ဆလိုက်အမျိုးမျိုးကြားက လိုက်ဘ်ရှိုးသမားလေး ‘ဂျက်’

(တစ်)

“လိုက်ဘ်ရှိုး (Live Show) ဟုတ်စ…။ ဘယ့်နှာတုန်းရယ်ဗျာ၊ တေးသံရှင်ဂျက်နှင့် အနှီလိုက်ဘ်ရှိုးဆိုသည်ကြီး အဆီအငေါ်မတည့်နိုင်ပါ”

အကျွန်ုပ်ကား ကြည့်ကန်ရှင်ကြီး၏ မေတ္တာစာတပုဒ်ထဲ၌ မိုးခေါ်သောကြောင့် အညာသူအညာသားတို့ ဘဇာ လုပ်ရမည်ကို မသိတတ်နိုင်တော့ဘဲ ယောင်တောင်တောင် ကြောင်တောင်တောင် မောင်းကျောက်မှန်သည့် ကြက်ကဲ့သို့ ဖြစ်သွားသည့်အလားနှယ်သဖွယ် လိုက်ဘ်ရှိုးဟူသည့်အသံကို ကြားရသည်၏ သကာလ တေးသံ ရှင်ဂျက်နှင့် အနှီလိုက်ဘ်ရှိုးဟူသော ဝေါဟာရ ဘဇာသို့များ ပတ်သက်ပါစဟု နားမလည်ပါးမလည် ဖြစ်မိသွား တော့ချေကာ ယောင်တိယောင်န ကြောင်အိကြောင်အ ဆိုသလိုဖြစ်၍သာသွားတော့ဘိချေပါ၏။ ပရိုဂျူဆာ ခေါ် တေးဂီတထုတ်လုပ်သူကြီးမှာကား စီးကရက်ကို လက်သမားခဲ ခဲကာ ပြုံးတုံ့တုံ့နှင့်သာတကားတည်း။

“ယခုနှယ် တွန့်ခနဲ့ လွန့်ခနဲ့ ဖြစ်သွားဘိရလောက်အောင် လိုက်ဘ်ရှိုးဆိုသည့် စကားလုံးထဲမှာ ဘဇာများ ပါ သွားလို့သတုန်းဗျာ။ မဘွေး (မြွေပွေး) တော့ မပါဘူးထင်ပါ့”

“မဘွေး (မြွေပွေး) တော့ဖြင့် မပါဘူးပေါ့လဗျာ။ အနို့ပေမင့် ဂျက်ဂီတနှင့် အနှီလိုက်ဘ်ရှိုး ဘယ့်နှယ်မှ အစပ်မ တည့်ဘူးဟု တွေးထင်မိသောကြောင့်ရယ်သာပါ”

မှန်ပါသည်။ လိုက်ဘ်ရှိုးနှင့် ဂျက် ဘယ့်နှာမှမပတ်သက်ဟု ဂျက်ထင်ပါသည်။ ဂျက်ကား ဂီတ၌ မွေ့လျော်သည် မှာ မှန်ပါ၏။ မြန်မာသံတေးကလေး တခွေစ၊ နှစ်ခွေစ ဟစ်ဖူးသည်မှာ မှန်ပါ၏။ ဓမ္မတေးကလေး တပုဒ်စ၊ နှစ် ပုဒ်စ သီကျူးဖူးသည်မှာ မှန်ပါ၏။ ဂျက်အသံကို လက်ခံသူအချို့ကလည်း လက်ခံတော်မူကြပါချေသည်တမုံ့။ အနို့သော် ယခုအမှုကိစ္စက လိုက်ဘ်ရှိုးကိစ္စဖြစ်ချေသည်။ ဂျက်ဆရာကို ဘယ်မှာရယ်များ လိုက်ဘ်ရှိုးကြမည်မ သိ။ စတိတ် (Stage) က အဘယ်မှာ …၊ ပရိသတ်က အဘယ်အရာ။ နောဇာ နာမိ ဆရာကြီးဂျက် မသိတတ် နိုင်ခဲ့ချေကပြီ။

