ဘီဘီစီ မြန်မာ့အရေး ကမ္ဘာ့အရေး ဆွေးနွေးခန်း

ဦးမောင်မောင်သန်း စီစဉ်တင်ဆက်သည်
(သောကြာနေ့ ညပိုင်း၊ မြန်မာစံတော်ချိန် ၈း၁၅ နာရီ အစီအစဉ်)

သောတရှင်များခင်ဗျာ … အမျိုးသားဒီမိုကရေစီအဖွဲ့ချုပ်ခေါင်း ဆောင် ဒေါ်အောင်ဆန်းစုကြည်က နိုဝင်ဘာလ (၁၁) ရက် နေ့စွဲ နဲ့ ဗိုလ်ချုပ်မှူးကြီး သန်းရွှေထံ လိပ်မူပြီး စာတစောင် ရေးသားခဲ့ပါ တယ်။ အဲဒီအထဲမှာ အဓိကအားဖြင့် အန်အယ်လ်ဒီ ဗဟိုအလုပ်အ မှုဆောင်အဖွဲ့ဝင်များ စုံညီတွေ့ဆုံပြီးတဲ့နောက် နိုင်ငံတော်ကို အ ကျိုးကျေးဇူးရှိမယ့်လုပ်ငန်းများကို နိုင်ငံတော်ငြိမ်ဝပ်ပိပြားမှုတည် ဆောက်ရေးအဖွဲ့နဲ့အတူ ပူးပေါင်းဆောင်ရွက်လိုတဲ့အကြောင်း၊ အဲ ဒီလုပ်ငန်းများနဲ့ စပ်လျဉ်းပြီး ဥက္ကဌဖြစ်တဲ့ ဗိုလ်ချုပ်မှူးကြီး သန်း ရွှေနဲ့ တွေ့ဆုံဖို့ တင်ပြမေတ္တာရပ်ခံထားတာကို ဖတ်ရှုရပါတယ်။ ဒီ စာကို နအဖဘက်ကတော့ အခုအချိန်အထိ တုန့်ပြန်တဲ့အသံ မကြားရသေးပါဘူး။

ဒါကြောင့်မို့လို့ ဒီစာအရ နိုင်ငံတော်အတွက် အကျိုးကျေးဇူးရှိမယ့် ကိစ္စဆိုတာ အဓိက ဒေါ်အောင်ဆန်းစုကြည် က ဘာကို ဆိုချင်ပါသလဲ။ ဒီလိုတွေ့ဆုံမှုတွေ ဖြစ်လာရင်ကော မြန်မာ့နိုင်ငံရေး ဘယ်ကိုဦးတည်သွားမလဲဆိုတဲ့ အကြောင်း မြန်မာ့အရေး ကမ္ဘာ့အရေး အစီအစဉ်မှာ ဆွေးနွေးကြမှာဖြစ်ပါတယ်။ ကျနော်နဲ့အတူ အန်အယ်လ်ဒီ ပါတီရဲ့ သတင်းနဲ့ ပြန်ကြားရေးအဖွဲ့ဝင် ဦးဉာဏ်ဝင်း၊ နောက်ပြီးတော့တခါ မြားနတ်မောင်မဂ္ဂဇင်း အယ်ဒီတာ ဟောင်း အင်တာနက်မှာ ဘလော်ဂါအဖြစ် လူသိများတဲ့ ဒေါက်တာလွဏ်းဆွေတို့လည်းပဲ ပါဝင်ကြမှာဖြစ်ပါ တယ်။

ဦးမောင်မောင်သန်း ။ ။ အဲဒီတော့ ဒေါ်အောင်ဆန်းစုကြည်က Sanction အပေါ် တိတိကျကျ ဘယ်လိုသဘော ထားပါသလဲ။ ဦးဉာဏ်ဝင်း ပြောပြပေးပါခင်ဗျာ။

ဦးဉာဏ်ဝင်း ။ ။ စီးပွားရေးပိတ်ဆို့မှုတွေနဲ့ ပတ်သက်ပြီးတော့ ၂၀၀၇ နအဖကနေပြီးတော့ ကြေညာချက်ထုတ် ပြီးတော့ Sanction တွေ ရုပ်သိမ်းပေးဖို့ ဘာညာပေါ့ ဒါမျိုးပြောခဲ့တယ်။ အဲဒီကတည်းကိုက ဒေါ်အောင်ဆန်းစု ကြည်အနေနဲ့ Sanction တွေ ရုပ်သိမ်းရေးကို ပူးပေါင်းဆောင်ရွက်မယ်လို့ အဲဒီအချိန်ကတည်းက ပြောတယ်။ ဒါပေမယ့်လို့ အကြောင်းအကြောင်းကြောင့် မလုပ်ဖြစ်ဘူး။ ခုတခါ ၂၀၀၉ ခုနှစ်ထဲကျတော့ ထပ်ပြီးတော့ Sanction တွေ ရုပ်သိမ်းဖို့ဆိုပြီးတော့ ကုလသမဂ္ဂမှာ နအဖက ပြောတယ်။ အဲဒီလိုပြောတဲ့အတွက် ဒေါ်အောင် ဆန်းစုကြည်က ဟိုတုန်းကတည်းက ရှိထားတဲ့ သဘောထားအတိုင်းပဲ Sanction တွေ ရုပ်သိမ်းရေးကို ထိ ရောက်စွာ ဆောင်ရွက်နိုင်ရေးအတွက် ဆိုပြီးတော့ ဗိုလ်ချုပ်မှူးကြီး သန်းရွှေထံ စာရေးတယ်။ ဒေါ်အောင်ဆန်း စုကြည်က Sanction ရုပ်သိမ်းရေး၊ ထိရောက်စွာ ဆောင်ရွက်နိုင်ရေးအတွက် လေ့လာနေပါတယ်။ Sanction ချတဲ့ နိုင်ငံ၊ ဥရောပသမဂ္ဂရဲ့ကိုယ်စားလှယ် UK၊ သြစတြေးလျနဲ့ US ကိုယ်စားလှယ်တွေနဲ့ တကြိမ်တွေ့ပြီးပါပြီ။ ဒီဥစ္စာ ဆက်လက်ဆောင်ရွက်နေတဲ့ အဆင့်မှာ ရှိပါတယ်။

