မန်းဒိတ်ရှိသူတွေ ကြောက်ရွံ့ နောက်တွန့်နေသရွေ့ ခံပေဦးတော့ မြန်မာပြည် သူတွေ …

ဒေါက်တာလွဏ်းဆွေ

လွတ်မြောက်နယ်မြေမှာ ကျင်းပပြုလုပ်တဲ့ အထိမ်းအမှတ် အခမ်းအနားတွေကို ကျနော် မတက်ဖြစ်တာ ကြာ ပြီ။ အကြောင်းကတော့ ဘလော့ဂ်လုပ်ဖို့ အချိန်လုနေရတာရယ်၊ သွားတက်ရင် ဝေ့လည်ကြောင်ပတ် အပြော အဆိုတွေပဲ ပျင်းရိပျင်းတွဲ နားထောင်ရတာရယ်၊ အားကုန်ပြီး ပြန်လာရတဲ့ အခမ်းအနားတွေက ခပ်များများမို့ ရယ် မတက်ဖြစ်တော့တာပါ။ ဘာတွေ အားကုန်တာလဲဆိုတော့ တချို့က အခမ်းအနားမှာ မိုက်ခွက်ကြီး လက် ထဲရောက်ပြီဆိုတာနဲ့ သူတို့ ပေးဆပ်ခဲ့ရတယ်ဆိုတာတွေကိုပဲ လွမ်းဋီကာချဲ့ပြီး ငိုသံပါကြီးတွေနဲ့ ဟောကြပြော ကြလွန်းလို့ပါ။ ကျနော်ကလည်း နာမည်မှာ ‘လွဏ်း’ ပါတဲ့အပြင် “လွမ်းခန်းတွေရောက်ရင် xxx လူသားတွေ မျက်ရည်ဝဲတယ် xxx ” ဆိုတဲ့ သီချင်းလို (အသည်းကလည်း ခပ်ငယ်ငယ်ဆိုတော့ …) အဲသလို ငိုတာ ယိုတာ နှပ်ထွက်တာတွေဆို သိပ်ခံစားဝံ့ ကြည့်ဝံ့တာမဟုတ်ဘူး။

ဒါပေမယ့် ကျနော်လည်း အလွမ်းသယ်ဖို့ စိတ်ကူးထားတာတော့ ရှိပါတယ်။ ဒါပေမယ့် အခုမဟုတ်သေးဘူး။ ဆရာဒဂုန်တာရာရဲ့ ၀တ္ထုခေါင်းစီးလို “ဒို့ခေတ်ကို ရောက်ရမည်မှာ မလွဲပါ” ဆိုတဲ့ ကျနော်တို့ခေတ်ကို ရောက် တဲ့အခါကျမှပေါ့။ အဲဒီအချိန်ကျမှပဲ ကျနော်လည်း ရှေးဟောင်းနှောင်းဖြစ်တွေ စားမြုံ့ပြန်ရင်း လွမ်းသင့်တာ လွမ်းမယ်ပေါ့၊ ငိုသင့်တာ ငိုမယ်ပေါ့၊ နှပ်ထွက်သင့်တာ နှပ်ထွက်မယ်ပေါ့၊ ရင်ဘတ်စည်တီးသင့်တာ တီးမယ် ပေါ့၊ အမျှဝေသင့်တာ ဝေမယ်ပေါ့။ အဲသလို စိတ်ကူးထားတာပါ။ ဒါပေမယ့် အခုအချိန်က တိုက်ပွဲကာလ၊ တော် လှန်ရေးကာလဆိုတော့ သိပ်ပြီး အလွမ်းမသယ်ချင်ဘူးလေ။ ရဲစိတ်ရဲမာန်ပဲ တက်ကြွချင်တာပေါ့။ တိုက်ရခိုက် ရဦးမယ့် ကာလမဟုတ်လား။ အလွမ်းသယ်လွန်းပြီး အားကုန်နေလို့ ဘယ်ဖြစ်မလဲလေ .. နော့။ အဲဒါကြောင့်မို့ အငိုမင်းသားတွေ များလွန်းတဲ့ အခမ်းအနားတွေကို ယာယီရှောင်တိမ်းရင်း ကျနော် တိတ်တိတ်ပုန်း အားမွေး နေမိတယ်ဆိုပါတော့ …။

