တပ်ချုပ်ကြီးအား ခြောက်လှန့်နေသော မေလပုံရိပ်များ

တပ်ချုပ်ကြီးအား ခြောက်လှန့်နေသော မေလပုံရိပ်များ
မင်းလွင် (ရှမ်းပြည်)

၂ဝဝ၈ ခုနှစ၊် မေလ (၁) ရက်၊ နံနက် (၁ဝ) နာရီ

ဦးထွန်းလွင်၏ မျက်နှာမှာ စိုးရိမ်စိတ်ကြောင့် အနည်းငယ်နီမြန်းနေသည်။ နောက် (၁ဝ) နာရီဆိုလျှင် ဧရာဝတီ တိုင်း၏ ကံကြမ္မာမှာ မည်သို့ဖြစ်မည်ကို မတွေးရဲလောက်အောင် ပူပန်နေပေမယ့် စိတ်ကိုရှည်ရှည်ထားပြီး တပ် ချုပ်ကြီး ထွက်အလာကို စောင့်မျှော်နေရသည်။

ဒုတိယတပ်ချုပ်ကြီးကို အကြောင်းစုံ ဆွေးနွေးတင်ပြသော်လည်း ဆုံးဖြတ်ချက်မပေးနိုင်ဘဲ ပေါ့ပျက်ပျက်နိုင်လှ သော စကားကြောင့် စိတ်မကောင်းဖြစ်ခဲ့ရသည်။ လူပေါင်းသန်းနှင့်ချီသော ကြမ္မာဆိုးကို ဂရုမစိုက်ဘဲ မကြာမီ ကျင်းပတော့မည့် လူထုဆန္ဒခံယူပွဲတွင် မသမာသောနည်းဖြင့် အနိုင်ရရှိရေးကိုသာ အာရုံရောက်နေသည်။ ခုပဲ ကြည့်လေ နေ့လည်ကြောင်တောင်ကြီးမှာတောင် စကားပြောလိုက်တိုင်း အနံ့ဆိုးအရက်နံ့က ထွက်နေသည်။ မသင်္ကာသော မျက်နှာဖြင့်လည်း မေးခွန်းထုတ်လိုက်သေးသည်။

“သေချာရဲ့လား မုန်တိုင်းသတင်းက။ ဒီအချိန်မှာ ပြည်သူလူထုတွေကို စိတ်မခြောက်ခြားစေချင်ဘူး။ ခုလုပ် မယ့် ဆန္ဒခံယူပွဲဟာ ဒို့တပ်မတော်အတွက် အရေးပါဆုံးအချိန်ပဲကွ။ ခင်ဗျားတင်ပြတဲ့ အရေးပေါ်အခြေအနေ ထုတ်ပြန်ဖို့ဆိုတာဟာ တပ်ချုပ်ကြီးနဲ့ပဲဆိုင်တယ်။ သူ့ကို သွားဆွေးနွေးတင်ပြလိုက်ပါ”

မိုးလေဝသနှင့်ဇလဗေဒ ညွှန်ကြားရေးမှူး ဦးထွန်းလွင်တယောက် လေးလံသောခြေလှမ်းများဖြင့် ဒုတပ်ချုပ်မှူး ကြီး မောင်အေးအိမ်မှ ထွက်လာပြီး တပ်ချုပ်ကြီး အိမ်ဘက်သို့ ခြေဦးလှည့်လိုက်သည်။ အိမ်တအိမ်နှင့် တအိမ် အကွာအဝေးမှာ တမိုင်ကျော်ကွာဝေးနေပြီး နေအိမ်နှစ်လုံးကြားတွင်လည်း စစ်ဆေးရေးဂိတ်သုံးခုကို ဖြတ် ကျော်ခဲ့ရသည်။ နောက်ဆုံးဂိတ်အရောက်တွင်လည်း ငါးမိနစ်ခန့် ကားကို ရပ်တန့်ပေးရပြီး လာရင်းကိစ္စ၊ အ ဆင့်ရာထူးများကိုပါ မေးမြန်းစစ်ဆေးခြင်းခံနေရသည်။

