ပိတောက်စိမ်း

ပိတောက်စိမ်း
သစ်ကောင်းအိမ်

ကယ်လီဖိုးနီးယားရဲ့
ပူနွေးသော နေရောင်အောက်မှာ
ပိတောက်နာကျတဲ့နေ့ကပေါ့။

ရေမပက်တဲ့ အပျိုတွေ
အလိပ်ထဲမှာ မုဆိုးဖိုနဲ့ ညားနေတယ်
မြနန္ဒာနေညိုညိုရစ်ကာသန်းတော့
အလိပ်ထဲမှာ မန်းတောင်ရိပ်ခိုနေတယ်
င၀န်မြစ်ထဲက ရေချိုးပြီးတက်လာတဲ့
ရေစက်လက်နဲ့ နေမ၀င်တံတားကြီးတန်းလမ်းမကြီးပေါ်မှာ
ဂျစ်ကားတစင်းနဲ့ ရေပက်ခံထွက်နေတယ်
သင်္ကြန်မဏ္ဍပ်တွေမှာ
သံချပ်တွေ လိုက်ကြည့်နေတယ်။

ဆူရှီဘားထဲ
အမှတ် (၁) အထကကျောင်းအလံတိုင်မှာ
ခွပ်ဒေါင်းအလံ တလူလူလွှင့်နေတယ်
ကိုရွှေသိမ်းမင်းရဲ့ ‘မင်းရဲ့ချစ်ခြင်းမဲ့လူ’ ၀တ္ထုထဲမှာ
ဆုဝေအတွက် ပိတောက်တွေပွင့်နေတယ်။

ခင်သန်းနုက ရွှေခြေကျင်းတွေနဲ့ ၀င်းပလို့
စန္ဒရားဆရာလေး ကိုငြိမ်းမောင်က
ဆေးပေါ့လိပ်မီးခိုးငွေ့တွေကြားမှာ ဝေရီလို့
ဆူရှီဘားထဲ
၁၀ ကြိမ်မြောက် ‘သင်္ကြန်မိုး’ရုပ်ရှင်ကြည့်နေတယ်။

လောကကို ထိုးပက်ဖို့
သားလက်က ရေပြွတ်ကလေး
ရေစုပ်ပေးနေတယ်
အမေ့ကိုလည်း
တရော်ကင်ပွန်းနဲ့ ခေါင်းလျှော်ပေးနေတယ်။

ဆူရှီဘားထဲ
ပြည်လှဖေက
ကိုယ်တိုင်လှရာရာရွေးလို့ရယ်
ပန်မပေးရ ဆံမြညှာကေနေတယ်
ကယောမလေးက
ဂစ်တာတီးပြီး ကိုယ့်ကို သီချင်းတွေဆိုပြနေတယ်။

ခုလိုနှစ်သစ်ကူးအခါသမယမှာ
ဂျီ-၂၀ အစည်းအဝေးကို
နားစွင့်နေတယ်
မြန်မာ့အရေး စောင့်ကြည့်လေ့လာသူတွေကိုလည်း
ပြန်ပြီးစောင့်ကြည့်လေ့လာနေမိတယ်။

ကယ်လီဖိုးနီယားရဲ့ ပူနွေးတဲ့နေရောင်အောက်မှာ
ပိတောက်နာကျတဲ့နေ့ကပေ့ါ
ဆူရှီဘားထဲ
ဓားတလက်နဲ့ ရေပက်တမ်းကစားရင်း ...။

အတာရေ မစိုမှာစိုးလို့
ရေချိုးခန်းထဲဝင်ပြီး
ကိုယ့်ကိုယ်ကို ရေလောင်းချိုးနေမိတယ်။ ။

သစ်ကောင်းအိမ်
(၈. ဧပရယ်လ. ၂၀၀၉)