ဒါပေမယ့် ပြီးခဲ့တဲ့ မတ်လ (၁၃) ရက်မှာ ကျင်းပတဲ့ ဖုန်းမော်နေ့ အခမ်းအနားကိုတော့ ကျနော် ရောက်သွား တယ်။ ရောက်ဖြစ်တဲ့အကြောင်းကတော့ (ကို) ဖုန်းမော်ဆိုတာက မြန်မာ့နိုင်ငံရေးရဲ့ ကြီးမားတဲ့ အလှည့်အ ပြောင်းကြီးတခုဖြစ်တဲ့ ရှစ်လေးလုံးအရေးတော်ပုံကြီး မြစ်ဖျားခံရာ ကနဦးတိုက်ပွဲမှာ အသက်ပေးလှူသွားခဲ့တဲ့ သက်တူရွယ်တူ (ကြီးနည်းနည်း ငယ်နည်းနည်းပဲထင်ရဲ့) ခေတ်ပြိုင်ပုဂ္ဂိုလ်တဦးမို့ သူ့ကို ဂုဏ်ပြုလိုတာက တကြောင်း၊ ဖုန်းမော်နေ့ အခမ်းအနားကို ဦးစီးကျင်းပတဲ့ ‘ကိုသံဒုတ်၊ မန်းစိန်ဟန်၊ ကိုမင်းဇော်’ တည်းဟူသော အာရ်အိုင်တီကျောင်းသားဟောင်း ဟဲဗီးဝိတ်သုံးဦးနဲ့ကလည်း မျက်နှာနာနေတာရယ်ကြောင့် တကြောင်းပေါ့။ ဘယ်လို မျက်နှာနာတာလဲဆိုတော့ အဆိုပါ ဟဲဗီးဝိတ် ပုဂ္ဂိုလ်သုံးဦးစလုံးနဲ့က တနှစ်မှာ တလ၊ တလမှာ တ ရက်ဆိုသလို နှစ်စဉ် ဧပရယ်လ်ဖူးလ်ပြီဆိုတာနဲ့ ချိန်းဆိုခေါင်းချင်းဆိုင်ပြီး သူသေကိုယ်ကြေ ထိုးသတ်ဖြစ်တာ ရယ်၊ ထိုးသတ်ဖြစ်တိုင်းလည်း ကျနော်ကပဲ သူတို့ကို ထုထောင်းခဲ့တဲ့ အကြိမ်ရေ များတာရယ်ကြောင့် (အဟဲ) မျက်နှာနာပြီး သွားတက်ဖြစ်တယ်ဆိုပါတော့ …။

ကံကောင်းတယ်လို့ပဲ ပြောရမယ်။ သွားတက်ဖြစ်တဲ့ ဖုန်းမော်နေ့ အခမ်းအနားမှာ အလွမ်းသယ်သူကြီးတွေနဲ့ မဆုံစည်းလိုက်ရဘူး။ အခမ်းအနား အာဂျင်ဒါဆွဲတဲ့ ဟဲဗီးဝိတ်ပုဂ္ဂိုလ်တွေ တော်တယ်ပြောရမယ်။ ရောက်တာနဲ့ ကျဆုံးသွားလေသူ (ကို) ဖုန်းမော်အတွက် ရေစက်ချ တရားနာ၊ သံဃာတော်တွေကို ဆွမ်းကပ်၊ ပြီးတာနဲ့ နေ့ လည်စာ ကျွေးတာဆိုတော့ အခါတိုင်း အခမ်းအနားတွေလို မိုက်ခွက်ကြီးတွေကိုင်ပြီး အလွမ်းသယ်ချင်သူတွေ သယ်ချိန်မရလိုက်ဘူးဆိုပါတော့။ အဲ .. နေ့လည်စာ ကျွေးပြီးတော့မှ အစီအစဉ်က ကောင်းတော့တာပဲလို့ ပြော ရမယ်။

