ပေးပို့ - (JACBA)၊ ဓာတ်ပုံ - ကိုလတ်
ထိုင်း-မြန်မာနယ်စပ် မဲဆောက်မြို့တောင်ဘက်ရှိ ဖုတ်ဖရားမြို့နယ် (Phop Phra Distric) တွင် ထိုင်းနှင့် မုံလူ မျိုးအလုပ်ရှင်တို့ထံမှာ နေထိုင်လုပ်ကိုင်နေကြသော မြန်မာအလုပ်သမား (၀ါ) စိုက်ပျိုးရေးလုပ်သား (၇၀၀၀၀) ခန့်ရှိသည်။ ယင်းတို့သည် တနေ့လုပ်အားခအနေဖြင့် ထိုင်းဘတ်ငွေ (၅၀) မှ (၁၀၀) အထိရရှိကြပြီး အလုပ်ချိန် (၈) နာရီထက် ပိုမိုစွာလုပ်ကိုင်ပေးကြရပါသည်။ ထို့အပြင် ထိုင်းအလုပ်သမားဥပဒေ သတ်မှတ်ချက်အရ (၁၅) နှစ်နှင့်အောက် အသက်အရွယ်ရှိသော ကလေးအလုပ်သမား အများဆုံးရှိရာ ဒေသလည်းဖြစ်သည်။ လူကြီးအ လုပ်သမားများနှင့် တန်းတူအလုပ်လုပ်ရသော်လည်း တနေ့လုပ်အားခ ဘတ် (၃၀၊ ၄၀) သာရရှိသည်။ ထို့အ ပြင် အမျိုးသမီးအလုပ်သမားများသည် အမျိုးသားအလုပ်သမားများနှင့် တန်းတူလုပ်ရသော်လည်း နေ့စဉ်လုပ် အားခ (၅၊ ၁၀) ဘတ် လျော့နည်းစွာ ရရှိနေသည် (၀ါ) ခွဲခြားဆက်ဆံခံနေရသည်။
ထိုင်းအစိုးရက တရားဝင်သတ်မှတ်ပေးထားသော ဒေသလိုက် နေ့စားလုပ်အားခစံနှုန်းမှာ (၁၅၁) ဘတ်နှင့် အ ချိန်ပို တနာရီလျှင် (၂၈) ဘတ်ဖြစ်သော်လည်း ထိုသတ်မှတ်ချက်အတိုင်း မရရှိကြချေ။ ထိုင်းနှင့် မုံလူမျိုးအလုပ် ရှင်များက ၎င်းတို့၏ စိုက်ပျိုးရေး လုပ်ငန်းများကို ရာသီအလိုက် လုပ်ကိုင်နိုင်ရန် ၎င်းတို့ပိုင်သော မြေကွက်များ တွင်ဖြစ်စေ၊ လယ်ကွက်များတွင်ဖြစ်စေ မြန်မာအလုပ်သမားများကို တဲအိမ်ဆောက်လုပ်ကာ နေထိုင်စေခဲ့ပါ သည်။ သို့သော် အလုပ်သမားအခွင့်အရေးအရ လုပ်သက် (၄) လပြည့်ခဲ့ကြပြီး နှစ်တွေကြာခဲ့သော်လည်း မြန် မာအလုပ်သမား (၁၀၀) တွင် တဦးပင် အလုပ်သမားလက်မှတ် (Workpermit) လက်ဝယ်ရှိရန် မသေချာကြ ပေ။
အလုပ်ရှင်များသည် အလုပ်သမားများ၏ နေ့စဉ်လုပ်အားခငွေထဲမှ ဖြတ်တောက်ရယူခွင့်ရှိနေသော တနှစ် သက်တမ်းရှိ အလုပ်သမားလက်မှတ်အတွက် ကုန်ကျငွေ (၃၈၅၀) ဘတ်ကို ခေတ္တစိုက်မပေးလိုကြချေ။ ထို့အ ပြင် လုပ်ငန်းခွင်အတွင်းနှင့်ပြင်ပတွင် ရေသန့်ရှင်းမှု၊ အိမ်သာသန့်ရှင်းမှု (အချို့စိုက်ခင်းနေရာများတွင် အိမ်သာ မရှိကြပါ) စသည့် ကျန်းမာရေးစောင့်ရှောက်မှုများ မရှိပါ။ လုပ်ငန်းခွင်တွင် လက်ပြတ်၊ ခြေပြတ်၊ အသက်ဆုံးရှုံး မှု ရှိပါလျှင်လည်း ထိုက်သင့်သော လျော်ကြေးငွေကို မပေးကြပါ။
