ဆူရှီသမားလိပ်တဲ့ ကဗျာ(၂)

ဆူရှီသမားလိပ်တဲ့ ကဗျာ(၂)
သစ်ကောင်းအိမ်

အီရတ်မှာ
သမ္မတကြီးဘုရှ်
ဖိနပ်နဲ့ပေါက်ခံရတုန်းကလည်း လိပ်ခဲ့တယ်၊
ဝါရှင်တန်ဒီစီမှာ
ဘားရက်အိုဘားမားနဲ့ ဒေါ်မေငြိမ်း
ဓာတ်ပုံတွဲရိုက်တော့လည်း လိပ်ခဲ့တယ်။

လိပ်ခဲ့တယ် ...
မြောက်ကယ်လိုရိုင်းနားမှာ လိပ်ခဲ့တယ်၊
ဝက်စ်ဗာဂျီးနီးယားမှာ လိပ်ခဲ့တယ်၊
ကယ်လီဖိုးနီးယားမှာ လိပ်ခဲ့တယ်။

လိပ်တယ် ...
ပက်လက်လှန်ထားတဲ့ လိပ်တကောင်လို
ယက်ကန်ယက်ကန် လိပ်တယ်။

လိပ်တယ် ...
ဇာက်ကြိုးဆောင့်ဆွဲခံရတဲ့ မြင်းတကောင်လို
ပတပ်ရပ်ပြီး လိပ်တယ်။

လိပ်တယ် ...
ငါးပိသွားကိုင်မိတဲ့ မျောက်တကောင်လို
ပျာယာခတ်တောက်လောင်ပြီး လိပ်တယ်။

အလိပ်ထဲ လိပ်စာတွေပျောက်နေတယ်
အလိပ်ထဲ တောတွေမှောက်နေတယ်။

လိပ်တယ် ...
မိုင်ပေါင်းသောင်းချီဝေးတဲ့အဝေး
ဖုန်းထဲက သားလေးပေးတဲ့ မွှေးမွှေးကို
လိပ်တယ်၊
ကောင်မလေး အေးရဲ့
ညာနားရွက်နောက်က အသားပိုလေးကို
လိပ်တယ်၊
ပွဲလန့်ချိန် ဖျာလိပ်ထမ်းစောင့်နေတဲ့
ငနဲတွေကို လိပ်တယ်၊
မျက်နှာဖြူတွေတိုင်းပြည်မှာ
မျက်ဖြူလန်ပြီး လိပ်တယ်။

မိုးလင်းထဲက စဉ်းစားမိတာ လိပ်ဖို့ပါပဲ
လိပ်မှာပဲ လိပ်မှာပဲ
ငါ့ကို လာလာမတားနဲ့ ...
အဲလက်စ်ရဲ့စားမှာပဲ ... သီချင်းကို ကော်ပီလုပ်ဆိုရင်း
လိပ်တယ်။

ဘယ်လျှောက်လည်နေသလဲ
လိုက်ရှာတော့
ခွေးအိုကြီးတကောင်ရဲ့ ခြေရင်းမှာ
ဝပ်ဆင်းနေတဲ့ဝဋ်ကို လိပ်တယ်။

အလိပ်ထဲ လိပ်ဝင်နေတဲ့ နေ့ညတွေ
အလိပ်ထဲ လိမ့်ဆင်းနေတဲ့ သွေးချွေးတွေ ...

ဝရုန်းသုန်းကား ထိုးရပ်နေတဲ့
ယန္တရားအိုကြီးတလုံးထဲ
အရစ်ပြုန်းတဲ့အထိ
လည်ပင်းညှစ်ခံရတော့မယ့် ၀က်အူတလုံး
ငါ့မှာ မအိပ်ခင် လိပ်ရဦးမယ့်ခရီးတွေနဲ့ ...

ငွေတန်းစစ်မျက်နှာ တနေရာမှာ
ရွပ်ရွပ်ချွံချွံ ငါလိပ်ခဲ့ပါတယ်။ ။

သစ်ကောင်းအိမ်
(၄ ရက်၊ မတ်လ၊ ၂၀၀၉)