သတိ ... ရှေ့အကွေ့တွင် အသူတရာ ချောက်ရှိသည်

စိုးနေလင်း

တရားမ၀င် စစ်အစိုးရက ကျင်းပပေးမယ်ဆိုတဲ့ နိုဝင်ဘာ (၇) ရက် ရွေးကောက်ပွဲ နီးလာတာနဲ့အမျှ အပယ်ခံရ သူ၊ အပယ်မခံရဘဲ စစ်အစိုးရပါတီနဲ့ ပူးပေါင်းလိုက်သူ၊ ပူးပေါင်းလိုသူ ကိုယ်စားလှယ်လောင်းတွေကို တွေ့နေရ ပါပြီ။ စစ်အုပ်စုရဲ့လက်မရွံ့ကြံ့ဖွံ့ပါတီရဲ့ အမာခံဒေါက်တိုင်တွေက ပြောင်ပြောင်တင်းတင်း ပြည်သူကို ခြိမ်း ခြောက်မဲဆွယ်တာ တခြားပါတီတွေရဲ့ မဲဆွယ်စည်းရုံးလှုပ်ရှားခွင့်ကို ခြိမ်းခြောက် ဟန့်တားနှောင့်ယှက်တာ တွေ ကြားနေမြင်နေကြရပါပြီ။ စစ်အုပ်စုကတော့ နိုင်ငံတကာမှာ သူတို့လုပ်ပေးမယ့် ရွေးကောက်ပွဲဟာ အများ ပါဝင်ခွင့်ရှိတဲ့ တရားမျှတ လွတ်လပ်တဲ့ ရွေးကောက်ပွဲဖြစ်ပါတယ်လို့ ထုံးစံအတိုင်း အရှက်မဲ့ ပြောနေပါပြီ။

ဒေ သတွင်း အင်အားကြီးနိုင်ငံရော အင်အားသေးနိုင်ငံတွေကိုရော သွားရောက်လည်ပတ် မက်လုံးပေးညှိနှိုင်း အပေးအယူလုပ်တာတွေလည်း တွေ့နေရပါပြီ။ အပြသဘော ပေးထားတဲ့ တီဗီဖန်သားပြင်က မိမိတို့ပါတီရဲ့ မူ ၀ါဒသဘောထားတချို့နဲ့ မိမိတို့ပါတီက ဘာလုပ်ပေးမယ်၊ ညာလုပ်ပေးမယ် ဆိုတာတွေကို ဆင်ဆာလွတ်သ လောက် ရွေးကောက်ပွဲဝင်မယ့် ပါတီတွေက ပြည်သူလူထုကို တင်ပြနေကြပါပြီ။

စစ်အစိုးရအကြောင်းကိုပဲ အသေအချာ နားမလည်ကြသေးတာလား မျှော်လင့်နေကြသေးတာလားမသိပါဘူး။ သူတို့တင်ပြတဲ့ အချက်တွေကို (အရွေးချယ်ခံခဲ့ရရင်တောင်) စစ်တပ်အုပ်စီးလွှမ်းမိုးထားမယ့် လွှတ်တော်ဆို တာထဲမှာ တင်ပြဆွေးနွေးခွင့်ရပါ့မလား။ တင်ပြခွင့်ရရင်ရော စစ်အမတ်တွေနဲ့ စစ်တပ်ဒေါက်တိုင်အမတ်တွေ၊ ကိုယ်ကျိုးစီးပွားအခြေပြုနဲ့ ၀င်လာကြတဲ့ အမတ်တွေက ထောက်ခံကြပါ့မလား။ အလွန့်အလွန် မြင်သာထင် ရှားဖြစ်ပြီးသား အချက်လို့ ပြောရင်မမှားလောက်ပါဘူး။

ရွေးကောက်ပွဲ နီးလာတာနဲ့အမျှ တရားမျှတပါ့မလား၊ အားလုံးပါဝင်ခွင့်ရှိရဲ့လား ဆိုတာကို နိုင်ငံတကာက စောင့်ကြည့်နေသူတွေက စုံစမ်းမေးမြန်းလာပြီး တွေ့နေမြင်နေရတဲ့ စစ်အစိုးရရဲ့ တကယ့်လုပ်ရပ်တွေအရ တ ရားမျှတမှုမရှိနိုင်သလို အလုံးစုံပါဝင်ခွင့်ရှိတဲ့၊ လွတ်လပ်တဲ့ ရွေးကောက်ပွဲဖြစ်နိုင်မှာမဟုတ်ဘူးလို့ ကောက်ချက် ချပြီးဖြစ်ပါတယ်။ ပါဝင်အရွေးခံမယ့်ပါတီတွေ ကိုယ်စားလှယ်လောင်းတွေကလည်း မဲဆွယ်စည်းရုံးခွင့် တရားမ မျှတဘူး၊ အာဏာသုံးတယ် အခွင့်အရေးတန်းတူမရှိဘူး ... စသည် စသည် မကျေမနပ်ပြောဆို ပွစိပွစိလုပ်နေ ကြတဲ့အသံတွေက များသထက်များလာတာကို ကြားနေရပါတယ်။

