န.အ.ဖ ၏ ထုတ်ပြန်ကြေညာချက်နှင့် ပတ်သက်၍ ...

န.အ.ဖ ထောင်တက်မယ့် လှေကားအဖြစ်ခံမလား
န.အ.ဖ စစ်အာဏာရှင်စနစ် နိဂုံးချုပ်အောင် ပြတ်သားစွာ မြေမြှုပ်သုတ်သင်မလား …
ရဲဘော်ငြိမ်း (မျိုးချစ်ဒီမိုကရက်တစ်တပ်ပေါင်းစု)

န.အ.ဖ ရဲ့ ကြေညာချက်တွေကို ဆန်းစစ်ကြည့်လိုက်တဲ့အခါ …
(၁) ၁၉၉၀ ရွေးကောက်ပွဲရလဒ်ကို ပစ်ပယ်ရန် ကြိုးစားခြင်း
(၂) ရွေးကောက်ပွဲအနိုင်ရ ပါတီမှ ဒေါ်အောင်ဆန်းစုကြည်၊ ဦးတင်ဦး အပါအ၀င် ဖမ်းဆီးခံ နိုင်ငံရေး အကျဉ်းသားအားလုံး ခြွင်းချက်မရှိ လွှတ်ပေးရေးအား လျစ်လျူရှုခြင်း
(၃) ၁၉၈၈ လူသတ်မှု၊ ဒီပဲယင်း လုပ်ကြံသတ်ဖြတ်မှု၊ စက်တင်ဘာ အရေးအခင်းတွင် သံဃာတော်များနှင့် လူထုအား သတ်ဖြတ်သည့် တာဝန်ရှိသူများအား ပြင်းထန်စွာ အရေးမယူခြင်း
(၄) ကျောင်းသားတပ်မတော် ၊ ကေအန်ယူနဲ့ အားလုံးသော လက်နက်ကိုင်တော်လှန်ရေး အင်အားစုများနဲ့ အကြွင်းမဲ့ အပစ်အခတ်ရပ်စဲရေးကို လျစ်လျူရှုခြင်း

အထက်ပါ အချက်လေးချက်အရ န.အ.ဖ လုပ်မယ့် ဆန္ဒခံယူပွဲဟာ ၁၉၇၄ ခုနှစ် မ.ဆ.လ ပါတီက လုပ်ခဲ့တဲ့ လူထုဆန္ဒခံယူပွဲထက် ဆိုးတဲ့ကိစ္စတရပ်ဖြစ်တယ်။

ဒါဟာ န.အ.ဖ ဘက်က ပြည်သူလူထုကို တဖက်သတ် အနိုင်ကျင့် စော်ကားမှုတွေ အားလုံးနဲ့အတူ ထပ်မံပြီး ထမ်းခိုင်းမယ့် ၀န်ထုပ်ဝန်ပိုး တစ်ခုသာဖြစ်တယ်။ ဒီဆန္ဒခံယူပွဲက နိုင်ငံတကာနဲ့ ကုလသမဂ္ဂကို ထုံးစံအတိုင်း ညာပြီး ပြတဲ့ပွဲ၊ လူထုကို သေနတ်နဲ့ချိန်ပြီး ပြတဲ့ သွေးသံရဲရဲထဲက မျက်လှည့်ပြပွဲ တစ်ခုဖြစ်တယ်။ မြန်မာပြည် ပြည်သူလူထုဟာ ညံ့ဖျင်းနုံနဲ့ပြီး ငါတို့လုပ်တိုင်းရတယ်ဆိုတဲ့ န.အ.ဖ ရဲ့ သူတို့ကိုယ်သူတို့ အထင်ကြီးမှုနဲ့ တဘက်က ပြည်သူလူထုအပါအ၀င် နိုင်ငံရေးပါတီတွေနဲ့တကွ တိုင်းရင်းသားတော်လှန်ရေးအင်အားစု အသီးသီး ဒီမိုကရေစီအင်အားစု အသီးသီးကို နားမလှည့်ဘဲ မျက်နှာချင်းဆိုင် လည်ဂုတ်ဆွဲပြီး ပါးရိုက်လိုက်တာပဲဖြစ်တယ်။

