ရခိုင်လူငယ်တစ်ဦးရဲ့ ပေးစာအပေါ် ပြန်ကြားချက် (၁၈-၄-၀၉)

မင်္ဂလာပါ ...
ကျနော် ဒီမေးလ်ကို ရေးဖြစ်ရတဲ့ အကြောင်းရင်းကတော့ ရိုဟင်ဂျာဆိုတဲ့ နိုင်ငံခြားသားတွေအရေးကို ရခိုင် တိုင်းရင်းသားတွေအရေးထက် ပိုမိုထောက်ခံဖော်ပြနေတဲ့ ဒေါက်တာလွဏ်းဆွေဘလော့ဂ် (အမှန်အတိုင်း ပြောရရင် ဒီတစ်ခုတည်း မဟုတ်ပါဘူး။ မြန်မာနိုင်ငံရေးဝက်ဘ်ဆိုက် အားလုံးပါပါတယ်) ကို ဖတ်ဖြစ်တဲ့အ တွက်ကြောင့်ပါ။ နိုင်ငံတကာက ဒီရိုဟင်ဂျာဆိုသူတွေကို ဘယ်လောက်ပဲ အလေးပေး ဖော်ပြဖော်ပြ၊ ဒီလိုမြန် မာဘာသာနဲ့ တင်ထားတဲ့ မြန်မာနိုင်ငံဒီမိုကရေစီအတွက် ဆောင်ရွက်နေတဲ့ မျိုးချစ်ဆိုတဲ့ ဘလော့ဂ်တွေက ရ ခိုင်တိုင်းရင်းသားတွေ ဘယ်လိုဘယ်ပုံ ဒုက္ခရောက်နေတယ်ဆိုတာကို နည်းနည်းလေးမှ မဖော်ပြဘဲ ဒီတိုင်းတ ပါးက ကျူးကျော်ဝင်ရောက်လာတဲ့ ဒီရိုဟင်ဂျာဆိုသူတွေရဲ့ အရေးကို နအဖကို ဆန့်ကျင်ရုံသက်သက် ဘယ် သူ့အကျိုးကိုမှမကြည့် ထောက်ပံ့ကြေးရရင်ပြီးရော တင်ပြနေတာကတော့ တော်တော်လေး စိတ်ပျက်စရာ ကောင်းပါတယ်။

ဒီရိုဟင်ဂျာဆိုသူတွေအရေးကိစ္စမှာ ရခိုင်တိုင်းရင်းသားတွေရဲ့ဆန္ဒကို နည်းနည်းလေးမှ ဖော်ပြခြင်းမပြုဘဲ ရို ဟင်ဂျာဆိုသူတွေကို ဒီလောက်ထောက်ပံ့ ပြောဆိုနေတယ်ဆိုတော့ ကျနော်တို့ ရခိုင်တိုင်းရင်းသားတွေရဲ့ဆန္ဒ ကို လုံးဝမျက်ကွယ်ပြု အရေးမဆိုက် မဖက်မလုပ်တဲ့ သဘောပါပဲ။ အဲဒီနေရာမှာရှိနေတဲ့ ရခိုင်တိုင်းရင်းသား တွေ ဘယ်လိုနေထိုင်နေကြရတယ်၊ ဘယ်လိုကနေ ဘယ်လိုကြောင့် ဒီလိုမျိုးအခြေအနေမျိုးတွေထိ ဖြစ်လာ တယ်ဆိုတာကို လုံးဝမဖော်ပြဘဲ ဒီရိုဟင်ဂျာဆိုသူတွေကို ဒီလောက်ထောက်ခံအားပေးနေတယ်ဆိုတော့ ဒီ ၀က်ဘ်ဆိုက်တွေဟာ ရခိုင်တိုင်းရင်းသားတွေကို ကိုယ်စားမပြုတော့ဘူးလို့ဘဲ ယူဆပါတယ်။

အခုလို ဖော်ပြနေပုံတွေက အဲဒီဒေသမှာ ရိုဟင်ဂျာဆိုသူတွေပဲ ဒုက္ခခံနေကြရပြီး ရခိုင်လူမျိုးတွေကျတော့ ဒုက္ခ မရောက်တဲ့ ပုံစံမျိုးနဲ့ ရခိုင်လူမျိုးတွေရဲ့ အရေးကို လုံးဝကို ဖော်ပြခြင်းမပြုပါဘူး။ သူတို့ဘာသူတို့ ဘယ်ဘာ သာပဲဖြစ်ဖြစ်၊ ဘာလူမျိုးပဲဖြစ်ဖြစ် သူတို့ရဲ့ နေရပ်ရင်းဟာ ရခိုင်ပြည်မဟုတ်ပါဘူး ရခိုင်တွေ မဟုတ်ပါဘူး။ ဘင်္ဂ လားဒေ့ရ်ှကပါ။ ဘင်္ဂလီတွေပါ။

