သာသနာဖျက်မင်းတွေနဲ့ ဒီပဲယင်းခုံရုံး

သာသနာဖျက်မင်းတွေနဲ့ ဒီပဲယင်းခုံရုံး
အယ်ဇီ
(www.allmymemo.blogspot.com မှ ...)

နေ့စဉ်ကြားရမြင်ရတဲ့ သတင်းပလင်းတွေကြောင့် မကျေမနပ်လိုက် ဒေါသတွေထွက်လိုက်နဲ့ ခုတလော တော် တော့်ကို မငြိမ်းမချမ်း ဖြစ်နေတယ်။

ငြိမ်းငြိမ်းချမ်းချမ်းဖြစ်အောင် တရားလေး ဘာလေး နာကြည့်မလား ဆိုတော့လည်း ဘုန်းဘုန်းတို့ ဟောတဲ့ တ ရားတွေဆိုတာက ဘုရားခေတ်ကကိုး။ သာသနာကွယ်တဲ့ အာဏာရှင်ခေတ်မှာ ဘုရားရဲ့တရားတော်တွေ တိုး မပေါက်ဘူး ဖြစ်နေတယ်။ သေခါနီးမှာ သောကတွေ တပွေ့တပိုက်နဲ့  အသောကမင်းရဲ့ နိဂုံးက ခေတ်သစ်သာ သနာဖျက်မင်းတွေနဲ့ နှိုင်းကြည့်လို့ သိပ်မဟန်ဘူး။

ဒါနဲ့ သာသနာကွယ်တယ်ဆိုတာ ဗုဒ္ဓဘုရားရဲ့ အဆုံးအမတွေ ကွယ်တာကိုဆိုပါတယ်။ သာသနာတည်တယ်ဆို တာကတော့ ဗုဒ္ဓရဲ့အဆုံးမတွေ တည်နေတာကို ဆိုလိုပါတယ်။ ဥပမာပြောရရင်တော့ ငါးပါးသီလထဲက တပါး ဖြစ်တဲ့ လိမ်မပြောရဘူးဆိုပါတော့။ ဘယ့်နဲ့လဲ။ သာသနာဖျက်မင်းတွေ လိမ်လိုက်ကြတာ ၁၉၆၀ ထဲကမဟုတ် လား။ တကယ်တမ်းပြောရရင် ကိုယ်တို့တိုင်းပြည်မှာ ဘာသာပေါင်းစုံ သာသနာကွယ်နေတယ် ဆိုရမလားပါပဲ။

ကိုယ်တို့တိုင်းပြည်က ဒီဘာသာပေါင်းစုံ သာသနာဖျက်မင်းရဲ့ နိဂုံးက ဘယ်လိုလဲ။ သူ့ရဲ့ကျဆုံးခန်းကို လူတွေ တွေ့ချင်မြင်ချင်လှပြီ။ အာဏာရူးတွေရဲ့ သွားရာလမ်းက တကယ်တော့ အတူတူပါပဲ။ ဆရာကြီး ဦးတင်မိုးက ဒီ လိုရေးဖွဲ့ခဲ့တယ်။

အာဏာရှင်တို့ သွားရာလမ်း
တင်မိုး
(ဒီဇင်ဘာ ၃၁ ၂၀၀၆)

ရက်စက်လှတဲ့ အာဏာရှင်
သူ့ကို ကြိုးစင်တင်
မြေပြင်ပေါ်က ပျောက်ကွယ်သွား
သူ့ခေတ် နေ၀င်ခဲ့ပြီတကား။

မတရားမှုကျူးလွန်တိုင်း
သွားလိမ့် သူ့သင်္ချိုင်း
လူတွေဝိုင်းလို့ တံတွေးထွေး
ပက်လက်မျောချေသေး။

ရှောင်ပြေးလို့လည်း မလွတ်သာ
အရိပ်မည်းကြီး လိုက်လို့လာ
ကြမ္မာနှောင်ကြိုး လည်ရစ်တင်း
စွပ်ပေါ့ သည်ကြိုးကွင်း
စောင့်နေပြီကော ရှင်သေမင်း။

မငြင်းနိုင်တဲ့ ကံကြမ္မာ
ဒူးတုပ်အမိန့်နာ
အာဏာရှင်တွေ သွားရာလမ်း
လိုက်ခဲ့ မငြင်းတမ်း ။ ။

(ဒီဇင်ဘာ ၃၀ ရက် အီရတ်အာဏာရှင် ဆက်ဒမ်ဟူစိန် ကြိုးပေးတဲ့နေ့ အမှတ်တရ ...)

ကဗျာထဲက အတိုင်းပဲ။ ကြိုးစင်ပေါ်က သူ့ကို လူအုပ်ကြီးက တံတွေးတွေ ထွေးကြ။ ငရဲကိုသွားလို့ အော်ဟစ် သြဘာပေးခဲ့ကြတယ်။ သတင်းဋ္ဌာနတွေကလည်း ကမ္ဘာတခွင် ပြဲပြဲစင် အားပေးကြတယ်။ တကယ့်ကို အသက် နဲ့ ကိုယ် အိုးစားကွဲတယ်ဆိုတာ သူမှအစစ်ပဲ။ ကြိုးကြီးက တုတ်လွန်လွန်းလို့ လည်ပင်းကနေ ပြတ်ထွက်တယ် ဆိုပဲ။ ရုပ်ပျက်ဆင်းပျက် သူ့ပုံက လဒစားပြီး ကျန်တဲ့သားကောင်လိုပဲ။ သူ့ကြောင့် သေခဲ့ရတဲ့ မိသားစုဝင်တွေ က လာကြည့်ကြတယ်။