ကွန်မန်ဒိုတပ်ခွဲငါးခွဲဖြင့် ခြံရံထားသော တပ်ချုပ်ကြီးအိမ်ရောက်တော့ ဧည့်ဆောင်၌ တပ်ချုပ်ကြီးထွက်အလာ ကို စောင့်မျှော်နေရသည်။ တနာရီတိတိကြာသည်ထိ တပ်ချုပ်ကြီး ထွက်ပေါ်မလာခဲ့ပေ။ ဘုရားဝတ်ပြုခန်းတွင် ရှိနေခြင်းမဟုတ်ဘဲ မည်သူမျှ အကြောင်းကြားပိုင်ခွင့်မရှိသော ကိုယ်ပိုင်သီးသန့်ခန်းတွင် အနားယူနေကြောင်း သိရှိရ၍ လက်မြှောက်အရှုံးပေးကာ နောက်ကြောင်းပြန်လှည့်ခဲ့ရသည်။ မိမိအနေဖြင့်အသိပေးတင်ပြခြင်းကို တရားဝင်ဖြစ်အောင်တော့ လုပ်ရမည်ဟူသောစိတ်ဖြင့် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ ဥက္ကဌရုံးသို့ နောက်ဆုံးဝင်ရောက် အကြောင်းကြားရာ တပ်မှူးကြီးရွှေမန်း၊ တပ်မှူးကြီးမြင့်ဆွေတို့ကိုတွေ့ရ၍ အားတက်မိသွားသည်။

တပ်ချုပ်ကြီးကို တင်ပြခွင့်မရခဲ့ပေမယ့် မပြေးသော်လည်း ကန်ရာရှိဆိုသလို တပ်မှူးနှစ်ဦးအား အစီရင်ခံတင်ပြ ရာတွင် အိန္ဒိယမိုးလေဝသသတင်းဌာန၏ အရေးပေါ်သတိပေးချက်အရ ဘင်္ဂလားပင်လယ်အော်တွင် အစပျိုး ဖြစ်ပေါ်နေသော မုန်တိုင်းသည် အားကောင်းလာပြီး အရှေ့မြောက်ဘက်သို့ရွေ့ရှားနေကြောင်း၊ လေတိုက်နှုန်း မိုင် ၈ဝ မှ ၁ဝဝ ကြားတွင်ရှိပြီး လှိုင်းကြီးရုံတင်မက ဒီရေပါ ကုန်းတွင်းပိုင်းသို့ ဝင်ရောက်လွှမ်းနိုင်ကြောင်း၊ အ ထူးသဖြင့် ဧရာဝတီ မြစ်ဝကျွန်းပေါ်ဒေသအဖို့ အရေးပေါ်ကြေညာချက်ထုတ်ပြီး ပြင်ဆင်ထားနိုင်လျှင် ၁ဝ နာရီ ခန့် အချိန်မီသေးကြောင်း၊ ဧရာဝတီရေတပ်စခန်းဌာနချုပ် (ဧရခ) မှလည်း မုန်တိုင်းတိုက်ခတ်မည့် လက္ခဏာ များရှိနေ၍ မိုးလေဝသဌာနသို့ တနာရီတကြိမ် ပုံမှန်သတင်းပေးပို့နေကြောင်းတို့ကို တပ်မှူးကြီးနှစ်ဦးအား ရှင်း လင်းတင်ပြပြီး အရေးပေါ်ကြေညာချက် ထုတ်ပြန်နိုင်ဖို့အတွက် တပ်ချုပ်ကြီးကို ထပ်ဆင့်အကြောင်းကြားရန် စစ်ကူတောင်းခံခဲ့သည်။