“အခု သမယ ဂွေ (ခွေ) လောကဆိုသည်က ရိုးရိုးထုတ်လို့ ဘာရုပ်မှမပေါက်ချေဘူး ဂျက်သဲရ။ လိုက်ဘ်ရှိုး … မှန်သဗျာ လိုက်ဘ်ရှိုး၊ လူတွေနဲ့၊ လက်ခုပ်တီးသံတွေနဲ့၊ လက်ခေါက်မှုတ်သံတွေနဲ့၊ ရောင်စုံဆလိုက်မီးတွေနဲ့ … အဲသဟာမှ ရောင်းကောင်းကြတဲ့ ခေတ်ကာလကြီးလေလဗျာ”

အနှီအဆွေ ထုတ်လုပ်သူ ပရိုဂျူဆာကလေး မိန့်မြွက်သလို လိုက်ဘ်ရှိုးခွေတို့ စိတ်လှုပ်ရှားစဖွယ်ကောင်းမှာ ကား အမှန်တော့ အမှန်ဖြစ်ပါချေသည်။

ဂျနီဖာလိုပက်ဇ်ကလေး (Jennifer Lopez) ၏ လိုက်ဘ်ရှိုးမှာ ဂျက်ဆရာ ရင်ခုန်လှိုက်မောခဲ့ရပါ၏။ ဆလင်းဒီ ယွန် (Celine Dion) ကလေး၏ လိုက်ဘ်ရှိုးမှာ ဆရာကြီးဂျက် ပင့်သက်ရှည်လျားခဲ့ရပါ၏။ ဘရစ်တနီစပီးယား (Britney Spears) ၏ လိုက်ဘ်ရှိုးမှာ ဂျက်သဲ တံတွေးအလီလီ မျိုချခဲ့ရပါ၏။ အနို့အတူ ထို့အတူ West Life လိုက်ဘ်ရှိုး၊ Eagle လိုက်ဘ်ရှိုး ဆိုကြ တီးကြ အော်ကြ ဟစ်ကြ လူပရိသတ် အထောင်ထောင် အသောင်း သောင်း ကောင်းလေစွတကားငယ်လေ။

အနို့သော် … တေးသံရှင်ဂျက်၏ ကိစ္စမှာ တမျိုးတဘသာ ဖြစ်ပါချေသည်။ သီချင်းအေးတွေနှင့် သင်းကလေး ဂျက်ကို အဘယ်ကာလမှာ အဘယ်ဌာနက ပရိသတ်တွေနှင့် လိုက်ဘ်ရှိုးကျင်းပကြချေမည်နည်း။ ဂျက်လိုက် ဘ်ရှိုးကို ပရိသတ်အားပေးကြပါစ။
“ရော် … မရောင်ရာဆီလူးဆိုသမို့ဟာ အဲ့သဟာမျိုးကို ရည်ရွယ်သည်ထင်ပါ့။ မပူရမည်ကို ဂျက်သဲ ပူရန်ကော ဗျာ။ လိုက်ဘ်ရှိုးဆိုပေမင့် ဘယ့်နှာ တကယ့်လိုက်ဘ်ရှိုးရမတုန်းဗျာ။ ပရိသတ်အစစ် ဘယ်မှာရှိပါ့မတုန်းဗျာ။ အုန်းနို့ခေါက်ဆွဲ ကျွေးမယ်၊ ထောပတ်ထမင်း ခွံ့မယ်၊ ရေခဲမုန့်ကျွေးမယ်နဲ့ စာနယ်ဇင်းဆရာတွေ၊ တေးထုတ် လုပ်သူတွေ၊ အဆိုတော်တွေ အနှီတို့ရဲ့ အဆွေတွေ အမျိုးတွေ၊ တူမတွေ တူထီးတွေကို အနို့ကလိုပဲ ဖိတ်ကြား ကာ ထိုင်ခိုင်း ထခိုင်း၊ နားဆင်ခိုင်း၊ လက်ခုပ်တီးခိုင်းပြီး လိုက်ဘ်ရှိုးကြီး ၀ှဲချီးကျင်းပလေဟန် ရိုက်ကူးထုတ် လုပ်ကြရချေသဗျာ။ ဂျက်သဲက ဘဇာကို ဘယ့်နှာကြောင့် ပူပန်နေသပ”

“ဂျက်သီချင်းတွေက သီချင်းအေးတွေ မဟုတ်ကလား”