ဦးမောင်မောင်သန်း ။ ။ ဟုတ်ကဲ့၊ ဦးဉာဏ်ဝင်းခင်ဗျ၊ အခု အမေရိကန်ပြည်ထောင်စုကတော့ ဒီ Sanction တခု တည်းနဲ့တော့မထိရောက်ဘူး၊ မအောင်မြင်ဘူးလို့လည်း ကြေညာသွားပြီလေ။ အဲတော့ဒီလို Sanction ကြောင့် မို့လို့ ဘာမှအကျိုးမထူးဘူးဆိုတာ သိရဲ့သားနဲ့ ဆက်ပြီးလေ့လာမှုတွေ လုပ်တယ်။ နောက်ပြီးတော့ ၈၈ ကနေ ပြီးတော့ အခု အနှစ် (၂၀) လောက်အထိ ဖြစ်လာပြီဆိုတော့ ဒီကိစ္စတခုတည်းအပေါ်မှာ အဖြေလေးတခုရဖို့ ဒီ လောက်ပြောဆိုနေကြတဲ့အတွက် နစ်နာတယ်လို့ ဝေဖန်မှုတွေရှိရင်ကော ဦးဉာဏ်ဝင်းက ဘယ်လိုတုံ့ပြန်ချင် လဲခင်ဗျ။

ဦးဉာဏ်ဝင်း ။ ။ ကျနော်တို့မြင်တာက Sanction စီးပွားရေးပိတ်ဆို့မှုတခုတည်းနဲ့ မလုံလောက်ဘူးဆိုတာ ဒီလို ပြောတာကို ကျနော်တို့ လက်ခံတယ်။ ဒါပေမယ့်လို့ Sanction က စီးပွားရေးပိတ်ဆို့မှုက မထိရောက်ဘူးလို့ အ ဓိပ္ပါယ်မရောက်ဘူး။ အဲဒါကြောင့် Sanction ဟာ ထိရောက်မှုရှိသင့်သလောက် ရှိနေမယ်။ အဲဒီလို ကျနော်တို့ မြင်ပါတယ်။ ဒါကြောင့် ဒီအခြေခံပေါ်မှာ မေးတဲ့ မေးခွန်းနဲ့ ပတ်သက်လို့ စီးပွားရေးပိတ်ဆို့မှုဟာ ကျနော်တို့ တိုင်းပြည်အတွက် အခုလက်ရှိ နအဖက တင်ပြချက်အရသော်လည်းကောင်း၊ ကျနော်တို့ အတွေ့အကြုံအရ သော်လည်းကောင်း၊ အဲဒါဟာ တစုံတရာ ထိရောက်မှုရှိတယ်။ ရုပ်သိမ်းရင်လည်း အကျိုးရှိစွာ ရုပ်သိမ်းဖို့လို တယ်လို့ ကျနော်တို့ ဒီလိုခံယူထားပါတယ်။

ဦးမောင်မောင်သန်း ။ ။ ဗိုလ်ချုပ်မှူးကြီးတို့ဘက်က ပထမတောင်းဆိုသလို အလုံးစုံ ပိတ်ဆို့မှုတွေကို အန်အယ် လ်ဒီဘက်ကရော၊ ဒေါ်အောင်ဆန်းစုကြည်ဘက်ကရော လုံးဝပယ်ဖျက်လိုက်ပြီလို့ ပြောနိုင်ပါသလားခင်ဗျ။

ဦးဉာဏ်ဝင်း ။ ။ ကျနော်တို့ လုံးဝ အဲဒီအဆင့် မရောက်သေးပါဘူး။ Sanction တိုင်းမှာ သမိုင်းကြောင်းရှိတယ်။ ကျိုးကြောင်းဖော်ပြချက်ရှိတယ်။ အဲဒီရဲ့အကျိုးဆက်ရှိတယ်။ ဒါတွေကိုသိမှသာ ကျနော်တို့ ရုပ်သိမ်းရေးဆိုတာ ဆောင်ရွက်ရင် အဓိပ္ပါယ်ရှိမယ်လို့ … ဒါ့ကြောင့် ဒီလိုအနေအထားနဲ့ ကျနော်တို့ ဒေါ်အောင်ဆန်းစုကြည်က ဆောင်ရွက်နေတာ ဖြစ်ပါတယ်။

ဦးမောင်မောင်သန်း ။ ။ ဟုတ်ကဲ့ အဲတော့ တိုင်းပြည်ကို အကျိုးကျေးဇူးရှိမယ့်ကိစ္စဆိုတာ ဒီ့အပြင် ဘာကိစ္စတွေ ကို ရည်ညွှန်းပါသလဲ ဦးဉာဏ်ဝင်းခင်ဗျ။

