‘ဗိုလ်ချုပ်အောင်ဆန်းအတ္ထုပ္ပတ္တိနှင့် အောင်ဆန်းလက်ရွေးစင်ကျမ်းများ’ ပြုစုရေး အဆိုပြုချက်

“ဗိုလ်ချုပ်အောင်ဆန်း အတ္ထုပ္ပတ္တိနှင့် အောင်ဆန်းလက်ရွေးစင်ကျမ်းများ” ပြုစုရေး အဆိုပြုချက်
မိတ္ထီလာ-မြင့်မြင့်အေး (၁၉ ဇူလိုင်၊ ၂၀၁၀)

ကျမတို့ မိတ္ထီလာမြို့နယ် အမျိုးသားဒီမိုကရေစီအဖွဲ့ချုပ်က အာဇာနည်ခေါင်းဆောင်ကြီးများ ကျဆုံးတဲ့ အာဇာ နည်နေ့အခမ်းအနားကို ဘယ်လိုဟန့်တားနှောက်ယှက်မှုတွေ ရှိနေပါစေ ၀တ်မပျက် ကျင်းပခဲ့ကြတာ ဖြစ်ပါ တယ်။

အာဇာနည်ခေါင်းဆောင်ကြီးများဟာ အမိနိုင်ငံတော်ရဲ့ ကျေးဇူးရှင်ကြီးများ ဖြစ်ကြပါတယ်။ ကျမတို့ နိုင်ငံသူနိုင် ငံသား ပြည်သူလူထုကြီးက ကျေးဇူးရှင် အာဇာနည်ခေါင်းဆောင်ကြီးများကို ဘယ်တော့မှ မမေ့မလျော့ ဂုဏ်ပြု ကျေးဇူးဆပ်ရမယ်ဆိုတဲ့ အသိခံယူချက်နဲ့ ဒီလိုဝတ်မပျက် ကျင်းပခဲ့တာဖြစ်ပါတယ်။

နောက်တကြောင်းက ကျမတို့ရဲ့ လူငယ်တွေဟာ အာဇာနည်ခေါင်းဆောင်ကြီးများရဲ့ ကောင်းမြတ်တဲ့ တိုင်း ပြည်အကျိုးပြုမှုနဲ့ အလေ့အထများကို အတုယူရေးနဲ့ အမိနိုင်ငံတော်မှာ အာဇာနည်ခေါင်းဆောင်ကြီးများကဲ့သို့ နိုင်ငံ့ခေါင်းဆောင်ကြီးများ ပေါ်ထွန်းရေးတို့အတွက် ရည်ရွယ်ကျင်းပခြင်းဖြစ်ပါတယ်။ ၂၀၁၀ ခုနှစ် ဇူလိုင် (၁၉) ရက် (၆၃) ကြိမ်မြောက် အာဇာနည်နေ့အခမ်းအနားမှာ ကျမတို့ အမျိုးသားခေါင်းဆောင်ကြီး ဖခင်ဗိုလ်ချုပ် အောင်ဆန်းအကြောင်းကို တင်ပြလိုပါတယ်။

ကျမတို့တတွေ ဗိုလ်ချုပ်အကြောင်း သိရှိကြည်ညိုလေးစားနေကြတာဟာ ကိုယ်ကျိုးမရှာ အလွန်ရိုးသားတဲ့ ကြည်ညိုဖွယ် ခေါင်းဆောင်ကြီးအဖြစ် တင်စားနေတာသာများပါတယ်။