သူ့မှာ မသေခင် ထောင်ထဲနေရ။ သားနှစ်ယောက်ဖြစ်တဲ့ အူဒေးတို့ ညီအကို ရုပ်ပျက်ဆင်းပျက် သေတာလည်း မြင်လိုက်ရသေးတယ်။ သူ သူများတွေကို ကြိုးပေးသတ်ခဲ့တဲ့ ကြိုးစင်မှာပဲ သူ့ကို ကြိုးပေးခဲ့တယ်။ နောက်ဆုံး နေ့က ကြိုးစင်ကိုမြင်တော့ ‘အို ... အလ္လာ’ လို့ တတယ်တဲ့။ ဒီအချိန်ရောက်မှတော့ အလ္လာရော၊ ယေရှုရော၊ ဗုဒ္ဓ ရော ကာလီမာသားကြီးတွေရော ဘယ်ကယ်နိုင်တော့မလဲ။ ဒီလိုဆိုတော့ ခေတ်သစ်အာဏာရှင်တွေ သွားရာ လမ်းက ပိုလို့တောင် ကြောက်စရာကောင်းမနေဘူးလား။

ခုနေ ကိုယ်တို့တိုင်းပြည်က သာသနာဖျက်မင်းတွေကို သတိထားပါလို့ မပြောချင်ပါဘူး။ သူတို့လုပ်ထားတာ သူ တို့ ပြန်ခံကိုးခံရမှာပဲ။ သာသနာဖျက်ထားတာကိုး။ ဘုရားဆုံးမစကားတွေ ပစ်ပယ်ထားတာကိုး။ လူသတ်၊ မု ဒိမ်းကျင့်၊ ခိုးဆိုးသောင်းကျန်းရုံမကဘူး ခုနေမှာ တိုင်းသူပြည်သားတွေရဲ့အားထားရာ ကမ္ဘာသူကမ္ဘာသားက လေးစားကြည်ညိုရတဲ့ ကိုယ်တို့ခေါင်းဆောင်ဒေါ်အောင်ဆန်းစုကြည်ကို ဖမ်းထားတယ်။ ဒီပဲယင်းမှာတုန်းက လည်း ငါတို့ခေါင်းဆောင်ကို လုပ်ကြံဖို့ လုပ်ခဲ့တယ်။ စစ်တပ်ကို ငါချစ်တယ်၊ တိုင်းပြည်ကို ငါပိုချစ်တယ်ဆိုတဲ့ ငါတို့တိုင်းပြည်ရဲ့ တရားဝင်ကာကွယ်ရေးဦးစီးချုပ် ဦးတင်ဦးကို သတ်ဖို့လုပ်တယ်။ ပြည်သူတွေဟာ အရေးအ ခင်းတိုင်းမှာ အသက်ပေးရတယ်။

တိုင်းပြည်ကောင်းရာကောင်းကျိုး တောင်းဆိုကြတဲ့ ငါတို့ကျောင်းသားတွေကို ဖမ်းထားတယ်။ သတ်တယ်။ ရိုက်တယ်။ နှိပ်စက်တယ်။ စစ်ဘီလူးတွေ အမျိုးမျိုး ညှင်းပန်းနှိပ်စက်လို့ ငါတို့ခေါင်းဆောင်တွေ၊ ကျောင်းသား တွေ၊ ပြည်သူတွေ၊ ဘုရားသားတွေ၊ ရဟန်းတွေ သွေးမြေကျရပေါင်းများပြီ။

ကိုယ်တို့ တိုင်းရင်းသားတွေကို အစုလိုက်အပြုံလိုက်သတ်တယ်။ ရွာတွေ၊ ကျောင်းတွေကို မီးရှို့တယ်။ တိုင်း ရင်းသူတွေကို မုဒိမ်းကျင့်တယ်။ ဒီလောက်ယုတ်မာတဲ့ အစိုးရ ကမ္ဘာမှာ ရှိမယ်မထင်ဘူး။ ခိုးဖို့ ဆိုးဖို့ လူသတ်ဖို့ မုဒိမ်းကျင့်ဖို့ လိုင်စင်ရထားတဲ့ မုဒိမ်းစစ်တပ်နဲ့ သူ့ခေါင်းဆောင်အာဏာရူးတွေဟာ ဆက်ဒမ်ရဲ့နောက် လိုက်ကို လိုက်ရမှာပဲ။

ဒီသာသနာဖျက် အာဏာရူးတွေအတွက် ဘာနိုင်ငံတကာခုံရုံးမှ မလိုဘူး။ နုရင်ဘတ်လို ခုံရုံး မြန်မာပြည် ဒီပဲ ယင်းမှာ ဖွင့်ပြီး ဒီပဲယင်းခုံရုံးကနေ ပြည်သူတွေကိုယ်တိုင် ခုံရုံးတင် တရားစီရင်ပြီး ဆက်ဒမ်နောက်ကို ပို့လိုက် မယ်။ အဲ့ဒီအချိန်မှာ တချင်တဲ့ ဘုရားတကြ။ ဘယ်ဘုရားမှ လှည့်ကြည့်မှာ မဟုတ်ဘူးဆိုတာပါပဲ။

အယ်ဇီ