ဦးဉာဏ်ဝင်း ။ ။ နိုင်ငံအတွက် အကျိုးရှိမယ့်ကိစ္စများ ဆိုတာနဲ့ ပတ်သက်ရင် ဒီစာအရကိုပဲ သတိထားပြီး ဖတ် ကြည့်လို့ရှိရင် ဒေါ်အောင်ဆန်းစုကြည်က နအဖ ဥက္ကဌဆီကို ဒီဟာနဲ့ ဒီ issue တွေနဲ့ပတ်သက်ပြီး တင်ပြခွင့်ပြု ပါ။ အဲဒီ issue တွေနဲ့ ပတ်သက်ပြီးတော့ ကျနော်တို့ ရှေ့စာပိုဒ်တွေမှာ ပါတဲ့အတိုင်း အမျိုးသားဒီမိုကရေစီအဖွဲ့ ချုပ် ဗဟိုအလုပ်အမှုဆောင်အဖွဲ့နဲ့ ညှိနှိုင်းတိုင်ပင်ဖို့ ဒီလိုအစီအစဉ်ရှိပါတယ်။ ဒါကြောင့် ဒီဟာနဲ့ ပတ်သက်ပြီး ဘယ်ဟာတွေလဲလို့ အခုအချိန်မှာပြောဖို့ ကျနော်တို့ စောပါသေးတယ်လို့ပဲ အဲလိုပြောချင်ပါတယ်။

ဦးမောင်မောင်သန်း ။ ။ ဟုတ်ကဲ့ခင်ဗျ၊ စောစောပိုင်းကလည်း ကျနော်တို့ နိုင်ငံခြားက ကိုယ်စားလှယ်တွေ လာ တဲ့အခါမှာ ဗဟိုကော်မတီနဲ့ တွေ့ဖို့ တောင်းတဲ့အခါမှာ အထိန်းသိမ်းခံရတဲ့ ဗိုလ်ချုပ်ကြီးဟောင်း တင်ဦးနဲ့ တွေ့ ခွင့်မရတဲ့အတွက် ဗဟိုကော်မတီကို အားလုံးစုံညီတွေ့ဖို့ကိစ္စကို ဒေါ်အောင်ဆန်းစုကြည်က လက်မခံဘူးဆိုပြီး တော့ အစိုးရသတင်းစာထဲမှာလည်း ပါတယ်။ အဲဒါနဲ့ပတ်သက်လို့ ဒီတခေါက် တောင်းဆိုတဲ့အခါမှာရော လက် တွေ့ဖြစ်နိုင်ပါ့မလားခင်ဗျ။

ဦးဉာဏ်ဝင်း ။ ။ စောစောကအချက် ပထမတချက်ကို ပြန်ပြောရရင် ဗိုလ်ချုပ်ကြီးဟောင်း တင်ဦး ဒုတိယဥက္ကဌ မပါလို့ ငြင်းပယ်တယ်လို့ အစိုးရက ကြေညာတာ ကျနော်တို့ နားလည်သလောက် အဲဒါ သတင်းအပြည့်အစုံ မမှန်ဘူး။ တကယ့်သတင်းအပြည့်အစုံက ဗိုလ်ချုပ်ကြီးဟောင်း တင်ဦး၊ ဦးဝင်းတင်၊ ဦးခင်မောင်ဆွေ အဲတော့ CEC member သုံးယောက်တောင် မပါတဲ့ အခြေအနေမှာ ဒေါ်အောင်ဆန်းစုကြည် ငြင်းဆိုခဲ့တာ ဖြစ်ပါတယ်။ အခု တကယ်လို့ ဒီအခက်အခဲရှိရင် ဘယ်လိုလဲဆိုတော့ ဒီအခက်အခဲဆိုတာ ခက်ခဲချင်လို့ ခက်ခဲနေတာ၊ ဒီပြ ဿနာက အန်အယ်လ်ဒီရဲ့ ပြဿနာ သက်သက်သာ ဖြစ်တယ်။ တခြားလူနဲ့ မဆိုင်ဘူး။ ဒါကြောင့် အခုဒီစာထဲ မှာ ဗဟိုကော်မတီ စုံညီအစည်းအဝေးမှာ ဘယ်သူတွေတက်မလဲ၊ ဘယ်သူတွေပါဝင်မလဲဆိုတာ နံပါတ်စဉ်ထိုး ပြီးတော့ကို ကျနော်တို့ ဖော်ပြထားပါတယ်။

ဦးမောင်မောင်သန်း ။ ။ ဦးဉာဏ်ဝင်းတို့ ရေးသားပေးပို့တဲ့ စာပါ အချက်တွေအရပေါ့နော်၊ နိုင်ငံကို အကျိုးရှိတဲ့ ကိစ္စတွေဆွေးနွေးဖို့ အန်အယ်လ်ဒီက ဗိုလ်ချုပ်မှူးကြီးနဲ့ တွေ့ဖို့တောင်းဆိုတဲ့နေရာမှာ အချိန်ကာလအားဖြင့် ဒါ ဘယ်လိုယူဆလဲ သိပ်နှောင်းနေသလား၊ ဒါမှမဟုတ် အချိန်ကာလကောင်းပဲလား။ ဒေါက်တာလွဏ်းဆွေ ဘယ် လိုသဘောထားလဲခင်ဗျ။

