြွလို့လည်း ဘာမှမထူး မရေရာတဲ့ရလဒ်တစ်ခုကို ဘာကြောင့် အတင်းလုပ်ချင်နေရတာလဲ...ဆူပူတိုင်းအာဏာရမယ်လို့ထင်နေတာလား?ဆူတိုင်း ပူတိုင်းရရင် လူတိုင်းဆူပူနေမှာပေါ့...နိုင်ငံတစ်ခုမှာ လက်နက်ကိုင်တပ်မတော်က ကိုယ့်ဘက်မှာ မပါသရွေ့ ဘယ်တော့မှာ အာဏာကိုဖြတ်လမ်းကမရဘူးဆိုတာ မှတ်ထားကြ...မသေချာမရေရာပဲ ပေးဆပ်မှုကြီးပဲပေးရမယ့် နည်းလမ်းကိုဘာကြောင့်လိုက်နေမှာလဲ...ဒီမိုကရေစီဆိုတဲ့စကားလုံးကိုအသာထား...
ယနေ့ပြည်သူတွေ လိုချင်တဲ့ပုံစံ သွားချင်တဲ့လမ်းကြောင်း ကဘယ်လိုလည်းဆိုတာကိုပဲ အရင်လေ့လာစမ်းစစ်ကြ...သူများယောင်လို့ လိုက်မယောင်မိစေပါနဲ့...
ခါတိုင်းဆို ကွန်မန့် စောစောပေးတတ်တဲ့ mg နဲ့ yoo စစ်ခွေး၂ကောင် ဒီတခါ ကွန်မန့်ရေးတာ နောက်ကျနေပုံထောက်တော့ နေပြည်တော်က အမိန့်ကို အကြာကြီး စောင့်နေရပုံပေါ်တယ်။ ကိုယ်ထင်သလို ပြောရေးဆိုခွင့်မရှိတဲ့ mg နဲ့ yoo ကို ခွင့်လွှတ်ပါတယ်။ သနားလဲ သနားတယ်။ ခွေးတွေဆိုတော့ ဟောင်ခိုင်းမှ ဟောင်ပေါ့။ ဟောင်ခိုင်းသလို ဟောင်ပေါ့ အသံမတူရင်လဲ နားလည်ပါတယ် ၀ုတ် ၀ုတ် ၀ု ၀ု အု အု :)
ခင်တဲ့
ချာ :P
တွေ့လားသူအော်တတ်တယ်
အော်ပြသွားတာများစုံနေတာပဲ
စတာနော် ချစ်လို့
:D
ဆက်အော် ဆက်အော်
Military dogs are campaigning to support election. They think military can control the country in all other countries like Burma. U.S president is commander in chief and all generals are under his command and secretary of defense. General MacArthur was force retired by President Truman. There is no other generals who can overthrow the President and generals also have their dignity and respect democracy not like generals from Burma. In U.S people never allow the generals to coup the country and they also have rights to bear the arms. Burmese generals think they can do whatever they want and that is not true. All dictators from East Europe were overthrowed by people strikes. As long as military junta still in power, Burmese people will die under poverty and diseases cause by poverty. Burmese people must eliminate the military junta and the TIME IS NOW.
yemin and mg
there is no army rule at every democracy countries ok, now a day citizens are not stupid like old days , the way ur said we know ur from where ok
yemin and mg
there is no army rule at every democracy countries ok, now a day citizens are not stupid like old days , the way ur said we know ur from where ok
Hi Mg, Thanks for your time to write comprehensive comments. I like those;
ဒီမိုကရေစီကိုသွားတဲ့နေရာမှာ မိမိရဲ့ဆန့်ကျင်ဘက်လူပဲဖြစ်ဖြစ် ကောင်းတာလုပ်ရင်အားပေးရမယ် မှားနေရင် လမ်းကြောင်းတည့်ပေးရမယ် ကောင်းတာအတူတွဲလုပ် မကောင်းတာတွေ့ရင် ပြောဆိုဝေဖန်ထောက်ပြပေးရမယ်...ဒါကမှ ပညာရှင်ဆန်ဆန် နိုင်ငံရေးသမားကောင်းတွေရဲ့လုပ်ရပ်တွေပါ.
