နေပြည်တော် ဟာသများ

ကြပ်ပြေး-ကြမ်းပိုး ပေးပို့သည်

မင်းတုန်းမင်းလောက်တော့ သနားတယ်

နေပြည်တော်ရွှေနန်းတည် မင်းတရားကြီး ဦးသန်းရွှေသည် လျှပ်စစ်မီးရောင်တို့ဖြင့် ထိန်ထိန်ညီးနေသော နေ ပြည်တော်၏ ညရှုခင်းအား ကြည်နူးစွာ ငေးမောရင်း တွေးတောနေမိသည်မှာ ...

“အင်း ... ငါတည်ထားတော်မူတဲ့ နေပြည်တော်ကြီးကဖြင့် အလွန်ကြီးကျယ်တာပေကပဲ။ ဇေယျာသီရိဗိဗ္မာန် ကြီးဆိုလည်း အမေရိကန်သမ္မတအိမ်ဖြူတော်တောင် ရှုံးရမယ်။ လမ်းမကြီးတွေ ဖောက်ထားတာကလည်း ကမ္ဘာ့အဆင့်မီတွေချည်းပဲ။ ဓာတ်တိုင်တွေမှာထွန်းထားတဲ့ မီးလုံးတွေကလည်း တလုံးကို တသိန်းကျော်တန် ရဲ့။ ရှေးရှေးတုန်းက မင်းတုန်းမင်းတို့ ရတနာပုံနန်းတော် တည်ခဲ့တယ်ဆိုတာ ငါကိုယ်တော်မြတ်ရဲ့ နေပြည် တော်ကြီးနဲ့ ယှဉ်လိုက်ရင် အသေးအဖွဲ ဖြစ်သွားရောမဟုတ်လား”

ထိုသို့ အတွေးပေါက်သွားမိသော ဦးသန်းရွှေက “ဟင်း ... ဟင်း၊ မင်းတုန်းမင်းလောက်တော့ သနားတယ်” ဟု ပါးစပ်မှ ရေရွတ်မိလေသည်။ ထိုစဉ် အမှောင်ထဲမှနေ၍ ...

“ဟေ့ကောင် ... သန်းရွှေ၊ မင်းနဲ့ငါနဲ့ မိန်းမစွံတဲ့နေရာကော ပြိုင်မလားကွ” ဟူသော မင်းတုန်းမင်းတရားကြီး၏ အောင်မြင်ခံ့ညားလှသည့် အသံကြီး ထွက်ပေါ်လာပေရာ တယောက်တည်းရှိသော မိန်းမကိုတောင် သူများ အကျ ယူထားရသည့် ကျွန်ုပ်တို့၏ မင်းတြားကြီး ဦးသန်းရွှေခမျာ ဇက်ပု၍သွားရပါတော့သည်။

ကြိုင်ကြိုင်နဲ့ ယိုင်ယိုင်

စားသောက်ဆိုင်တဆိုင်အတွင်း တီဗွီကလွှင့်နေတဲ့ ဦးသန်းရွှေ တိုင်းခန်းလှည့်လည်တဲ့ သတင်းကို ကြည့်ပြီး လူနှစ်ယောက် ဝေဖန်နေကြတယ်။

ပထမလူ ။ ။ ငါတော့ ဘိုးတော်ကြီးကို ကြည့်ပြီး ဇရာဆိုတာကို တော်တော်ဆင်ခြင်လာမိတယ်ကွာ။ သူ့ခမျာ အားသာ မနည်းတင်းထားနေရတယ်။ လူက ယိုင်တိုင်တိုင် ဖြစ်နေပြီ။ လမ်းလျှောက်တာတောင် အားမပါသလို ဖြစ်နေတယ်။

ဒုတိယလူ ။ ။ ဒါဆို ငါတို့ သူ့ကို နာမည်ပြောင်းပြီး ပေးလိုက်ကြရင် မကောင်းဘူးလား။ ‘ယိုင်ယိုင်’ ဆိုပြီးတော့ လေ။ သူ့မိန်းမနာမည်နဲ့လည်း ကာရန်တူသွားတာပေါ့။

သူတို့ပြောနေတာတွေကို ကြားပြီးတော့ ကျနော့်မှာ မပြုံးဘဲမနေနိုင်ဘူး။ တော်တော်လည်း တတ်နိုင်ကြတဲ့ လူတွေ။ အဘိုးကြီးကို နာမည်ပြောင်ပေးတာတောင်မှ ကာရန်လေးနဲ့။ မိန်းမနာမည်က ‘ကြိုင်ကြိုင်’ ဆိုတော့ ယောက်ျားနာမည်က ‘ယိုင်ယိုင်’ တဲ့လေ။ လိုက်လည်းလိုက်ဖက်တာပေကိုး။