မေလ (၂) ရက်နေ့

မြန်မာ့သဘာဝဘေးဆိုးများတွင် အဆိုးဆုံးသော မုန်တိုင်းဒဏ်ကို ဧရာဝတီမြစ်ဝကျွန်းပေါ်ဒေသတွင် ခံစား လိုက်ရသည်။ မုန်တိုင်းသတင်းများကို ပြည်ပအသံလွှင့်ဌာနများတွင် အကျယ်တဝင့် ကြိုတင်ကြေညာထား သော်လည်း မိမိတို့မိုးလေဝသဌာနမှ အမှန်အတိုင်း ထုတ်ပြန်ချင်သော်ငြားလည်း နေပြည်တော်မှ ပိတ်ဆို့မှုများ ကြောင့် သိက္ခာကျဆင်းခဲ့ရသည်။ မိုးလေဝသဌာနသုံး ရဟတ်ယာဉ်တစီးကတော့ မင်္ဂလာဒုံကွင်းထဲတွင် အ ထီးကျန်စွာဖြင့် ရပ်တန့်နေရှာသည်။ အခြားသောလေယာဉ်များ အထူးသဖြင့် တပ်ချုပ်ကြီးနှင့် စီးပွားရေးသာမ က လူမှုရေးများတွင်ပါ ပါဝင်ပတ်သက်နေသူ မောင်တေဇပိုင် လေယာဉ်များမှာ ထူးထူးခြားခြား မတွေ့ရပေ။

နောက်မှသိရှိရသည်မှာ မိမိနေပြည်တော်မှအပြန် ညနေခင်းကတည်းက မန္တလေးသို့ ပြောင်းရွှေ့သွားမှန်းသိခဲ့ ရသည်။ အရေးပေါ်ကြေညာချက် ကြိုတင်ထုတ်ပြန်ဖို့ သွားရောက်စောင့်ဆိုင်းနေစဉ် လုံးဝထွက်အတွေ့မခံဘဲ လေယာဉ်များရွေ့ပြောင်းရေးအတွက်ကိုတော့ တပ်ချုပ်ကြီးအမိန့်ပေးခဲ့သည်မှာ ယုတ္တိလုံးဝမရှိချေ။ မုန်တိုင်းစ တင်တိုက်ခတ်ကတည်းက မိမိဌာနနှင့် ဧရာဝတီရေတပ်စခန်းဌာနချုပ်မှာ အဆက်အသွယ် လုံးဝမပြတ်ခဲ့ချေ။

ရေတပ်ဦးစီးချုပ် ဒု-ဗိုလ်ချုပ်ကြီးစိုးသိန်းကိုယ်တိုင် ဆက်သွယ်ရေးစက်မှတိုက်ရိုက် မိမိနှင့်အဆက်အသွယ်ရ နေပြီး မုန်တိုင်းအခြေအနေကို တနာရီတကြိမ် ပေးပို့နေသောကြောင့် နေပြည်တော်ကိုလည်း ထပ်မံအစီရင်ခံ နေရသည်။ ဗိုလ်ချုပ်စိုးသိန်းမှာ ဗိုလ်ကြီးအဆင့်ဖြင့် ဥရောပတွင် ရေတပ်ဆိုင်ရာ စစ်ပညာကို လေ့လာသင်ယူ နေစဉ် မိမိနှင့် သိကျွမ်းခဲ့ရသည်။ ထိုစဉ်ကမိမိမှာလည်း မိုးလေဝသဆိုင်ရာလေ့လာဆည်းပူးဖို့ရန် နိုင်ငံတော်စ ရိတ်ဖြင့် ဥရောပတခွင် ရောက်ရှိနေချိန်ဖြစ်သည်။

“ခင်ဗျားဌာနနဲ့ ကျနော့်တို့ရေတပ်က လင်မယားလိုပဲနော်၊ နောက်များလည်း မကြာမကြာ တွေ့ကြရဦးမယ်။” သတ္တုသံပါသောအသံ၊ နှုတ်ဆက်ဖော်ရွေခြင်းနှင့် ခန့်ညားသော ဥပဓိရုပ်ပိုင်ရှင် ဗိုလ်ကြီးစိုးသိန်းကို မိမိဥရောပ တွင် စတင်ခင်မင်ခဲ့ရသည်။ အထူးသဖြင့် မိမိကြည့်မရသော စစ်သားများထဲတွင် ထူးထူးခြားခြား ဗိုလ်ကြီးစိုး သိန်းမှာ ခင်မင်စရာကောင်းနေသည်။