ပြီးတော့ ကမ္ဘာပေါ်မှာ ဒီနိုင်ငံမှာမွေးတိုင်း ဒီနိုင်ငံသားမဖြစ်တဲ့ နိုင်ငံတွေ အများကြီးပါ။ လူသားချင်းစာနာစိတ်နဲ့ ဖော်ပြတယ်ဆိုရင်တောင်မှ ရခိုင်လူမျိုးတွေလည်း ဘယ်လိုဒုက္ခရောက်နေတယ်ဆိုတာပါ ဖော်ပြရမှာပေါ့။ မြန် မာပြည်နိုင်ငံရေး မငြိမ်မသက်ဖြစ်မှုနှင့်အတူ တောမီးလောင် တောကြောင်လက်ခမောင်းခတ် ဆိုသကဲ့သို့ ရို ဟင်ဂျာများသည် ရသင့်ရထိုက်သည့် အခွင့်အရေးထက် ပိုမိုရရှိရန် ခြေပုန်းခုတ်နေကြပါတယ်။

မြန်မာပြည်နိုင်ငံရေး အကျပ်အတည်းကို အခွင့်ကောင်းယူ၍ တချို့လူမျိုးများ ဥပမာ “၀” လူမျိုးများသည် နအ ဖနှင့်ပေါင်း၍ မြန်မာတိုင်းရင်းသားအဖြစ် ကိုယ်ပိုင်အုပ်ချုပ်ရေးပြည်နယ်ရရှိရန် ရှမ်းလူမျိုးများကို ခြေတော်တင် မျိုးဖျောက်ရင်း လူပါးဝနေကြသလို တချို့လူမျိုးများကလည်း ဒီမိုကရေစီအုပ်စုများနှင့်ပေါင်း၍ ဒီမိုကရေစီအုပ် စုများကို အသုံးချကာ တကယ်ဖြစ်ခဲ့သည့် သမိုင်းအမှန်များကို ပြောင်းပစ်ရန် ကြိုးစားနေကြကြောင်း၊ တချို့ မြန်မာသမိုင်းမှာ တခါမှ ပြည်နယ်မရှိခဲ့သည့်လူမျိုးများကလည်း ပြည်နယ်ရယူဖို့ လက်ခမောင်းခတ်နေကြပါ တယ်။

ဒါတွေကိုစဉ်းစားသင့်ပါတယ်။ အဲလိုမှမဟုတ်ဘဲ ပိုက်ဆံရတိုင်းသာ ရေးနေမယ်ဆိုရင်တော့ ဒီပြည်ပရောက် ဒီ မိုကရေစီအင်အားစုတွေကို ပြည်သူလူထုရဲ့ ယုံကြည်မှုတွေ နည်းသထက်နည်းလာပြီး နောက်ဆုံး အာဖျံကွီး တွေအဆင့်ကိုသာ ရောက်သွားပါလိမ့်မယ်။

လေးစားလျက် ...
ရခိုင်လူငယ်တစ်ဦး

ရခိုင်လူငယ်တစ်ဦးခင်ဗျား …

စိတ်ထဲ မကြေမလည် ခံစားနေရတဲ့ အကြောင်းကိစ္စတချို့နဲ့ ပတ်သက်ပြီး အခုလို တကူးတက စာရေးသားပေး ပို့တဲ့အတွက် ကျေးဇူးတင်ကြောင်း ဦးစွာပြောကြားလိုပါတယ်။ ပထမဦးဆုံးအနေနဲ့ “ကျနော့်ရဲ့ဘလော့ဂ်မှာ ရို ဟင်ဂျာကိစ္စနဲ့ ပတ်သက်ပြီး အလေးပေးဖော်ပြနေတယ်” ဆိုတဲ့ ပေးစာပါ စွပ်စွဲချက်အပေါ် ရှင်းလင်းဖြေကြား လိုပါတယ်။