မြန်မာအလုပ်သမားများအား မိမိတို့အိမ်၊ ခြံဝန်းများထဲတွင် ငှားရမ်းနေထိုင်ခွင့်ပြုခဲ့သော ဖုတ်ဖရားမြို့နယ် (၄၈) ကီလိုမီတာကျေးရွာရှိ ထိုင်းအိမ်ရှင် (၂) ဦးကို တဦးလျှင် ဘတ် (၆၀၀၀၀) စီ ဒဏ်ရိုက်မှုကို ၂၀၀၈ ခုနှစ် နိုဝင်ဘာလ၌ စတင်ခဲ့ပါသည်။ ၂၀၀၈ ခုနှစ် ဒီဇင်ဘာလနှင့် ၂၀၀၉ ခုနှစ် ဇန်န၀ါရီလထဲတွင် (၄၈) ကီလိုမီတာ ကျေးရွာမှ မြန်မာအလုပ်သမားများ ငှားရမ်းနေထိုင်သော နေအိမ်များ၊ ဆောက်လုပ်နေထိုင်သော တဲအ်ိမ်များ ကို ထိုင်းအာဏာပိုင်များက အပြီးဖျက်သိမ်းစေခဲ့ပါသည်။
၂၀၀၉ ခုနှစ် ဇန်န၀ါရီလ (၁၂) ရက်နေ့တွင် (၄၄) ကီလိုမီတာကျေးရွာရှိ ၀ါးတောရပ်ကွက်ကို အမြန်ဆုံးဖျက် သိမ်းရန် ထိုင်းနယ်ခြားစောင့်တပ်ဖွဲ့က လာရောက်သတိပေးခဲ့သည်။ ၀ါးတောရပ်ကွက်မှာ မြန်မာအလုပ်သမား (၂၀၀) ကျော်တို့က အလုပ်ရှင် ဖိပန်းရိုင်း၏ မြေနေရာတွင် တဲအိမ် (၈၀) ခန့် ဆောက်လုပ်ကာ စုပေါင်းနေထိုင် ကြသော မြန်မာပြည်သားတို့၏ အစုအ၀န်းကလေးတခုဖြစ်သည်။ ၀ါးတောရပ်ကွက်တွင် ထိုင်းကျန်းမာရေးဋ္ဌာန က စီစဉ်ပေးထားသော ကျေးလက်ကျန်းမာရေးဆေးပေးခန်း၊ ဒေသခံမြန်မာအလုပ်သမားတို့၏ ရွှေ့ပြောင်းစာ သင်ကျောင်းတကျောင်းတို့အပြင် IRC မှ ဆောက်လုပ်ပေးထားသော ရေလောင်းအိမ်သာ၊ ရေသန့်အစီအမံ များဖြင့် နေချင့်စဖွယ်သာယာသည့် နေရာတခုဖြစ်သည်။
သို့သော် ဤ၀ါးတောရပ်ကွက်ကိုလည်း (၁၄-၁-၂၀၀၉) နေ့တွင် ထိုင်းနယ်ခြားစောင့်တပ်ဖွဲ့မှ ၀င်ရောက်ကာ တဲအိမ်များကို ဖျက်ဆီးခဲ့သဖြင့် မြန်မာအလုပ်သမား (၂၀၀) ကျော်မှာ နီးစပ်ရာ တောအုပ်ထဲသို့ ထွက်ပြေးကြ ရပါသည်။ (၁၅-၁-၂၀၀၉) နေ့တွင် ထိုင်းအာဏာပိုင်ပေါင်းစုံတို့က အင်အား (၁၀၀) ခန့်ဖြင့် ၀ါးတောရပ်ကွက် ပျက်သို့ လာရောက်ကြကာ အပျက်အစီးများကို ကြည့်ရှုစစ်ဆေးသွားပါသည်။ (၁၆-၁-၂၀၀၉) နေ့မှစပြီး မဲ ဆောက်အခြေစိုက် မြန်မာနှင့် ထိုင်းအဖွဲ့အစည်းအချို့က စားဝတ်နေရေးခက်ခဲနေသော တောအုပ်အတွင်းမှ မြန်မာအလုပ်သမားများထံသို့ အစားအစာရိက္ခာ အကူအညီအချို့နှင့် အ၀တ်အထည်၊ ခြုံစောင်အချို့ကို ပေးပို့ ခဲ့ပါသည်။
