ခေါစာပစ်ခြင်းများ

ခေါစာပစ်ခြင်းများ
သစ်ကောင်းအိမ်

ကံကောင်းချင်တော့ လေယာဉ်စီးရ
ကံဆိုးချင်တော့ လေယာဉ်ပျက်ကျ
အဲဒီဟာသလို လူ့ဘ၀။

ကျနော်တို့ရဲ့ဒုလ္လဘ
ခိုးသားငါးရာနဲ့ သေဖော်ညှိရ
အရူးဖုတ်သွင်းရထားဆိုက်ကိန်းနဲ့ ကြုံရ။

ကျနော်တို့ရဲ့အိပ်မက်က
တစ္ဆေလိုက်တော့ ပြေးမရ
နမ်းမယ့်ဆဲဆဲ လန့်နိုးရ။

ကျနော်တို့ရဲ့ရေပွက်က
ဇာတ်ဝင်ခန်းတိုင်း ဗီလိန်တွေပဲအနိုင်ရ
“ရွှေဘကွ” လို့ ... အော်ခွင့်မရ။

ကျနော်တို့ရဲ့ဇာတက
မာရ်နတ်မင်းမှာ လက်ရုံးပေါင်းတထောင်ရှိရ
ဟင်္သာကိုးသောင်းပျက်ကြရ။

မလန်းဘူး
သမိုင်းက ကြွေးစာရင်းပို့နေပြီ။

မလန်းဘူး
မျိုးဆက်က နှိုးစက်မြည်နေပြီ။

မလန်းဘူး
မြစ်က လူခေါ်နေပြီ။ ။

သစ်ကောင်းအိမ်