ဗိုလ်ကြီးစိုးသိန်းမှာ ယခုတော့ ကာကွယ်ရေးဦးစီးချုပ်(ရေ) ရာထူးကြီးရနေသလို မိမိမှာလည်း မိုးလေဝသနှင့် ဇလဗေဒ ညွှန်ကြားရေးမှူးတာဝန်ကို ထမ်းဆောင်နေရသည်။ အမြဲတမ်းလိုလို တာဝန်အရဆက်ဆံနေရပြီး ယ ခုမုန်တိုင်းကာလတွင် တိုက်ရိုက်ဆက်သွယ်စကားပြောနေရသည်။ အရေးပေါ်အခြေအနေထုတ်ပြန်ဖို့ တပ်ချုပ် ကြီးကို သွားလျှောက်ဖို့လည်း ဗိုလ်စိုးသိန်းက အကြံဉာဏ်ပေးခဲ့ရှာသည်။ သို့သော် မျှော်မှန်းသလို တပ်ချုပ်ကြီး က ထွက်မတွေ့သောကြောင့် မုန်တိုင်းကို အန်တုစောင့်ကြည့်နေရုံသာရှိကြောင်း နှစ်ဦးသားတိုင်ပင်ကြသည်။

မုန်တိုင်းလွန်သော် ...

“ကျနော့် (ပ-တ-ခ) ရေတပ်တော့ပျက်ပြီ။ ... စာရင်းချုပ်အရ စစ်သင်္ဘောကြီးငယ် (၃၆) စီး မြုပ်သွားတယ်။ ကို စိုးဝင်း (ဝန်ကြီးချုပ်ဟောင်း) တရုတ်သွားတုန်းက ဟိုက မီးရထားတွဲ (၁၅ဝ) ကျော် လက်ဆောင်ပေးလိုက် တယ်။ ကျနော့်ကိုတော့ ရေယာဉ်ကြီး (၄) စီး ပေးတယ်။ နှစ်စီးကတော့ ကိုကိုးကျွန်းမှာ ကပ်ထားလို့ မုန်တိုင်း ဒဏ်က လွတ်သွားတယ်။ ဟိုင်းကြီးကျွန်းက နှစ်စီးကတော့ နစ်တဲ့ထဲပါသွားပြီ။ ပြည်သူကို ကယ်ဖို့မဆိုထားနဲ့ ကိုယ့်ဟာကိုယ်တောင် မဆယ်နိုင်ဘူးဗျာ။”

ဗိုလ်စိုးသိန်းမျက်နှာမှာ နှမြောစိတ်ကြောင့် မကောင်းလှပေ။ မိမိမှာလည်း နေပြည်တော်သို့ အမြန်ဆုံးလာဖို့ ဆင့်ဆိုထားသောကြောင့် လာမယ့်ဘေး ပြေးတွေ့ရဦးမည်။ မသွားခင် ကိုယ့်ဘက်မှမှားယွင်းမှုမရှိအောင် ပြင် ဆင်ထားဖို့လည်း သူငယ်ချင်း ဗိုလ်စိုးသိန်းက သတိပေးရှာသည်။

တပ်ချုပ်ကြီး၏ ဟန်ဆောင်ပူပန်ခြင်း

“ဒီလောက်ထိကြီးဖြစ်လိမ့်မယ်လို့ လုံးဝ ကျနော်မမျှော်လင့်ဘူးဗျာ။ အဓိက မိုးလေဝသဌာနမှာ တာဝန်အရှိဆုံး ပါ။ ညွှန်မှူးထွန်းလွင်ကို တာဝန်ရှိသလိုသာ ဆက်လုပ်လိုက်ပါ။ လောလောဆယ် နာဂစ်ဒေသကို သိန်းစိန်နဲ့ လွှတ်ထားလိုက်ပါ။”

အချိန်မီ သတိပေးပျက်ကွက်မှုကြောင့် ညွှန်မှူးထွန်းလွင်ကိုဖြုတ်ရန် တပ်မှူးကြီး သူရရွှေမန်းနှင့် တွဲဖက်တပ် မှူး မြင့်ဆွေတို့ကို မှာကြားပြီး တပ်ချုပ်ကြီးတယောက် ဥက္ကဌရုံးမှ ထွက်ခွာသွားသည်။ ကျန်ရစ်ခဲ့သော တပ်မှူး နှစ်ဦး တယောက်မျက်နှာ တယောက်ကြည့်ကာ ခေါင်းကိုက်ခဲသွားလေတော့သည်။ တကယ်တော့ ညွှန်မှူး ထွန်းလွင် ကြိုတင်၍ အစီရင်ခံခဲ့သည်။ မိမိတို့ကိုလည်း သေချာရှင်းလင်းတင်ပြခဲ့ပါသည်။ ထွက်မတွေ့ဘဲ အ ခန်းအောင်းနေသူက တပ်ချုပ်ကြီးဖြစ်ကြောင်း သဘောပေါက်သည်။ မည်သူ့တွင် တာဝန်ရှိသည်ကို မေးနေစ ရာမလိုပါ။ တပ်မှူးနှစ်ဦးစလုံး တစုံတခုကို ဆုံးဖြတ်ချက်ချလိုက်သည်။