ဘယ်လိုကောင်းတာလဲဆိုတော့ ခါတိုင်းအခမ်းအနားတွေလို မိုက်ကိုင်နေကျ အလွမ်းသယ်နေကျ ပုဂ္ဂိုလ်တွေ က အလှည့်ကျ အာတဲ့ အစီအစဉ်မဟုတ်ဘဲ လက်ရှိဖြစ်ပေါ်နေတဲ့ မြန်မာ့နိုင်ငံရေးအခြေအနေနဲ့ ပတ်သက်ပြီး လွတ်လွတ်လပ်လပ်၊ ပွင့်ပွင့်လင်းလင်း ဆွေးနွေးတဲ့ အစီအစဉ်မို့လို့ပါပဲ။ အစကတော့ ထမင်းစားပြီး အခြေအ နေမကောင်းရင် အိမ်ကို ပြန်ပြေးပြီး ဘလော့ဂ်ပို့စ်တွေ ပြန်တင်မလို့ပဲ။ ဒါပေမယ့် ဖရီးဒစ်စကပ်ရှင် ဆိုတာနဲ့ ဓာတ်ပုံလျှောက်ရိုက်နေရာကနေ မျက်လုံးကျယ် နားရွက်ထောင်သွားပြီး မပြန်ဖြစ်တော့ဘဲ ဟိုလူပြော ဒီလူ ပြောတာကို နားစွင့်နေဖြစ်တော့တယ်။

ဆွေးနွေးကြတဲ့ အဓိကအကြောင်းအရာကတော့ နအဖက ထုတ်ပြန်လိုက်တဲ့ ရွေးကောက်ပွဲကော်မရှင်ဥပဒေနဲ့ ရက်ပေါင်း (၆၀) အတွင်း ပါတီတွေ မှတ်ပုံတင်ရမယ်ဆိုတဲ့အပေါ် အခြေခံပြီးဆွေးနွေးကြတာပါ့။ အဲဒီအပေါ်မှာ မြန်မာ့ဒီမိုကရေစီရေးတိုက်ပွဲအခြေအနေ ဘယ်လိုဖြစ်လာနိုင်မလဲ၊ ဘယ်လိုထင်လဲ၊ ဘာတွေလုပ်ကြမလဲဆို တာတွေကို မိုက်တောင်းပြီး တယောက်တလှည့်စီ ကိုယ်ထင်ရာမြင်ရာ ထပြောကြတာပေါ့။

ပြောကြဆိုကြရင်း လွတ်လွတ်လပ်လပ် ပြောခွင့်ရကြေးဟေ့ဆို ၀မ်းတွင်းပါ ပိုးက ထကြွလာတာကြောင့် ကျ နော်လည်း မိုက်အားမယ့် အချိန်ကို အသာလေး စောင့်နေမိတယ်။ အားပြီဆိုတာနဲ့ အခမ်းအနားမှူးကြီး ကိုသံ ဒုတ်ဆီကနေ မိုက်ကို အမြန်ပြေးဆွဲလိုက်တယ်။ ပြီးတာနဲ့ ကျနော် ဆွေးနွေးချင်တဲ့ အကြောင်းအရာကို အစချီ ပါတော့တယ်။ မှတ်မိသလောက် ဆိုလိုရင်းကို ပြန်ပြောပြရရင် (အတိအကျတော့ မဟုတ်ပါဘူး) …