မှန်ပါတယ်။ ဗိုလ်ချုပ်ဟာ ရိုးသားဖြောင့်မတ်သူ ကိုယ်ကျိုးမရှာ နိုင်ငံအကျိုးအတွက် ကိုယ်ကျိုးစွန့်လွှတ်တဲ့ ကြည်ညိုဖွယ် ခေါင်းဆောင်ကြီးပါ။ နိုင်ငံရေးဆိုတာက နိုင်ငံအတွင်းရှိ လူအပေါင်းတို့ရဲ့ အရေးပါ။ ကိုယ်ကျိုးမ လုပ်ဘဲ နိုင်ငံအတွင်းရှိ လူအပေါင်းတို့ရဲ့အရေး နိုင်ငံ့အရေးလုပ်တဲ့ ပုဂ္ဂိုလ်ကို နိုင်ငံရေးသမားလို့ ခေါ်ကြတာပါ။ ဗိုလ်ချုပ်ဟာ နိုင်ငံရေးသမားစစ်စစ် ဖြစ်ပါတယ်။ နိုင်ငံရေးသမားတိုင်း စံနမူနာယူကြရမှာဖြစ်ပါတယ်။ ဒါပေမယ့် ဗိုလ်ချုပ်ကို အဲဒါလောက်ကလေး တင်စားကြည်ညိုနေတာနဲ့ မလုံလောက်ပါဘူး။ ဗိုလ်ချုပ်ဟာ ကျမတို့ မြန်မာ နိုင်ငံတမျိုးသားလုံးရဲ့ အမျိုးသားခေါင်းဆောင်ကြီးဖြစ်ပါတယ်။ မြန်မာနိုင်ငံမှာ ဘယ်တုန်းကမှ မပေါ်ပေါက်ဘူး သေးတဲ့ အလွန်လိမ္မာပါးနပ်တဲ့ နိုင်ငံရေးသုခမိန်ကြီးဖြစ်တယ်ဆိုတာ ကျမတို့ နားလည်ကြည်ညိုကြရမှာ ဖြစ်ပါ တယ်။ ဒါမှ ပြည့်စုံလုံလောက်မယ်ထင်ပါတယ်။

အဲဒီလို လိမ္မာပါးနပ်တဲ့ နိုင်ငံရေးခေါင်းဆောင်ကြီးဖြစ်လို့ ဗိုလ်ချုပ်ဟာ နှစ်ပေါင်းရာကျော် ဆုံးရှုံးကျွန်ဖြစ်နေခဲ့ရ တဲ့ နိုင်ငံတော်ကို လွတ်မြောက်အောင် လွတ်လပ်ရေး ရယူပေးနိုင်ခဲ့တဲ့ လွတ်လပ်ရေးဗိသုကာကြီး ဖြစ်ပါတယ်။

ကျွန်ဘ၀အတွင်းမှာ (၆) လက္မကျော် ဓားလက်နက်ကိုင်ခွင့်မရတဲ့ အထဲက ဒီနေ့လို ခေတ်မီ ဗမာ့တပ်မတော် ကြီး တည်ဆောက်ထူထောင်ပေးနိုင်ခဲ့တဲ့ တပ်မတော်ရဲ့ ဖခင်ကြီးလည်း ဖြစ်ပါတယ်။

အမိနိုင်ငံအတွင်း မှီတင်းနေထိုင်ကြတဲ့ လူမျိုးပေါင်းစုံပြည်သူတွေဟာ ပဒေသရာဇ်စနစ်နဲ့ နယ်ချဲ့ရဲ့သွေးခွဲမှု ကြောင့် ညီညွတ်ရေးပြိုကွဲနေတာကို တမျိုးသားလုံးသွေးစည်းညီညွတ်ရေးအတွက် စည်းရုံးပေးနိုင်ခဲ့တဲ့ မဟာ အမျိုးသားစည်းရုံးရေးမှူးကြီး၊ အမျိုးသားခေါင်းဆောင်ကြီးလည်းဖြစ်ပါတယ်။

ဖွဲ့စည်းပုံအခြေခံဥပဒေတရပ်နဲ့ ပြည်ထောင်စုသမ္မတမြန်မာနိုင်ငံတော်ရယ်လို့ ဒီမိုကရေစီနိုင်ငံတော် တည် ဆောက်နိုင်ခဲ့တဲ့ ဒီမိုကရေစီခေါင်းဆောင်ကြီးလည်းဖြစ်ပါတယ်။

ဒီလို အမိနိုင်ငံတော်ရဲ့ ကြီးလေးတဲ့ တာဝန်တွေကို ပြီးမြောက်အောင် ထမ်းဆောင်နိုင်ခဲ့တာဟာ အလွန်လိမ္မာ ပါးနပ်ကျွမ်းကျင် အမြော်အမြင်ကြီးတဲ့ နိုင်ငံရေးသုခမိန်ကြီးဖြစ်လို့သာ ထမ်းဆောင်နိုင်တာဖြစ်ပါတယ်လို့ ကျမ ပြောလိုတာပါ။

