၉၄ နှစ်ပြည့် ဗိုလ်ချုပ်မွေးနေ့ (မြန်မာနိုင်ငံကလေးများနေ့)ကို မမေ့မလျော့ ဂုဏ် ပြုဆင်နွှဲကြတဲ့ SAW ရင်သွေးငယ်လေးများ

ဓာတ်ပုံ - SAW နှင့် ကိုလတ်

မြန်မာ့လွတ်လပ်ရေးဖခင်ကြီး ဗိုလ်ချုပ်အောင်ဆန်းရဲ့ မွေးနေ့ဖြစ်တဲ့ ဖေဖော်ဝါရီလ ၁၃ ရက်နေ့ မနက်ပိုင်းက ဗိုလ်ချုပ်ရဲ့စိတ်ဓာတ်တွေကို နောင်မျိုးဆက်တွေ အတုယူနိုင်ဖို့၊ ဗိုလ်ချုပ်အောင်ဆန်းလိုလူမျိုးတွေ ထွန်းပေါက် လာစေဖို့၊ တိုင်းပြည်နဲ့ လူထုအကျိုးအတွက် စွန့်လွှတ်အနစ်နာခံတဲ့ မျိုးဆက်တွေ ပေါ်ပေါက်လာစေဖို့ ရည်ရွယ် ပြီး ထိုင်း-မြန်မာနယ်စပ်က မြန်မာရွှေ့ပြောင်းအလုပ်သမားများရဲ့ ကလေးငယ်တွေအတွက် (Social Action For Women) အဖွဲ့က ဖွင့်လှစ်ထားတဲ့ SAW စာသင်ကျောင်းမှာ ဗိုလ်ချုပ်အောင်ဆန်းမွေးနေ့နဲ့ မြန်မာနိုင်ငံ ကလေးများနေ့ အထိမ်းအမှတ် ပျော်ပွဲရွှင်ပွဲများကို ကျင်းပပြုလုပ်ခဲ့ပါတယ်။

ယခင်က မြန်မာပြည်မှာ ဗိုလ်ချုပ်မွေးနေ့ကို မြန်မာနိုင်ငံကလေးများနေ့အဖြစ် သတ်မှတ်ကျင်းပခဲ့ပေမယ့် နောက်ပိုင်းမှာ ဗိုလ်ချုပ်ရဲ့အခန်းကဏ္ဍကို ပစ်ပယ်ချင်တဲ့၊ အနိုင်ယူဗိုလ်ကျတဲ့ စစ်အစိုးရအဆက်ဆက်က ဒီနေ့ ကို ဗိုလ်ချုပ်ရဲ့မွေးနေ့အဖြစ် အမှတ်မရတော့အောင်၊ တဖြည်းဖြည်းမှေးမှိန်ပျောက်ကွယ်သွားအောင် ရည်ရွယ် ချက်ရှိရှိနဲ့ ဆောင်ရွက်ခဲ့၊ ဆောင်ရွက်နေတာကြောင့် ဗိုလ်ချုပ်မွေးနေ့ကို နောင်လာနောက်သား မျိုးဆက်သစ် ကလေးငယ်တွေ ထာဝရအမှတ်ရစေလိုတဲ့ ရည်ရွယ်ချက်ရယ်၊ မြန်မာနိုင်ငံကို လွတ်လပ်ရေးရအောင် ကိုယ် ကျိုးစွန့်အနစ်နာခံပြီး စွမ်းစွမ်းတမံ ကြိုးစားခဲ့တဲ့ ဗိုလ်ချုပ်ရဲ့ အနွံတာခံမှု၊ ရိုးသားဖြောင့်မတ်တဲ့ စိတ်ဓာတ်၊ ရဲရင့် ပြတ်သားမှု၊ ဗိုလ်ချုပ်ရဲ့ မြန်မာပြည်နဲ့ ပြည်သူလူထုအပေါ်ထားတဲ့ စေတနာနဲ့ ခေါင်းဆောင်ကောင်းအရည်အ ချင်းတွေနဲ့ပြည့်စုံတဲ့ မြန်မာနိုင်ငံရဲ့သူရဲကောင်းတယောက်ကို မမေ့ပျောက်စေလိုတဲ့ ရည်ရွယ်ချက်တွေနဲ့ ကျင်း ပပြုလုပ်တာဖြစ်တယ်လို့လည်း SAW တာဝန်ခံတွေက ပြောပါတယ်။

SAW ကျောင်းအနေနဲ့ ဗိုလ်ချုပ်ရဲ့ မွေးနေ့မှာပဲ ၂၀၀၇-၂၀၀၈ ပညာသင်နှစ်က ထူးချွန်စွာ အောင်မြင်ခဲ့တဲ့ ကျောင်းသူ/သားများကို အတန်းလိုက် ပညာရည်ချွန်ဆု ချီးမြှင့်ပေးခြင်း၊ ကလေးများနေ့ အထိမ်းအမှတ်အဖြစ် ပန်းချီနှင့် စာစီစာကုံးပြိုင်ပွဲ၊ ကျောင်းသူ/သားများရဲ့ ဗိုလ်ချုပ်မိန့်ခွန်းဟောပြောပြိုင်ပွဲ၊ အားကစားပြိုင်ပွဲ၊ ဗိုလ် ချုပ်ရဲ့သမိုင်းဝင်မှတ်တမ်း ဓာတ်ပုံပြပွဲနဲ့ အခြားပျော်ပွဲရွှင်ပွဲများပြုလုပ်ခဲ့ပြီး ကလေးများအားလုံးကို ကစားစရာ လက်ဆောင်များလည်း ပေးအပ်ခဲ့တယ်လို့ သိရပါတယ်။