ဒေါက်တာလွဏ်းဆွေ ။ ။ အချိန်ကာလကတော့ ကျနော်တို့က ဘယ်လိုခေါ်မလဲ တောင်းတာကတော့ အနှစ် (၂၀) ကျော်ဆို တော်တော်တော့နှောင်းနေပါပြီ။ သို့သော်လည်းပဲ ဒါကတော့ ကျနော်တို့ တိုင်းပြည်ရဲ့ကံကြမ္မာ ပေါ့နော်။ အခုလိုအခြေအနေအထိ နှစ်ဘက်တင်းမာပြီး ကြာသွားတာ။ သို့သော်လည်း ဘာပဲဖြစ်ဖြစ် အခုမှစ လုပ်လည်း မလုပ်တာထက်စာရင်တော့ ကောင်းတယ်လို့ပဲ ပြောရမှာပေါ့နော်။ ဆိုတော့ ဒီစာပါ အကြောင်းအ ရာအရလည်း ကျနော်တို့ရဲ့ခေါင်းဆောင် ဒေါ်အောင်ဆန်းစုကြည်ရဲ့ တိုင်းပြည်အပေါ်ထားတဲ့ စေတနာနဲ့ နအဖ အပေါ်ထားတဲ့ စေတနာဟာ ကျနော်တို့ ရှင်းရှင်းလင်းလင်းကြီး မြင်နေရပါတယ်။ စာရဲ့ အတွင်းအနှစ်သာရက လည်း သိပ်ကောင်းပါတယ်။ သို့သော်လည်းပဲ ဒီစာရဲ့အနှစ်သာရ အကောင်အထည်ပေါ်လာဖို့ ဆိုတာက ကျ နော်ထင်တယ် နအဖအပေါ်မှာပဲ မူတည်လိမ့်မယ်လို့ ကျနော်ထင်တယ်။ အထူးသဖြင့် ဗိုလ်ချုပ်မှူးကြီး သန်းရွှေ ရဲ့ တွေ့ဆုံဆွေးနွေးချင်တဲ့ ဆန္ဒရှိမရှိ ဆိုတဲ့အပေါ်မှာပဲ အဓိကမူတည်ပါလိမ့်မယ်။ ကျနော်ကတော့ သိပ်တော့ မမျှော်လင့်ပါဘူး။

ဘာဖြစ်လို့လဲဆိုတော့ ရွှေဝါရောင်အရေးအခင်းကြီး ပြီးကာစမှာပေါ့နော်၊ နအဖအပေါ် pressure တွေ တအား များနေတဲ့အချိန်မှာ ဗိုလ်ချုပ်မှူးကြီး သန်းရွှေက ဒေါ်အောင်ဆန်းစုကြည်အနေနဲ့ Sanction ကို ရုပ်သိမ်းအောင် ဆောင်ရွက်မှ သူနဲ့ တွေ့ဆုံဆွေးနွေးခွင့်ရမယ်ဆိုတဲ့သဘောမျိုး သူက ကြေညာချက် ထုတ်ခဲ့တာပါ။ အဲတော့ Sanction ကို ဒေါ်စုကြောင့်လို့ သူက ပုံချပြီးတော့ ဒေါ်စုကိုယ်တိုင် ပြီးအောင်ရှင်း၊ ရှင်းပြီးမှ ခင်ဗျားနဲ့ ကျုပ်နဲ့ တွေ့မယ်ဆိုတဲ့ အနေအထားမျိုးကို သူကပြောတယ်လို့ ကျနော်တို့က ယူဆပါတယ်။ အဲဒါကြောင့်မို့လို့ အခုလို အနေအထားမှာလည်း သူကတော့ ဒေါ်စုကို အဲလိုပဲ ပြန်ပြီးတော့ တုံ့ပြန်လိမ့်မယ်လို့ ထင်ပါတယ်။ အဓိကက တော့ သူဟာ ဒေါ်အောင်ဆန်းစုကြည်နဲ့ တကယ်တွေ့ဆုံဆွေးနွေးလိုတဲ့ ဆန္ဒမရှိဘူးလို့ပဲ ကျနော်ကယုံကြည်လို့ အဲလိုယူဆတာ ဖြစ်ပါတယ်။

ဦးမောင်မောင်သန်း ။ ။ ဒေါက်တာလွဏ်းဆွေတို့ကတော့ သူတို့ကတော့ သံသယနဲ့ ကြည့်ကြတယ်။ အဲတော့ ဦးဉာဏ်ဝင်းတို့ကရော ဒီစာပါ အချက်အလက်တွေအရ ခိုင်လုံတဲ့ အဖြေတွေ၊ အကျိုးရှိမယ့် ရလဒ်တွေအတွက် ဘယ်လိုမျှော်လင့်ထားလဲ။

ဦးဉာဏ်ဝင်း ။ ။ ကျနော်တို့ဘက်က အမြင်ကတော့ ကျနော်တို့ ကောင်းမွန်စွာ ချဉ်းကပ်တဲ့ဟာကို ကောင်းမွန် စွာ တုံ့ပြန်မယ်လို့ပဲ မျှော်လင့်တယ်။ တချိန်ကပြောခဲ့တဲ့ ဟာတွေအပေါ်မှာ ကောက်ချက်ယူပြီးတော့ ကျနော်တို့ အဆိုးမြင်တဲ့ ဟာမျိုးတော့ ကျနော်တို့ လောလောဆယ် မြင်စရာမရှိသေးဘူးလို့ပဲ ပြောချင်ပါတယ်။