စစ်တပ်အုပ်ချုပ်မှုကနေ မိမိတို့ကိုယ်တိုင်ရွေးချယ်တင်မြောက်ကြမယ့် အရပ်သားအစိုးရအုပ်ချုပ်မှုပုံစံပြောင်းလဲသွားတာကို နှစ်ခြိုက်ကြတာပါ...ဒီမိုကရေစီဆိုတဲ့ စနစ်တစ်ခုကိုငြိမ်းချမ်းစွာပြောင်းလဲသွားတာကို ပိုပြီးနှစ်သက်ကြတာပါ...ဒီစနစ်ကိုကျင့်သုံးတဲ့အခါမှာ ပြည်သူတွေရဲ့ ရသင့်ရထိုက်တဲ့အခွင့်ရေးအားလုံးကို နိုင်ငံကိုဦးဆောင်သွားကြမယ့်သူတွေက ဥပဒေမှာ လိုအပ်တာကိုဖြည့်ဆည်း မလိုအပ်တာကိုဖြုတ်ပြီး တရားဝင်ပြုပြင်ပြုလုပ်သွားကြမှာပါ...ပြည်သူတွေလိုချင်တာက သေကြေပြီးမှမရေရာတဲ့ ဒီမိုကရေစီစကားလုံးထက် သေချာရေရာတဲ့ ငြိမ်းချမ်းစွာနဲ့ မိမိတို့အခွင့်ရေးတွေကို ရရှိလာမယ့် ဒီမိုကရေစီစနစ်ကို ပိုတောင်းတကြတာပါ...
ယနေ့မြန်မာနိုင်ငံကိုအုပ်ချုပ်နေတာက လက်နက်ကိုင်စစ်တပ်...သူတ်ို့မှာ လက်နက်ရှိတယ် အာဏာရှိတယ်...ဒီမိုကရေစီနိုင်ငံကလို အတိုက်ခံတစ်ခုက သမ္မတတစ်ယောက် အစိုးရတစ်ရပ်ကို ဆန္ဒပြ ဆူပူသောင်းကျန်းယုံနဲ့ ဖြုတ်ချချင်ဖြုတ်ချနိုင်မယ်...မြန်မာနိုင်ငံကအခြေနေက အဲဒီလိုဖြုတ်ချနိုင်ခဲ့တဲ့ နိုင်ငံတွေရဲ့အခြေနေနဲ့မတူတာပါပဲ..
Pls write more comments due to have matured mindset to some (Not all) who are requesting for democracy and pls highlight with kindness and consideration for our Myn people. I fully support you.
Hi Mg, thank u so much for ur comment. Being an ordinary citizen of Myanmar, I fully agreed with your view. We no longer want to see another tragedy in Myanmar. We want democracy peacefully and believe that the transition to democracy should take time. We need to adapt the new system and gradually consolidate our democracy. I agreed with u that democracy cannot be achieved by mass uprising like ones happened in 1988 and 2007 because our country's situation is not like the others where democracy was achieved by people's power. Again, thank you so much for ur right insight and sympathy for us.
At national war memorial located in Washington DC that honors the people who sacrifice to fight for their freedom and there is a letter shows on the board. The letter said FREEDOM IS NOT FREE.
ဒေါက်တာကြီး မြန်မာပြည်မပြန်တာကြာလှပြီထင်ပါ့
