နာဂစ်ဒုက္ခသည် ပြည်သူများအရေး သွေးမအေးကြစေလို …

လူ့အသက်ပေါင်း တသိန်းလေးသောင်းခန့်ကို ညတွင်းချင်း ဇီဝိန်ခြွေခဲ့ပြီး လူပေါင်း နှစ်သန်းခွဲခန့်ကို အိုးမဲ့အိမ်မဲ့ ဖြစ်စေခဲ့သည့် နာဂစ်ဆိုင်ကလုန်မုန်တိုင်းကြီး တိုက်ခတ်ရက်စက်ခဲ့သည်မှာ မေလ (၂) နေ့ကဆိုလျှင် တနှစ် တင်းတင်း ပြည့်မြောက်ခဲ့ပြီဖြစ်၏။ ပြည်တွင်းပြည်ပရှိ မြန်မာပြည်သူပြည်သား အများစုက နာဂစ်အိပ်မက်ဆိုး ကြီးမက်ခဲ့ရသည်ကို မနေ့တနေ့ကကဲ့သို့ပင် ထင်မှတ်နေကြဆဲပြီးဖြစ်ပြီး သေဆုံးခဲ့ရသူများအတွက် အပူလုံးကြွ ယူကျုံးမရဖြစ်ကာ အောက်မေ့လွမ်းဆွတ်မှုအခမ်းအနားများ၊ ၀တ်ပြုဆုတောင်းပွဲများ ကျင်းပပြုလုပ်၍ ကောင်း မှုကုသိုလ်ပြု အမျှအတန်းပေးဝေခဲ့ကြ၏။

သို့သော် ရှင်ဘုရင်ရူးရူးကာ အုပ်ချုပ်မင်းလုပ်နေသည့် နေပြည်တော်မှ ဗိုလ်သန်းရွှေနှင့် အပေါင်းအပါ စစ်အုပ်စု ၀င်များကား နာဂစ်တနှစ်ပြည့် အခါသမယတွင် သေဆုံးသူများအတွက် ၀မ်းနည်းကြေကွဲခြင်း၊ အောက်မေ့ဖွယ် အခမ်းအနားများ ကျင်းပပြုလုပ်ခြင်း၊ အသက်မသေဘဲ ကျန်ရစ်ခဲ့သည့် နာဂစ်ဒဏ်ခံ ဒုက္ခသည်ပြည်သူများထံ သို့ သွားရောက်၍ အားပေးစကားပြောကြားခြင်း အလျဉ်းမပြုကြဘဲ မြန်မာပြည်၌ နာဂစ်မုန်တိုင်း မတိုက်ခတ်ခဲ့ သယောင်ပင် ရေငုံနှုတ်ပိတ် ဆိတ်ဆိတ်နေနေကြသည်ကို အံ့အားသင့်ဖွယ်တွေ့ရှိရ၏။ လက်ဖျားခါလောက် အောင် လူစိတ်ကင်းမဲ့လှသည့် စစ်အုပ်စုဟုပင် ဆိုရချေတော့မည်။

စစ်အုပ်စုပိုင် ရေဒီယို၊ ရုပ်မြင်သံကြား၊ သတင်းစာများတွင် နာဂစ်နှစ်ပတ်လည်အတွက် တစိုးတစိမျှ အသား ပေးဖော်ပြခြင်းမျိုး မတွေ့ရသည့်အပြင် နာဂစ်တနှစ်ပြည့် နှစ်ပတ်လည်အထိမ်းအမှတ်နှင့် ပတ်သက်၍ သတိ တရ ရေးသားဖော်ပြကြသည့် ပုဂ္ဂလိကစာနယ်ဇင်းများကိုလည်း စစ်အုပ်စု၏ လက်ကိုင်တုတ် စာပေစိစစ်ရေး ဋ္ဌာမှ တားဆီးပိတ်ပင်မှုများ ပြုလုပ်ခဲ့သည်ဟု သိရ၏။ နှစ်ပတ်လည်ခဲ့သော်ငြား အခက်အခဲ၊ အကျပ်အတည်း များနှင့် ရင်ဆိုင်ကြုံတွေ့နေရဆဲဖြစ်သည့် နာဂစ်ဒုက္ခသည်များ၏ အခြေအနေမှန်များကို စစ်အုပ်စုမှ သတင်းအ မှောင်ချပြီး ဖုံးကွယ်ထားမြဲဖြစ်၏။

စစ်အုပ်စုအနေနှင့် နာဂစ်ဆိုသည့် ဘေးဒုက္ခဆိုးကြီးမှ လွန်မြောက်ခဲ့ပြီး ဒုက္ခကင်းစင်သည့် မြန်မာပြည်ကြီးဖြစ် နေသယောင် မိမိ၏ပြည်သူနှင့် ကမ္ဘာသို့ လိမ်လည်လှည့်ဖျားလို၍ ထိုသို့ ဆိတ်ဆိတ်နေခြင်းပေလော သို့တည်း မဟုတ် သေဆုံးခဲ့ရသူများနှင့် ဒုက္ခသည်ပြည်သူများအား လူသားစင်စစ်ဧကန်ဖြစ်သည်ဟု သဘောမထား၍ မျက်ကွယ်ပြု လျစ်လျူရှုနေခြင်းပေလောဟု တွေးတောမိပေ၏။