ရခိုင်လူငယ်တဦးအနေနဲ့ ကျနော့်ရဲ့ဘလော့ဂ်ကို သေသေချာချာ လေ့လာဖတ်ရှုဖြစ်ခဲ့မယ်ဆိုရင် ကျနော့်ရဲ့ဘ လော့ဂ်မှာ နေ့စဉ် သတင်းမီဒီယာဝက်ဘ်ဆိုက်တွေက တင်ဆက်တဲ့ မြန်မာနိုင်ငံနဲ့ ပတ်သက်တဲ့ သတင်းပေါင်း စုံ စုဆောင်းဖော်ပြပေးနေတာကို သိရှိပြီးဖြစ်မယ်လို့ ယူဆပါတယ်။ ရိုဟင်ဂျာကိစ္စနဲ့ ပတ်သက်လို့ ကျနော့်ရဲ့ဘ လော့ဂ်မှာ တင်ဆက်ပေးခဲ့တာတွေဟာလည်း အဆိုပါ သတင်းမီဒီယာဝက်ဘ်ဆိုက်တွေမှာ တက်လာတဲ့ သ တင်းပေါင်းစုံကို စုဆောင်းတင်ဆက်ပေးခြင်းထဲက အစိတ်အပိုင်းတခုမျှသာ ဖြစ်ပါတယ်။ တခြားလူမျိုးစုတွေရဲ့ အရေးကိစ္စသတင်းများဆိုရင်လည်း ထိုနည်း၎င်းပါပဲ။ ဘလော့ဂ်ရဲ့အာဘော် တခုမှ မပါပါ။

ကျနော့်ရဲ့ ဘလော့ဂ်အီးမေးလ် (lunswe@gmail.com) သို့ ရောက်ရှိလာတဲ့ ကဗျာ၊ ၀တ္ထု၊ သတင်း၊ ဓာတ်ပုံ၊ ဆောင်းပါးစာမူများကိုသာ ဘလော့ဂ်ရဲ့စာမူများအဖြစ် ဖော်ပြတင်ဆက်ပေးခဲ့တာဖြစ်ပါတယ်။ အဲသလို အီး မေးလ်မှတဆင့် ရောက်ရှိလာတဲ့ စာမူတွေထဲမှာ ရိုဟင်ဂျာကိစ္စနဲ့ ပတ်သက်တဲ့ ဆောင်းပါးပေါင်း မြောက်မြားစွာ လက်ခံရရှိခဲ့ပေမယ့် ဘလော့ဂ်စာမူအနေနဲ့ တပုဒ်တလေမျှ ဖော်ပြတင်ဆက်ပေးခြင်း မရှိခဲ့ပါ။ အကြောင်းက တော့ … ကျနော့်ရဲ့ဘလော့ဂ်ဟာ လူမျိုးစုတစုချင်းစီ (ရိုဟင်ဂျာကို လူမျိုးစုအဖြစ် မြန်မာနိုင်ငံသားအဖြစ် လက် ခံသည်ဖြစ်၊ လက်မခံသည်ဖြစ်စေ) ရဲ့ အရေးကိစ္စနဲ့ ပတ်သက်တဲ့ စာမူတွေကို ဇောင်းပေးဖော်ပြနေတဲ့ ဘ လော့ဂ်မဟုတ်ဘဲ မြန်မာနိုင်ငံအတွင်းမှာ မှီတင်းနေထိုင်ကြတဲ့ တိုင်းရင်းသားလူမျိုးပေါင်းစုံ စစ်အာဏာရှင်စနစ် အောက်မှ ပြိုင်တူလွတ်မြောက်ရေးကို ဦးတည်ရေးသားတဲ့ အကြောင်းအရာတွေကိုသာ ဦးစားပေးဖော်ပြခဲ့၊ ဖော်ပြနေတဲ့ ဘလော့ဂ်ဖြစ်လို့ပါပဲ (စစ်အာဏာရှင်စနစ်အောက်ကနေ အမြန်ဆုံးလွတ်မြောက်ပြီး စစ်မှန်တဲ့ ပြည်သူ့အစိုးရတစ်ရပ်ပေါ်ပေါက်မှသာ ရခိုင်လူငယ်တစ်ဦးရဲ့ ပေးစာမှာ ဆွေးနွေးထားတဲ့ ပြဿနာအ၀၀ကို စ နစ်တကျ ကိုင်တွယ်ဖြေရှင်းနိုင်မယ်လို့ ယုံကြည်လို့ပါ)။ ဒီလောက်ဆိုရင် ကျနော့်ရဲ့ ဘလော့ဂ်က ရိုဟင်ဂျာအ ရေး အလေးပေး ဖော်ပြနေတယ်ဆိုတဲ့ စွပ်စွဲချက်နဲ့ ပတ်သက်ပြီး သံသယရှင်းလောက်ပြီလို့ ယူဆပါတယ်။