မြန်မာပြည်လူထုကြီးကလည်း စနစ်ကြီးကိုပြောင်းချင်ကြပါတယ် စီးပွားရေးလည်းမပြေလည်ကြပါဖူး ဒါပေမဲ့ ၈၈ တုန်းကလိုဆန္ဒပြပွဲတွေလည်း လောလောဆယ်ဖြစ်လာဖို. မလွယ်သေးပါဖူး ကြားဖြတ် အစိုးရဖွဲ.ဖို.ဆိုတာပိုပြီး စိတ်ကူးယဉ်ဆန်နေမလားလို.ပါ ၊ ကျွန်တော်သာ ဗိုလ်ကျော်ဆန်းဆိုရင် မီဒီယာကိုမီဒီယာနဲ.မတိုက်ပဲ နိုင်ငံရေးဘလော့ဂါ တွေကို တစ်ပတ်လွတ်လပ်ခွင့် မြန်မာနိုင်ငံကိုအလည်အပတ်ခေါ်ချင်ပါတယ် နိုင်ငံရေးတည်ဆောက်မူတွေကိုမပြချင်ပါဖူး (နိုင်ငံက သိပ်ပြီးတော့တိုးတက်မလာလို.ပါ)၊ ဒါပေမဲ့ လူတွေရဲ့ တစ်ရက်တာ စားဝတ်နေရေးကို ဘယ်လိုကျော်ဖြတ်နေရတဲ့ဘ၀တွေရယ် ဘယ်သူ.မှ နိုင်ငံရေးကိုစိတ်မ၀င်စားနိုင်တာကိုပြချင်လို.ပါ ၊ တစ်ပတ်ပြန်လာပြီးရင် ခင်ဗျားတို.လည်း နိုင်ငံရေးကို စွန်.လွတ်ကြမယ်လို. ကျွန်တော် ယုံကြည်ပါတယ် ၊ အမာခံနိုင်ငံရေး သမားတွေ ကလည်းထောင်ထဲမှာပါ နအဖက ခုထက်ထိတော့ သူလုပ်ချင်တာလုပ်နေတာပဲ ဒါပေမဲ့သူတို.က ရွေးကောက်ပွဲတွေလုပ်ပြီး သူတို.လည်းတဖြေးဖြေး တော့ပြောင်းလဲနေပြီပဲ ပြည်ပကလူတွေ အားမလို အားမရတော့ဖြစ်နေမှာကတော့အမှန်ပဲ ဒါပေမဲ့ ယူကေ ၊ U.S.A တို.လို ဒီိမိုကရေစီတော့ မရနိုင်သေးပါဖူး တပ်က ၂၅% နှုန်းပါပြီး တဖြေးဖြေးနဲ. နှစ်အနည်းငယ်ကြာတဲ့အခါမှာ ရာနှုန်းပြည့် ပြည်သူက ရွေးချယ်တင်မြောက်မဲ့ အစိုးရသစ်တစ်ရပ်ပေါ်ထွန်းနိုင်ပါတယ် ကျွန်တော်လည်း ဖွဲ.စည်းပုံအခြေခံဥပဒေကို မကြိုက်ပါဖူး ဒါပေမဲ့ နအဖက သင့်တော်မယ် ထင်တာနဲ.မိတ်ဆက်ပေးနေတာပါ ဟုတ်တော့ ဟုတ်တယ်ဗျာ နည်းနည်းတော့နှေးတယ် မြန်မာနည်းမြန်မာ့ဟန်ပေါ့ နေရာတိုင်း မှာကောင်းတယ်သူရှိသလို မကောင်းတဲ့သူတွေ လည်းရှိပါတယ် စစ်တပ်ကလည်း ငယ်တဲ့ ဂျနရေးရှင်းတွေက တိုင်းမူးနဲ.အထက်ရာထူးကိုရနေကြပါပြီ ၊ ဒေါက်တာကြီး မြန်မာနိုင်ငံကိုချစ်သလို သူတို.လည်းနိုင်ငံကို ချစ်ကြမှာပါ ကျွန်တော့်အထင်တော့ အတိုက်အခံ အစိုးရတို.ပူးပေါင်းပြီးဆောင်ရွက်ကြရမဲ့ အချိန်လို.ပဲထင်ပါတယ် ၊ ရွေးကောက်ပွဲပြီးလို. အစိုရသစ်တစ်ရပ်ပေါ်ထွက်လာခဲ့ပြီးရင် အမရိကန်နှင့်ဥရောပက အသိအမှတ်မပြုရင်တောင် တရုတ်၊ အိန္ဒိယ နှင့် အာစီယံနိုင်ငံတွေကတော့ အသိအမှတ်ပြုပါလိမ့်မယ် နောက်ပိုင်း အမေရိကန်နှင့်ဥရောပသာမက တစ်ကမ္ဘာလုံးက အစိုးရသစ်ကိုအသိအမှတ်ပြုကြပါလိမ့်မယ် ၊ကျွန်တော့်ပြောတာမယုံရင် ဒီကွန်မန်.ကို Print out လုပ်ထားလိုက်ပါဗျာ
စိတ်မကောင်းစွာ ပွင့်ပွင့်လင်းလင်းဝေဖန်ရရင်တော့ ခင်ဗျားရဲ့ ပို.စ်ကတော့ဖတ်လို.ကောင်းပါတယ် ဒါပေမဲ့လက်တွေ.ဘ၀မှာတော့ သိပ်ပြီးတော့ အသုံးမ၀င်လှပါဖူး
ခင်ဗျားအိုင်ဒီယာကို မြန်မာလိုအဓိပ္ပါယ်ဖော်တာထက် ထိမိတဲ့အင်္ဂလိပ်စာကြောင်းတစ်ကြောင်းနဲ.ပဲ ဖော်ပြချင်ပါတယ် အဲ့ဒါကတော့
Too little, too late
ကျန်းမာရွှင်လန်းကြပါစေ
ဒီလို..တည့် မတ် လိုက် ကြ ပါ စို့ ...!