ကျွမ်းကျင်လိမ္မာပါးနပ်တယ်လို့ ကျမ သုံးနှုန်းတာက လှည့်ဖြားတတ်တဲ့ ပရိယာယ်ကြွယ်ဝတယ်လို့ ဆိုလိုတာ မဟုတ်ပါဘူး။ ဗိုလ်ချုပ် ဒီတာဝန်တွေ ထမ်းဆောင်နိုင်ခဲ့တာဟာ အသက် (၃၂) နှစ် အတွင်းမှာဖြစ်ပါတယ်။ ကမ္ဘာမှာ အသက်အငယ်ဆုံး (Head of state) နိုင်ငံခေါင်းဆောင်ဖြစ်တယ်လို့ သတ်မှတ်ကြတာပါ။ အာရှမှာ နေထွက်ဘုရင် အကြီးကျယ်ဆုံး ဂျပန်နိုင်ငံ ခေါင်းဆောင်ကြီးများနဲ့ နေမ၀င်အင်ပါယာပိုင်ရှင် ကမ္ဘာ့နိုင်ငံရေး ခေါင်းဆောင်ကြီးများဖြစ်ကြတဲ့ အင်္ဂလိပ်ဗြိတိသျှ ခေါင်းဆောင်ကြီးများနဲ့ တန်းတူရည်တူမဟုတ်။ ကျွန်နိုင်ငံ ငယ်ကလေးက ခေါင်းဆောင်ငယ်လေးတဦးအနေနဲ့ ဒီတာဝန်တွေကို ပြီးမြောက်အောင် ဆောင်ရွက်နိုင်ခဲ့တဲ့ ဗိုလ်ချုပ်ရဲ့အရည်အချင်းကို ဆိုလိုခြင်းဖြစ်ပါတယ်။

အိန္ဒိယနိုင်ငံရေးခေါင်းဆောင်ကြီး ဂျဝါဟာလာပဏ္ဍစ်နေရူးက “အောင်ဆန်း ကျဆုံးရတာဟာ မြန်မာနိုင်ငံရဲ့ ဆုံးရှုံးမှုသာမက အာရှတိုက်ကြီးရဲ့ ဆုံးရှုံးမှုပါ” လို့ ဆိုပါတယ်။ ခေါင်းဆောင်ကြီး နေရူးက အာရှမှာ အားကိုးစ ရာဟာ ဗီယက်နမ်ခေါင်းဆောင်ကြီး ဟိုချီမင်း၊ အင်ဒိုနီးရှားခေါင်းဆောင်ကြီး ဆူကာနိုနဲ့ ဗမာပြည်က အောင် ဆန်း (၃) ဦးရှိတဲ့အနက် သမ္မတ ဟိုချီမင်းနဲ့ သမ္မတ ဆူကာနိုတို့က အသက်ကြီးရင့်နေပြီဖြစ်လို့ အောင်ဆန်း သာ အာရှရဲ့ အားကိုးရမယ့် ခေါင်းဆောင်လို့ဆိုကြောင်း လေ့လာသိရှိရပါတယ်။

ကျမတို့နိုင်ငံ လွတ်လပ်ရေးရပြီးနောက် နိုင်ငံကို ခေါင်းဆောင်ခဲ့တဲ့ သူတွေဟာ သူတို့အာဏာမြဲရေးအတွက် သူတို့လုပ်နေတာဟာ ဗိုလ်ချုပ်လမ်းစဉ်ပါလို့ လိမ်ညာခဲ့တဲ့ ခေါင်းဆောင်တွေလည်းရှိခဲ့ပါတယ်။ ဒီကနေ့မှာ တော့ အမျိုးသားခေါင်းဆောင်ကြီး ဗိုလ်ချုပ်အောင်ဆန်းရဲ့ သမိုင်းကို ဖျောက်ပစ်ဖို့ ရှေးရှေးတုန်းက သမိုင်းပြ တိုက်ထဲမှာ ထားရမယ့် ခေတ်မမီ အရာမ၀င်တော့တဲ့ ပဒေသရာဇ်ခေါင်းဆောင်တွေ၊ ခေါင်းဆောင်ဟောင်းများ ကို ပွဲထုတ်အစားထိုးဖို့ လုပ်နေကြတာကိုလည်း တွေ့နိုင်ပါတယ်။