“ကျနော်အနေနဲ့ ဒီကနေ့အချိန်ကာလမှာ မြန်မာ့ဒီမိုကရေစီရေးတိုက်ပွဲကို အဆုံးသတ်နိုင်စရာ နည်းလမ်းနှစ်ခု ပဲ မြင်မိပါတယ်။ တလမ်းက လူထုအုံကြွမှုနဲ့ အဆုံးသတ်နိုင်ဖို့ရယ်၊ နောက်တလမ်းက တပ်တွင်းပုန်ကန်မှုနဲ့ လူ ထုအုံကြွမှုပေါင်းစပ်ပြီး တိုက်ပွဲကို အဆုံးသတ်ဖို့ရယ် ဒီနှစ်လမ်းပဲ မြင်မိပါတယ်။ ဒါပေမယ့် တပ်တွင်းပုန်ကန်မှု ဆိုတာက ကျနော်တို့နဲ့ နည်းနည်းအလှမ်းဝေးတယ်ဆိုတော့ ကျနော်တို့ နီးစပ်တဲ့ လူထုအုံကြွမှုအကြောင်းကိုပဲ အဓိကထား ပြောချင်ပါတယ်။ ဒီကနေ့ မြန်မာပြည်မှာ ပြည်သူလူထုကို လမ်းပေါ် ‘ဝေါကနဲ’ ဆင်းလာအောင် လုပ်နိုင်တာမှာ လူပုဂ္ဂိုလ်အနေနဲ့ပြောပါဆိုရင် ဒေါ်အောင်ဆန်းစုကြည်၊ အဖွဲ့အစည်းအနေနဲ့ပြောပါဆိုရင် NLD ပါတီပဲဖြစ်ပါတယ်။ ကျန်တဲ့ အဖွဲ့ (၁၀၀) ပေါင်းပြီး ကြေညာချက်ထုတ် လမ်းပေါ်ထွက်အောင်လုပ်လည်း လူထု က လမ်းပေါ်ထွက်မှာမဟုတ်ပါဘူး။ ဒါကြောင့် ဒီကနေ့ အစီအစဉ်မှာ ပါဝင်ဆွေးနွေးကြသူတွေအနေနဲ့ လူထု တိုက်ပွဲ ပေါ်ပေါက်ရေးအတွက် အဓိက ပဲ့ကိုင်တွေဖြစ်တဲ့ ဒေါ်အောင်ဆန်းစုကြည်နဲ့ NLD ပါတီကို ကောင်းမွန် တဲ့ တိုက်ပွဲနည်းနာတွေ (ဆရာလုပ်တာ မဟုတ်ပါဘဲ) တညီတညာတည်း၊ တသံတည်း တိုက်တွန်းအကြံပြုနိုင် အောင် ဆွေးနွေးပေးကြဖို့ မေတ္တာရပ်ခံလိုပါတယ်။ အဲဒါဆိုရင် ကျနော်တို့တိုက်ပွဲအတွက် ပိုလည်းအကျိုးရှိမယ် လို့ ထင်ပါတယ်” ဆိုတဲ့သဘော ကျနော် ပြောလိုက်မိပါတယ်။

အဲဒီနောက်ပိုင်း ဆွေးနွေးကြရင်း မအိရွှေစင် အလှည့်မှာ သူမက “ကျမအနေနဲ့ကတော့ NLD ကို ရက်ပေါင်း (၆၀) အတွင်းမှာ အမြန်ဆုံး အစိုးရဖွဲ့စေချင်ပါတယ်” ဆိုတဲ့ တိုက်ပွဲနည်းနာကို အဆိုပြုပါတယ်။ အဲဒီမှာတင် ကျ နော်လည်း မိုက်ခွက်ကို အလျင်အမြန် ဖြတ်ယူလိုက်ရင်း “ခုနက မအိရွှေစင် ပြောတာကို ကျနော် သဘောတူပါ တယ်၊ နအဖက ရက်ပေါင်း (၆၀) အတွင်း ပါတီမှတ်ပုံတင်ရမယ်ဆိုတာ အန်အယ်လ်ဒီအပါအ၀င် ပြည်သူ့လွှတ် တော်ကိုယ်စားလှယ်တွေရဲ့ ၉၀ မန်းဒိတ်ကို နောက်ဆုံးပိတ် စိန်ခေါ်လိုက်တာပဲလို့ ကျနော် ယူဆပါတယ်။ အဲ ဒါကြောင့်မို့ ဒီနေ့ဒီအချိန်ခါမှာ အန်အယ်လ်ဒီပါတီအနေနဲ့ နအဖကို ၉၀ မန်းဒိတ်နဲ့ အစိုးရဖွဲ့ ချဲလင့်ခ်ျခေါ်ပြီး အ လျင်အမြန် တိုက်ပွဲဝင်မှ ဖြစ်ပါတော့မယ်။ ဒီနည်းက အမြန်ဆုံးပဲ၊ ဒါမှလည်း လူထုပါလာမှာပါ။ ၉၀ မန်းဒိတ်ဆို တဲ့ လက်နက်ကြီးနဲ့သာထု၊ ၂၀၁၀ ရွေးကောက်ပွဲ အော်တိုမစ်တစ် မြောင်းထဲရောက်ပြီး ကျနော်တို့ရဲ့ အဆုံး သတ်တိုက်ပွဲ သေချာပေါက်အောင်မြင်မှာပါ။ မဟုတ်လို့ကတော့ ရက် (၆၀) ကျော်ရင် အကုန်ဒုက္ခများကုန်ပါ လိမ့်မယ်။ ဒီအကြံပြုချက်အပေါ် အခြားလူတွေလည်း ၀ိုင်းပြီး ဆွေးနွေးပေးကြစေလိုပါတယ်” ဟု တိုက်တွန်း ပြောဆိုလိုက်မိတယ်။