(၁၆-၃-၂၀၀၉) နေ့တွင် (၄၄) ကီလိုမီတာကျေးရွာ၊ ကျွန်းတောရပ်ကွက်မှ ‘ဒို့မိတ်ဆွေ’ အမည်ရှိ မြန်မာရွှေ့ ပြောင်းအလုပ်သမား စာသင်ကျောင်းကို ထိုင်းနယ်ခြားစောင်တပ်ဖွဲ့ဝင် (၁၀) ဦးခန့်မှ ၀င်ရောက်ဖျက်ဆီးခဲ့ သည်။ ထို့ကြောင့် ဤမူလတန်းကျောင်းကို မှီခိုပညာရှာနေကြရသော မြန်မာရွှေ့ပြောင်းကလေးငယ် (၁၆၀) ဦးခန့်တို့မှာ မိဘများနှင့်အတူ ထွက်ပြေးတိမ်းရှောင်ခဲ့ကြရသည်။ ‘ဒို့မိတ်ဆွေ’ စာသင်ကျောင်းမှာလည်း ထိုနေ ရာတွင် တည်ရှိခွင့်မရရှိတော့သဖြင့် (၄၂) ကီလိုမီတာဘက်သို့ မိမိအစီအစဉ်ဖြင့် ပြောင်းရွှေ့ခဲ့ရပါသည်။ (၄-၆ -၂၀၀၉) နေ့တွင် (၄၄) ကီလိုမီတာကျေးရွာနှင့် ပတ်ဝန်းကျင်ကျေးရွာများကို ကလေးငယ် (၁၂၀) ခန့်အပါအ ၀င် မြန်မာအလုပ်သမား (၄၀၀) ခန့်အား ထိုင်းအာဏာပိုင်အဖွဲ့စုံက ၀င်ရောက်ဖမ်းဆီးခဲ့ပြီး တဲအိမ် (၂) လုံးကို လည်း မီးရှို့ခဲ့ပါသည်။
ထိုင်း-မြန်မာနယ်စပ် တာ့(ခ်)ခရိုင်တွင် တာ့ခ်၊ မဲဆောက်၊ ဖုတ်ဖရား၊ အုန်းဖန်၊ မယ်ရမတ်နှင့် ထဆောင်ယန်း ဟူ၍ မြို့နယ် (၆) ခုရှိရာ မြန်မာရွှေ့ပြောင်းအလုပ်သမား (၄) သိန်းခန့်ရှိမည်ဟု Joint Action Committee for Burmese Affairs (JACBA) အဖွဲ့အစည်းက ခန့်မှန်းသုံးသပ်ပါသည်။ ထိုအရေအတွက်ထဲတွင် စိုက်ပျိုးရေး လုပ်ငန်းမျိုးစုံကို ရာသီမရွေးလုပ်ကိုင်နေသော ဖုတ်ဖရားမြို့နယ်တွင် မြန်မာအလုပ်သမား (၇၀၀၀၀) ခန့်၊ အုန်း ဖန်မြို့နယ်တွင် မြန်မာအလုပ်သမား (၅၀၀၀၀) ခန့်တို့လည်း ပါဝင်ပါသည်။
အထူးမှတ်ချက်အဖြစ် တင်ပြလိုသည်မှာ အုန်းဖန်မြို့နယ်နှင့် ထဆောင်ယန်းမြို့နယ်တို့ရှိ မြန်မာအလုပ်သမား များမှာ ထိုင်းနှင့် နိုင်ငံခြားသားအလုပ်ရှင်တို့ထံမှ အလုပ်သမားအခွင့်အရေး အပြည့်အ၀မရရှိရုံမျှမက DKBA ကဲ့သို့သော မြန်မာစစ်အစိုးရ၏ လက်ဝေခံလက်နက်ကိုင်အဖွဲ့အစည်းမှ ပိုင်ဆိုင်သည့် ကျေးရွာအချို့တို့ရှိ စိုက် ခင်းများတွင် ၀င်ရောက်လုပ်ကိုင်ကြသော မြန်မာအလုပ်သမားတို့မှာ ဘာအခွင့်အရေးမျှ မရှိကြခြင်းဖြစ်သည်။ ဆိုလိုသည်မှာ ထိုင်းအလုပ်သမားဥပဒေဖြင့် ကူညီဖြေရှင်း၍မရနိုင်သော (အလုပ်ရှင်-အလုပ်သမား) ပြဿနာ အချို့သည် ဤအုန်းဖန်မြို့နယ်နှင့် ထဆောင်ယန်းမြို့နယ်ရှိ ကျေးရွာအချို့တွင် ရှိနေခြင်းဖြစ်သည်။
Posts
No comments:
Post a Comment