ဒုတိယတချက်အနေနဲ့ “ရခိုင်လူမျိုးတွေအရေးကျတော့ မဖော်ပြဘူး” ဆိုတဲ့ ကိစ္စနဲ့ ပတ်သက်ပြီး ဖြေကြားလိုပါ တယ်။ ရခိုင်လူငယ်တစ်ဦးအနေနဲ့ ရခိုင်ရေးရာသတင်းတွေကို ရိုဟင်ဂျာသတင်းတွေလိုပဲ ဝေေ၀ဆာဆာ ဖတ် ရှုလိုတယ်ဆိုရင် ကျနော့်ဘလော့ဂ်မှာတော့ မြန်မာနိုင်ငံဆိုင်ရာသတင်းတွေ စုဆောင်းတင်ဆက်ပေးတဲ့ “မြန် မာ့ရေးရာ သတင်းပဒေသာ” ကဏ္ဍမှာ ပါလာမှပဲ ဖတ်ရှုရဖို့ရှိပါတယ်။ အဲဒီလို ဖတ်ရှုရဖို့ဆိုတာကလည်း ရိုဟင် ဂျာသတင်းတွေကို သတင်းမီဒီယာတွေက စိတ်ဝင်တစား ဝေေ၀ဆာဆာ ဖော်ပြသလို ရခိုင်ရေးရာသတင်းတွေ ကိုလည်း သတင်းမီဒီယာတွေ စိတ်ဝင်တစားနဲ့ ဝေေ၀ဆာဆာ ဖော်ပြလာအောင် ရခိုင်လူငယ်တစ်ဦးလို စိတ် အားထက်သန်သူတွေက ၀ိုင်းဝန်းကြိုးပမ်းကြဖို့လိုမယ်လို့ ထင်ပါတယ်။ ဒါ့အပြင် သတင်းကိုယ်နှိုက်က မီဒီယာ တွေ စိတ်ဝင်တစား ဖော်ပြချင်လောက်အောင် ဆွဲဆောင်မှုရှိဖို့ လိုမယ်လို့လည်း ထင်ပါတယ်၊

တတိယအချက်အနေနဲ့ “ပိုက်ဆံရတိုင်းသာ ရေးသားနေမယ်ဆိုရင်တော့” ဆိုတဲ့ စွပ်စွဲချက်နဲ့ ပတ်သက်ပြီး ဖြေ ကြားလိုပါတယ်။ တခြားသတင်းမီဒီယာများ ပိုက်ဆံဘယ်လိုရနေလဲ၊ ပိုက်ဆံရလို့ ရေးသားနေကြတာလား ဆို တာတော့ ကျနော် ခရေစေ့တွင်းကျ သိရှိတဲ့ ကိစ္စမဟုတ်လို့ ထင်မြင်ချက်မပေးလိုပါ။ ကျနော်ရဲ့ဘလော့ဂ်နဲ့ ပတ်သက်ပြီး ကျနော်အာမခံနိုင်တဲ့ ကိစ္စကိုသာ ပြောကြားလိုပါတယ်။ ကျနော့်ရဲ့ ဘလော့ဂ်ဟာ ဂူဂဲလ် (Google) ရဲ့ ကျေးဇူးကြောင့် အခမဲ့ ရေးသားတင်ဆက်ခွင့်ရနေတဲ့ မီဒီယာတခုဖြစ်ပါတယ်။ အဲသလို အခမဲ့ တင်ဆက်ခွင့်ရနေတဲ့အပေါ် ခါးညောင်းခံ၊ ဇက်ကြောတက်ခံ၊ မျက်စိပျက် အိပ်ရေးပျက် အလုပ်ပျက်ခံကာ မြန်မာပြည်ဒီမိုကရေစီရရှိရေးဆိုတဲ့ ယုံကြည်ချက်နဲ့ ကိုယ့်ထမင်းကိုယ်စားပြီး တစိုက်မတ်မတ် လုပ်ဆောင်နေ ခြင်းမျှသာဖြစ်ကြောင်း ပြောကြားလိုပါတယ်။ ထို့အတွက် ကျနော့်ရဲ့ ယုံကြည်ချက်၊ ရပ်တည်ချက်နဲ့ ကိုက်ညီ တဲ့ မည်သည့်စာမူကိုမဆို တံစို့လက်ဆောင် ပေးစရာမလိုဘဲ အခမဲ့ ဖော်ပြပေးနေမှာဖြစ်သလို ကျနော့်ယုံ ကြည်ချက်၊ ရပ်တည်ချက်နဲ့ မကိုက်ညီတဲ့ စာမူဆိုရင်လည်း ဘယ်လိုဖိအားမျိုးပဲပေးပေး ဖော်ပြပေးမှာမဟုတ် ကြောင်း အသိပေးပြောကြားလိုပါတယ်။

တိုက်ပွဲသစ္စာဖြင့် …
ဒေါက်တာလွဏ်းဆွေ