NLD လှုပ်ရှားမှုနဲ့ ခေါင်းဆောင်ပိုင်းကို သုံးသပ်ဆန်းစစ် (မြန်မာ့ဒီမိုကရေစီရေး ရာ ဆွေးနွေးခန်း)

(မြန်မာ့ဒီမိုကရေစီရေးရာ ဆွေးနွေးခန်း - VOA တနင်္ဂနွေနေ့ ညပိုင်းအစီအစဉ်၊ ၂၅-၁၀-၀၉)

အမျိုးသားဒီမိုကရေစီအဖွဲ့ချုပ် (National League for Democracy) အဖွဲ့ဝင်တွေ က ပြည်လုံးကျွတ်ညီလာခံတရပ် ခေါ်ယူပေးဖို့ တောင်းဆိုမှုကို NLD ဗဟိုအလုပ်အမှု ဆောင် (CEC) တွေက ပယ်ချလိုက်ပါတယ်။ NLD အနေနဲ့ နိုင်ငံလုံးကျွတ်ညီလာ ခံကြီးကို အခြေ အနေအရပ်ရပ်ကြောင့် ကျင်းပဖို့ မဖြစ်နိုင်သေးဘူးလို့ CEC ရဲ့ ကြေ ညာချက်မှာ ဖော်ပြထားပါတယ်။ NLD အမျိုးသားဒီမိုကရေစီအဖွဲ့ချုပ်အပေါ် နိုင်ငံ ရေးလှုပ်ရှားမှုတွေ တက်တက်ကြွကြွ လုပ်ဆောင်နိုင်စွမ်းမရှိဘူး၊ ခေါင်းဆောင်မှုအပိုင်းအနေနဲ့ ပြတ်သားထိ ရောက်တဲ့ ဦးဆောင်မှုမပေးနိုင်ဘူးလို့ ယူဆကြသူတွေရှိနေတာမို့ ပြည်လုံးကျွတ်ညီလာခံခေါ်ယူရေး တောင်း ဆိုမှုဟာ ခေါင်းဆောင်ပိုင်းအပြောင်းအလဲကို တိုက်တွန်းဖို့ အောက်ခြေအဖွဲ့ဝင်တွေရဲ့ ခြေလှမ်းဖြစ်တယ်လို့ လည်း ယူဆစရာရှိပါတယ်။ ဒီအကြောင်းတွေနဲ့ပတ်သက်ပြီး မြန်မာ့နိုင်ငံရေးနဲ့ NLD ရဲ့ ခေါင်းဆောင်မှုပိုင်းကို လေ့လာဆန်းစစ်နေသူတဦးဖြစ်တဲ့ ထိုင်းနိုင်ငံ မဲဆောက်မြို့နေ သတင်းအယ်ဒီတာ ဒေါက်တာလွဏ်းဆွေကို ဦးသန်းလွင်ထွန်း (ဗွီအိုအေမြန်မာသတင်းဌာန) က ဆက်သွယ်မေးမြန်း ဆွေးနွေးတင်ပြထားပါတယ်။

ဦးသန်းလွင်ထွန်း ။ ။ ဒီ အမျိုးသားဒီမိုကရေစီအဖွဲ့ချုပ်ရဲ့ ပြည်လုံးကျွတ်ညီလာခံက ယခုအချိန်မှာ လိုအပ်မှု တရပ်လို့ ယူဆပါသလား။

