အရည်အချင်းရှိသူတို့၏ ခေတ်

ရေးဖြစ်ခဲ့သော မြားနတ်မောင် တာဝန်ခံအယ်ဒီတာစကား (၅)
အရည်အချင်းရှိသူတို့၏ ခေတ်
ဒေါက်တာလွဏ်းဆွေ

မတ်လ (၂၄) ရက်၊ တနင်္ဂနွေနေ့ ညနေက ဟောလိဝုဒ်ရုပ်ရှင်မြို့တော်ရှိ ကိုဒတ်ရုပ်ရှင်ရုံကြီး၌ ကျင်းပသော အ မေရိကန် ရုပ်ရှင်ထူးချွန်ဆုပေးပွဲဖြစ်သည့် (၇၄) ကြိမ်မြောက် အော်စကာဆုနှင်းသဘင်ကို တီဗွီဖန်သားပြင်ပေါ် တွင် ကျနော် တိုက်ရိုက်ကြည့်ရှုခွင့်မကြုံခဲ့ဘဲ ထိုအပတ်ထုတ် ဂျာနယ်များတွင်မှ မှတ်တမ်းဓာတ်ပုံ စုံစုံလင်လင် ဖြင့် ပြည့်ပြည့်စုံစုံ ဖတ်ရှုခဲ့ရပါသည်။

အော်စကာဆုပေးပွဲသမိုင်းတွင် လူမည်းသရုပ်ဆောင်တို့ မကြုံစဖူး ထူးကဲစွာ အောင်ပွဲခံခဲ့သည့် ၀မ်းမြောက် ဖွယ် အထိမ်းအမှတ်ပွဲကြီးလည်းဖြစ်ခဲ့သည်။ လူမည်းမင်းသားကြီး ဆစ်ဒနီပွိုင်တီးယေးက ဘ၀တသက်တာအ တွက် ဂုဏ်ထူးဆောင် အော်စကာဆုကိုလည်းကောင်း၊ လူမည်းမင်းသား ဒင်ဇယ်ဝါရှင်တန်က အကောင်းဆုံး အမျိုးသားဇာတ်ဆောင်ဆုကိုလည်းကောင်း၊ လူမည်းမင်းသမီး ဟယ်လီဘာရီက အကောင်းဆုံး အမျိုးသမီး ဇာတ်ဆောင်ဆုကိုလည်းကောင်း အသီးသီး ဆွတ်ခူးရရှိသွားခဲ့ကြောင်း သိရှိကြပြီးဖြစ်ပေမည်။

မင်းသားကြီး ဆစ်ဒနီပွိုင်တီးယေးနှင့် မင်းသား ဒင်ဇယ်ဝါရှင်တန်တို့၏ သရုပ်ဆောင်မှု အတတ်ပညာကောင်း ခြင်းကို ကျနော့်အနေနှင့် ကြိမ်ဖန်များစွာ ကြည့်ရှုခဲ့ဖူးသော်လည်း မင်းသမီး ဟယ်လီဘာရီ၏ သရုပ်ဆောင်မှု အတတ်ပညာနှင့်မူ အနည်းငယ် စိမ်းနေခဲ့ပါသည်။ ဓာတ်ပုံကို သေချာစွာ ကြည့်ရှုမိသည့်အခါမှ ကျနော်ကြည့်ရှု ခဲ့ဖူးသော ရုပ်ရှင်ဇာတ်ကားတကားတွင် သူမ၏ သရုပ်ဆောင်မှု အနုပညာကို စွဲလမ်းနှစ်ခြိုက်ခဲ့ရသည့် လူမည်း မင်းသမီးလေး ဖြစ်နေသည်ကို ပြန်လည်မှတ်မိသွားတော့သည်။

