ငါတို့ဟာ ရေခဲပင်လယ်တွေမဟုတ်ဘူး

ငါတို့ဟာ ရေခဲပင်လယ်တွေမဟုတ်ဘူး
အောင်ဝေး
မေ ၁၃၊ ၂၀၁၀

နှင်းဆီပင်ကလေး
သေဆုံးသွားတဲ့အခါ
နှင်းဆီရွက်တွေ
ရာဇ၀င်သက်သေ ကျန်ရစ်တယ်။

ရနံ့မပြယ်သေးတဲ့
နီနီစွေးစွေး
နှင်းဆီပွင့်လေးတွေ
ရင်နင့်အောင် မွှေးနေဦးတော့မယ်။

ညီလေးရေ ...
ညီလေးရေ ...
ကျွန်းမကြီးမှာ
တို့အတူ စီးဆင်းခဲ့ကြတယ်
ငါတို့ဟာသံမဏိမြစ်တွေပေါ့။

ညီလေးရေ ...
အဖြူရောင်ပဲ့တင်မှာ
တို့အတူ ရွက်လွှင့်ခဲ့ကြတယ်
ငါတို့ဟာ ဂရန်မာရွက်လှေတွေပေါ့။

ညီလေးရေ ...
ဗန်းမော်တင်အောင်အုတ်ဂူမှာ
တို့အတူ ပျံသန်းခဲ့ကြတယ်
ငါတို့ဟာ ကမ်းကြည့်ငှက်တွေပေါ့။

ညီလေးရေ ...
၃၃ လမ်းမှာ
တို့အတူ ဖြတ်သန်းခဲ့ကြတယ်
ငါတို့ဟာ မီထရာမြင်းတွေပေါ့။

ညီလေးရေ ...
ရွှေဝါရောင်မှာ
တို့အတူ လှိုင်းထန်ခဲ့ကြတယ်
ငါတို့ဟာ ရေခဲပင်လယ်တွေ မဟုတ်ဘူး။ ။

အောင်ဝေး
[မေ ၁၁၊ ၂၀၁၀ နေ့က ရန်ကုန်မြို့မှာ ကွယ်လွန်သွားတဲ့
ပန်းချီသန်းမြင့်အောင် (ကဗျာဆရာ သင်းဝေအောင်) သို့ ...]
(မိုးမခ၀က်ဘ်ဆိုက်မှ ...)