ဒေါက်တာလွဏ်းဆွေ ။ ။ ဟုတ်ကဲ့ခင်ဗျ၊ ကျနော်လည်း ဆောင်းပါးတွေရေးပြီတော့ အများကြီး တိုက်တွန်းခဲ့ ဖူးပါတယ်။ ဘာဖြစ်လို့လဲဆိုတော့ ဒီနေ့ဒီအချိန်အခါမှာ အမျိုးသားဒီမိုကရေစီအဖွဲ့ချုပ်က အနှစ် (၂၀) ကျော် အတွင်းမှာတခါမှလည်း အဲဒီလိုမျိုး ပြည်လုံးကျွတ်ညီလာခံ မကျင်းပခဲ့ဖူးဘူး။ နောက်တချက်ကကျတော့ မကြာ ခင်မှာ နအဖစစ်အစိုးရက သူတို့ စိတ်ကြိုက်ရေးဆွဲထားတဲ့ ဖွဲ့စည်းပုံအခြေခံဥပဒေနဲ့ သူတို့ စိတ်ကြိုက်ရွေး ကောက်ပွဲကို ကျင်းပတော့မှာ ဖြစ်တဲ့အတွက်ကြောင့် ဒီအပေါ်မှာပေါ့နော် ကျနော်တို့ အောက်ခြေ NLD အဖွဲ့ ဝင်တွေအနေနဲ့က ဗဟိုရဲ့ သဘောထားနဲ့ ညှိနှိုင်းပြီးတော့ သူတို့ ဘာဆက်လုပ်ရမလဲဆိုတဲ့ အနေအထားက တော်တော့်ကို အရေးတကြီး ဆုံးဖြတ်ရမယ့်ကာလကို ရောက်လာပြီလို့ ကျနော်က ယူဆပါတယ်။ အဲဒီအတွက် ကြောင့် အောက်ခြေ မြို့ နယ် NLD က ဥက္ကဌ၊ အတွင်းရေးမှုးတွေ၊ အဖွဲ့ဝင်တွေနဲ့ ဗဟိုက လူကြီးတွေနဲ့ တွေ့ဆုံ ပြီးတော့ အကျေအလည် ညှိနှိုင်းဆွေးနွေးပြီတော့ ရှေ့လုပ်ငန်းစဉ်ကို ပြတ်ပြတ်သားသား ချမှတ်ရမယ့်အချိန် ရောက်နေတဲ့အတွက်ကြောင့် ဖြစ်နိုင်ရင် ဒီအချိန်ဟာ ပြည်လုံးကျွတ်ညီလာခံမဟုတ်တောင်မှပေါ့နော် မြို့ နယ် အသီးသီးကနေပြီးတော့ သက်ဆိုင်ရာ NLD တာဝန်ခံတွေ ပါဝင်တဲ့ ညီလာခံတခုတော့ အမြန်ဆုံးခေါ်သင့်ပြီလို့ ကျနော်ကတော့ ယူဆပါတယ်ခင်ဗျ။

ဦးသန်းလွင်ထွန်း ။ ။ လွန်ခဲ့တဲ့ ၁၉၉၇ ခုနှစ်လောက်ကပေါ့နော် CRPP ဖွဲ့ဖို့ ကြိုးစားကြတဲ့ အချိန်တုန်းကဆို လို့ရှိရင် မြို့ နယ်၊ ပြည်နယ်တိုင်းတွေက ကိုယ်စားလှယ်တွေကို ရန်ကုန်မှာ စုရုံးဖို့ တခါကြိုးစားခဲ့ဖူးတာ ရှိပါ တယ်။ အဲဒီအချိန်တုန်းကဆိုလို့ရှိရင် တက်ရောက်ဖို့ ကြိုးစားတဲ့ ပြည်သူလွှတ်တော်ကိုယ်စားလှယ်တွေဆိုလို့ရှိ ရင် အဖမ်းခံရတဲ့လူတွေရှိတယ်၊ ဧည်ဂေဟာတွေမှာ အထိန်းသိမ်းခံခဲ့ရသူတွေရှိတယ်၊ တချို့ ဆိုလို့ရှိရင်လည်း ဖမ်းဆီးထောင်ချခံခဲ့ရတာတွေ ရှိတယ်လေ။ အဲတော့ အခုလက်ရှိအခြေအနေမှာ ဒါ နိုင်ငံရေးအရ တော်တော် လေးကို အရေးကြီးတဲ့ အချိန်အခါဖြစ်နေတယ်ဆိုပြီးတော့ ယူဆတဲ့အတွက်ကြောင့်မို့လို့ ဒီလို တစုံတရာပြဿ နာ မပေါ်အောင် CEC အလုပ်အမှုဆောင်ကော်မတီအနေနဲ့ ဒါ ရှောင်လွှဲတဲ့သဘော မဟုတ်ဘူးလား။

ဒေါက်တာလွဏ်းဆွေ ။ ။ ကျနော်မြင်တာကကျတော့ ပြီးခဲ့တဲ့ ၉၇ မှာ အဲသလို လုပ်ခဲ့ဖူးသလို ဒီနှစ်ပိုင်း ဧပြီ လကပေါ့နော် စုံညီအစည်းအဝေး တခါလည်းခေါ်ခဲ့ဖူးပါတယ်။ အဲဒီလို ခေါ်ခဲ့တုန်းကကျတော့လည်း ဘာမှပြ ဿနာမရှိဘဲနဲ့ အောင်အောင်မြင်မြင် ကျင်းပနိုင်ခဲ့တဲ့အပေါ်မှာ အခုလိုမျိုး အောက်ခြေက တောင်းဆိုလာတဲ့ ဟာကိုလည်း NLD ဗဟိုအလုပ်အမှုဆောင်အနေနဲ့ ပြီးခဲ့တဲ့ ဧပြီလတုန်းကလိုပဲပေါ့နော် ပိုပြီးတော့ အားစိုက်ပြီး ကြိုးစားလုပ်ဆောင်သင့်တယ်လို့ မြင်ပါတယ်။ ဒါမှလည်း အောက်ခြေရဲ့  သဘောထားနဲ့ ဗဟိုရဲ့ သဘောထားနဲ့ တသမတ်တည်းဖြစ်ပြီတော့ ရှေ့ဆက် NLD အနေနဲ့ ဘယ်လိုတိုက်ပွဲဝင်ပြီးတော့ ဆက်ပြီး စခန်းသွားမယ်ဆို တာကို ဆုံးဖြတ်ချက်ချနိုင်မယ်လို့ ကျနော်က ထင်တယ်။

