(ကို)ထွန်းထွန်းဦး(သြစတြေးလျ)၏ ပေးစာနှင့် စပ်လျဉ်း၍ ရှင်းလင်းချက်

ဒေါက်တာလွဏ်းဆွေ

ယမန်နေ့ (၁-၁-၀၉) နေ့က ဖော်ပြခဲ့သော (ကို)ထွန်းထွန်းဦး(သြစတြေးလျ)၏ ပေးစာနှင့် ပတ်သက်၍ အနည်းငယ် ရှင်းလင်းပြောကြားလိုပါသည်။ ယမန်နေ့က ရှင်းလင်းပြောကြားရန် စိတ်ကူးရှိသော်လည်း မင်္ဂလာ ရှိသော နှစ်သစ်အခါသမယတွင် ရှင်းလင်းပြောကြားလိုစိတ် မရှိသဖြင့် ယနေ့မှ ရှင်းလင်းရခြင်း ဖြစ်ပါသည်။

(၁) ပေးစာပါ "အန်အယ်ဒီကို ဝေဖန်ပုတ်ခတ်တဲ့စာတွေ ဦးစားပေး တင်ပေးနေတဲ့ လွမ်းဆွေ(စာလုံး ပေါင်းမှားနေသည်)ဘလော့" ဆိုသည်နှင့် ပတ်သက်၍ ဦးစွာရှင်းလင်းပြောကြားလိုပါသည်။

ကျနော့်အနေနှင့် အမျိုးသားဒီမိုကရေစီအဖွဲ့ချုပ် (အန်အယ်လ်ဒီပါတီ) အပေါ် သိမ်းကျုံး၍ ဝေဖန်ပုတ်ခတ်ရေး သားခဲ့ခြင်းမျိုး မရှိခဲ့ပါ (ဆောင်းပါးများ ပြန်ရှာဖတ်စေလိုပါသည်)။ ဝေဖန်ပုတ်ခတ်စရာလည်း အကြောင်းမရှိပါ။ ကျနော့်အနေနှင့် ၁၉၉၀ ပြည့်နှစ်ရွေးကောက်ပွဲတွင် မြန်မာပြည်သူလူထုကြီး၏ တခဲနက်ဆန္ဒမဲဖြင့် အနိုင်ရရှိခဲ့ သော အန်အယ်လ်ဒီပါတီကို မြန်မာ့ဒီမိုကရေစီရေးတိုက်ပွဲ၏ ဦးဆောင်ပါတီအဖြစ် အစဉ်အမြဲခံယူထားပြီး လူ ထုခေါင်းဆောင် ဒေါ်အောင်ဆန်းစုကြည်၊ ဒုဥက္ကဋ္ဌ- ဗိုလ်ချုပ်ကြီးဟောင်း ဦးတင်ဦး၊ သတင်းစာဆရာကြီး ဟံ သာဝတီ ဦးဝင်းတင်၊ ဦးခင်မောင်ဆွေ … အစရှိသည့် ခေါင်းဆောင်များ၏ ခေါင်းဆောင်မှုနှင့် ပြည်နယ်/ တိုင်း/ မြို့နယ် အဖွဲ့ချုပ်များ၊ အန်အယ်လ်ဒီပါတီဝင်များ (အထူးသဖြင့်) အန်အယ်လ်ဒီလူငယ်များ၏ ရဲရဲတောက် တိုက်ပွဲဝင်နေမှုများကို အထူးလေးစားမိကြောင်း ပြောကြားလိုပါသည်။

ကျနော်၏ ဆောင်းပါးများတွင် အန်အယ်လ်ဒီပါတီနှင့် ပတ်သက်၍ အမုန်းခံ ဝေဖန်ရေးသား ပြောဆိုခဲ့သည်များ မှာ ဦးအောင်ရွှေ၊ ဦးလွင်တို့ ဦးဆောင်သော မျိုးချစ်ရဲဘော်ဟောင်းကြီးများ၏ အန်အယ်လ်ဒီပါတီအပေါ် အနှစ် (၂၀) ကြာ ဦးဆောင်ခဲ့မှုနှင့် ပတ်သက်၍ အားနည်သည်ဟု ကျနော်ယူဆသော အချက်အလက်၊ အကြောင်းအ ရာများသာ ဖြစ်ပါသည်။ ဤသို့အမုန်းခံ ရေးသားခဲ့ရခြင်းများမှာလည်း အဆိုပါလူကြီးမင်းများအပေါ် ပုဂ္ဂိုလ်ရေး ထိုးနှက်လိုမှုကြောင့်မဟုတ်ဘဲ မြန်မာပြည်သူလူထု လိုလားတောင့်တနေသည့် ဒီမိုကရေစီရေး အကျိုးစီးပွားအ တွက်သာ ဦးတည်ရေးသားခဲ့ခြင်း ဖြစ်ပါသည်။ ကျန်ဆောင်ပါးရှင်များ၏ ရေးသားမှုများမှာမူ (ပေးစာတွင် စွပ်စွဲ သလို ဝေဖန်ပုတ်ခတ်ရေးသားသည်များ ရှိခဲ့သည်ဆိုလျှင် …) အန်အယ်လ်ဒီပါတီအပေါ် သက်ဆိုင်ရာဆောင်း ပါးရှင်တို့၏ အမြင်များသာ ဖြစ်ပါသည်။ ဆောင်းပါးရှင်များအနေနှင့် မြန်မာပြည်သူလူထု၏ အကျိုးစီးပွားကိုရှေး ရှု၍ လွတ်လပ်စွာ ဝေဖန်ရေးသားခွင့်ရှိသည်ဟု ကျနော်ယုံကြည်၍ ဖော်ပြခဲ့ခြင်း ဖြစ်ပါမည်။