စစ်အစိုးရက အဲဒီအခွင့်အရေးတွေကို အပြည့်အ၀ ပေးလိုက်ရင်ရော ပြည်သူလူထု တကယ်တမ်း လိုလား တောင့်တနေကြတဲ့ ဒီမိုကရေစီအခြေခံတွေနဲ့ ညီညွတ်တဲ့ တရားမျှတ လွတ်လပ်ငြိမ်းချမ်းတဲ့ ဖွံဖြိုးတိုးတက်တဲ့ နိုင်ငံတနိုင်ငံ တကယ်တမ်း တည်ဆောက်နိုင်တဲ့ ပြည်ထောင်စုလွှတ်တော်ကြီးနဲ့ အစိုးရတရပ် တကယ်တမ်း ဖွဲ့စည်းနိုင်ပါ့မလား။ ဒီရွေးကောက်ပွဲမှာ ပါဝင်နိုင်ရေးကိုပဲ ဦးတည်စဉ်းစားနေကြ၊ တရားမမျှတမှုတွေကို မကျေ မနပ်ပြောဆိုနေရတာနဲ့ပဲ ဒီရွေးကောက်ပွဲကို အခြေခံကျင်းပမယ့် စစ်အစိုးရ မတရားရေးဆွဲ အတည်ပြုပြဌာန်း လိုက်တဲ့ ၂၀၀၈ ခု ဖွဲ့စည်းပုံအခြေခံဥပဒေကို မေ့မေ့သွားကြပုံပါပဲ။

စစ်အစိုးရက ရွေးကောက်ပွဲကို လေ့လာစောင့်ကြည့်သူတွေ လာပြီး လေ့လာခွင့်ပြု၊ တရားမျှတတဲ့ မဲဆွယ်စည်း ရုံးခွင့်တွေပေး၊ လွတ်လပ်ခွင့်တွေပေးလိုက်ရင်လည်း သူတို့က လွှတ်တော်ကို စစ်တပ်လွှမ်းမိုးနိုင်ရေး ချည်ပြီး တုတ်ပြီး လုပ်ထားပြီးဖြစ်ပါတယ်။ ဒီဖွဲ့စည်းပုံအခြေခံဥပဒေကို ပြင်ဖို့ (လူထုတိုက်ပွဲနည်း၊ တော်လှန်ရေးနည်း ကလွဲရင်) မဖြစ်နိုင်သလောက်ဖြစ်အောင် ရေးဆွဲထားခဲ့တာပါ။ ဖွဲ့စည်းအုပ်ချုပ်ပုံအခြေခံဥပဒေသစ်တရပ်ဟာ လူ့အဖွဲ့အစည်းအတွင်းရှိနေတဲ့ ပဋိပက္ခတွေရဲ့ အောင်မြင်တဲ့ နိဂုံးချုပ်မှုတခုဖြစ်ရမယ့်အစား ရှိနှင့်ပြီးသား ပဋိပ က္ခဟောင်းတွေအပြင် ပဋိပက္ခသစ်တွေ၊ သံသယစိတ်တွေ၊ မလိ်ုလားမုန်းတီးမှုတွေ ကြားကနေ သေနတ် ထောက် ရေးဆွဲအတည်ပြုထားတဲ့ ဖွဲ့စည်းပုံအခြေခံဥပဒေကို အခြေခံကျင်းပမှာပါ။