ဦးသန်းလွင်ထွန်း ။ ။ ဒီနေရာမှာ ပြည်လုံးကျွတ်ညီလာခံဆိုတာကို အဓိပ္ပါယ်ဖွင့်ဆိုမှုတွေ နည်းနည်းလေး ကွာ ခြားမှုရှိနေတာကို တွေ့နေရတယ်လေ။ အထူးသဖြင့် NLD CEC ရဲ့  ရှင်းပြတဲ့အချက်ထဲမှာ ဒီလို နိုင်ငံလုံးကျွတ် ညီလာခံကြီးကို ခေါ်ဖို့အတွက်ဆိုရင် အောက်ခြေမြို့ နယ်တွေမှာ အစည်းအဝေးတွေ ကျင်းပရမယ်၊ အောက် ခြေမြို့နယ်တွေမှာ ပြန်ပြီးတော့ ညီလာခံကိုယ်စားလှယ်တွေ ရွေးရမယ်။ အဲဒီအခြေအနေတွေဟာ အခုလော လောအားဖြင့်ပေါ့နော် သူတို့ရဲ့ရှင်းပြချက်အရဆိုရင် ပြည်နယ်နဲ့တိုင်းတွေ၊ မြို့ နယ်တွေမှာ ရုံးတွေတောင် ဖွင့် ခွင့်မရှိတဲ့အခြေအနေမှာ ဒီလိုလုပ်ငန်းစဉ်တွေဟာ မဖြစ်နိုင်ဘူးလို့ သူတို့အနေနဲ့ တွက်ထားတာတွေရှိနေတယ် လေ။ အဲတော့ ဒီ အဓိပ္ပါယ်ကောက်ယူချက်၊ ဒီ ရှင်းပြချက်ကရော လက်ခံနိုင်စရာရှိလားခင်ဗျ။

ဒေါက်တာလွဏ်းဆွေ ။ ။ ကျနော်တို့နိုင်ငံရဲ့  အနေအထားကပေါ့နော် ကျနော်တို့က ဒီမိုကရေစီရရှိရေးအ တွက် တိုက်ပွဲဝင်နေတဲ့ကာလဆိုတော့ သက်ဆိုင်ရာ စစ်အာဏာရှင်ကတော့ သူတို့ နိုင်သလောက် ဖိနှိပ်အုပ် ချုပ်နေတဲ့ ကာလပဲလေ။ ဒါကို မဖြစ်နိုင်ဘူးဆိုပြီတော့ ကျနော်တို့က ဒီအတိုင်း လက်ပိုက်ကြည့်နေမယ်ဆိုရင် တော့ ကျနော်တို့က လည်းစင်းခံဖို့ပဲ ရှိတော့တယ်။ အဲဒီတော့ ကိုယ်ရနိုင်တဲ့ ကိုယ့်အခွင့်အရေးကို ကိုယ်ဘာ သာကိုယ်ပဲ တိုက်ယူရမယ်။ ဒီပါတီညီလာခံဆိုတာက ပါတီတွင်းကိစ္စဖြစ်တယ်။ နအဖကို ဘာမှသွားပြီး တောင်း ဆိုနေစရာ အကြောင်းမရှိဘူး၊ သူတို့ပေးတဲ့ အမိန့်ကိုလည်း နာခံစောင့်ဆိုင်းနေစရာ အကြောင်းမရှိဘူးလေ။ အဲတော့ ကိုယ့်ပါတီတွင်းကိစ္စကို ကိုယ့်လူတွေ ဘယ်နေရာမှာ တစုတဝေး စုစုစည်းစည်း ဆုံနိုင်မလဲဆိုတာကို ပါတီက လူကြီးတွေအားလုံးက ဦးဆောင်ပြီးတော့ ရဲရဲတောက် စီစဉ်သင့်တယ်လို့ပဲ ကျနော်က မြင်တယ်။ ဒါမှ လည်းပဲ အခုလို အရေးကြီးတဲ့ကာလမှာ အရေးကြီးတဲ့ ဆုံးဖြတ်ချက်တွေ ချနိုင်ပြီးတော့ ကျနော်တို့ ပြည်သူလူ ထုကိုပေါ့နော် နည်းနည်းလေး အားတက်စရာကောင်းမယ့် message တွေပေးနိုင်မယ်လို့ ကျနော်ယူဆတယ်။ မဖြစ်နိုင်တာကို ဖြစ်နိုင်အောင် ကြံဆတာက နိုင်ငံရေးလို့ပဲ ကျနော်ယူဆပါတယ်ခင်ဗျ။