ကျနော် ကြည့်ရှုခဲ့ဖူးသော ထိုဇာတ်ကားမှာ မင်းသား ကတ်ရပ်ဆဲလ်နှင့် မင်းသား စတီဗင်ဆီးဂဲလ်တို့ အပြိုင်ပါ ၀င်ကြပြီး ဒါရိုက်တာ စတူးဝပ်ဘိုင်းရပ်ဒ် ရိုက်ကူးသော Executive Decision ဆိုသည့် ဇာတ်ကားပင်ဖြစ်သည်။ ထိုဇာတ်ကားတွင် မင်းသမီး ဟယ်လီဘာရီက အပိုင်စီးခံရသည့် လေယာဉ်ပေါ်မှ ရဲဝံ့စွန့်စားသော ချစ်စဖွယ် လေယာဉ်မယ်ကလေးအဖြစ် ပီပြင်စွာ သရုပ်ဆောင်ခဲ့ခြင်းဖြစ်သည်။ ထိုဇာတ်ကားတွင် သူမ ပါဝင်ခွင့်ရသည့် အခန်း နည်းပါးသော်လည်း ကြည့်ရှုခွင့်ရသလောက် အခန်းနည်းနည်းနှင့်ပင် သရုပ်ဆောင်ကောင်းတို့၏ အ ရည်အချင်းရှိမှန်း ကျနော် မှတ်မှတ်ရရ ရှိခဲ့သူဖြစ်သည်။

ယခုဆုရရှိသော Monster's Ball ရုပ်ရှင်ဇာတ်ကားကို မကြည့်ရသေးသော်လည်း ကျနော့်စိတ်ထဲတွင် သရုပ် ဆောင်ကောင်းတို့၏ အရည်အချင်းရှိမှန်း မှတ်မှတ်ရရရှိခဲ့သော သူမ ဆုရရှိသည့်အတွက် အထူးပင် ၀မ်း မြောက်မိပါသည်။ အထူးသဖြင့် လူမည်းသရုပ်ဆောင်များထဲမှ ဆုရရှိခဲ့ခြင်းဖြစ်၍လည်း ပို၍ပင် ၀မ်းမြောက်ရ ပေသည်။

ဆုပေးပွဲအခမ်းအနားတွင် သူမက “နာမည်မရှိ၊ ဂုဏ်မရှိတဲ့ လူမည်းအမျိုးသမီးတွေ အားလုံးအတွက်လည်း ဂုဏ်ရှိတဲ့အချိန်ပေါ့။ သူတို့တွေအားလုံးအတွက် ပိတ်ထားတဲ့ တံခါးကြီး ပွင့်သွားပြီလို့ ကျမ ယုံကြည်ပါတယ်” ဟု မျက်ရည်လည်ရွဲဖြင့် ပြောကြားခဲ့ကြောင်းလည်း ၀မ်းနည်းဝမ်းသာ ဖတ်ရှုခဲ့ရပါသည်။

*****

လူဖြူ လူမည်း အသားအရောင်ခွဲခြားမှု သမိုင်းတလျှောက်တွင် လူမည်းများသည် ခေတ်အဆက်ဆက် အနှိမ်ခံ၊ အဖိနှိပ်ခံများ ဖြစ်ခဲ့ရလေသည်။ ထိုကဲ့သို့ ကြမ်းတမ်းသောဘ၀များမှ ကြိုးစားရုန်းကန်ရင်း ပညာခေတ်သို့ ရောက်ရှိနေသည့် ယနေ့အချိန်အခါတွင် အရည်အချင်းရှိသော လူမည်းများကို လူဖြူများက အသိအမှတ်မပြု၍ မရတော့ဘဲ အမြင်ကျယ်စွာဖြင့် နေရာပေးလာကြရပေတော့သည်။