“သီချင်းအေးချင်အေးဗျာ၊ ပရိသတ်ကို ပူအောင်လုပ်လို့ရသမှ …”

ကျွန်ုပ်ကား ဇွတ်တရွတ်ဆိုသလိုပင် ကျွန်ုပ်၏ ပြန်ဆိုတေးများကို လိုက်ဘ်ရှိုးရိုက်ကူးရန်အလို့ငှာ တောင်းဆို လာဘိချေသော ပရိုဂျူဆာထုတ်လုပ်သူကလေးအား တွေတွေကြီး ငေးမောကြည့်ရှုနေမိဘိတော့ချေသည်တ မုံ့တကား။

(နှစ်)

အရှိုက်ထိုးသလို လိုက်ဘ်ရှိုးဟူ၍သာ အများမြင်သာအောင် စကားလင်္ကာဖွဲ့လိုက်ချင်ဘိပါတော့ကပြီ။

Stage ပေါ်တွင်ကား ခြောက်လုံးပတ် တီးသူကလေးတယောက်၊ ထို့နောက် Keyboard တီးသူကလေးတ ယောက်၊ ၎င်းနောက် တယောထိုးသူကလေးတယောက်၊ ယင်းနောက် ဒရမ်တီးသူကလေးတယောက်၊ အနှီ နောက် Bass ဂစ်တာတီးသူကလေးတယောက်၊ ဤနောက် လိုက်ဘ်ရှိုးအဆိုတော် မြန်မာသံ ဆွေးလျငေးတ ဂျက်သဲ …။

Stage အောက်တွင်မူ ကျီးနှင့်ဖုတ်ဖုတ်။ အဟုတ်အမှန်ကိုပင်လျှင် ကျီးနှင့်ဖုတ်ဖုတ်။ မကင်းရာမကင်းကြောင်း အပေါင်းအသင်း ရောင်းရင်းကလေးတွေက ဟိုအနား သုံးလေးယောက်၊ သည်အနား သုံးလေးယောက်။ ဗွီစီဒီ ရိုက်ကူးနေသူ ကင်မရာမင်းကမူ လူကလေးနှစ်ယောက်နှင့် တပိုင်းကို မဟာလိုက်ဘ်ရှိုးကြီး ဖြစ်လေဟန် လက် စွမ်းတပြပြ။

“အနှီလောက် လူစုကလေးနှင့် အကျွန့်လိုက်ဘ်ရှိုးခွေကို ဖြန့်လိုက်မှဖြင့် …”

လိုက်ဘ်ရှိုးခွေ သီကြွေးရိုက်ကူးခြင်း ပြီးသည်၏သကာလ ကျွန်ုပ်က စကားစရုံရှိသေး၊ ပရိုဂျူဆာက ကွက် ကျော်မြင်တတ်ချေသည်။

“စိတ်ချ ဂျက်သဲ၊ ဂျက်သဲခွေကို ပေါက်အောင်လုပ်မယ်”

“လိုက်ဘ်ရှိုးခွေပီပီ လူများများ တကယ့်ကို စိတ်အားတက်ကြွနေတဲ့ ပရိသတ်နဲ့ …”

“စိတ်ချပါ ဂျက်သဲရာ၊ အက်ဒစ်တင်း (Editing) တည်းဖြတ်သမှုပညာနဲ့ ဖြတ်ညှပ်ကပ်ပြီး တီးထည့်လိုက်ရရင် … ဟင်း …”

အလွန်အားပါလှသော ပရိုဂျူဆာ၏ ‘ဟင်း’ ကို ကြည့်ကာ ကျွန်ုပ်မှာ စိတ်အေးရချေသည်တမုံ့။

(သုံး)

တေးသံရှင် ရွှေပွတ်မြေဂျက်သဲ၏ Live Show အခွေကြီးသည်ကား နိုင်ငံတော်ပြည်အနှံ့ ကျဲပြန့်၍ ထုတ်ဝေ လိုက်ချေကပြီ။ အနှီသတင်းကို နေ့စဉ်ထုတ်သတင်းစာများ၏ စာမျက်နှာများပေါ်မှာတဆင့် ကျွန်ုပ် ကြားသိ လိုက်သောအချိန်တွင်ကား ဂျက်ဆရာတယောက် ရန်ကုန်ရွှေမြို့တော်၌ မရှိပါချေ။ အညာဒေသရှိ မြို့ကြီးတ မြို့၌ အနားယူနေသော အခိုက်အတန့် အကြိုက်အငံ့ပေတည်း။