(၂) ပေးစာပါ "လွမ်းဆွေဆိုတာ ဆရာမစင်သီယာ ကျွေးမွေးလို့ အသက်ရှင်နေတဲ့ စောက်ပေါဗျာ" ဟူ သည့် အရေးအသားနှင့် ပတ်သက်၍ ရှင်းလင်းပြောကြားလိုပါသည်။

ကျနော်အနေနှင့် လွတ်လပ်စွာ ရေးသားပြောဆိုခွင့်ကို အထူးလေးစား တန်ဖိုးထားပါသည်။ ကျနော်(တဦး တည်း)၏ သဘောထားကို ထပ်မံဖြည့်စွက်ပြောဆိုရလျှင် လွတ်လပ်စွာ ရေးသားပြောဆိုခြင်းအပြင် လွတ်လပ် စွာ ပုတ်ခတ်ဆဲဆိုရေးသားသည်များကိုလည်း ကြိုဆိုပါသည်။ တဦးတယောက်၏ မိမိကွယ်ရာတွင်ဖြစ်စေ ရှေ့ တွင်ပင်ဖြစ်စေ အမနာပ ဆဲဆိုရေးသားမှုများကြောင့် ကျနော့်ထံမှ မည်သည့်အရာမှ ပွန်းပဲ့ပါသွားခြင်း ရှိလိမ့် မည်မဟုတ်ဟု ကျနော်ယုံကြည်၍ ကြိုဆိုခြင်းဖြစ်ပါသည်။ နာမည်အရင်းနှင့်တကွ ဂုဏ်သိက္ခာရှိရှိ ပုတ်ခတ်ဆဲ ဆိုရေးသားမည့် မည်သူ့ကိုမဆို ကျနော်၏ ဘလော့မှ ကြိုဆိုပါကြောင်း အတိအလင်း ပြောကြားလိုပါသည်။

မြန်မာပြည်သူလူထု၏ အကျိုးစီးပွားတခုတည်းသာကို ရှေးရှု၍ မည်သူ့မျက်နှာကိုမှ မထောက်ထားဘဲ အားမနာ စတမ်း ပြောဆိုဝေဖန်ရေးသားလျှင် ရှေ့လျှောက်တွင်လည်း အမနာပ ဆဲရေးတိုက်ခိုက်မှုများနှင့် ကြုံတွေ့ရဦး မည်ကို ကျနော့်အနေနှင့် မျှော်လင့်ပြီးသား ဖြစ်ပါသည်။ လူထုအကျိုးစီးပွားအတွက် ရေးသားရမည်က ကျနော် ၏ အလုပ်၊ ဆဲဆိုသည်က ကာယကံရှင်များ၏ အလုပ်သာဖြစ်သည်ဟု ယူဆပါသည်။ မည်သူမဆို မိမိရေးသား ပြောဆိုသည့် အဆင့်အတန်းအလိုက် သမိုင်းစာမျက်နှာတွင် အကောင်းအဆိုး အဖြူအမဲ တင်ကျန်ခဲ့မည်ဟု ကျနော်ယုံကြည်ပါသည်။

(၃) ပေးစာပါ “လွမ်းဆွေဘလော့ မရောက်ပါစေနဲ့” ဆိုသည်နှင့် ပတ်သက်၍ နောက်ဆုံးရှင်းလင်းပြော ကြားလိုသည်မှာ တနေ့တခြား ပို၍ပို၍ လွတ်လပ်ပွင့်လင်းမှုကို တောင်းဆိုလာသော သတင်းမီဒီယာခေတ်ကြီး တွင် မိမိတို့၏ အချက်အလက်၊ အကြောင်းအရာများ မည်သည့်အရာကိုမဆို အများနှင့်သက်ဆိုင်သည့် မီဒီယာ များပေါ်သို့ မရောက်ရှိစေလိုလျှင် သေချာစွာ လုံလုံခြုံခြုံ သိမ်းဆည်းထားကြဖို့ အကြံပြုပြောကြားလိုပါသည်။ ကျနော်၏ ဘလော့တွင် မဖော်ပြစေလိုလျှင်မူ ဘလော့အီးမေးလ်လိပ်စာ lunswe@gmail.com သို့ (မည် သည့်နည်းနှင့်မဆို) ရောက်ရှိမလာအောင် ဂရုစိုက်ကြပါရန် လေးစားစွာ ပန်ကြားလိုပါသည်။

နှစ်သစ်အခါသမယတွင် ဘလော့ကို ဖတ်ရှုအားပေးသူအပေါင်း စိတ်၏ ချမ်းသာခြင်း၊ ကိုယ်၏ ကျန်းမာခြင်းတို့ နှင့် တလုံးတ၀တည်း ပြည့်စုံပျော်ရွှင်နိုင်ကြပါစေ …။

တိုက်ပွဲသစ္စာနှင့်အတူ
အားလုံးသို့ လေးစားစွာဖြင့် …
ဒေါက်တာလွဏ်းဆွေ
(၂-၁-၀၉)