လူထုအားမှတပါး … အခြားမရှိပြီ

ဏီသစ်

မယောင်ရာ ဆီလူးနေသည်များကို ရပ်ကြပါတော့ ဟူ၍ အစပြုပြောချင်ပါတော့သည်။ နအဖကတော့ သူတို့ ဘက်က ပြင်ဆင်မှု ခိုင်မာနေပြီ၊ အခြေသာနေပြီဟု ယူဆ၍ ဆန္ဒခံယူပွဲ၊ ရွေးကောက်ပွဲ ရာဇသံကိုတင်၍ ထိုးစစ်ကို စရန် အသံပြုလိုက်ပြီ ဖြစ်သည်။ ထိုအခြေအနေတွေကြောင့်ပဲ ထင်သည် ဒေါ်အောင်ဆန်းစုကြည် က “အကာင်းဆုံးကိုလည်း မျှော်လင့်ထားဖို လိုသလို … အဆိုးဆုံးကိုလည်း ပြင်ဆင်ထားပါ”ဟု မကြာခင်က မှ တပ်လှန့်ထားခဲ့ခြင်းဖြစ်သည်။ ဒေါ်စု(DASSK)၏ သတင်းပါးလိုက်သော ဤစကား၏ ဒုတိယပိုင်းဖြစ်သော အဆိုးဆုံးကို ပြင်ဆင်ထား ဆိုသည်ကို အဓိပါယ်ဖွင့်ရလျှင် … အဆိုးဆုံး အခြေအနေကို မရောက်အောင် တား ဆီးရန် ပြင်ဆင်ထားဖို့လည်း လိုသကဲ့သို့၊ ထိုအခြေအနေကို မတားဆီးနိုင်ခဲ့လျှင်လည်း အဆိုးဆုံး အခြေအ နေကို ဖြတ်သန်းကျော်ဖြတ်နိုင်ရန် ပြင်ဆင်ထားပါ … ဟူ၍ မိမိတို့ သဘောပေါက် နားလည်ထားခဲ့ပါသည်။ ထို့ကြောင့်လည်း ဤကဲ့သို့ အခြေအနေနှစ်ခုစလုံးကို ကျော်ဖြတ်နိုင်ဖို့ရန်အတွက် ဆန္ဒစွဲများကို ဖယ်ရှား၍ လက်တွေ့ပကတိ အခြေအနေတွေကို အခြေခံ၍ သုံးသပ်ပြင်ဆင်ကြရန် သမိုင်းအပူတပြင်း တောင်းဆိုနေ သည်မှာ ငြင်း၍မရသော အချက်ဖြစ်ပါသည်။ ထိုကြောင့်လည်း ပြင်ဆင်သင့်သည်များကိုလည်း ပြင်ဆင်ကြ ပါ။ လျှို့ဝှက်သင့်သည်များကိုလည်း လျှို့ဝှက်ကြပါ။ ထို့အပြင် ဤပွဲတွင် အဓိက ပါဝင်ကပြရမည့် သူများဖြစ် သည့် လူထုကိုလည်း အသိပေး ချပြသင့်သည်များကိုလည်း ချပြ၍ ပြင်ဆင်ပါစေ။

မိမိနှင့်တကွ အမြင်ညီသော မိတ်ဆွေများက အခြေအနေ ပေးလျှင်ပေးသလို နီးစပ်သူများကို၎င်း၊ မီဒီယာ စာ မျက်နှာများမှတဆင့်၎င်း နအဖအနေဖြင့် သူတို့၏ road map အဆင့် ၄ ဖြစ်သော တမတ်သား အခြေခံဥပ ဒေ ဆန္ဒခံယူပွဲကို မကြာခင်အချိန်တွင် တက်သုတ်ရိုက်၍ ကျင်းပ အကောင်အထည် ဖေါ်သွားနိုင်သည်။ ထို ကြောင့် မိမိတို့ဘက်က ကြိုတင်ပြင်ဆင်မှုများကို လုပ်ထားသင့်ပြီ။ မြန်မာပြည်တ၀ှမ်းတွင်လည်း နအဖက ပြင်ဆင်မှုများ လုပ်နေသည်များကိုလည်း တွေ့နေရသည်ကိုလည်း ပြောဆိုခဲ့ပါသည်။