အဲဒီနောက် အကြိတ်အနယ် ငြင်းခုံဆွေးနွေးအကြံပြုကြရင်း အခမ်းအနားပြီးချိန် ညနေ (၅) နာရီလောက်မှာ အခမ်းအနားတက်ရောက်လာတဲ့ အဖွဲ့အစည်းအသီးသီးက ပုဂ္ဂိုလ်တွေ၊ ကျနော့်လို တသီးပုဂ္ဂလသမားတွေ အ များစုရဲ့ သဘောတူညီချက်နဲ့ ဖုန်းမော်နေ့ စတိတ်မန့်တစောင်ကို ထူးထူးခြားခြား ထုတ်ပြန်နိုင်ခဲ့တယ် ဆိုပါ တော့။ အဲဒီထဲမှာ (အဲဒီနေ့က တက်ရောက်ဆွေးနွေးတဲ့ ၉၀ ပြည်သူ့လွှတ်တော်ကိုယ်စားလှယ် ဦးခွန်မြင့်ထွန်း စာချောစီပေးတဲ့) “လက်ရှိနိုင်ငံရေးအခြေအနေအရ အမျိုးသားဒီမိုကရေစီအဖွဲ့ချုပ်နှင့် ရွေးကောက်ပွဲအနိုင်ရ တိုင်းရင်းသားပါတီများ ပါဝင်ဖွဲ့စည်းထားသည့် ပြည်သူ့လွှတ်တော်ကိုယ်စားပြုကော်မတီ (CRPP) ကို လည်း ကောင်း (သို့မဟုတ်) တာဝန်သိသည့် တာဝန်ရှိသည့် ၁၉၉၀ ပြည့်နှစ် ပါတီစုံအထွေထွေရွေးကောက်ပွဲမှ ရွေး ချယ်တင်မြှောက်ခြင်းခံရသည့် ပြည်သူ့လွှတ်တော်ကိုယ်စားလှယ်များကိုလည်းကောင်း ပြည်သူ့အစိုးရတရပ် အမြန်ဆုံးဖွဲ့စည်းရန် တိုက်တွန်းကြောင်း၊ ပေါ်ပေါက်လာမည့် ပြည်သူ့အစိုးရကို တခဲနက် ထောက်ခံအားပေး မည်ဖြစ်ကြောင်း” ဆိုတဲ့ အကြံပြုတိုက်တွန်းတဲ့ ဆုံးဖြတ်ချက်တခုကိုလည်း ထည့်သွင်းနိုင်ခဲ့ပါတယ်။ တချိန်လုံး ဆွေးနွေးပွဲမှာ ရှိနေခဲ့တဲ့ ပုဂ္ဂိုလ်တဦးစ နှစ်ဦးစကတော့ ပွဲအပြီး အမှတ်တရ စုပေါင်းဓာတ်ပုံရိုက်ကြတဲ့အချိန်မှာ (ဘာဖြစ်လို့လဲမသိ) ကုပ်ကုပ်ကလေး ဆင်းပြေးသွားတာတွေ့ရတယ်။