ဒီကနေ့ (၆၃) ကြိမ်မြောက် အာဇာနည်နေ့မှာ လူငယ်တွေကို ကျမ တိုက်တွန်းလိုတာက ကျမတို့ဖခင် ဗိုလ်ချုပ် ရဲ့အတ္ထုပ္ပတ္တိများနဲ့ ဗိုလ်ချုပ်ရဲ့ မှန်ကန်တဲ့ အတွေး၊ မှန်ကန်တဲ့ အမြင်၊ မှန်ကန်တဲ့ မိန့်မှာစကား၊ ရေးသားမှုများ၊ မှန်ကန်တဲ့အပြုအမူနဲ့ မှန်ကန်တဲ့လုပ်ရပ်များကို ရှာဖွေလေ့လာကြပါ။ အတုယူကြပါ။ ဗိုလ်ချုပ်လိုခေါင်းဆောင် မျိုး နိုင်ငံရေးသမားမျိုးဖြစ်အောင် ကြိုးစားကြပါလို့ ဆိုချင်ပါတယ်။

ဒိထက် တဆင့်တက်ပြီး တင်ပြလိုတာက ဗိုလ်ချုပ်အောင်ဆန်းအတ္ထုပ္ပတ္တိကို ပြည်တွင်းမှာရော၊ ပြည်ပမှာပါ ခေါင်းဆောင်တွေ၊ စာရေးဆရာတွေ၊ သမိုင်းဆရာတွေ၊ တဦးချင်း မြန်မာဘာသာ၊ အင်္ဂလိပ်ဘာသာတွေနဲ့ ရေး သားထားကြတာတွေ ရှိပါတယ်။ ဗိုလ်ချုပ်ကိုယ်တိုင် ရေးတာလည်းရှိပါတယ်။ ဒေါ်အောင်ဆန်းစုကြည် ရေး သားပြုစုထားတာလည်းရှိပါတယ်။ ဒါပေမယ့် နိုင်ငံတော်က တမျိုးသားလုံး လက်ခံရမယ့် အတ္ထုပ္ပတ္တိရယ်လို့ မရှိသေးပါဘူး။ အဲဒါကြောင့် ဗိုလ်ချုပ်အောင်ဆန်း အတ္ထုပ္ပတ္တိပြုစုရေး ကော်မရှင်တရပ်ဖွဲ့ပြီး အားလုံးစုပေါင်း တည်းဖြတ်ပြုစုသင့်ပါတယ်။ နောက်တခုက ဗိုလ်ချုပ်ရေးသားတဲ့ ဗိုလ်ချုပ်ပြောကြားတဲ့ စာပေနဲ့ မိန့်ခွန်းများကို ရှာဖွေစုဆောင်းတည်းဖြတ်ကာ “အောင်ဆန်းလက်ရွေးစင်ကျမ်းများ” ပြုစုရေးကော်မရှင်ဖွဲ့ပြီး ပြုစုထားသင့်ပါ တယ်။

“ဗိုလ်ချုပ်အောင်ဆန်း အတ္ထုပ္ပတ္တိ” ပြုစုရေးနဲ့ “အောင်ဆန်းလက်ရွေးစင်ကျမ်းများ” ပြုစုရေးတာဝန်ကို ကျမတို့ အမျိုးသားဒီမိုကရေစီအဖွဲ့ချုပ်ကြီးက တာဝန်ယူ ခေါင်းဆောင် ဆော်သြ၍ ဖြစ်မြောက်အောင် ဆောင်ရွက်ကြပါ လို့ ဒီကနေ့ (၆၃) ကြိမ်မြောက် အာဇာနည်နေ့မှာ အဆိုပြုတင်ပြလိုက်ပါတယ်။

ဒေါ်မြင့်မြင့်အေး
အတွင်းရေးမှူး
အမျိုးသားဒီမိုကရေစီအဖွဲ့ချုပ်
မိတ္ထီလာ။