ဦးသန်းလွင်ထွန်း ။ ။ ဟုတ်ကဲ့ စောစောက ဒေါက်တာလွဏ်းဆွေ ပြောသွားတဲ့အထဲမှာ အရေးကြီးတဲ့ကာလ မှာအရေးကြီးတဲ့ ဆုံးဖြတ်ချက်တွေချဖို့ ဆိုလိုရှိရင် ဒါ ပါတီရဲ့ ခေါင်းဆောင်ပိုင်းမှာ ပြန်လည်ဖွဲ့စည်းရေး၊ ပါတီ ရဲ့မူဝါဒတွေကို ပြတ်ပြတ်သားသားပေးနိုင်ရေး ဒါတွေ ပါတယ်လို့ ကျနော်ယူဆပါတယ်။ ဒီနေရာမှာ အမျိုးသား ဒီမိုကရေစီအဖွဲ့ချုပ်ရဲ့ လက်ရှိ CEC ရဲ့ အကြောင်းပြချက်ထဲမှာဆိုလို့ရှိရင်တော့ တခု ကျနော်တို့မြင်နေရတာ က ခေါင်းဆောင်တွေဖြစ်တဲ့ ဒေါ်အောင်ဆန်းစုကြည်တို့၊ ဦးတင်ဦးတို့ဟာ အထိန်းသိမ်းခံနေတဲ့အတွက်ကြောင့် မို့လို့ ဒီလိုစုံညီလာခံတွေမှာမပါနိုင်ဘူး။ သူတို့မပါနိုင်တဲ့အတွက်ကြောင့်မို့လို့ ဒီလို ပြန်လည်စုဖွဲ့ရေး၊ အရေးကြီး တဲ့ဆုံးဖြတ်ချက်တွေ မချနိုင်ဘူးဆိုတဲ့ သဘောမျိုးကို ပြန်လည်ရှင်းပြနေတာ တွေ့ရတယ်လေ။ အဲဒီတော့ သ ဘောက တဘက်က စစ်အစိုးရအနေနဲ့လည်း ခေါင်းဆောင်ပိုင်းကို ဖမ်းဆီးထားတာက ဒါ ပါတီရဲ့ လုပ်ငန်းစဉ် တွေမဖြစ်အောင်ဆိုပြီးတော့ တားဆီးထားတဲ့ သဘောမျိုး ရည်ရွယ်ထားတယ်ဆိုတော့ ဒီလိုခေါင်းဆောင်တွေ မပါဘဲနဲ့ ပါတီတခုလုံး အကုန်လုံး အရေးကြီးတဲ့အလုပ်တွေ မလုပ်နိုင်ဘူးဆိုလို့ရှိရင် စစ်အစိုးရအလိုကျအတိုင်း ဖြစ်နေတယ်လို့ ယူဆလို့မရနိုင်ဘူးလား။