"ကျွန်တော့်အထင်တော့ အတိုက်အခံ အစိုးရတို.ပူးပေါင်းပြီးဆောင်ရွက်ကြရမဲ့ အချိန်လို.ပဲထင်ပါတယ်…၊"
ABC said...
……………………………………………
ဗိုလ်ကြီး စိုင်းဝင်းကျော်။ ။ "ကျနော်မြင်တာတော့ ကျနော်တို့ ဒီ ဒီမိုကရေစီ လိုလားတဲ့ အင်အားစုတွေနဲ့ တပ်မတော် စစ်ခေါင်းဆောင်တွေ ကြားမှာ တဖက်နဲ့ တဖက် အငြှိုးအာ ဃာတတွေကို ဖယ်ဖျောက်ပြီးတော့မှ အားလုံးက တိုင်းပြည်နဲ့လူမျိုးအတွက် မြန်မာပြည်သူလူထု တရပ်လုံးအတွက် လက်တွဲပြီးတော့မှ ပူးပေါင်းဆောင်ရွက်ဖို့ သင့်ပါပြီခင်ဗျ။"
http://www.dawnmanhon.com/2010/10/blog-post_437.html
………………………………………………….
အမျိုးသားညီညွတ်ရေး..နဲ့ ..တိုင်းပြည်ထူထောင်ရေး.....!
"လိုရင်းနဲ့ အနာဂတ်ရေး..ပဲ..ပြောပါ့မယ်…..
မြန်မာပြည်…ချမ်းသာကြွယ်ဝပြီး…လူတိုင်းအသက်ရှုချောင်စေချင်ရင်….
အမျိုးသားညီညွတ်ရေး..နဲ့ ..တိုင်းပြည်ထူထောင်ရေး..ကို…..
စစ်ဖက်…အရပ်ဖက်..ခွဲခြားမနေပဲ…..
အတူပူးတွဲဆောင်ရွက်ကြမှ…ဖြစ်မယ်….။"
(REFORMERS GROUP)
http://mahathuriya.blogspot.com/
One question, please.
Democracy for the people?
Democracy for the army men?
And political affairs are for all, even for a unborn child.This is for you and me.
Real politicians present their plan for the country without delay.
Wicked persons act as a politician and they hide their informations.
"မအောင်မမြင်ဖြစ်ခဲ့သည်ကို အမှန်အတိုင်း ပြည်သူသို့ အန်အယ်လ်ဒီ တောင်းပန်"
အဆိုပါ ပန်ကြားချက်တွင် ၁၉၈၈ ခု ဒီမိုကရေစီအရေးတော်ပုံကြီးက ပေါ်ပေါက်ခဲ့သည့် အန်အယ်လ်ဒီအဖွဲ့ကြီး၏ ရည်မှန်းချက်နှင့် ကြိုးပမ်းဆောင်ရွက်ချက်များ၊ ဒေါ်အောင်ဆန်းစုကြည်အပါအ၀င် အဖွဲ့ချုပ်ခေါင်းဆောင်များ၊ ပြည်သူ့လွှတ်တော် ကိုယ်စားလှယ်များနှင့် ပါတီဝင်များ၏ စစ်မှန်သည့် ဒီမိုကရေစီစနစ် ဖော်ဆောင်ရေးနှင့် အမျိုးသားပြန်လည်သင့်မြတ်ရေး တို့အတွက် ကြိုးပမ်းခဲ့ပုံများကို တင်ပြထားသည်။
စကားလုးံ အသုးံအနူန်း ကို..
၁၉၈၈ ခု ဒီမိုကရေစီအရေးတော်ပုံကြီး (( က ))ပေါ်ပေါက်ခဲ့သည့်အန်အယ်လ်ဒီအဖွဲ့ကြီး အစား.