ဦးမောင်မောင်သန်း ။ ။ ဦးဉာဏ်ဝင်းရဲ့ မှတ်ချက်အပေါ်မှာ ဘယ်လိုပြောချင်ပါလဲ ဒေါက်တာလွဏ်းဆွေ။

ဒေါက်တာလွဏ်းဆွေ ။ ။ ကျနော်ကတော့လေ အခု အန်တီစုရေးတဲ့စာကပေါ့နော်၊ အနှစ်သာရလည်း ကောင်း မွန်တဲ့အတွက်ကြောင့် အောင်မြင်ဖို့ အလားအလာတော့ရှိတယ်။ သို့သော်လည်းပဲ အောင်မြင်ဖို့ အလားအလာ ဆိုတာက ကျနော်တို့က ဒီအတိုင်းပေ့ါနော် ဗိုလ်ချုပ်မှူးကြီးသန်းရွှေတို့ထံကို စာရေးပြီးတော့ စောင့်နေရုံနဲ့တော့ မရဘူးလို့ ကျနော်ထင်ပါတယ်။ ဘာဖြစ်လို့လဲဆိုတော့ နအဖကိုယ်တိုင်က ဒေါ်အောင်ဆန်းစုကြည်နဲ့ တွေ့ဆုံ ဆွေးနွေးချင်တဲ့ ဆန္ဒသာရှိခဲ့ရင် အခုအခါမှ မဟုတ်ပါဘူး။ တွေ့ဆုံဆွေးနွေးဖို့ အခွင့်အလမ်းတွေ အများကြီးပေါ် ခဲ့တာကို လျစ်လျူရှုခဲ့တာပါ။ အဲတော့ အခုအချိန်မှလည်း ကျနော်ထင်တယ် သူတို့က ဒေါ်အောင်ဆန်းစုကြည် အရင်တခေါက် ရေးတဲ့ ပေးစာအရပေါ့နော်၊ Sanction ကိစ္စနဲ့ ပတ်သက်ပြီး တွေ့ဆုံချင်တယ်ဆိုတော့ သူတို့အ ရမ်းကို စိတ်ဝင်စားပြီးတော့ သူတို့ အရမ်းကို လည်ပင်းအစ်နေတဲ့ ကိစ္စတခု ပြေပျောက်ဖို့အတွက် ဒေါ်အောင် ဆန်းစုကြည်ကရေးတဲ့ ပေးစာမို့လို့သာ သူတို့ ပထမဦးဆုံးအနေနဲ့ ဂရုတစိုက် တုံ့ပြန်ပြီးတော့ အခုလို စီစဉ်ပေး တာပါ။ အဲတော့ ကျနော်မြင်တာကတော့ သူတို့ရဲ့ ဗိုလ်ချုပ်မှူကြီး သန်းရွှေတို့ရဲ့ ဆန္ဒအမှန်ကပေါ့နော်၊ တိုင်း ပြည် အမျိုးသားပြန်လည်သင့်မြတ်ရေးထက်ကို သူတို့လည်ပင်းအစ်နေတဲ့ Sanction ကြီးပေါ့နော်၊ ဒေါ်အောင် ဆန်းစုကြည်နဲ့ အနောက်နိုင်ငံတွေက ပူးပေါင်းဆောင်ရွက်ပြီးတော့ ပြန်ပြီးတော့ ရုပ်သိမ်းသွားမယ့်အရေးကို သာ သူတို့မျှော်လင့်တာပါ။ ကျန်တဲ့ကိစ္စမျိုးကို သူတို့ ကျနော်ထင်တယ် ဒေါ်အောင်ဆန်းစုကြည်နဲ့ ဆွေးနွေးချင် တဲ့ ကိစ္စမရှိဘူးလို့ ကျနော်ထင်ပါတယ်။

ဘာဖြစ်လို့လဲဆိုတော့ အခုလိုမျိုး အန်တီစုနဲ့ Sanction ကိစ္စ မရုပ်သိမ်းခင်မှာ တွေ့ဆုံဆွေးနွေးမယ်ဆိုရင် အန် တီစုကလည်း ပြောမယ်ထင်တာက အနောက်နိုင်ငံတွေနဲ့ အမေရိကန်က ပြောတဲ့ နိုင်ငံရေးအကျဉ်းသားတွေ လွှတ်ပေးဖို့၊ လူ့အခွင့်အရေး ချိုးဖောက်တာတွေကို ရပ်ဖို့ ဒါတွေကို ပြောမှာပဲ၊ အဲလိုလုပ်မှပဲ ရုပ်ပေးမယ်ဆိုတဲ့ အနေအထားမျိုးကို တင်ပြမယ်လို့ပဲ ကျနော်ထင်တယ်။ အဲဒါမျိုး တင်ပြမယ်ဆိုရင်လည်း ဗိုလ်ချုပ်မှူးကြီး သန်း ရွှေတို့ဘက်ကလည်း ဘယ်လိုမှကို လက်ခံနိုင်တဲ့ အနေအထား ရှိမှာမဟုတ်တဲ့အတွက်ကြောင့် ကျနော်ထင် တယ် အခုဟာကြီးက သိပ်ပြီးတော့ အောင်မြင်ဖို့တော့ အလားအလာနည်းတယ်။ ဒါပေမယ့် အောင်မြင်ချင် တယ်ဆိုရင်တော့ ကျနော်တို့ဘက်ကနေပြီးတော့ ဒေါ်အောင်ဆန်းစုကြည်ရဲ့ တောင်းဆိုချက် အသက်ဝင်လာ အောင် အန်အယ်လ်ဒီအနေနဲ့ နောက်ကနေပြီးတော့ ဘယ်လောက်အင်အားနဲ့ ထုနဲ့ ပံ့ပိုးပြီးတော့ နအဖကို ဖိ အားပေးမနိုင်မလဲ ဆိုတဲ့အပေါ်မှာပဲ မူတည်တယ်လို့ ကျနော်ထင်ပါတယ်ခင်ဗျ။