တိုင်းပြည်ကို စစ်ကျွန်ဘ၀သွတ်သွင်းဖို့ ဒီဖွဲ့စည်းပုံအခြေခံဥပဒေကို စတင်ရေးဆွဲခဲ့တုန်းကတည်းက ဒီလိုအခြေ ခံမူတွေ၊ လုပ်ထုံးလုပ်နည်းတွေနဲ့ ရေးဆွဲလို့ကတော့ ဘယ်လိုနည်းနဲ့မှ ဒီမိုကရေစီအခြေခံမူတွေ စံချိန်စံညွှန်း တွေနဲ့ ညီညွတ်တဲ့ ဖွဲ့စည်းပုံအခြေခံဥပဒေတရပ်ကို ရနိုင်စရာအကြောင်းမရှိဘူးလို့ ယုံကြည်တဲ့အတွက် အဲဒီမူ တွေ၊ လုပ်ထုံးလုပ်နည်းတွေ၊ စည်းမျဉ်းဥပဒေတွေကို ပြင်ဆင်ပေးဖို့ ရွေးကောက်ပွဲအနိုင်ရပါတီ အမျိုးသားဒီမို ကရေစီအဖွဲ့ချုပ်က တရားဝင် ကန့်ကွက်ခဲ့တာကို အားလုံးသိခဲ့ကြပြီးဖြစ်ပါတယ်။ စစ်အစိုးရက လုံးဝပြင်ဆင်မ ပေးခဲ့တဲ့အတွက် အမျိုးသားဒီမိုကရေစီအဖွဲ့ချုပ် ကိုယ်စားလှယ်တွေ စစ်အမျိုးသားညီလာခံကနေ ပြတ်ပြတ် သားသား နှုတ်ထွက်ခဲ့ကြတာကိုလည်း အများပြည်သူတွေ သိရှိခဲ့ကြပြီးဖြစ်ပါတယ်။

ဒီဖွဲ့စည်းပုံအခြေခံဥပဒေကို ပြည်တွင်းပြည်ပက ဖွဲ့စည်းပုံအခြေခံဥပဒေဆိုင်ရာ ကျွမ်းကျင်သူတွေ၊ ဥပဒေပညာ ရှင်တွေ၊ နိုင်ငံရေးသမားတွေက စနစ်တကျ စစ်ဆေးကြည့်ရှုခဲ့ကြ ဝေဖန်ထောက်ပြခဲ့ကြပြီးလည်း ဖြစ်ပါတယ်။ ဘယ်လိုမှ ဒီမိုကရေစီနိုင်ငံတခုကို တည်ဆောက်လို့မရနိုင်တဲ့ အခြေခံဥပဒေဖြစ်သလို စစ်မှန်တဲ့ အမျိုးသားပြန် လည်သင့်မြတ်ရေး ရရှိနိုင်စရာမရှိဘူးလို့ ဆိုခဲ့ကြပါပြီ။

သိကြတဲ့အတိုင်း စစ်ဗိုလ်ချုပ်ဟောင်းတွေပဲ ဖြစ်နိုင်စရာရှိတဲ့ ပြဌာန်းသတ်မှတ်ချက်တွေနဲ့ ချမှတ်ကန့်သတ် ထားတဲ့ သမ္မတရာထူးဟာ အပြည်ပြည်ဆိုင်ရာက လက်ခံထားတဲ့ ကျင့်ဝတ်တွေကို အခြေခံအရကို ချိုးဖောက် ထားတဲ့ ရာထူးဖြစ်ပြီး သမ္မတက အစိုးရအဖွဲ့ဝင် ၀န်ကြီးတွေကို ခန့်အပ်ခွင့် ရာထူးက ထုတ်ပယ်ခွင့်ကို ရရှိထား ပါတယ်။ ဒါပေမယ့် နိုင်ငံတော်ကာကွယ်ရေး လုံခြုံရေး၊ ပြည်ထဲရေး၊ နယ်စပ်ဒေသရေးနဲ့ ပတ်သက်တဲ့ ၀န်ကြီး ဌာနတွေကို ခန့်ထားရာမှာတော့ တပ်မတော်စစ်ဦးစီးချုပ်က အမည်စာရင်းတင်သွင်းပေးမှုအရ ဆောင်ရွက်ရမှာ ဖြစ်ပါတယ်။ စစ်ဦးစီးချုပ် သဘောတူညီမှုမပါဘဲမရပါဘူး။ သူတို့ကို ရာထူးက ထုတ်ပယ်ဖယ်ရှားဖို့မှာလည်း သမ္မတက စစ်ဦးစီးချုပ်နဲ့ ညှိနှိုင်းဆွေးနွေးရမှာဖြစ်ပါတယ်။ သဘောကတော့ စစ်တပ်ကဖြစ်မယ့် သမ္မတကို တောင်မှ စစ်ဦးစီးချုပ်က လွှမ်းမိုးချုပ်ကိုင်နိုင်ခွင့် ပေးထားတာပါ။