စစ်အုပ်စုက အသံတိတ် နှုတ်ဆိတ်နေသော်လည်း ကုလသမဂ္ဂလက်အောက်ခံ အဖွဲ့အစည်းများ၊ နိုင်ငံတကာ နှင့် ပြည်တွင်းအန်ဂျီအိုအဖွဲ့များ၏ နာဂစ်နှင့် ပတ်သက်သည့် ပြောကြားချက်များကို ပြည်ပသတင်းမီဒီယာများ က ထုတ်လွှင့်တင်ဆက်ပေးမှုကြောင့် ဒုက္ခသည်များ၏ အခြေအနေမှန်များအား ကြားသိနေရ၏။ ဒုက္ခသည် ပြည်သူတို့၏ အခက်အခဲ အကျပ်အတည်းများအတွက် ရတက်မအေး ဖြစ်ကြရ၏။

နာဂစ်ဒဏ်ခံခဲ့ရသည်မှာ တနှစ်ပြည့်မြောက်ခဲ့ပြီဖြစ်သော်လည်း ယခုအချိန်အထိ အကူအညီများ လိုအပ်နေဆဲ ဖြစ်ကြောင်း ကုလသမဂ္ဂမှ သတိပေးနှိုးဆော်နေရ၏။ ဒုက္ခသည် ၅ သိန်းအတွက် လူနေအိမ်ခြေများ အမြန် ဆောက်လုပ်ပေးဖို့ လိုအပ်နေကြောင်း Inter-Agency Standing Committee (IASC) အဖွဲ့ကြီးက အသိ ပေးပြောကြားနေရ၏။ နာဂစ်မုန်တိုင်းဒဏ်ကြောင့် အခြေခံပညာကျောင်း ၄၀၀၀ ကျော် ပျက်စီးခဲ့သော်လည်း ၁၄၀၀ ကျော်သာ ပြုပြင်ရသေးပြီး ဧရာဝတီတိုင်းအတွင်း ပျက်စီးကုန်သည့် စေတီ ၄၀၀ ကျော်၊ ဘုန်းကြီး ကျောင်း ၂၀၀၀ ကျော် မှာလည်း အနည်းအကျဉ်းသာ ပြုပြင်ရသေးသည်ဟု နာဂစ်အလွန် အစီရင်ခံစာများအရ သိရ၏။

မုန်တိုင်းသင့် ဒုက္ခသည်များအနေနှင့် သောက်သုံးရေသန့် ရှားပါးမှု၊ စားနပ်ရိက္ခာအထောက်အပံ့များ လိုအပ်မှု၊ အိုးမဲ့အိမ်မဲ့ဖြစ်မှု၊ ဒုက္ခသည်များ၏ စိတ်ပိုင်းဆိုင်ရာနှင့် စီးပွားရေးအခြေအနေများ ပြန်လည်နလန်ထူလာခြင်း မ ရှိသေးမှု၊ နာဂစ်မုန်တိုင်းကြောင့် ဆားငန်ရေ၀င်ကုန်သည့် လယ်မြေများတွင် စိုက်ပျိုးသော စပါးနှင့် ကောက်ပဲ သီးနှံများ အောင်မြင်ဖြစ်ထွန်းမှုမရှိဘဲ ပျက်စီးဆုံးရှုံးမှု၊ စိုက်ပျိုးရေးဆိုင်ရာ အထောက်အကူပြုပစ္စည်များ မလုံ လောက်မှု၊ မုန်တိုင်းသင့်ဒေသမှ လယ်သမားများ လယ်ယာမြေဆုံးရှုံးပြီး ကြွေးမြီတင်ရှိမှု၊ ဝင်ငွေရသည့် အ လုပ်အကိုင်များ ရှားပါးနေမှု၊ ကျန်းမာရေးစောင့်ရှောက်မှုများ အကြီးအကျယ် လိုအပ်နေမှု … စသည့် လိုအပ် ချက်ပေါင်းများစွာကို တူညီစွာ အစီရင်ခံဖော်ပြကြ၏။ အလျင်အမြန် ဖြည့်ဆည်းဆောင်ရွက်ပေးဖို့လိုကြောင်း သတိပေးနှိုးဆော်နေကြ၏။