ဒေါက်တာလွဏ်းဆွေ ။ ။ ဟုတ်ကဲ့ခင်ဗျ။ ဘာဖြစ်လို့တုန်းဆိုတော့ ကျနော်တို့ကတော့ လက်ရှိအနေအထား မှာ ကျနော်တို့ရဲ့ခေါင်းဆောင် ဒေါ်အောင်ဆန်းစုကြည်ကော၊ ဦးတင်ဦးတို့ကော ထိန်းသိမ်းခံထားရတယ်ဆို တော့ တဖက်သတ် ဖမ်းဆီးခံနေရတဲ့အချိန်မှာ ဒီ ခေါင်းဆောင်တွေ လွတ်မြောက်ရေးကို ကျနော်တို့က စောင့် နေလို့ မရပါဘူး။ ကျနော်တို့ကိုယ်တိုင်က ဒီခေါင်းဆောင်တွေ လွတ်မြောက်အောင် ပါတီကို ဘယ်လိုပြုပြင် ပြောင်းလဲပြီတော့ ဘယ်လိုတိုက်ပွဲဝင်ပြီးတော့မှ ဒီခေါင်းဆောင်နှစ်ဦးကို အပြင်ရောက်အောင် လူထုအားနဲ့ ပေါင်းစပ်ပြီးတော့ ဆွဲထုတ်ရမယ့်အချိန် ရောက်နေတာပါ။ ဒါကြောင့်မို့လို့ လက်ရှိ NLD မှာ ရှိတဲ့အင်အားနဲ့ပဲ မြို့နယ်တိုင်းအသီးသီးက ဥက္ကဌတွေ၊ အတွင်းရေးမှုးတွေ၊ တာဝန်ခံတွေနဲ့ ဗဟိုက လက်ရှိ CEC တွေ ပေါင်းပြီး တော့ အထဲရောက်နေတဲ့ ခေါင်းဆောင်နှစ်ဦးကို ဘယ်လိုမျိုး လူထုအားနဲ့ NLD နဲ့ ပေါင်းစပ်ပြီးတော့ ဆွဲထုတ် မလဲဆိုတာကို တိုင်ပင်ရမယ့်အချိန်ပါ။ အဲဒါကြောင့်မို့လို့ ဒီညီလာခံက ၂၀၁၀ ရွေးကောက်ပွဲ ဝင်သင့်မဝင်သင့် တိုင်ပင်ရမှာ အရေးကြီးသလို၊ ခေါင်းဆောင်နှစ်ဦးကို ဘယ်လိုမျိုး အပြင်ရောက်အောင် ဆွဲထုတ်မလဲဆိုတဲ့ အားလုံးရဲ့  တပြည်လုံးမှာရှိတဲ့ NLD တွေရဲ့ ခေါင်းတွေအားလုံး စုစည်းပြီးတော့ တက်နိုင်သလောက် စုစည်းပြီး တော့ တိုင်ပင်ညှိနှိုင်း ဆွေးနွေးရမယ့်အချိန်လို့ ထင်ပါတယ်။ နို့မဟုတ်ရင်တော့ ဒီအတိုင်း နအဖပေးသမျှကို တောင်းပြီးတော့ ထိုင်စောင့်နေမယ်ဆိုရင်တော့ ခေါင်းဆောင်နှစ်ဦးဟာလည်း ဘယ်သောအခါမှ ပြန်လည် လွတ်မြောက်လာမယ့်ကိန်း ကျနော်တော့ မမြင်မိပါဘူးခင်ဗျ။

ဦးသန်းလွင်ထွန်း ။ ။ လက်ရှိအခြေအနေမှာ အမျိုးသားဒီမိုကရေစီအဖွဲ့ချုပ် အနေနဲ့ ပါတီဆက်လက်ရှင်သန် နေရေးကိုပဲ ဦးစားပေးနေပြီးတော့ လူထုအတွင်း လှုပ်ရှားမှုတွေကို ကျကျနန ထိထိရောက်ရောက် ဆောင် ရွက်နိုင်စွမ်းမရှိဘူးဆိုတဲ့ ဝေဖန်မှုတွေလည်း ရှိပါတယ်။ အဲဒီအကြောင်းလေး နည်းနည်းရှင်းပြပေးပါ။

ဒေါက်တာလွဏ်းဆွေ ။ ။ ဟုတ်ကဲ့၊ ကျနော်တို့က NLD ပါတီရှိဖို့ဆိုတာကိုလည်း လက်ခံပါတယ်။ သို့သော် လည်းပဲ NLD ပါတီရှိဖို့ထက်ကို ကျနော်တို့ တိုင်းပြည်က ဘာလဲဆိုတော့ ဒီမိုကရေစီရရှိရေးကို ပိုပြီး ဦးစားပေး ရမှာပါ။ NLD ပါတီကြီးကပေါ့နော် နှစ်ပေါင်းတရာလောက် ရှိနေပြီးတော့ ဒီအတိုင်းကြီးပဲ လက်ရှိအနေအထား အတိုင်းပဲ ရှေ့ လည်းမတိုး နောက်လည်းမဆုတ် ရွေ့လည်းမရွေ့ဆိုတဲ့ အနေအထားကြီးမှာ နှစ်တရာလောက် ကြီး NLD ပါတီကြီး ဆက်ရှိပြီးတော့ ဒီမိုကရေစီလည်း မရဘူး၊ နအဖကလည်း ဒီအတိုင်းပဲ အုပ်ချုပ်မြဲ၊ ဖိနှိပ်မြဲ၊ ရက်စက်မြဲ ဆက်လုပ်နေတယ်ဆိုရင် ကျနော်တို့ တိုင်းသူပြည်သားတွေရဲ့  အနာဂတ်ထွက်ပေါက်က ဘယ်လိုမှ ကို ရှာကြံလို့ရမှာမဟုတ်တော့ပါဘူး။ ဒါကြောင့် ကျနော်တို့က ဒီအချိန်မှာ ပါတီရပ်တည်ရေးထက် ဒီမိုကရေစီရ ရှိရေးကို ဘယ်လိုရအောင် စွမ်းဆောင်ပြီးတော့၊ risk ယူပြီးတော့ ဘယ်လိုသွားမလဲဆိုတာကို အပြင်းအထန် ကြိုးပမ်းအားထုတ်ရမယ့်အချိန်လို့ပဲ ကျနော်ကတော့ယူဆပါတယ်။ အဲတော့ ပါတီရပ်တည်ရေးဟာ ဒီအချိန်မှာ ဒုတိယဖြစ်ပြီးတော့ ဒီမိုကရေစီရရှိရေးတိုက်ပွဲဝင်ဖို့က ပထမဦးစားပေးလို့ ကျနော်ကတော့ ယူဆပါတယ်ခင်ဗျ။