န.အ.ဖ ဟာ ပြည်တွင်းပြည်ပ အကြပ်အတည်းတွေ အားလုံးကို လက်ပူတိုက် လိမ်ညာ ခြိမ်းခြောက် သတ်ဖြတ် လာဘ်ထိုး ချော့မော့ လုပ်ကြံခြင်းတွေနဲ့ သက်ဆိုးရှည်ခဲ့တာ နှစ်ပေါင်းနှစ်ဆယ်ထဲကို ချည်းနင်းဝင်ရောက်လာပြီ ဖြစ်တယ်။ ပြည်သူလူထုတရပ်လုံးအနေနဲ့ န.အ.ဖ စစ်အာဏာရှင်လုပ်မယ့် လူထုဆန္ဒခံယူပွဲဆိုတာရဲ့ အနှစ်သာရကို ကောင်းကောင်း နားလည်ပြီးသား ဖြစ်တယ်ဆိုတာ ယုံမှားသံသယဖြစ်ဖွယ် မရှိဘူး။

စစ်အုပ်စုဟာ ၁၉၉၀ ရွေးကောက်ပွဲမှာ အနိုင်ရခဲ့တဲ့ အမျိုးသားဒီမိုကရေစီအဖွဲ့ချုပ်ကိုသာ နိုင်ငံတော်အာဏာ အပ်ရမှာဖြစ်တယ်။ အမျိုးသားဒီမိုကရေစီအဖွဲ့ ချုပ် အနေနဲ့သာ ဦးဆောင်လုပ်ရမယ့် အမျိုးသားပြန်လည်သင့်မြတ်ရေး ကိစ္စတွေဖြစ်တယ်။ ဒါဟာ နားလှည့်ပါးရိုက်ဖို့ တိုင်းရင်းသားတွေကို လိမ်ညာ သုတ်သင်ချင်တဲ့ န.အ.ဖ ရဲ့ အလုပ်မဟုတ်ဘူး။ စစ်တပ်ဟာ စစ်တန်းလျားမှာပဲ ရှိနေရမယ်။ အမျိုးသားနိုင်ငံရေးဆိုတဲ့ စကားတစ်ခွန်းနဲ့ ကိုယ့်ကိုယ်ကိုယ် နိုင်ငံရေးဥသျှောင်ကြီးတွေလို
သေနတ်ခါးချိတ်ထားတဲ့ အာဏာရှင်တွေ အနားယူကြဖို့ အချိန်တန်ပြီ။ စစ်အုပ်စုရဲ့ အထက်ပိုင်း ခြောက်ဆယ်ကျော်တဲ့ ဗိုလ်ချုပ်တွေအကုန်လုံး အငြိမ်းစားယူသင့်ပြီ။

တပ်မတော်ကို ကမ်းကုန်အောင် ဖျက်ဆီး စရိုက်ဆိုးတွေ သွတ်သွင်းပြီး ခါးပိုက်ဆောင်တပ်အနေနဲ့ ကိုယ့် ရဲဘော်ရဲဘက် အငယ်တွေကို ညီရင်းအကို စိတ်မထားဘဲ ကိုယ့်အကျိုးစီးပွားကို ကာကွယ်ရင် ကာကွယ်၊
မကာကွယ်ရင် ပက်ပက်စက်စက် လုပ်ရက်တဲ့ ဗိုလ်ချုပ်တွေကို တပ်မတော်ထဲက ထုတ်ပယ်အရေးယူဖို့ အချိန်တန်ပြီ။

တပ်မတော်တွင်းက ဗိုလ်ချုပ်ကြီးများက စလို့ တပ်သားအထိ အမျိုးသားနိုင်ငံရေးကို လုပ်ချင်ရင် တပ်မတော်က အငြိမ်းစားယူပြီး ပါတီတစ်ရပ် အဖွဲ့အစည်းတခုကို ဦးဆောင်ပြီး လုပ်ရမှာဖြစ်တယ်။ သေနတ်တကားကားနဲ့ ဗိုလ်ကျအနိုင်ကျင့်တာဟာ အမျိုးသားနိုင်ငံရေးမဟုတ်ဘူး၊ အမျိုးသားကျွန်ပြုရေး ဖြစ်တယ်။ တပ်မတော်ဆိုတာ နိုင်ငံတော်ကို ပြည်ပရန်က ကာကွယ်ဖို့ပဲ ဖြစ်တယ်။ တရားမျှတတဲ့နည်းနဲ့ ပြည်သူလူထု ရွေးချယ်တင်မြှောက်တဲ့ အရပ်သား အစိုးရတစ်ရပ်သာလျှင် တိုင်းပြည်ကို ဦးဆောင်ရမှာဖြစ်တယ်။