ထိုသို့သောအခြေအနေတွင် စစ်အုပ်စုက သူတို့လက်ဝါးကြီးအုပ်ထားသည့် မီဒီယာများ၌ မမှန်သတင်းများ၊ အ လိမ်အညာ သတင်းဆောင်းပါးများ ထုတ်လွှင့်ရေးသား၍ တိုင်းပြည်ကြီး တည်ငြိမ်အေးချမ်းနေသယောင် အပူ ရုပ်ကို ဟန်လုပ်ကာ မယောင်ရာဆီလူးနေကြ၏။ နာဂစ်မုန်တိုင်း တိုက်ခတ်ခြင်းခံရ၍ ပြည်သူများ အပူမီးကြွနေ ချိန်တွင် ၂၀၀၈ ညောင်နှစ်ပင်ဖွဲ့စည်းပုံကို လိမ်လည်အတည်ပြုခဲ့သလို ယခုအခါ၌လည်း စစ်အာဏာရှင် ယန္တ ရားကြီး တရားဝင်တည်တံ့နိုင်ရေးအတွက် ကျင်းပပြုလုပ်မည့် ၂၀၁၀ ရွေးကောက်ပွဲ ဖြစ်မြောက်ရေးကိုသာ ဉာဏ်နီဉာဏ်နက် အမျိုးမျိုးထုတ် လုပ်ဆောင်နေသည်ကို တွေ့ရ၏။

စစ်အုပ်စု၏ အိတ်ကပ်ထဲသို့ နှစ်စဉ်သဘာဓာတ်ငွေ့ရောင်းချရမှုမှ ရရှိငွေနှင့် မူးယစ်ဆေးဝါးရောင်းဝယ်ဖောက် ကားမှုမှ ဆက်ကြေးကောက်ခံရရှိငွေ ဒေါ်လာသန်းထောင်ပေါင်းများစွာ ရောက်ရှိနေသော်လည်း ဒုက္ခသည် ပြည်သူများအတွက် တပြားတချပ်မှ အသုံးမပြုသည့်အပြင် နာဂစ်မုန်တိုင်းတိုက်ခတ်ပြီးကာစက ဒုက္ခသည်များ အတွက်ပေးလှူသော အကူအညီများကို စစ်အုပ်စု၏ အကျိုးစီးပွားအတွက် ခုတုံးလုပ်အမြတ်ထုတ်သည့် သာဓ ကများရှိခဲ့မှုကြောင့် အလှူရှင်များက မယုံသင်္ကာဖြစ်ကာ အကူအညီဆက်ပေးဖို့ လက်တွန့်နေကြ၏။ ထို့အပြင် နိုင်ငံတကာအကူအညီများ ပိုမိုရရှိအောင် လမ်းဖွင့်မပေးဘဲ စည်းကမ်းသတ်မှတ်ချက် အမျိုးမျိုးထုတ်ပြန်ကာ အကူအညီပေးချင်သူများ စိတ်ပျက်အောင် တားဆီးပိတ်ဆို့နေမှုများကြောင့်လည်း ဒုက္ခသည်များအနေနှင့် အ ကူအညီများ ရသင့်သလောက် မရဘဲဖြစ်နေကြရ၏။

ထိုသို့ရက်စက်ယုတ်မာပြီး လူသားစိတ်ကင်းမဲ့လှသော စစ်အုပ်စုနှင့် အကူအညီပေးလိုသူ နိုင်ငံတကာမိသားစု ၀င်များအကြား နာဂစ်ဒဏ်ခံပြည်သူများ အကူအညီပိုမိုရရှိလာအောင် ဆောင်ရွက်ရာတွင် ကုလသမဂ္ဂ လက် အောက်ခံ အဖွဲ့အစည်းများ၊ နိုင်ငံတကာနှင့် ပြည်တွင်းအန်ဂျီအိုများ၏ အခန်းကဏ္ဍအပြင် ပြည်တွင်းပြည်ပရှိ မြန်မာပြည်သူပြည်သားများ၏ တနိုင်တပိုင် ကူညီဆောင်ရွက်ပေးမှုများကလည်း အရေးကြီးသည့် အခန်းကဏ္ဍ မှပါဝင်နေသည်ဟု ယုံကြည်မိပါ၏။ သို့ဖြစ်ပါ၍ ပြည်တွင်းပြည်ပနေ မြန်မာပြည်သူပြည်သားများအနေနှင့် ဖြစ် တုန်းခဏသာ ကူညီဆောင်ရွက်လိုသည့် ကောက်ရိုးမီးစိတ်ဓာတ်မျိုးနှင့်မဟုတ်ဘဲ မိမိတို့၏ ညီရင်းအစ်ကို မောင်ရင်းနှမ ဒုက္ခသည်များ၏ဘ၀ ပြန်လည်နလန်ထူမတ်လာသည်အထိ အရှည်သဖြင့် ကူညီဆောင်ရွက်နိုင် ရေး ၀ိုင်းဝန်းကြိုးစားပေးကြပါရန် တိုက်တွန်းနှိုးဆော်လိုက်ရပါကြောင်း ...။ ။

လေးစားစွာဖြင့် ...
ဒေါက်တာလွဏ်းဆွေ