ဦးသန်းလွင်ထွန်း ။ ။ အဲတော့ NLD ရဲ့  လက်ရှိလုပ်ဆောင်နေတဲ့ ပုံစံမျိုးက တဗိုလ်ဆင်း တဗိုလ်တက် ပုံစံမျိုး မဟုတ်ဘူးဆိုတဲ့ သဘောကို ပြောချင်တာလား။

ဒေါက်တာလွဏ်းဆွေ ။ ။ ဟုတ်တယ်။ အဲလိုမဟုတ်ဘူး ဖြစ်နေတယ်ခင်ဗျ။ ဘာဖြစ်လို့လဲဆိုတော့ ကျနော်တို့ က တိုက်ပွဲဝင်နေတဲ့ကာလမို့ တဗိုလ်ဆင်း တဗိုလ်တက် ပုံစံနဲ့ သွားရမှာပဲ။ ပြီးခဲ့တဲ့ ရွှေဝါရောင်မတိုင်ခင်မှာ ဦး ဆောင်သွားတဲ့၊ လူထု movement ကို ဦးဆောင်သွားတဲ့ ၈၈ မျိုးဆက်ကျောင်းသားခေါင်းဆောင်တွေရဲ့  လုပ် ရပ်တွေကို ကျနော်တို့ အင်မတန်မှ ချီးကျူးဖို့ကောင်းသလို၊ နမူနာယူဖို့လည်း ကောင်းပါတယ်။ ကျနော်ထင် တယ် ဒီနေ့ လက်ရှိ NLD CEC နေရာမှာသာ ၈၈ မျိုးဆက်ကျောင်းသားခေါင်းဆောင်တွေဆိုရင် ကျနော်တို့ လူအဖွဲ့အစည်းက ရှေ့ ကို တော်တော်လေးတောင် ရွေ့နေလောက်ပြီလို့ ယူဆတယ်။ ဘာဖြစ်လို့လဲဆိုတော့ ၈၈ မျိုးဆက်ကျောင်းသားခေါင်းဆောင်တွေရဲ့ ဦးဆောင်မှုကြောင့် ရွှေဝါရောင်တော်လှန်ရေးကြီး ဖြစ်ခဲ့တာက သူတို့ရဲ့ ရှေ့က ဦးဆောင်မှုနဲ့ လူထုကို စည်းရုံးသိမ်းသွင်း ပါးပါးနပ်နပ်နဲ့ စည်းရုံးခေါ်ဆောင်မှုက အဓိကကျ တယ်လို့ ယူဆပါတယ်။ အဲဒီကမှ ပေါက်ဖွားလာတဲ့ စိတ်ဓာတ်တွေနဲ့ ကျနော်တို့က ရွှေဝါရောင်တော်လှန်ရေး ကြီးကို ဆင်နွှဲခဲ့တာပါ။ သို့သော်လည်းပဲ ရွှေဝါရောင်တော်လှန်ရေး ဖြစ်လာတဲ့အချိန်မှာ သက်ဆိုင်ရာ တာဝန်ရှိ တဲ့ ဦးဆောင်ပါတီက ဘာမှကိုမလှုပ်ဘဲနဲ့ ငြိမ်နေတဲ့အတွက် ကျနော်တို့ တော်လှန်ရေးကြီးက ဘယ်လိုခေါ်မလဲ သားမလျှောသင့်ဘဲနဲ့ လျှောခဲ့ရတဲ့ အနေအထားကို ရောက်ခဲ့ရတယ်ပေါ့နော်။ တော်တော်လေးကို နှမြောစရာ ကောင်းတဲ့ အခွင့်အရေးကြီးတခုပါ။

