နေပြည်တော် ဟာသများ (၂)

ကြပ်ပြေး-ကြမ်းပိုး ပေးပို့သည်

မလိုက်ဖက်တဲ့ နာမည်များ

နေပြည်တော်ကို လာလည်ဟန်တူတဲ့ လူတယောက်နဲ့ အိမ်ရှင်ဖြစ်ဟန်တူတဲ့ လူတယောက် စကားပြောနေကြ တာကို ကြားခဲ့ရပါတယ်။

ဧည့်သည် ။ ။ “အလဲ့၊ မင်းတို့နေပြည်တော်က ရပ်ကွက်နာမည်တွေကို မှည့်ထားတာ အပျံစားပါလား၊ ဘောဂ သိဒ္ဓိ ... တဲ့၊ ပညာသိဒ္ဓိ ... တဲ့၊ ဒါနဲ့ ပီယသိဒ္ဓိ ဆိုတဲ့ ရပ်ကွက်လေးများကော မရှိဘူးလားကွ”

အိမ်ရှင် ။ ။ “ဟ ... ဒီမြို့မှာ ဘယ်လို ချစ်ခင်နှစ်လိုဖွယ်ကောင်းတဲ့ လူတွေနေလို့ ပီယသိဒ္ဓိ ရပ်ကွက်ရယ်လို့ ရှိရ မှာလဲကွ”

အိမ်ရှင်က အဲဒီလိုပြောတော့ ဧည့်သည်လုပ်တဲ့သူ ပြန်ပြောလိုက်တာက ...

“အဲလိုမျိုး မလိုက်ဖက်လို့ မပေးကြေးဆိုရင်တော့ ပညာသိဒ္ဓိ ဆိုတဲ့ နာမည်ကိုပါ ပြန်ဖျက်လိုက်တော့ဟေ့” တဲ့ ခင်ဗျာ။

အိမ်သာပြင်လိုက ဗိုလ်ချုပ်မှူးကြီးထံ ခွင့်ပြုမိန့်တောင်းပါ

နေပြည်တော်က ၀န်ထမ်းတွေအပေါ် ဗိုလ်ချုပ်မှူးကြီး ထားတဲ့ စေတနာကတော့ ရှယ်ပဲခင်ဗျ။ ၀န်ထမ်းတွေ အားလုံးကို သူ့အဆင့်နဲ့သူ တိုက်ခန်းအသစ်တွေမှာ နေရာချထားပေးပါတယ်။ နေပြည်တော်သည် ပထမဖြစ်ရ မည်၊ နေပြည်တော်သည် နိုင်ငံတကာအဆင့်မီရမည် ဆိုတဲ့မူတွေနဲ့ အိမ်သာတွေကိုတောင်မှ အားလုံး ‘ဗိုလ် ထိုင်’ ကမုတ်တွေ တပ်ထားပေးသဗျ။

အဲဒီမှာ ခက်တော့တာပါပဲ။ ရေမီးရှားတိုင်းပြည်ကြီးရဲ့ နေပြည်တော်ဆိုတော့ မီးမရှားအောင် တခြားမြို့ ခွဲတမ်း တွေထဲက လုယူပြီး လျှပ်စစ်မီးတွေ ထိန်နေအောင် လုပ်ထားနိုင်ပေမယ့် ရေရှားတဲ့ ပြဿနာကိုတော့ မဖြေရှင်း နိုင်သေးလို့ တချို့အိမ်ရာတွေမှာ မကြာခဏ ရေပြတ်ပါတယ်။ ဗိုလ်ထိုင်အိမ်သာတွေရဲ့သဘောကလည်း ရေ များများသုံးနိုင်မှဆိုတော့ ... ရေပြတ်တဲ့အခါတွေမှာ အိမ်သာတွေက မသန့်ရှင်းနိုင်ဘဲ နံစော်နေတော့တာပေါ့။ အဲဒါကြောင့် ရေသိပ်များများ သုံးစရာမလိုတဲ့ ရေတံလျှောက်အိမ်သာအဖြစ် မြန်မာဆန်ဆန် ပြင်လိုက်ရင် အ ဆင်ပြေမှာပဲလို့ တွေးမိတဲ့ ၀န်ထမ်းတယောက်က အထက်လူကြီးကို တင်ပြတဲ့အခါ အဲဒီလူကြီး ပြန်ပြောတာက “အိမ်သာတွေကို နိုင်ငံတကာအဆင့်မီအောင် ဗိုလ်ချုပ်မှူးကြီးကိုယ်တိုင် လမ်းညွှန်ထားတာမို့၊ သူ့ခွင့်ပြုချက်မရှိ ဘဲ ပြင်လို့မရပါဘူး” တဲ့ခင်ဗျာ။

အိမ်သာလေးတလုံး ပြင်ဖို့တောင် ဗိုလ်ချုပ်မှူးကြီးရဲ့ ခွင့်ပြုချက်လိုနေရင် အခြေခံဥပဒေကို ပြင်ဆင်ဖို့ကတော့ ... အင်း ... ...။