“ဘ၀မာတိကာ” ကဗျာစာအုပ်နှင့် ပတ်သက်၍ ... (မောင်လွမ်းဏီ)

ဆရာလွဏ်းရေ ...

ကဗျာစာအုပ်ပဲထုတ်ထုတ်၊ ဘာစာအုပ်၊ ဘယ်လိုမဂ္ဂဇင်း၊ ဘယ်ကဲ့သို့သော ဂျာနယ်၊ အဘယ်သို့သော စာ စောင်ထုတ်ထုတ်၊ ထုတ်ဝေသူတွေ၊ အယ်ဒီတာတွေ၊ စီစဉ်သူတွေမှာ တာဝန်ယူရတဲ့ကိစ္စတွေ ရှိတယ်မဟုတ် လား။ တာဝန်ကို မလွဲမသွေ၊ ကောင်းမွေဆိုးမွေ ခံယူကြရတာပဲလို့ စာပေနယ်တခုလုံးက စာရဲဘော်တွေ၊ စာ ပေမြတ်နိုးသူတွေက ခံယူနားလည်ထားကြတယ်နော်။

တမြန်မနေ့က ရေးဖော် ကဗျာဆရာစွမ်းမြိုင်က မြန်မာကဗျာဆရာ ဆရာမောင်အောင်ပွင့်ရဲ့ ဘ၀မာတိကာ (The Contents of a Life) ဆိုတဲ့ ကဗျာစာအုပ်လေးကို လူကိုယ်တိုင် တကူးတက လာရောက်လက် ဆောင် ပေးပို့လာပါတယ်။ ကျေးဇူးတင်စရာလည်း အင်မတန်ကောင်းပါတယ်။ စာအုပ်ကလေးက သေသေ သပ်သပ် လှလှပပလေးပါ။ ဒါပေမယ့် မျက်နှာဖုံးကို တွေ့ရတာ၊ မျက်နှာဖုံးကို ခံစားကြည့်တဲ့ခါ တခုခုများလိုနေ လားပေါ့။ အဖုံးပန်းချီရေးတဲ့ ပန်းချီဆရာကို ဝေဖန်နေခြင်းမဟုတ်ပါ။ ကဗျာစာအုပ်အဖုံး၊ စာအုပ်တအုပ်ရဲ့ အ ဖမ်းစားဆုံးနေရာမှာ (အဖုံးကိုဆိုလိုတာပါ) လွဲချော်မှုတခုခုများ ရှိနေသလားဆိုတဲ့ တောတွေးတောင်တွေး ဝေ ခွဲမရတဲ့ စိတ်ခံစားချက် ဖြစ်ပေါ်မှုကို ပြောလိုတာပါ။ သဘောအားဖြင့် ကဗျာစာအုပ်အဖုံးလား၊ သဘာဝပတ် ၀န်းကျင်ထိန်းသိမ်းရေး အစီရင်ခံစာ စာအုပ်အဖုံးလားဆိုတဲ့ စိတ်မသက်မသာ ကသိကအောက်ဖြစ်ရတဲ့ စဉ်း စားဆင်ခြင်ချက်ပါ။ ကျနော့်ရဲ့ ပန်းချီခံစားမှု အားနည်းလို့လည်း ဖြစ်ပါလိမ့်မယ်။ ကျနော်က ကဗျာရေးသူဆို တော့ ကဗျာလက်ကမ်းစာအုပ်လေးတွေ၊ ကဗျာစာအုပ်လေးတွေ၊ ကဗျာစာအုပ်ကြီးတွေ တွေ့ရမြင်ရရင် အလို လို ရင်ခုန်သံက အပြင်းစား ထစ်ချုန်းမြည်ဟီးနေတာက မွေးရာပါရောဂါလို ဖြစ်ဖြစ်နေတာကိုး။ ထားတော့။

ဘိုစာကတော့ မဖတ်တတ်သလောက်ဆိုတော့ ဆရာ(ဦး) မောင်သာနိုး ဘိုလိုပြန်တာတွေ ခဏရှောင်ပြီး ဆ ရာမောင်အောင်ပွင့်ရဲ့ ကဗျာလေးတွေကို ဟိုလှန် ဒီတို့ မြည်းကြည့်မိပါတယ်။ ပြောစရာမရှိအောင် ကောင်းမွန် လှပတဲ့ ကဗျာတွေပါ။ မေတ္တာနဲ့ ပန်းချီပုံတွေ အသုံးပြုစေခဲ့တဲ့ ဆရာ ပန်းချီကိုထိန်လင်းရဲ့ လက်ရာတွေက လည်း ကဗျာတွေကို ပိုပြီးတောက်ပဝေလွင်စေလိုက်တာ။

ဒီလိုနဲ့ ကဗျာစာအုပ်ကလေးကို ဟိုငေးဒီကြည့်လုပ်နေရင်းက စာအုပ်အောက်ပိုင်းကို ရုတ်တရက် တွေ့လိုက်ရ တော့ စာအုပ်အဖုံးကို ပြန်ကြည့်မိပြန်ရော။ မြန်မာဘာသာ စာမျက်နှာတွေကို ပြန်လှန်ကြည့်မိပြန်ရော။ ကဗျာ စာအုပ်အမည်လေးက ဘ၀မာတိကာ။ စာအုပ်ကလေးရဲ့ အောက်ခြေစာမျက်နှာတိုင်းမှာက ဘ၀စာမျက်နှာ တဲ့။

ကဗျာဆရာကတော့ သူ့စာအုပ်လေးထွက်တယ်ကြားလို့ ၀မ်းမြောက်နေမှာ။ ဒါပေမယ့် စောစောက လွဲချော်မှု ကို ကဗျာဆရာ တွေ့ရမြင်ရရင် ဘယ်လိုရင်ခုန်မလဲ ဆိုတာတွေကို စဉ်းစားနေမိတယ်။

မုဒိတာဖြင့် ...
မောင်လွမ်းဏီ