မတည်မြဲသော ရာထူးသင်္ခါရ

မိုးလေဝသနှင့် ဇလဗေဒညွှန်ကြားရေးမှူးရာထူးကို ဦးထွန်းလွင်တယောက် မဆုံးရှုံးခဲ့ပါ။ သူငယ်ချင်းဖြစ်သူ ရေ တပ်ချုပ်ကြီးမှာ ရာထူးနှစ်ဆင့်ကျကာ စက်မှု (၂) ဝန်ကြီးရာထူးသို့ လျှောကျသွားသည်။ အံ့သြစိတ်ကြောင့် လည်း သူငယ်ချင်း၏ ရင်ဖွင့်သံကို မျှဝေခံစားပေးနေရသည်။

“ပထမတော့ ကျနော်လည်း သူတို့စစ်သဘောင်္တွေ ရောက်လာလို့ စိတ်နည်းနည်းတိုသွားတယ်။ နောက်မှ သူ တို့ဘက်က ရှင်းပြတယ်။ ထိုင်းနဲ့လုပ်မယ့် (Cobra) စစ်ရေးလေ့ကျင့်တာကို ရွေ့ဆိုင်းလိုက်ပြီး နာဂစ်အတွက် လာတာတဲ့။ ရေယာဉ်ပေါ်မှာ လက်နက်မပါဘဲ ကယ်ဆယ်ရေးပစ္စည်း တင်ဆောင်လာတယ်ဆိုတာကို တက်ပြီး စစ်ဆေးဖို့လည်း ဖိတ်တယ်လေ။ ခင်ဗျားပဲစဉ်းစားကြည့်ပါဗျာ။ ခုနေချိန်မျိုးမှာ ကိုယ်က ပြည်သူတွေကို ကယ်ဖို့ နေနေသာသာ ကိုယ့်ဟာကိုယ်တောင် မကယ်နိုင်ဘဲ ဒုက္ခဖြစ်နေတာပဲလေ။ အကူအညီမှန်သမျှ များများနဲ့ မြန် မြန် လက်ခံရမှာပဲဗျ။ ကျနော်တင်မကဘူး။ ရေတပ်စခန်းတခုလုံးက သူတို့သင်္ဘောတွေလာကပ်တာကို ဝမ်းသာ နေကြတယ်။”

ရေတပ်ချုပ်ကြီး၏ စိတ်ဓာတ်ကို ချီးကျူးလေးစားမိသည်။ အနောက်တိုင်းတခွင် ပညာသင်ခဲ့ဖူးတာကြောင့် ခေတ်မီစိတ်ထားနှင့် ပကတိအခြေအနေတွင်လည်း အမှန်ဘက်တွင် ရပ်တည်ခြင်းဖြစ်သည်။ သို့သော် ဆန့် ကျင်ဘက် စိတ်ထားရှင် နေပြည်တော်တပ်ချုပ်ကြီးက ရေတပ်ချုပ်ကြီးသည် အမေရိကန်စစ်သဘောင်္များကို ဆိုက်ကပ်ခွင့်ပေးခြင်း၊ စစ်သဘောင်္များနှင့် နေ့စဉ်ဆက်သွယ်စကားပြောခြင်း၊ အမေရိကန်ရေတပ်ဦးစီးချုပ်အား မင်္ဂလာဒုံလေယာဉ်ကွင်းတွင် ကြိုဆိုစဉ်က မိမိအား လူစိတ်မရှိသယောင်ပုံစံမျိုး ပြောဆိုသွားခြင်း စသော ပြစ် ချက်များသတ်မှတ်ကာ ကာကွယ်ရေးဦးစီးချုပ်(ရေ)ရာထူးမှ ထုတ်ပယ်ခဲ့သည်။ မတတ်နိုင်လွန်း၍ ကျန်ရေတပ် ကေဒါများ ပူညံပူညံလုပ်မည်စိုး၍ စက်မှု (၂) ဝန်ကြီးရာထူးပေးကာ ချွေးသိပ်ခဲ့သည်။

