ပေါ့ပါးမှုများ

ပေါ့ပါးမှုများ
ကိုမွှေး

စွတ်စိုခြင်းတွေ အနီးကပ် အငွေ့ပျံတယ်
ခြောက်သွေ့ခြင်းတွေ ၀မ်းလျားမှောက်အက်ကွဲတယ်
နေကျော် ထန်းရည်တမြူလောက်မှ
ဆူဆူဝေေ၀ မရှိတဲ့အဖြစ်တွေ တီကောင်လို တွားသွားတယ်။

နောက်ကျ မုတ်သုန်မိုးနဲ့
ရှည်လျားပူပြင်းမှုတွေက ငါတို့ကို လှော်တယ်။

တို့တွေက မန်ကျည်းစေ့တွေလိုပေါ့
လှော်လေ မာလေ ကြွပ်ဆတ်လေပေါ့
တို့တွေက နိပါတ်တော်ထဲက ငရဲပြည်ကို
ကံထူးလွန်းလို့ မသေခင်ကတည်းက
ထမီရင်ရှားနဲ့ ခံစားခွင့်ရကြတာပေါ့ ...။

တို့တွေက အလှူဒါန လက်နဲ့မကွာတဲ့ လူမျိုးတွေပါ
တို့တွေက အလှူဒါတွေကို တံဆိပ်ကပ် မူပိုင်ပြုတဲ့ ရပ်ရွာတွေမှာ
အလေ့ကျပေါက်ပင်တွေပေါ့။

တို့တွေက မိုးကျလက်ဖက်ပင်တွေလို
နာမည်ရင်းပျောက်ပြီး ဘယ်တော့မှ တန်ဖိုးတကြီး မဖြစ်တဲ့အဖြစ်တွေနဲ့
ဖြစ်တည်ပေါက်ရောက်နေတဲ့ လမ်းဘေး ပေါင်းရိုင်းတွေပေါ့...။

တို့တွေက နှစ်ဆယ့်တစ်ရာစုမှာ
ဆယ့်ငါးရာစုအဖြစ်တွေနဲ့
ပဒေသရာဇ်စိတ်ပေါက်နေတဲ့ ပုံပြင်တွေပေါ့။

တို့တွေက အဲဒီပုံပြင်တွေထဲမှာ
ဦးဆွေးဆံမြည့် အမှုတော်ထမ်းမယ့်
ဆင်စမ်းသူတွေပေါ့။

တို့တွေမှာ ရေများတဲ့ ဘေးက လာလိုက်
ရေနည်းတဲ့ ဘေးက လာလိုက်နဲ့
အမြဲရေတိမ်နစ်နေတဲ့ တို့တွေပေါ့။

တို့တွေက ရေတိမ်နစ်ရတာကိုပဲ
သီလတပါးလို့ အယူရှိပြီး
အပူမိနေတဲ့ ကျောပြင်တွေနဲ့
လမ်းခင်းပေးချင်သူတွေပေါ့။

တို့တွေက အင်အားကြီးရေတံခွန်တွေပါ
တို့တွေက ကိုယ့်ရေတံခွန်ကိုယ် တမံပိတ်လို့
အသံတိတ်နေသူတွေပါ။

တို့တွေက သောက်စရာ သုံးစရာရေကလွဲလို့
မျက်ရည်တွေအလျှံအပယ် သိုလှောင်ထားကြသူတွေပါ။

ဒီလိုနဲ့ တို့တွေဟာ အငွေ့ပျံ
အမေ့ခံရမယ့်အဖြစ်အတွက်
အဆင်သင့်ဖြစ်ရင်း ...။ ။

ကိုမွှေး