လူမည်းအာကာသယာဉ်မှူး၊ လူမည်းဆေးသိပ္ပံပညာရှင်၊ လူမည်းစာရေးဆရာ၊ လူမည်းအဆိုတော်၊ လူမည်းရုပ် ရှင်သရုပ်ဆောင် … စသည် စသည်ဖြင့် နယ်ပယ်အသီးသီးတွင် အရည်အချင်းရှိသူ လူမည်းများကို အသိအ မှတ်ပြုလာကြရတော့သည်။ လူမျိုးကြီးဝါဒအစွဲရှိသော အီတလီ၊ ဂျာမဏီနိုင်ငံတို့၏ နိုင်ငံလက်ရွေးစင် ဘော လုံးအသင်းများတွင်ပင် အရည်အချင်းရှိသော လူမည်းဘောလုံးသမားများကို ပစ်ပယ်မထားနိုင်တော့ဘဲ နိုင်ငံ လက်ရွေးစင်အဖြစ် အသိအမှတ်ပြု ရွေးချယ်လာကြသည်ကို တွေ့လာရပေသည်။

ဆိုရလျှင် ယနေ့ခေတ်သည် ပညာခေတ်သို့ ရောက်ရှိနေပြီး ယခင်ကာလများကထက် ပိုမိုအမြင်ကျယ်လာကြ ပြီဖြစ်သည့်အလျောက် အရည်အချင်းရှိသူ မည်သူမဆို ထိုက်တန်သည့်နေရာ၊ ထိုက်တန်သည့် ဆုလာဘ်များ ကို ရရှိလာကြမည်မှာ အမှန်ပင်ဖြစ်ပေသည်။ အသားရောင်ခွဲခြားမှုပြဿနာနှင့် ရင်ဆိုင်ရုန်းကန်ခဲ့ကြရသော လူမည်းများမှမဟုတ်၊ ကမ္ဘာပေါ်ရှိ မည်သည့်လူမျိုး၊ မည်သည့်ဘာသာဝင်မဆို ကိုယ်ကျွမ်းကျင်ရာ ပညာရပ် တွင် အရည်အချင်းပြည့်မီသူဖြစ်ပါက ထင်ပေါ်လျှင် စင်တော်ကောက်ခံရမည့် အခွင့်အလမ်းများ အပြည့်အ၀ ရှိ လာနေပြီဖြစ်သည်။

သို့ဖြစ်၍ လူတိုင်းလူတိုင်းသည် မိမိတို့၏ အသက်မွေးဝမ်းကျောင်းမှု ပညာရပ်တွင် မိမိတို့ကိုယ်တိုင် အရည်အ ချင်းပြည့်မီအောင် ကြိုးစားကြဖို့သာလိုပေသည်။ အရည်အချင်း ပြည့်မီခြင်း၊ မမီခြင်းဆိုသည်မှာလည်း သင် တန်းဆင်းလက်မှတ်များ၊ ဘွဲ့လက်မှတ်များ တထပ်ကြီး ထုတ်ပြနိုင်ရုံနှင့် ပြည့်စုံလုံလောက်သည်မဟုတ်ပေ။ မိ မိကိုယ်တိုင် အရည်အချင်း ပြည့်မပြည့်ဆိုသည်ကို မိမိကိုယ်တိုင်ပင် အသိဆုံးဖြစ်ပါသည်။ ထို့ကြောင့် ကိုယ့် စိတ်ကိုယ် မလှည့်စားဘဲ မိမိအသက်မွေးဝမ်းကျောင်းမှုပြုရာ ပညာရပ်၌ မိမိကိုယ်ကိုယ်မိမိ ယုံကြည်မှုအပြည့်ရှိ သော အရည်အချင်းပြည့်မီသူဖြစ်အောင် အပတ်တကုတ် ကြိုးစားသူတိုင်း ပညာခေတ်တွင် ခံ့ညားထည်ဝါစွာ ရပ်တည်နိုင်မည်ဟု ထင်မြင်မိပါသည်။

(မြားနတ်မောင်မင်္ဂလာမဂ္ဂဇင်း၊ မေလ၊ ၂၀၀၂ ခုနှစ်)