အဲဒီ ပြည်သူ့အစိုးရ အမြန်ဆုံးဖွဲ့စည်းဖို့ ဆုံးဖြတ်ချက်ကို နောက်တနေ့ ကျင်းပတဲ့ MPU (Members of Parlia- ment Union) ရှင်းလင်းပွဲမှာလည်း MPU အဖွဲ့က ထောက်ခံကြောင်းနဲ့ ပြည်တွင်းပြည်ပရှိ ဒီမိုကရေစီတိုက်ပွဲ ၀င် အဖွဲ့အစည်းအသီးသီးအနေနဲ့လည်း တိုက်တွန်းထောက်ခံကြစေလိုကြောင်း မေတ္တာရပ်ခံပန်ကြားခဲ့ပါတယ်။ ဒါပေမယ့် အဲဒီဆုံးဖြတ်ချက်နဲ့ ပတ်သက်ပြီး များမကြာမီက ကျင်းပခဲ့တဲ့ လွတ်မြောက်နယ်မြေက ဗွီအိုင်ပီဆိုသူ များ တက်ရောက်တဲ့ ဗဲရီးအင်ပေါ့တဲန့် အစည်းအဝေးကြီးမှာ အဲဒီဖုန်းမော်နေ့ စတိတ်မန့်က ပြည်သူ့အစိုးရ အ မြန်ဆုံးဖွဲ့စည်းရေး တိုက်တွန်းချက်ဟာ စိတ်ကူးယဉ်ဆန်တယ်၊ အန်အယ်လ်ဒီကို အကျဉ်းအကျပ်ထဲ ရောက် အောင်လုပ်တယ်ဆိုတဲ့ မကျေလည်တဲ့သဘော ပွစိပွစိအသံတွေ ထွက်ပေါ်ခဲ့တယ်လို့ တဆင့်စကား တဆင့် နားနဲ့ ပြန်ကြားရလေရဲ့ (အဲဒီလိုကြားရတော့ သြော် … အကျဉ်းအကျပ်ကို မဖြတ်ဘဲ ကမ္ဘာပေါ်မှာ ဘယ်တော် လှန်ရေးတွေများ အောင်မြင်ခဲ့ပါလိမ့်လို့ ပြန်လှန်တွေးတောနေမိတယ်)။

လူအမျိုးမျိုး စိတ်အထွေထွေဆိုတဲ့အတိုင်း ထင်မြင်ယူဆချက်တွေ ကွဲပြားခြားနားတတ်တာဟာ သဘာဝကျပါ တယ်။ အပြစ်ဆိုစရာ လုံးဝမရှိပါဘူး။ ထောက်ခံတဲ့သူ ထောက်ခံနိုင်သလို သဘောမတူချင်သူလည်း သဘော မတူပိုင်ခွင့် ရှိပါတယ်။ ဒါပေမယ့် ကျနော် စဉ်းစားဖြစ်တာက ဒီကနေ့ လက်ရှိဖြစ်တည်နေတဲ့ (နိုင်ငံရေးအကျပ် အတည်း အကြီးအကျယ်ဆိုက်နေတဲ့) အနေအထားကနေ အပြီးသတ်အောင်ပွဲရတဲ့အထိအောင် ဘယ်လိုနည်း လမ်းရှာမလဲဆိုတဲ့ တိုက်ပွဲနည်းနာကို စဉ်းစားကြည့်တာပါ (ပရိုပိုဇယ်ထုပ်ပိုက်ပြီး ကမ္ဘာ့တပတ် ရွေးကောက်ပွဲ ဆန့်ကျင်သပိတ်မှောက်ရေး ကမ်ပိန်းထုရုံအဆင့်လောက် ခပ်တိမ်တိမ်ပဲ ကျနော် စဉ်းစားတယ်ဆိုရင်တော့ အ ပြီးသတ် အောင်ပွဲရတဲ့အထိအောင် ဘယ်လိုနည်းလမ်းရှာမလဲဆိုတဲ့ တိုက်ပွဲနည်းနာကို ဆက်ဆွေးနွေးစရာ အ ကြောင်းမရှိဘူးပေါ့)။

