မသေချာခဲ့မှုများအကြောင်း

မသေချာခဲ့မှုများအကြောင်း
မောင်ချောနွယ်

အဲဒီဆားငန်ရေနဲ့
အကုသိုလ်တွေကို
သူတို့တွေ ကိုက်ချီသယ်ဆောင်သွားပါလိမ့်မယ်။

သူဟာ ဟော်တယ်မှာ မတည်းခိုခဲ့ဖူးဘူး
သူဟာ နိုက်ကလပ်တက် မကခုန်ခဲ့ဖူးဘူး
သူဟာ ၇၄၇ ဂျက်လေယာဉ်တွေကို မစီးခဲ့ဖူးဘူး
သူဟာ လသွားဒုံးယာဉ်လည်း မစီးခဲ့ဖူးဘူး
သူဟာ အီတလီကော်ဇောပေါ်မှာ လမ်းမလျှောက်ခဲ့ဖူးဘူး
သူဟာ ကမ္ဘာကျော်တံတားတွေပေါ်မှာ လမ်းမလျှောက်ခဲ့ဖူးဘူး
သူဟာ ကုမ္ပဏီတခုက ဂျူရီလူကြီးတယောက်လည်း မဟုတ်ခဲ့ဖူးဘူး
အဲဒါတွေအားလုံးဟာ သူ့ရဲ့အောက်တန်းကျမှုတွေဖြစ်တယ်။

သူဟာ ပင်လယ်ကို စံပယ်တပွင့်လို ခူးဆွတ်ခဲ့တယ်
သူ့မှာ လမင်းကို မျိုမျိုချမိတဲ့ အမှုကိစ္စရှိတယ်
သူ့မှာ ဆိပ်ဖလူးပန်တွေ ခူးဖို့ကိစ္စအတွက် ကျောင်းပြေးခဲ့ဖူးတယ်
သူက မလျှောက်တတ်လျှောက်တတ်နဲ့ ကြိုးတန်းပေါ် လမ်းလျှောက်ခဲ့ဖူးတယ်
သူဟာ ကောင်းကင်ဘားတွေလည်း ကစားခဲ့ဖူးတယ်
သူဟာ ရှေ့ကျွမ်းနောက်ကျွမ်းလည်း ထိုးခဲ့ဖူးတယ်
သူဟာ မစင်လည်း နင်းခဲ့ဖူး၊ တိမ်ညွန့်လည်း စားခဲ့ဖူးတယ်
ဒါကြောင့်လည်း သူ့မှာ ဘာမှမရှိတာ သေချာခဲ့ပေါ့
သူ့မှာ ဘာမှမရှိတာ သေချာခဲ့ပေါ့။

သေချာတာက
သူ့မှာ ဘာမှမရှိတာ သေချာခဲ့ပေါ့။ ။

မောင်ချောနွယ်
(မြားနတ်မောင်မင်္ဂလာမဂ္ဂဇင်း၊ အောက်တိုဘာလ၊ ၂၀၀၃ ခုနှစ်)