ဦးမောင်မောင်သန်း ။ ။ ဦးဉာဏ်ဝင်းတို့ ဘက်ကရော ဗဟိုကော်မတီတွေ ဘာတွေ အစည်းအဝေး လုပ်တဲ့အခါ မှာ ဒီစာကို တုံ့ပြန်မှုကို အတိုင်းအတာ ဘယ်လောက်အထိ စောင့်မလဲ၊ ဘာဆက်လုပ်မှာလဲခင်ဗျ။

ဦးဉာဏ်ဝင်း ။ ။ ကျနော်တို့ ဒီကိစ္စနဲ့ ပတ်သက်ပြီးတော့ အခုန ဒေါက်တာလွဏ်းဆွေ ပြောတဲ့ အန်အယ်လ်ဒီက အတင်း ဒါကြီးကို လုပ်ရမယ်ဆိုတာ၊ ဘယ်လိုလုပ်ရမယ်ဆိုတဲ့ အကြံပြုချက်လည်း မကြားရဘူး။ ထားလိုက်ပါ။ ကျနော်တို့ ဘာလုပ်မလဲဆိုတော့ ကျနော်တို့ဟာ ဖြူစင်တဲ့ စေတနာနဲ့ အစိုးရ နအဖကို ချဉ်းကပ်ပြီးတော့ မြန် မာ့နိုင်ငံရေးကို၊ ဒီမိုကရေစီအရေး၊ လူ့အခွင့်အရေးကို ဒီအတိုင်း ဆက်လက်ကြိုးစားဆောင်ရွက်သွားမယ်လို့ပဲ ကျနော် ပြောနိုင်ပါတယ်။

ဦးမောင်မောင်သန်း ။ ။ ဒေါက်တာလွဏ်းဆွေကရော တကယ်လို့ နိုင်ငံရေးမှာ အခု အရေးကြီးတဲ့ ကိစ္စတွေ၊ အ ရေးကြီးတဲ့အချိန်လည်းရောက်နေပြီဆို ဘာကိုဦးစားပေးပြီးတော့ နှစ်ဘက်လက်ခံအောင် ဒါမဟုတ် အမျိုးသား ပြန်လည်ရင်ကြားစေ့အောင် ဘာတွေလုပ်ရမှာလဲ။

ဒေါက်တာလွဏ်းဆွေ ။ ။ ကျနော်တို့ဘက်ကကျတော့ မြင်တာက အခုအချိန်မှာ နအဖက လိုက်လျောလို့သာ အန်တီစုအနေနဲ့ ဒီလိုမျိုး Sanction ကိစ္စကို ဆွေးနွေးခွင့်ရနေတာ ဖြစ်တဲ့အတွက်ကြောင့် ကိုယ့်ဘက်က ထပ် ပြီးတော့ အင်အားတည်ဆောက်ဖို့လိုပါတယ်။ အင်အားတည်ဆောက်ဖို့ဆိုတာက စောနကပြောသလိုပေါ့နော်၊ ဒီနေ့ဒီအချိန်အခါမှာ အန်အယ်လ်ဒီပါတီမှာ အောက်ခြေအဖွဲ့ဝင်တွေကလည်း ညီလာခံခေါ်ဖို့ ကိစ္စတွေ တိုက် တွန်းနေပါတယ်။ တိုက်တွန်းတယ်ဆိုတာက သူတို့အနေနဲ့ပေါ့နော်၊ လက်ရှိဖြစ်နေတဲ့ တိုက်ပွဲအနေအထားကြီး မှာ ဗဟိုကော်မတီအပေါ်ကို အောက်ခြေထုကအကြံပြုချင်တဲ့ အချက်အလက်တွေအများကြီးရှိမယ်လို့ ကျနော် ယူဆပါတယ်။ အဲဒီအတွက်ကြောင့် အောက်ခြေပါတီဝင်တွေနဲ့ပေါ့နော်၊ ဖြစ်နိုင်သမျှ တွေ့ဆုံပြီးတော့ အကြံ ဉာဏ်တွေယူရင် အန်အယ်လ်ဒီအနေနဲ့ ဘယ်လိုတိုက်ပွဲဖော်ရမယ်ဆိုတဲ့ လမ်းကြောင်းက ပေါ်လာမယ်လို့ ကျ နော်က ထင်ပါတယ်။ ကျနော်က ဒီကနေပြီးတော့ပေါ့နော်၊ ရှေ့ဆောင်လမ်းပြနဲ့ ဘာလုပ်ပါ ညာလုပ်ပါလို့ ကျ နော်တို့က မပြောသင့်ဘူးလို့ ယူဆပါတယ်။ ဖြစ်နိုင်တာကတော့ ကိုယ့်ပါတီဝင်အချင်းချင်း အင်အားတည် ဆောက်ပြီးတော့ ပါတီထဲကပေးတဲ့ အကြံဉာဏ်တွေနဲ့ ကျနော်တို့က တိုက်ပွဲဖော်ရမယ်။ အဲလိုမျိုးဖိအားမရှိဘဲ နဲ့တော့ နအဖက လှုပ်လာမယ်လို့ ကျနော်မထင်ဘူး။ ဘာဖြစ်လို့လဲဆိုတော့ ရွှေဝါရောင်မှာပေါ့နော် ဒီလောက် ဘုန်းကြီးတွေ အသတ်ခံရပြီးတော့၊ လူတွေသေပြီးတော့ တော်တော်လေးကို နအဖအနေနဲ့ နိုင်ငံရေးအကျပ်အ တည်းဆိုက်ခဲ့တာတောင်မှ သူတို့ရအောင်ရုန်းထွက်သွားသေးတာဆိုရင် အခုလိုမျိုးဖိအားမရှိတဲ့ အနေအထား မှာ ကျနော်တို့က ဘာတိုက်ပွဲမှမဖော်ဘဲနဲ့ ဒီတိုင်းကြီးပဲတောင်းရုံပဲတောင်းပြီး ငြိမ်ပြီးစောင့်နေမယ်ဆိုရင်တော့ နအဖဘက်က တုံ့ပြန်လာမယ့် ရလဒ်ကတော့ ကောင်းမယ်လို့ ကျနော်က မယူဆပါဘူးခင်ဗျ။