ဦးသန်းလွင်ထွန်း ။ ။ လက်ရှိအားဖြင့် NLD အနေနဲ့ လူထုလှုပ်ရှားမှု၊ လူထုနိုင်ငံရေးဘက်ကို ဦးတည်အောင် ဆိုလို့ရှိရင် ဘယ်လိုအခြေအနေမျိုးတွေကနေ စသင့်တယ်လို့ ယူဆပါသလဲ။

ဒေါက်တာလွဏ်းဆွေ ။ ။ ဟုတ်ကဲ့၊ ဦးတည်အောင်လို့ဆိုရင်တော့ အတတ်နိုင်ဆုံးပေါ့နော် အောက်ခြေက ပြောင်းလဲချင်တဲ့ ဆန္ဒရှိနေတဲ့၊ အာသီသရှိနေတဲ့ မြို့ နယ်က လူတွေအားလုံးကို ခေါ်ပြီးတော့ တွေ့ဆုံရပါမယ်၊ ဆန္ဒသဘောထား မေးမြန်းရပါမယ်။ နောက်တချက် လိုအပ်ရင် EC အတွင်းမှာ မထုတ်ပယ်ရင်တောင် မထွက် ခိုင်းရင်တောင် အားဖြည့်ပြီး တကယ်လုပ်နိုင်မယ့် လူတွေကို ဥက္ကဌ၊ အတွင်းရေးမှုးနေရာတွေကို တင်စေချင်ပါ တယ်။ ကျနော်က လက်ရှိ CEC တွေကို မုန်းလို့ ပြောတာလည်းမဟုတ်ပါဘူး။ ဒါပေမယ့် တချက်က စွမ်းဆောင် ရည်ကို ကြည့်ပြီးတော့ ဝေဖန်တာဖြစ်တဲ့အတွက်ကြောင့် အသက်အရွယ်အားဖြင့်လည်း (၉၀) ကျော်တန်းတွေ ဆိုတော့ တော်တော့်ကို ကြီးနေပါပြီ။ ဘယ်လိုမှလည်း ထက်ထက်မြက်မြက် ဦးဆောင်နိုင်မယ့် အနေအထား မရှိတော့ဘူး။ နောက်တချက်ကကျတော့ ကျနော်တို့ရဲ့ တိုက်ပွဲအနေအထားကလည်း တိုက်မှရမယ့် အနေအ ထား ဖြစ်နေတဲ့အတွက်ကြောင့် အဲဒီလိုမျိုး မဦးဆောင်နိုင်တဲ့လူတွေ ဆက်ရှိနေမယ်ဆိုရင်လည်း ဒီအတိုင်း ဆက်ပြီးတော့ မရွေ့ဘဲနဲ့ လည်းစင်းခံနေရသလို ဖြစ်နေမှာဖြစ်တဲ့အတွက်ကြောင့် သက်ဆိုင်ရာ မြို့နယ်က NLD လူတွေနဲ့ တိုင်ပင်ပြီး အကောင်းဆုံး ဦးဆောင်မှုပေးနိုင်အောင် ဘယ်လိုဖွဲ့စည်းမလဲ၊ ဖွဲ့စည်းပြီးတဲ့အခါကျ ရင် အဲဒီ သစ်လွင်လာတဲ့ CEC အဖွဲ့နဲ့ လူထုတိုက်ပွဲကို ဘယ်လိုနည်းနဲ့ ဖော်ဆောင်မလဲဆိုတာကို စဉ်းစားရပါ မယ်။ အဲဒါကြောင့်မို့လို့ အမြန်ဆုံး အောက်ခြေတွေနဲ့ တွေ့ဆုံပြီးတော့ ပြင်ဆင်ဖွဲ့စည်းဖို့ ကျနော် တိုက်တွန်းလို ပါတယ်။

ဦးသန်းလွင်ထွန်း ။ ။ အခု လက်ရှိအခြေအနေက ဥပမာအားဖြင့်ဆိုလိုရှိရင် ဒေါ်အောင်ဆန်းစုကြည်နဲ့ မြန်မာ စစ်အစိုးရရဲ့ ကိုယ်စားလှယ်၊ တွေ့ဆုံဆွေးနွေးရေး တာဝန်ခံပေါ့နော် ဦးအောင်ကြည်တို့ တွေ့ဆုံပွဲတွေ နည်း နည်းလေး ပြန်ဖြစ်နေတယ်။ နောက်ပြီးတော့ အမေရိကန်အစိုးရရဲ့  မူဝါဒအတွင်းမှာ အပြောင်းအလဲတွေနဲ့ မြန် မာစစ်အစိုးရရဲ့ ဘက်ပြောင်းလာတဲ့ ပုံစံမျိုးလေးတွေလည်း တွေ့နေရတော့ တကယ်လို့များ အမျိုးသားဒီမိုက ရေစီအဖွဲ့ချုပ်မှာ အခုနေသာ စောစောက ဒေါက်တာလွဏ်းဆွေ ပြောသလို လူထုတိုက်ပွဲပုံစံတွေ ဖော်ဆောင် လာတဲ့ ပုံစံမျိုး ဖြစ်လာတယ်ဆိုလို့ရှိရင် မြန်မာစစ်အစိုးရအနေနဲ့ အစိုးရိမ်လွန်ကဲပြီတော့ အခြေအနေတွေအ ကုန်လုံး ရှုပ်ထွေးလာမယ့် သဘောမျိုးကော ဖြစ်မသွားနိုင်ဘူးလား။