အတိတ်ပုံရိပ် အိပ်မက်ခြင်း

စံအိမ်တော်ဘေးတွင် စိုက်ထားသောထင်းရှူးပင်မှာ သဘာဝအတိုင်း စိုက်ပျိုးထားခြင်းမဟုတ်ဘဲ အပင်ကြီးကို ကရိန်းဖြင့်ဆွဲနှုတ်ကာ ကျင်းတူး၍ စိုက်ပျိုးထားခြင်းကြောင့် အရွက်များမှာ အချိန်တိုအတွင်း ခြောက်သွေ့နေ သည်။ လေတိုက်လိုက်တိုင်း သစ်ရွက်ခြောက်မြည်သံကြောင့် တပ်ချုပ်ကြီး၏စိတ်ကို ခြောက်ခြားစေသလိုဖြစ် နေသည်။ ယခုလည်း စံအိမ်တော်မှာ ကိုးကွယ်ပူဇော်နေသော သထုံမြို့မှ အလံတရာဆရာတော် ရောက်ရှိနေ သည်။ ယခင်ရွှေဝါရောင်လူသတ်ပွဲအပြီးတွင်လည်း စိတ်ခြောက်ခြားနေ၍ ဆရာတော်ကိုပင့်ဖိတ်၍ တရားရေ အေးတိုက်ကျွေးခိုင်းဖူးသည်။

ခုတော့ သက်သာမည်မထင်ပါ။ တသက်လုံးဖုံးခဲ့သမျှသည် ဘူးပေါ်သလိုပေါ်နေပြီ။ မိမိ၏ သမီးတော်လေး ကိုယ်ဝန်နှင့် မင်္ဂလာဆောင်စဉ်က ဗီဒီယိုခွေမှာ လက်ကျန်ထောက်လှမ်းရေးများ လက်ဆော့လိုက်သဖြင့် ကမ္ဘာ ပျံ့သွားခဲ့သည်။ တိုက်တိုက်ဆိုင်ဆိုင် ခေါင်းကိုက်နေချိန်တွင် လူဆိုးကြီး ဆက်ဒမ်ဟူစိန်ကို ကြိုးပေးသတ်လိုက် တော့ နှလုံးရောဂါပါဖြစ်ပြီး စကာင်္ပူဆေးရုံသို့ လစ်ရတော့သည်။ စင်္ကာပူဆေးတန်ခိုးကြောင့် ရောဂါသက်သာခဲ့ ပေမယ့် ယခုအချိန်မှာ နာဂစ်အကျိုးဆက်ကြောင့် မိမိအပေါ် တကမ္ဘာလုံး အော့နှလုံးနာဖြစ်နေသည့်ရောဂါကို ဘယ်ဆေးဝါးမျိုးနှင့်မျှ သက်သာအောင် ကုနိုင်မည်မထင်ပါ။

အခံရအခက်ဆုံးမှာ မိမိမွေးထားသော တပ်မှူးနှစ်ဦးက မိမိအမိန့်ကို အာခံကာ ညွှန်မှူးထွန်းလွင်ကို ဖြုတ်ချ ခြင်းမပြုဘဲ ထွန်းလွင်အစီရင်ခံစာကို ကဗျည်းထိုးမှတ်တမ်းတင်ထားသည်။ ရေခြားမြေခြားရောက်နေသော ထောက်လှမ်းရေးအောင်လင်းထွဋ်ကလည်း ဖုံးကွယ်ထားခဲ့သော လူသတ်ပွဲကို အစပျိုးဖော်ထုတ်နေလေပြီ။ တ ခြားသူတဦးတယောက်ဆို တော်ပါသေးသည်။ ခုတော့ တရားခံပြသက်သေအဖြစ် ကမ္ဘာကိုကြေညာနေပြီ။