၁၉၈၈ ခု ပြည်သူတရပ်တရပ်လုးံ၏ ဒီမိုကရေစီအရေးတော်ပုံကြီး (( တွင် ))ပေါ်ပေါက်ခဲ့သည့်အန်အယ်လ်ဒီအဖွဲ့ကြီး လို့့ ပြောင်းသုးံ။
၁၉၈၈ ဇူလိုင် တတိယပတ် မတိုင်ခင် ကာလ ပြည်သူတရပ်တရပ်လုးံ ရဲ့  ဒီမိုကရေစီအရေးတော်ပုံကြီး မှာ မင်းတို့  မရှိသေးဘူး။
ပြန်ဆူ၊မဆူမယ်ဆိုတာတောင် မသိတော့ သူ
ပြန်မဆူမယ်၊ဆူမယ်ဆိုတာတောင် မသိတော့ ဘူး
ဒီက စောင့် နေသူ အိုး...စောင့် နေသူ
အို..ဒီတခါ နိုဝင်ဘာ ခုနှစ် မရောက်ခင်
ပြည်သူခေါ်လာမယ် စိမ်းလန်းသောမီး
ဒီက စောင့် နေသူ အိုး...စောင့် နေသူ
လမ်းဆုးံဖက်ကို မရောက်သေးလဲ
ပြည်သူရေ မင်းနောက်လှည့် ပြီး
မင်းငဲ့ ကြည့် ဦးကွယ် ဘဘနှလုးံသား
ဘယ်လိုဖြစ်နေလဲဟေ့ ...
ရယူခြင်းမဟုတ်ရင် ဒီမိုကဘာလဲ
ဘဘ့ကိုလည်း ပြောပြအုန်းလေ
နားမလည်လဲ ဘဘစောင့် နေဆဲ
စောင့် နေဆဲ.. ဟေ..ဟေ..
ပြန်ဆူ၊မဆူမယ်ဆိုတာတောင် မသိတော့ သူ
ပြန်မဆူမယ်၊ဆူမယ်ဆိုတာတောင် မသိတော့ ဘူး
ဒီက စောင့် နေသူ အိုး...စောင့် နေသူ
အို..ဒီတခါ နိုဝင်ဘာ ခုနှစ် မရောက်ခင်
ချတော့ မယ် စိတ်ကထင်ပြီး
ဒီက စောင့် နေသူ အိုး...စောင့် နေသူ
အိုး.အို..နာ.နာ.နနန...နန..နာ..နား
ပြည်သူရေ အရောက်လှမ်းခဲ့ 
ရယူခြင်းမဟုတ်ရင် ဒီမိုကဘာလဲ
ဘဘကိုလည်း ပြောပြထားသင့် တယ်
နားမလည်လဲ ဘဘစောင့် နေဆဲ
စောင့် နေဆဲ ဟေ..ဟေ..ဟေ....
အို..ဒီတခါ နိုဝင်ဘာ ခုနှစ် မရောက်ခင်
ချတော့ မယ် စိတ်ကထင်ပြီး
ငါဟာ မျှော်လင့်  ပြီး ၀ိုး..ဒီက စောင့် နေသူ
ဝိုး..၀ိုး..ဒီမိုမီး တဖြည်းဖြည်းတောက်လောင်ခဲ့ သူ
ဝိုးဝိုးဝိုး..ဘဘဒီထက်တော့ မတတ်နိုင်ခဲ့ ..ရေ..
ဘဘစောင့် နေတဲ့ အဆုးံသတ်ဟာ ဘာလဲ
ပြည်သူကို ပြန်ဆူဖို့  လို့ နားလည်
အားလုးံပဲကွယ် ပြည့် စုံလိမ့် မယ်
အိုး.အို..နာ.နာ.နနန...နန..နာ..နား
ပြည်သူရေ ခဏတော့ ပြန်ခဲ့ ..ဟေ..