ဒေါက်တာလွဏ်းဆွေ ။ ။ ကျနော်မြင်တာကကျတော့လေ အခု တွေ့ဆုံဆွေးနွေးရေး ဖြစ်တယ်ဆိုတဲ့ အရွေ့ ပေါ့နော်။ အဲဒီအရွေ့က ဘာလိုလဲဆိုတော့ နအဖ က ရွှေ့ လို့ ရွေ့ တဲ့ အရွေ့ ပဲလေ။ ကျနော်တို့ဘက်က ဖိအား ပေးနိုင်လို့ ရွေ့ တဲ့ အရွေ့မဟုတ်ဘူး။ နအဖကလည်း ဘာလို့ ဒီအရွေ့ ကို ရွှေ့ လဲဆိုတော့ တစ်အချက်က သူတို့ အရမ်းကို လည်းပင်အစ်နေတဲ့ sanction ကိစ္စကြီးကို လျော့ချင်တယ်။ ဒါကို လုံးဝပျက်ပျယ်ချင်တယ်။ ဒီအ တွက်ကြောင့် အမေရိကန်နဲ့ နိုင်ငံရေးကစားပြီးတော့ ဒေါ်စုကိုလည်း ရှင်းရှင်းပြောရင် သူတို့ နိုင်ငံရေးကစား တာပဲ။ ကျနော်တို့ဘက်က ဖိအားပေးနိုင်လို့ ရွေ့တဲ့ အရွေ့ မဟုတ်တဲ့အတွက်ကြောင့် ဒါဟာ နအဖ ကစားတဲ့ ရွေ့ကွက်ထဲမှာပဲ ကျနော်တို့က လည်ထွက်နေမှာပဲလို့ ယူဆပါတယ်။ အဲဒီတော့ ကျနော်တို့က ကျနော်တို့ ရွှေ့ တဲ့ အရွေ့ ကို လိုချင်တယ်ဆိုရင် ကျနော်တို့ကိုယ်တိုင် တိုက်ပွဲဖော်တဲ့ ဖိအားနဲ့မှပဲ ကျနော်တို့က ကိုယ်လိုချင်တဲ့ ပုံစံကို ရွှေ့ လို့ရမယ်လို့ ကျနော်ယူဆပါတယ်။ နို့မဟုတ်ရင်တော့ အခု နအဖ ရွှေ့ တဲ့ ရွှေ့ ကွက်ထဲမှာပဲ ကျနော် တို့က ဟိုဘက်ကို ရွေ့ လိုက် ဒီဘက်ကို ရွေ့လိုက်နဲ့ လည်ထွက်ပြီးတော့ ကိုယ်လိုရာခရီးကို မရောက်ဘဲနဲ့ ဒေါ် အောင်ဆန်းစုကြည်လည်း အသက်ကြီးသွားမယ်။ NLD ဗဟို CEC တွေလည်း တယောက်ပြီး တယောက် ကြွေ သွားမယ်ဆိုတဲ့ အနေအထားမျိုးတွေ ဖြစ်လာမှာပါ။ ကျနော်ကတော့ အဲဒီလိုပဲ မြင်တယ်ခင်ဗျ။

အမျိုးသားဒီမိုကရေစီအဖွဲ့ချုပ်ရဲ့ ခေါင်းဆောင်ပိုင်းနဲ့ နိုင်ငံရေးလှုပ်ရှားမှုအပိုင်းတွေကို လေ့လာဆန်းစစ်နေသူ တဦးဖြစ်တဲ့ ထိုင်းနိုင်ငံ မဲဆောက်မြို့က သတင်းအယ်ဒီတာ ဒေါက်တာလွဏ်းဆွေနဲ့ ဆက်သွယ်မေးမြန်းခဲ့တာ ပါ။ ကျနော်က သန်းလွင်ထွန်းပါခင်ဗျာ။