မိမိ၏လိုက်ဘ်ရှိုးအခွေကို ထုတ်လုပ်ဖြန့်ချိလိုက်ပြီဖြစ်ပါကြောင်း သတင်းစကားကို ကြားရသည်၏ အကြိုက်အ ခိုက်ဝယ် ကျွန်ုပ်၏ လိုက်ဘ်ရှိုး၌ ပရိသတ်ထုနှင့်ထည်နှင့် သောင်းသောင်းဖြဖြ ဖောင်းဖောင်းပွပွ တက်ရောက် ကြသောသဏ္ဌာန် ဖြစ်လေဟန်ကို ဘယ့်နှယ်များ ဖြတ်ညှပ်ကပ်၍ ရိုက်ကူးတင်ဆက်အပ်သည်ကို သိလိုဇော ပြင်းထန်လာခဲ့သည်ရှိ၍ မနီးမဝေးရှိ တေးသံသွင်းဆိုင်ကလေးမှ ဗွီစီဒီခွေကလေး တခွေကို ၀ယ်ယူကာ မလှမ်း မကမ်းမှ ယစ်ရွှေရည်ဆိုင်ကလေးဆီသို့ ၀င်ရချေသည်။

ယင်းနောက် စည်ဝမ်းဂျားနှင့် ရမ်နှစ်ပက်မှာယူပြီး ဆိုင်ရှင်ကို မျက်နှာချိုသွေးပြီးသည်၏သကာလ ဗွီစီဒီခွေက လေးအား ဖွင့်ပေးပါရန် အခွင့်တောင်းရချေသည်။ ထွေယစ်သူတို့ကား ခွေသစ်ဟူသည်ကြောင့် စိတ်ဝင်စားကြ ချေသည်။ ရွှေပွတ်မြေ ဂျက်သဲ၏ စိတ်ကြိုက်ဆိုတေးများ လိုက်ဘ်ရှိုး။ တေးဆိုသူ ဂျက်ကိုပြလိုက်၊ ပရိသတ် ကြီးကို ပြလိုက် …။

“လက်ရေတပြင်တည်း … နှီးဒေါင်းလန်းတွေနဲ့ … ၀ိုင်းဖွဲ့ကာ စားကြပြန်သည် … မြမဒီခင် ငယ်စဉ်ကတည်းက တေးဆိုကြ … မြူးပျော်ကြ … ဟေ့ သူငယ်ချင်းရေ … တို့နယ်ပယ်တခွင် မိုးသက်ကယ်ဆင် … ရှစ်ခွင်ကမည်း … မိုး ရွာမလိုလိုနဲ့ပင် …”

အနှီ၌ တီဗီမျက်နှာပြင်ပေါ်တွင် ပရိသတ်ကြီး ပေါ်လာချေသည်။ မုတ်ဆိတ်မွေး၊ ပါးမြိုင်းမွေး ဗရပျစ်၊ မျက်လုံး ပြာပြာ၊ ရွှေရောင်အမွေး ငွေရောင်အသွေးနှင့် လူတွေ။ ဘယ့်နှာအခွေက ကူးထည့်ထားပါလိမ့်။ မိုက်ခယ်လ် ဂျက်ဆင် (Michael Jackson) လိုက်ဘ်ရှိုးထဲက ထင်ပါ့။

“ဂျက်သဲလိုက်ဘ်ရှိုး အောင်မြင်လှသဗျာ၊ နိုင်ငံခြားသားတွေ အပြည့်ကပဲ”

ယစ်ထွေသူတဦး၏ မှတ်ချက်အောက်တွင် ဂျက် မသိချင်ယောင်ဆောင်နေရချေသည်။

“အိပ်၍မပျော်သော ညတညသံသရာအလယ် … လေသာပြတင်းနံဘေးဝယ် … အဖြေရှာငေးမော ကြည့်နေစဉ် ၀ယ် … တိမ် တိမ်လွှာတွေလည်း မည်းမည်းမှောင်ရီခြယ် …”