ဦးမောင်မောင်သန်း ။ ။ ဦးဉာဏ်ဝင်းတို့ကရော အဲဒီလိုပြောတာကို ဘယ်လောက်အထိ လက်တွေ့မှာ ဖြစ်နိုင် ခြေရှိလဲ။ ဦးဉာဏ်ဝင်း ပြောပါဦး။

ဦးဉာဏ်ဝင်း ။ ။ ကိုယ့်ဘက်က ခိုင်မာအောင်ဆိုတာ အခု ကျနော်တို့ အမျိုးသားဒီမိုကရေစီအဖွဲ့ချုပ်က ဒီကနေ့ အထိ ရပ်တည်နေတာ ခိုင်မာလို့ ရပ်တည်နေတာပဲ။ ဒီ့ထက်ပိုခိုင်မာအောင် ဒီအချိန်မှာ လုပ်ဖို့ အခြေအနေမရှိ ဘူး။ ဒါ ကျနော်တို့ လက်ရှိ အန်အယ်လ်ဒီအဖွဲ့ရဲ့သဘောထားပါ။ လက်တွေ့ အကျိုးထက်ကို အပြစ်တွေက များ မှာစိုးတဲ့အတွက် အခုအချိန်မှာ မလုပ်နိုင်သေးဘူးလို့ ဒီလိုသဘောထားရှိပါတယ်။ လုပ်ဖို့၊ ဒီလိုအောက်ကအသံ တွေ နားထောင်ဖို့၊ အဖွဲ့ဝင်တွေ အောက်ကအခြေခံထဲကဟာတွေ နားထောင်ဖို့ဆိုတာ ဒါ ပါတီတရပ်ရဲ့ တာဝန် ပါ။ ဒါဟာ သင့်တော်တဲ့ တချိန်မှာ ဆောင်ရွက်ပါလိမ့်မယ်။

ဦးမောင်မောင်သန်း ။ ။ ဟုတ်ကဲ့ သောတရှင်များခင်ဗျာ အခု ကျနော်တို့ မြန်မာ့အရေး ကမ္ဘာ့အရေးမှာ အဓိက အားဖြင့် ဒေါ်အောင်ဆန်းစုကြည်က ဗိုလ်ချုပ်မှူးကြီးနဲ့ တွေ့ဆုံဖို့ ရေးသားတဲ့ စာနဲ့ ပတ်သက်လို့ ဒီစာကြောင့် ကော လက်ရှိမြန်မာ့နိုင်ငံရေးက ဘယ်ကိုဦးတည်မလဲဆိုတဲ့အကြောင်းကို ဆွေးနွေးတာဖြစ်ပါတယ်။ အဲတော့ ဒေါ်အောင်ဆန်းစုကြည်ရဲ့ ပေးစာအရ တကယ်လို့ ဒီ နှစ်ဘက် အလားအလာတွေ၊ လမ်းကြောင်းတွေ ပွင့်သွား ပြီဆိုရင် မြန်မာ့နိုင်ငံရေး လက်ရှိအခြေအနေဟာ ဘယ်ကို ဦးတည်နေပါသလဲ။ ဒါနဲ့ ပတ်သက်လို့ ဒေါက်တာ လွဏ်းဆွေက စပြီးတော့ သုံးသပ်ပေးပါခင်ဗျာ။