သူတို့ရဲ့ဖွင့်ဆိုချက်အရ တပ်မတော်နှင့် စစ်ဦးစီးချုပ်မှာ တိုင်းပြည်အား အုပ်ချုပ်နေသည့် ယန္တရား၏ ပြီးပြည့်စုံမှု အတွက်လိုအပ်သော အမြဲတမ်း အစိတ်အပိုင်းတခုဖြစ်သည်။ အခြေခံမူများက တပ်မတော်၏ အရေးကြီးသော အခန်းကဏ္ဍအား အောက်ပါအတိုင်း ပြဆိုပါသည်။

(က) ၄င်းသည် ခိုင်မာအားကောင်းခေတ်မီပြီး လက်နက်ကိုင်တပ် အသုံးပြုခွင့်၏ မူလပိုင်ရှင်ဖြစ်သည်။
(ခ) လက်နက်ကိုင်တပ်များနှင့် ပတ်သက်သည့် ရေးရာကိစ္စအားလုံးအတွက် လွတ်လပ်စွာ ကိုင်တွယ်ဆောင် ရွက်နိုင်ခွင့်ရှိသည်။
(ဂ) နိုင်ငံတော်လုံခြုံရေးနှင့် ကာကွယ်ရေးတွင် ပြည်သူတရပ်လုံး၏ ပါဝင်ဆောင်ရွက်မှုကို ကိုင်တွယ်ထိန်းချုပ် ခွင့်ရှိသည်။
(ဃ) ၄င်းသည် ပြည်ထောင်စုမပြိုကွဲရေး၊ အမျိုးသားသွေးစည်းညီညွတ်မှု မပြိုကွဲရေးနှင့် နိုင်ငံတော်အချုပ်အ ခြာအာဏာ အဓွန့်ရှည်ရေးတို့အတွက် ကာကွယ်စောင့်ရှောက်ရန် အဓိက တာဝန်ရှိပြီး
(င) ဖွဲ့စည်းပုံအခြေခံဥပဒေအား ကာကွယ်စောင့်ရှောက်ရန် အဓိက တာဝန်ရှိသည် လို့ဆိ်ုပါတယ်။

အဲဒီလောက်ဆိုလာမယ့် ရွေးကောက်ပွဲက ပေါ်ထွက်လာမယ့် အစိုးရအဖွဲ့ရဲ့အလားအလာကို မှန်းဆကြည့်လို့ ရပါပြီ။ အဲဒီစစ်ဦးစီးချုပ်ရဲ့ အရေးပေါ်အခြေအနေဆိုင်ရာ လုပ်ပိုင်ခွင့်အခွင့်အာဏာတွေကို ကြည့်ရင် စစ်အစိုးရ ဟာ စစ်အာဏာရှင်စနစ်ကို ကျားကုတ်ကျားခဲ ဘယ်လိုတည်မြဲအောင်လုပ်ထားသလဲဆိုတာ တွေ့ရပါလိမ့် မယ်။

နောက် တခြား လူပြောသူပြော အတော်နည်းနေတဲ့ အချက်တခုလည်း ရှိပါသေးတယ်။ အဲဒါကတော့ အဲဒီစစ် ဦးစီးချုပ်ကို ခန့်အပ်ပေးမယ့် အမျိုးသားကာကွယ်ရေးနဲ့ လုံခြုံရေးကောင်စီလို့ခေါ်တဲ့ စစ်ကောင်စီပါပဲ။ စစ် ကောင်စီက စစ်ဦးစီးချုပ်လုပ်ရမယ့် ဗိုလ်ချုပ်ကို ရွေးပေးရမှာဖြစ်ပြီး အဲဒီကောင်စီဝင်တွေရဲ့ ရာထူးသက်တမ်း အဲဒီအဖွဲ့ဝင် စစ်ဗိုလ်ချုပ်တွေကို ရာထူးက အနားပေးဖယ်ရှားခွင့် စတာတွေကို ဘာမှ ရှင်းရှင်းလင်းလင်း ဖော်ပြ သတ်မှတ်ထားတာမရှိတဲ့အတွက် ခုတိုင်းပြည်ကို အတင်းအာဏာသိမ်း အုပ်ချုပ်နေတဲ့ စစ်ကောင်စီ နအဖနဲ့ အတူတူ အနူနူပဲဖြစ်မှာဖြစ်ပြီး ဘယ်အရပ်သားဝန်ကြီး၊ ဘယ်အရပ်သားလွှတ်တော်အမတ်ကမှ ဆန့်ကျင်ကန့် ကွက် ကလန်ကဆန်လုပ်ဖို့ မဖြစ်နိုင်ပါဘူး။ စစ်ဦးစီးချုပ်ရဲ့အမိန့်ကိုသာ နာခံရမယ့် လွှတ်တော်တိုင်းရဲ့ ၂၅% ရှိတဲ့ စစ်အမတ်တွေကို စစ်ဦးစီးချုပ်က အလိုအလျောက် ချုပ်ကိုင်ထားပြီးဖြစ်ပါတယ်။ ပေါ်ပေါက်လာမယ့် အ စိုးရအဖွဲ့နဲ့ လွှတ်တော်ဟာ ဘယ်လိုအစိုးရနဲ့ ဘယ်လိုလွှတ်တော်ဖြစ်မယ်ဆိုတာ အလွန်ရှင်းလင်းပါတယ်။