ဂြိုလ်မွှေသည့် မေလ

ဒီလဒီကာလရောက်လေတိုင်း စိတ်သောကရောက်ရစမြဲဖြစ်သည်။ ၁၉၉ဝ ပြည့်နှစ်ကတည်းက မိမိတို့ကို အလဲ ထိုးအနိုင်ယူခဲ့သော ရွေးကောက်ပွဲအောင်ပွဲက ခုထိခြောက်လှန့်နေသည်။ မိမိ၏လက်စွဲတော် လူမိုက်များက လို သည်ထက်ပိုမို၍ လက်လွန်သွားသော ဒီပဲယင်းရိုက်သတ်ပွဲကြောင့် ကမ္ဘာက အယုံအကြည်ကင်းမဲ့ခဲ့ရသည်။ ၉ဝ ရွေးကောက်ပွဲကို ချေဖျက်နိုင်ဖို့ အင်တိုက်အားတိုက် လုံးပမ်းခဲ့ရသော ဆန္ဒခံယူပွဲကလည်း ထင်သလောက် ဖြစ်မလာဘဲ ပိပိရိရိ မသေသပ်မှုကြောင့် အရှက်ကွဲနေရသည်။ လွန်ခဲ့သောနှစ် မေလကတိုက်ခတ်သော နာဂစ် ကြောင့်လည်း အကြင်နာတရားကင်းမဲ့သည့် ကမ္ဘာ့အဆိုးဝါးဆုံးပုဂ္ဂိုလ်ဘွဲ့ကို ရရှိစေခဲ့သည်။

မကြာမီရင်ဆိုင်ရမည့် စိန်ခေါ်မှုမှာ လွတ်ရက်စေ့၍ ပြန်လွှတ်ပေးရတော့မည့် တက္ကသိုလ်ရိပ်သာလမ်း နေအိမ် အကျယ်ချုပ်ပြဿနာဖြစ်သည်။ လွှတ်ပေးလိုက်ရရင်လည်း ကြွတက်လာမည့် လူထုလှိုင်းသည် မိမိတို့ကို ရိုက် ခတ်သွားနိုင်သည်။ ဆက်လက်ထိန်းထားလျှင်လည်း အကျယ်ချုပ်လက်နက်ထိပ်တုံးကို မိမိကိုယ်တိုင် ထမ်းပိုး ရတော့မည်။ ထို့ပြင် ကလော်တုတ်ဆဲဆိုကြမည့် နိုင်ငံတကာအသိုင်းအဝိုင်းမှ လက်ညှိုးများကိုလည်း အန်မတု ဝံ့ပေ။ အဆိုးဝါးဆုံးမှာ မိမိမွေးထားခဲ့သော တပည့်ကျော်များကလည်း ယုံကြည်စိတ်ချရမှုမရှိသေး။ မိမိသာအာ ဏာမဲ့သွားလျှင် ဆရာကြီးဦးနေဝင်းကဲ့သို့ ဖြစ်သွားနိုင်သည်။ အာဏာကို ဆက်ဆုပ်ကိုင်ထားသောကြောင့် လည်း မိမိရုပ်မှာ ဘီလူးကဲ့သို့လား ထင်မှတ်နေရသည်။

သောကကင်းငြိမ်းဖို့ရာ ဗုဒ္ဓတရားရေအေး တိုက်ကျွေးဖို့ခေါ်ထားသော သထုံအလံတရာဆရာတော်ကလည်း ပင့်ဖိတ်လို့မရ။ နောက်ဆုံးအားကိုးရာဖြစ်သော ကြင်သူသက်ထား မကြိုင်ကြိုင်က ဘေးနားမှနေ၍ မေတ္တာ သုတ်ကို ရွတ်ဖတ်ပေးနေရှာသည်။ မေတ္တာသုတ်ကို နားစွင့်ရင်း ဘုရားအာရုံပြုလိုက်သောအခါ မနောစိတ်တွင် ဘုရားပေါ်မလာဘဲ ရွှေဝါရောင်ကာလက ရိုက်သတ်ခဲ့သော မေတ္တာသုတ်ပိုင်ရှင် သံဃာတော်များ၏ ပုံရိပ်က သာ မင်းမူနေပါတော့သတည်း။

မင်းလွင် (ရှမ်းပြည်)