ဘဘ မလွမ်းချင်ဘူး.ဟူ..ဟူ..ဟူ
ပြန်ဆူ၊မဆူမယ်ဆိုတာတောင် မသိတော့ သူ
ပြန်မဆူမယ်၊ဆူမယ်ဆိုတာတောင် မသိတော့ ဘူး
ဒီက စောင့် နေသူ အိုး...စောင့် နေသူ
အို..ဒီတခါ နိုဝင်ဘာ ခုနှစ် မရောက်ခင်
ချတော့ မယ် စိတ်ကထင်ပြီး
ငါဟာ မျှော်လင့်  ပြီး ၀ိုး..ဒီက စောင့် နေသူ
ဝိုး..အမြဲတမ်းစောင့် သူ
ုဝိုး.ဒီကစောင့်  သူ
ဝိုးဟူ..၀ိုးဝိုး..၀ိုးဝိုးဝိုးဝိုးဝိုး....၀ိုး
ငါဟာ မျှော်လင့်  ပြီး ၀ိုး..ဒီက စောင့် နေသူ
http://www.youtube.com/watch?v=g9sipH28Rv8
ထိုင်းနယ်စပ်ဖက်ကနေ ကမ္ဘာပေါ်ရှိတဲ့ တော်လှန်ရေးသမားတွေ အားလုံး ကမ္ဘာသိ ကြေညာပြီး ရန်ကုန် ဒေါ်အောင်ဆန်းစုကြည်အိမ်ထိ ချီတက် တောင်းဆိုရဲတယ်ဆိုရင်တော့ အပြောင်းအလဲ ဖြစ်နိုင်ပါတယ်။ မလုပ်ရဲရင်တော့ ပြောနေတာ ရပ်လိုက်တော့ နအဖ ကြိုးဆွဲရာသာ ကကြပါတော့။
သို့  ချာ
ချာ ရဲ့  ..
ခါတိုင်းဆို ကွန်မန့် စောစောပေးတတ်တဲ့ mg နဲ့ yoo စစ်ခွေး၂ကောင် ဒီတခါ ကွန်မန့်ရေးတာ နောက်ကျနေပုံထောက်တော့ နေပြည်တော်က အမိန့်ကို အကြာကြီး စောင့်နေရပုံပေါ်တယ်။ ကိုယ်ထင်သလို ပြောရေးဆိုခွင့်မရှိတဲ့ mg နဲ့ yoo ကို ခွင့်လွှတ်ပါတယ်။ သနားလဲ သနားတယ်။ ခွေးတွေဆိုတော့ ဟောင်ခိုင်းမှ ဟောင်ပေါ့။ ဟောင်ခိုင်းသလို ဟောင်ပေါ့ အသံမတူရင်လဲ နားလည်ပါတယ် ၀ုတ် ၀ုတ် ၀ု ၀ု အု အု :)ဆိုတဲ့့ စာ တွေ့ ပါ့ ဗျာ။
ကိုလွဏ်းဆွေ ရဲ့  လူထု ဆိုတဲ. အသံကြားတော.
အရင် တံတားဖြူ(အင်းယားကန်ဘောင်)၊ မြောက်ဥက္ကလာ နဲ့  ကမာ၇ွတ်လှည်းတန်းထိပ် တွေမှာ ဆန္ဒပြသူများ နဲ. နှိမ်နှင်းရေး လုံထိန်း၊စစ်တပ်တွေ ရဲ့ အထိကရုန်း ပုံရိပ်တွေ မနေ့့ တနေ့ ကလို ဖြစ်နေတဲ.အတိုင်း ပြန်မြင်ယောင် ခံစားနေမိခဲ့  လို့ ပါ။
အဲဒီတုန်းက..
မျက်နာချင်းဆိုင် အနေအထားမှာ၊ တိုတောင်းပြီး မြန်ဆန်တဲ.ရုန်းရင်းဆန်ခတ် အခိုက်အတန့့် လေးတွေမှာ ဖြစ်ပေါ်လာကြတဲ့ ဆန္ဒပြသူ တဦးချင်းစီရဲ့  စိတ်တွေ၊ နှိမ်နှင်းသူ တဦးချင်းစီရဲ့့့စိတ်တွေ ဘယ်လိုဖြစ်ကုန်ကြပြီးဖြစ်ပျက်ခဲ့့ တာတွေကိုပါ။
ရိုး.
8888မှာ မုသားပြောတဲ့ ခေတ်ဟောင်းမင်းသားကြီး ကြီးစိုးခဲ့တဲ့ NLD ဗိုလ်နေ၀င်း ကန်ထုတ်လိုက်တဲ့ စစ်ဗိုလ်ချုပ်တွေ ကြီးစိုးကြတဲ့ NLD အသက်ကြီးပြီး အချိန်မစီးတဲ့ ဒီချုပ်တွေ ကြီးစီုးတဲ့ NLD မိုက်ကယ်အဲရစ် ကြင်ယာတော် တို့ဗိုလ်ချုပ်သမီးငယ် ကြီးစီုးတဲ့ NLD နိုဝင်ဘာ(ရ)ရက်နေ့ကို ဘာလုပ်ကြမှာလဲး.......
NlD is waiting and seeing Novembern 7. And the peoples' hope for next 20 years.
NLD is waiting and seeing November 7. And the peoples' hope for next 20 years.
Post a Comment