ကျနော်ကတော့ ရွေးကောက်ပွဲကို သပိတ်မှောက်ဆန့်ကျင်ရုံ၊ ကန့်ကွက်ရှုတ်ချရုံ၊ အသိအမှတ်မပြုရုံလောက်နဲ့ တော့ အဆုံးသတ်အောင်ပွဲဆီကို လှမ်းနိုင်မယ်လို့ မထင်ရေးချ မထင်ပါ။ ရွေးကောက်ပွဲကို သပိတ်မှောက်ဆန့် ကျင်ရုံ၊ ကန့်ကွက်ရှုတ်ချရုံ၊ အသိအမှတ်မပြုရုံလောက်အဆင့်ဆိုတာက ဘောလုံးစကားနဲ့ပြောရင် ခံစစ်နဲ့ ပိတ် ကစားတဲ့အဆင့်ပါပဲ။ ဂိုးမပေးရရုံပဲ ရှိမယ်၊ ဂိုးတော့ မရနိုင်ပါဘူး။ ဂိုးမရနိုင်တဲ့အပြင် မထင်ရင် မထင်သလို အ နိုင်ကျင့် ယုတ်ပတ်တတ်တဲ့ နအဖအသင်းသားတွေ လူချကစားလို့ ကိုယ့်ဘက်သားတွေ ပိုပိုပြီး ကျိုးကန်းဒဏ် ရာရဖို့ပဲရှိပါတယ် (အနှစ် ၂၀ အတွင်းမှာလည်း နအဖ လူယုတ်မာတွေ လူချကစားလို့ ကိုယ့်ဘက်သားတွေ ထော့နင်းထော့နင်း၊ ကွတကွတ ဖြစ်နေကြတာ အားလုံးအမြင်ပဲမဟုတ်ပါလား)။

အဲဒီတော့ ကျနော်တို့ ဒီမိုကရေစီဘက်တော်သားအသင်းရဲ့ အနေအထားက ဂိုးရမှ ဖြစ်မှာပါ။ ဂိုးရမှ နိုင်မှာပါ (အောင်ပွဲရမှာပါ)။ အဲဒီတော့ ဂိုးရဖို့ဆိုတာ ကိုယ်ဘက်ကနေ နအဖအသင်းဘက်ကို တန်ပြန်တိုက်စစ်ဖွင့်ပြီး အ ရဲစွန့် အနာခံကစားမှ ရမှာပါ။ အခုအချိန်မှာ ဒီမိုကရေစီဘက်တော်သားအသင်းဘက်က တန်ပြန်တိုက်စစ် ဖွင့် ကစားဖို့ အကောင်းဆုံး ကစားကွက်ကြီး ရှိနေပါသေးတယ်။ အဲဒီကစားကွက်ကြီးက ဒိတ်လည်းမအောက်သေး ပါဘူး။ အဲဒီအကောင်းဆုံး နည်းဗျူဟာကြီးကတော့ ပြည်သူက အာဏာကုန်အပ်နှင်းထားတဲ့ ၉၀ မန်းဒိတ်ကြီးနဲ့ ချဲလင့်ခ်ျခေါ် (အစိုးရဖွဲ့) တဲ့ နည်းဗျူဟာပါပဲ။ ပေါ်တင်လုပ်ရတော့မယ့် အချိန်ဖြစ်လို့၊ ပေါ်တင်လုပ်မှလည်းဖြစ် မှာမို့လို့ (လုပ်ခွင့်လည်း အပြည့်အ၀ရှိလို့) ပေါ်တင်ပဲ ပြောရတော့တာပါ။

အဲဒီမန်းဒိတ်ကြီးကို ရဲရဲဝံ့ဝံ့ အသုံးချ တိုက်စစ်ဆင်ရဲတဲ့ နည်းဗျူးဟာနဲ့မှ ကျနော်တို့ ဂိုးသွင်းနိုင်မယ့် အနေအ ထား ဖြစ်တည်လာမှာပါ။ အဲဒီအခါကျမှလည်း အောင်ပွဲဆိုတဲ့ရလဒ် ဖြစ်ပေါ်လာမှာပါ။ အဲဒီလို ဖြစ်ပေါ်လာဖို့အ တွက်ကတော့ ၉၀ မန်းဒိတ် အပ်နှင်းခံထားရတဲ့ ပြည်သူ့လွှတ်တော်ကိုယ်စားပြုကော်မတီက ပုဂ္ဂိုလ်တွေ အပါ အ၀င် သက်ရှိထင်ရှားရှိနေကြတဲ့ (အထူးသဖြင့် ပြည်တွင်းမှာရှိတဲ့) ပြည်သူ့လွှတ်တော်ကိုယ်စားလှယ်တွေ ကျဉ်တုပ်ခံဝံ့ မခံဝံ့ (ဒီစကားကတော့ ဖုန်းမော်နေ့ ဆွေးနွေးပွဲမှာ ဒီအေဘီအဖွဲ့က ဆရာ ဒေါက်တာကျော်ညွန့် ဆွေးနွေးတဲ့အထဲမှာ ပါတာပါ) ဆိုတာက အခရာကျပါတယ်။