မိန်းကလေးတယောက်ကို အတင်းဗလက္ကာရ ပြုပြီးမှ မယားတော်ပါ့မယ် ဆိုတဲ့အချိုးနဲ့ နိုင်ငံတော်နဲ့ ပြည်သူကို စော်ကားမော်ကား လုပ်လာခဲ့တာတွေကို ရပ်တန့်စေဖို့ ပြည်သူလူထုအနေနဲ့ ဘက်ပေါင်းစုံက ၀ိုင်းဝန်းကြိုးပမ်းရမှာ ဖြစ်တယ်။ န.အ.ဖ ရဲ့ ဆန္ဒခံယူပွဲကို လူထုကြီးတရပ်လုံးက ပြတ်ပြတ်သားသား ဆန့်ကျင်ကြမယ် ဆိုတာကို န.အ.ဖ ဟာ ကျိန်းသေသိတယ်။ ဒီတော့ န.အ.ဖ ဟာ လူထုကို ချော့တခါ ခြောက်တလှည့်နဲ့ သတ်ဖြတ် ဖမ်းဆီးသင့်တဲ့ အစိတ်အပိုင်းကို သတ်ဖြတ်ဖမ်းဆီးမယ်။ ယခုလည်း ဖမ်းဆီးနေဆဲဖြစ်တယ်။ လိမ်ညာချော့မြှူ သိမ်းသွင်းရမယ့် အပိုင်းကို လိမ်ညာချော့မြှူ သိမ်းသွင်းမယ်။
သူတို့လုပ်နေကျဖြစ်တဲ့ ကြံ့ဖွတ်ဦးဆောင်တဲ့ အတုအယောင် အင်အားပြပွဲကြီးတွေကို ယခုကစပြီး အရှိန်အဟုန်မြှင့် လုပ်သွားကြမှာဖြစ်တယ်။

တကယ်တန်း န.အ.ဖ ဟာ ရှေ့ကိုတိုးတိုး နောက်ကိုဆုတ်ဆုတ် သူတို့အတွက် အ၀ီစီပဲ ရှိတယ်ဆိုတာကို သိလို့ ရှိနေတဲ့နေရာက အထက်ကိုတက်ဖို့ လှေကားထောင်လိုက်တာ ဖြစ်တယ် ။ ဒါပေမယ့် သူတို့ လွတ်မြောက်ချမ်းသာ စည်းစိမ်တည်မြဲရေး လမ်းကြောင်းအတွက် ထောင်တဲ့လှေကားဟာ ရဟန်းရှင်လူ ကျောင်းသား ပြည်သူလူထုနဲ့ တပ်မတော်သားတွေရဲ့ အရိုးတွေဖြစ်တယ်၊ အသက်တွေဖြစ်တယ၊် သွေးချွေးတွေ ဘ၀တွေဖြစ်တယ်။

ဒီတော့ ကျနော်တို့တတွေဟာ န.အ.ဖ ထောင်တက်မယ့် လှေကားအဖြစ်ခံမလား ... န.အ.ဖ စစ်အာဏာရှင်စနစ် နိဂုံးချုပ်အောင် ပြတ်သားစွာ မြေမြှုပ်သုတ်သင်မလား ...။ နိဂုံးချုပ်အနေနဲ့ ပြန်ပြီး ကိုးကားလိုတာကတော့ ဗိုလ်ချုပ်အောင်ဆန်းနဲ့ ဒေါ်အောင်ဆန်းစုကြည်တို့ရဲ့ စကားပဲ ... ကျနော်တို့ အဆိုးဆုံးကို ရင်ဆိုင်ဖို့ ပြင်ဆင်ကြပါစို့ ...။

ရဲဘော်ငြိမ်း (မျိုးချစ်ဒီမိုကရက်တစ်တပ်ပေါင်းစု)