လွှတ်တော်ထဲရောက်မှ စကားပြောကြမယ် ဖွဲ့စည်းပုံအခြေခံဥပဒေကို ပြင်ကြမယ်ဆိုပြီး ရွေးကောက်ပွဲဝင်ဖို့ ပြင်ဆင်စိုင်းပြင်းနေကြတဲ့ ပါတီတွေနဲ့ ကိုယ်စားလှယ်လောင်းတွေ သတိပြုကြဖို့ အချိန်မီ အရုပ်ဆိုးတဲ့ သမိုင်း တခုကို မရေးမိကြစေဖို့ သတိပေးလိုက်ပါတယ်။

ခုချိန်မှာ အမျိုးသားဒီမိုကရေစီအဖွဲ့ချုပ်က ပြည်သူလူထုကြားကို ဆင်းပြီး တရားမျှတမှုမရှိတဲ့ ဒီမိုကရေစီနည်း လမ်းမကျတဲ့ စစ်အစိုးရရဲ့ရွေးကောက်ပွဲကို ဆန့်ကျင်သပိတ်မှောက်ကြဖို့ မိမိတို့ရဲ့ရပိုင်ခွင့် အခွင့်အရေးဖြစ်တဲ့ မဲမပေးဘဲနေပိုင်ခွင့်ကို ပြတ်ပြတ်သားသား ကိုင်စွဲကြဖို့ လိုက်စည်းရုံးနေတာကို ကျနော်တို့ တညီတညွတ် တည်း ထောက်ခံရပါလိမ့်မယ်။ ပြည်သူလူထုအကျိုးစီးပွား၊ တိုင်းပြည်အကျိုးစီးပွားကို အမှန်တကယ် လေးစား စေတနာထားသူတိုင်း ရွေးကောက်ပွဲဆန့်ကျင်သပိတ်မှောက်ရေးကို တညီတညွတ်တည်း ၀ိုင်းဝန်းဆောင်ရွက် ကြဖို့ တာဝန်ရှိပါတယ်။

ဒီအချိန်မှာ ပါတီဒုတိယဥက္ကဌ ဦးတင်ဦးက “ပျက်ပျယ်တယ်တို့၊ ဖျက်ပစ်မယ်တို့ ကျနော်တို့က တခုမှမလုပ်ဘဲ ဒီလိုပြောရုံနဲ့ ပျက်ပြီလို့ သူတို့ကပြောနိုင်ရအောင် ဘယ်ဖွဲ့စည်းပုံအခြေခံဥပဒေကများ အာဏာပေးထားလို့လဲ။ အဓိပ္ပာယ်က သူတို့လည်း တရားမ၀င်အစိုးရပဲ …” လို့ သတင်းဌာနတခုရဲ့ အင်တာဗျူးတခုမှာ အဖြေပေးသွား တာကို ဖတ်ရတော့ ပြည်သူလူအတွက် အများကြီး အားတက်မိပါတယ်။ အဲဒီလိုမျိုး ပြတ်ပြတ်သားသား ပြော ဖို့လုပ်ဖို့ အဲဒီတရားမ၀င် စစ်အစိုးရကို လူထုအင်အားနဲ့ ဆန့်ကျင်ဖြုတ်ချနိုင်အောင် အမျိုးသားဒီမိုကရေစီအဖွဲ့ ချုပ်က မှန်ကန်တဲ့ ဦးဆောင်မှုကို ရဲရဲရင့်ရင့်ပေးရမယ့်အချိန်ဖြစ်ပါကြောင်း အလေးအနက် တိုက်တွန်းလိုက်ပါ တယ်။ ။

စိုးနေလင်း