ဒေါက်တာလွဏ်းဆွေ ။ ။ ပေးစာအရပေါ့နော်၊ နအဖဘက်က စိတ်ကောင်းဝင်လာပြီးတော့ ဆွေးနွေးရေးလမ်း ကြောင်း ပွင့်သွားရင်တော့လည်း ဒါ အကောင်းဆုံးပေါ့ခင်ဗျာ။ ဒါပေမယ့် ကျနော်က အဲလိုမျိုး မမြင်ဘူးဆိုတာ က နအဖက အခုအထိလည်း အဲလိုမျိုး ပျော့ပျောင်းတဲ့ အနေအထား ဘာတခုမှ သူတို့ဘက်က ပြသတာ မတွေ့ ရသေးလို့ဖြစ်ပါတယ်။ အဲဒါကြောင့်မို့လို့ ဒေါ်အောင်ဆန်းစုကြည်ရဲ့ ပေးစာ ထိရောက်ချင်တယ်ဆိုရင်တော့ ကျ နော်ကတော့ ကိုယ့်ဘက်ကပဲ အင်အားတည်ဆောက်ပြီးတော့ ဘယ်လောက်ဖိအားပေးမလဲ၊ ဒါမှလည်း နအဖ က တွေ့ဆုံဆွေးနွေးရေးစားပွဲဝိုင်းကို တက်လာမယ်လို့ထင်ပါတယ်။ ဘာဖြစ်လို့လဲဆိုတော့ အရင်တုန်းက ရွှေဝါ ရောင်နဲ့ နာဂစ်လိုမျိုးလို ဖိအားတအားကြီးတဲ့ အချိန်မှာတောင်မှ နအဖက အဲဒါကို ရအောင်ရှောင်ထွက်သေး ရင် အခုလိုမျိုး ဘာဖိအားမှမရှိတဲ့အချိန်မှာ နအဖက ဆွေးနွေးပွဲစကားဝိုင်းကို တက်လာဖို့ဆိုတာက တော်တော် လေးကို မမျှော်လင့်စရာကောင်းတဲ့ အခြေအနေလို့ပဲ ကျနော်ကတော့ သုံးသပ်မိပါတယ်ခင်ဗျ။

ဦးမောင်မောင်သန်း ။ ။ ဗိုလ်ချုပ်ကြီး သန်းရွှေတို့ဘက်က တုံ့ပြန်မှု မရသေးပေမယ့်လို့ တဘက်နဲ့ တဘက် အ မြင်အားဖြင့်သော်လည်းကောင်း၊ အခြေခံအားဖြင့်သော်လည်းကောင်း တချို့ရပ်တည်ချက်ကလေးတွေဟာ နီး စပ်လာပြီဆိုတော့ မြန်မာ့နိုင်ငံရေးဟာ ခုချိန်အခါမှာ ဘယ်ကိုဦးတည်နေသလဲ၊ အလားအလာတွေ ပိုပြီးတော့ ကောင်းပြီး ဒေါ်အောင်ဆန်းစုကြည်တို့၊ အန်အယ်လ်ဒီပါတီတို့ရဲ့ လွတ်လပ်စွာ လှုပ်ရှားသွားလာခွင့်တွေ၊ အမျိုး သားရင်ကြားစေ့တဲ့ ဆွေးနွေးပွဲတွေ ဦးတည်နေပြီလို့ ပြောနိုင်လား။ ဦးဉာဏ်ဝင်း ပြောပါခင်ဗျ။

ဦးဉာဏ်ဝင်း ။ ။ ကျနော်တို့ အနေနဲ့ကတော့ အခုတင်ပြလိုက်တဲ့ စာဟာ နိုင်ငံအတွက် ဖြူစင်တဲ့ စေတနာနဲ့ တင်လိုက်တဲ့ ကိစ္စမို့လို့ တုံ့ပြန်မှုလည်း ရလိမ့်မယ်လို့ ယုံကြည်တယ်။ အဲဒီလို တုံ့ပြန်မှုရပြီးရင်လည်း နှစ်ဦးနှစ် ဘက်က တိုင်းပြည်အတွက် စေတနာကောင်းနဲ့ ဆွေးနွေးကြမယ်ဆိုရင် ကျနော်တို့ အမျိုးသားဒီမိုကရေစီအဖွဲ့ ချုပ်က မျှော်မှန်းတဲ့ ဒီမိုကရေစီနဲ့ လူ့အခွင့်အရေး လမ်းကြောင်းပေါ် ရောက်သွားမယ်။ ကျနော်တို့ ဒီလိုမျိုး ရောက်သွားမယ်လို့ ပြောခြင်းအားဖြင့် နေ့ချင်းညချင်း အပြောင်းအလဲကြီးကို ကျနော်တို့ မျှော်လင့်တာမဟုတ် ပါဘူး။ ကျနော်တို့ လမ်းကြောင်းမှန်ပေါ် ရောက်ဖို့သာ ကျနော်တို့ မျှော်မှန်းခြင်း ဖြစ်ပါတယ်။

ဦးမောင်မောင်သန်း ။ ။ သောတရှင်များခင်ဗျာ၊ မြန်မာနိုင်ငံမှာ အမျိုးသားပြန်လည်ရင်ကြားစေ့ရေးအတွက် ပြည်တွင်းပြည်ပမှ တောင်းဆိုနေစဉ် အခုလို ဒေါ်အောင်ဆန်းစုကြည်ရဲ့ စာထွက်ပေါ်လာတာဟာ အချိန် ကောင်းလို့ ကြိုဆိုသံတွေ ကြားနေရသလို မြန်မာအစိုးရဘက်က အပြုသဘော တုံ့ပြန်အောင်လို့ ဆက်လက် လှုပ်ရှားရဦးမယ်ဆိုတဲ့ သံသယအမြင်တွေလည်း ပေါ်ထွက်နေတဲ့အကြောင်း မြန်မာ့အရေး ကမ္ဘာ့အရေး အစီ အစဉ်ကနေ စီစဉ်တင်ဆက်လိုက်ရပါတယ်ခင်ဗျာ။