ပြည်သူက မန်းဒိတ်အပ်နှင်းထားတဲ့သူတွေ ကျဉ်တုပ်မခံဝံ့လို့တော့ မရပါဘူး။ ကျဉ်တုပ်ခံပြီးတော့ကို ဗြောင် ပြော ဗြောင်ချဲလင့်ခ်ျခေါ်ပြီး “ပြည်သူကပေးတဲ့ မန်းဒိတ်နဲ့ အစိုးရဖွဲ့တယ်ဟေ့” ဆိုတဲ့ ကေ့စ် (Case) တခုကို တိုင်းသိပြည်သိ ကမ္ဘာ့သိ ဖွင့်ချလိုက်ရမှာပါ (ဒါဟာ စိတ်ကူးယဉ်ဆန်တာ မဟုတ်ပါဘူး။ အကောင်အထည်မရှိ တာကို အရူးချေးပန်း ထလုပ်တဲ့ကိစ္စ မဟုတ်ပါဘူး။ လူထုက သူတို့လက်နဲ့ ကိုယ်တိုင်မဲထည့်ပြီး အပ်နှင်းခဲ့တဲ့ လုပ်ပိုင်ခွင့်ကို အသုံးချတာပါ)။ နအဖကိုလည်း ခွင့်တောင်းနေစရာမလိုဘဲ ပြည်သူလွှတ်တော်ကိုယ်စားလှယ် တွေ မဖြစ်မနေ လုပ်ကိုလုပ်ရမယ့် နောက်ဆုံးပိတ် တိုက်ကွက်ပါ။ အဲသလို ကမ္ဘာသိ၊ မြန်မာသိ ကေ့စ် (Case) ကြီးတခုကို ဖွင့်ချလိုက်ပြီးမှ နိုင်ငံတကာဖိအား၊ ပြည်တွင်းပြည်ပဖိအားနဲ့ အဲဒီကေ့စ်(Case) ကို ၀ိုင်းဝန်းဖြေရှင်း ကြမယ်ဆိုရင် နအဖ စိတ်ကူးယဉ်နေတဲ့ ၂၀၁၀ ရွေးကောက်ပွဲအိပ်မက် အော်တိုမစ်တစ် မြောင်းထဲကျသွားပြီး နအဖ စစ်ဗိုလ်တွေ ဒေါ်အောင်ဆန်းစုကြည်ကို မဖြစ်မနေ ခြေသလုံးဖက်လာရမှာပါ။ အဲဒါမှ နိုင်ငံရေးအကျဉ်း သားတွေ လွတ်မြောက်လာမှာပါ။ အဲဒါမှ နအဖ လက်နက်အားကိုးနဲ့ မတရား ရယူထားတဲ့ အာဏာ ပြည်သူလူ ထုလက်ထဲကို ပြန်ရောက်လာမှာပါ။

အဲသလိုမဟုတ်ဘဲ ပြည်သူက မန်းဒိတ်အပ်နှင်းထားတဲ့ ပုဂ္ဂိုလ်တွေ ကြောက်ရွံ့နောက်တွန့်နေ (ကျဉ်တုပ်မခံဝံ့) လို့ကတော့ ရက်ပေါင်း (၆၀) ကျော်တာနဲ့ ကျန်ရှိနေတဲ့ ၉၀ ပြည်သူ့လွှတ်တော်ကိုယ်စားလှယ်တွေအားလုံး သ မိုင်းကွေးကြမှာဖြစ်သလို ကျနော်တို့ မြန်မာပြည်သူပြည်သားတွေလည်း စစ်ဖိနပ်နဲ့ နင်းတဲ့ဒဏ် ၀ဋ်ရှိသရွေ့ ဆက်ခံကြပေဦးဆိုတဲ့ကိန်း ဆိုက်ရောက်သွားလိမ့်မယ်လို့ သတိပေးခေါင်းလောင်း ခပ်ကျယ်ကျယ်လေး ထိုး လိုက်ရပါတယ်။

ဒေါက်တာလွဏ်းဆွေ