အနှီတခါ ပေါ်လာသည့် ပရိသတ်ကမူ မတ်တပ်တွေရပ်လျက်။ ဓားတွေ၊ လှံတွေ၊ ဒိုင်းတွေ၊ လွှားတွေ၊ မြားတွေ၊ ကာတွေ ကိုင်လျက် …။ အဘယ်ထဲကပါလိမ့်။ Brave Heart ထဲကလား၊ Helen of Troy ထဲကလား၊ Ten Commandments ထဲကလား။

“လိုက်ဘ်ရှိုးက အောင်မြင်လွန်းတော့ ခိုက်ရန်ဖြစ်ကြ၊ ထိုးကြသတ်ကြ၊ မနည်းထိန်းရပေမဗျာ”

ယစ်ထွေသူတဦးက ကောက်ချက်ဆွဲပြန်ချေသည်။ ဂျက်ကား အသာလျှိုကာ တေမိ။

“ဘယ်သူတွေဖျက် … မပျက်ခဲ့ပါ ကမ္ဘေကမ္ဘာဝယ် … အလှူရေစက် လက်နဲ့မကွာ စေတနာကြွယ် … သဒ္ဓါမချို့ လေတယ် … မြန်မာတို့မြေနှယ် … ပသာဒတွေ မယွင်းမစောင်း … သဘာဝအခြေ အတင်းမပြောင်း … အသင်း အပေါင်း ကြည့်လေကွယ် ကြည့်လေကွယ် သိစေမယ် … ဟန်မတင်း မာန်မပြင်း ဖန်ဆင်းသည့် ပရိယာယ်မရှိ တယ် … လာလော့ ဧည့်သည် ရှုလော့ ဧည့်သည် … ကမ္ဘာထုအတွင်း ပမာပြုရင်း … မြန်မာရှုခင်း မြန်မာစိတ် ရင်း အစင်းသိရမယ် …”
အနှီတခါ ပေါ်လာချေသည့် ပရိသတ်ကမူ အားလုံးယောက်ျားတွေချည့်။ မြန်မာအမျိုးသားတွေချည့်။ မျက်နှာ ကြောကြီးတွေ တင်းလျက်။ လက်သီးလက်မောင်းတန်းလျက်။ ဒေါသပြင်းထန် မုန်တိုင်းဟန် မျက်လုံးများ …။

“ချကွ … ချကွ … သတ် … သတ် … ထိုးစမ်း” ဟူသည့် အသံတွေက ပါနေလိုက်သေးသည်။ သြော် … မြန်မာ့ ရိုးရာလက်ဝှေ့ပွဲလာ ပရိသတ်ကို ဖြတ်ထည့်လိုက်သည်ထင်ပါ့။ မြန်မာ့ရှုခင်း မြန်မာ့စိတ်ရင်းမှာမှ အနှီအသံတို့ က ပါနေကြပလေ။

“ပရိသတ်က ရိုင်းလှသဗျာ။ အဆိုတော် ဂျက်သဲမှ အားမနာ”

ဂျက်ကား ကျသင့်ငွေရှင်းပြီးသည့်သကာလ အခွေကို ပြီးအောင်ကြည့်ဖို့နှင့် ပြီးမှ လာပြန်ယူမည်ဖြစ်ကြောင်း ဆိုင်ကိုပြောကာ အသာထွက်ခွာခဲ့ရချေသည်။ လာလတ္တံ့သော သီချင်းများ၌ ‘ပုလဲဆိပ်ကမ်း’ တို့၊ ‘ကွေးမြစ် ပေါ်က တံတား’ တို့၊ ‘တပ်သားရမ်းကို ကယ်တင်ခြင်း’ တို့အထဲက လူစုလူဝေးကြီးများကို ဖြတ်ထည့်ထားခဲ့၍ စစ်ဖြစ်နေတုန်း လိုက်ဘ်ရှိုးလုပ်ရတယ်လို့ဗျာဟု အပြစ်တင်ကြချေသော် ခက် ခက်ရချေမည်တမုံ့ …။ ။

ဂျက်ကွမ်းခြံကုန်း
(မြားနတ်မောင်မင်္ဂလာမဂ္ဂဇင်း၊ သြဂုတ်လ၊ ၂၀၀၄ ခုနှစ်)