သို့သော် … မိတ်ဆွေတွေ တော်တော်များများကတော့ ဤကဲသို့ မယူဆခဲ့ကြပါ။ စက်တင်ဘာအရေးအခင်း အဟုန်၏ အမူးက မပြေသေးတာလည်း ဖြစ်နိုင်ပါလိမ့်မည်။ နအဖအနေဖြင့် စက်တင်ဘာ အရေးအခင်း ကြောင့် ဤမျှအကျဉ်းအကျပ်ထဲ ရောက်နေခဲ့သည်။ ထိုကဲ့သို အခြေအနေတွင် ထိပ်တိုင်ရင်ဆိုင်ရသည့် အ ခြေအနေကို ဖြစ်လာစေသည့် နိုင်ငံရေးလုပ်ကွက်မျိုးကို လုပ်လာနိုင်လိမ့်မည်မဟုတ်၊ သူတို့အတွင်းမှာလည်း အကျပ်အတည်းတွေ အများကြီးရှိနေသည်၊ ထို့ကြောင့် ဆန္ဒခံယူပွဲလိုဟာမျိုးကို နအဖအနေဖြင့် လတ်တ လောတွင် တက်သုတ်ရိုက် လုပ်လာနိုင်လိမ့်မည် မဟုတ်ဟုသာ တော်တော်များများက တုံ့ပြန်ခဲ့ကြပါသည်။ ထိုကဲသို့ သုံးလည်းသုံးသပ် ပြုမူခဲ့ကြပုံရပါသည်။

ထိုသို့ဆိုလျှင် နအဖစစ်အုပ်စုအနေဖြင့် ဘာကြောင့် ယခုကဲသို့ ခြေလှမ်းမျိုးကို လှမ်းလိုက်သနည်း။ ထိုမေးခွန်းကို ၀ိုင်းဝန်း၍ စဉ်းစားကြစေချင်ပါသည်။ တွေးမိသော အမြင်တခုတော့ ရှိပါသည်။ သို့သော် ပြည်စုံ သည့် အမြင်ဟုတော့ မဆိုလိုပါ။ နအဖက လက်ရှိ ပြည်တွင်းနိုင်ငံရေး အခြေအနေကို သူတို့ချုပ်ကိုင်ထား လိုက်နိုင်ပြီဟု ယူဆနေပုံရသည်။ ဒီပဲယင်းနောက်ပိုင်း (ဒေါ်အောင်ဆန်းစုကြည်နှင့် ဦးဆောင်နိုင်သူများကို ဖမ်းဆီးဖိနှိပ်ခဲ့ပြီးနောက်) အပြင်တွင် ကျန်ရှိနေသည့် ဦးဆောင်လှုပ်ရှားနိုင်သူများ (အထူးသဖြင့် ၈၈မျိုးဆက် တွေ၊ NLD လူငယ်တွေ) အားလုံးကို ဒီစက်တင်ဘာ အရေးအခင်းအတွင်းနှင့် နောက်ပိုင်းတွင် မြေလှန်လိုက် နိုင်ပြီဟု ယူဆနေပုံရသည်။ တချို့တွေကိုတော့ နောက်ပိုင်းတွင် ပြန်လွတ်ပေးခဲ့သော်လည်း သူတို့၏ ဒေါက် တိုင်မျိုးစုံ၏ လက်တံရှည်ကြီးများဖြင့် ရပ်ကွက်တွေထဲထိရောက်အောင် ထိမ်းချုပ်နိုင်လိုက်ပြီဟုလည်း ယုံ ကြည်နေပုံရပါသည်။

နိုင်ငံတကာ အခြေအနေတွေကိုတော့ နအဖစစ်အုပ်စုအနေဖြင့် ကြောက်ယောင်ဆောင်ပြသည့် ယောင်ပြ တွေမှလွဲ၍ သိပ်ပြီးအာရုံရနေခဲ့ပုံ မရပါ။ ယနေ့ကမ္ဘာ၏ ကိုယ်ကျိုးစီးပွားကိုသာ အခြေခံသည့် လက်တွေနိုင်ငံ ရေးကစားကွင်းကြီးထဲမှာ နအဖကတော့ နိုင်ငံကြီးတွေ၊ အိမ်နီးချင်နိုင်ငံတွေကို ထိုအကျိုးစီးပွားဆိုသည့် အ ပေါ်တွင်ပဲ အခြေတည်၍ လိမ်ကာ၊ ကောက်ကာဖြင့် သူတို့၏ခြေကို ဖေါ်ပြကစားခဲ့ပြီးဖြစ်သည်။ တကယ် တော့လည်း ဖိအားတွေ၊ အတားအဆီးတွေဆိုသည်မှာ နအဖကို အတိုင်းအတာတခုထိ ချုပ်နှောင်ထားနိုင်ခဲ့ သည်မှာ မှန်သော်လည်း နအဖကို အသက်ရှုကျပ်သွားလောက်အောင၊် ဒူးထောက်သွားလောက်အောင် အ ခြေအနေတွေ အထိတော့ မတက်နိုင်သေးပါ။ နအဖကတော့ လက်ရှိ အခြေအနေတွေထိ သူတို့နည်း၊ သူတို့ ဟန်တွေဖြင့် ကျော်လွှားနေနိုင်သေးသည်။ သိုသော်လည်း နိုင်ငံတကာမှ မိမ်ိတို့ရဲ့ လှုပ်ရှားမှုတွေ၊ lobby တွေကတော့ ဆက်လက်လှုပ်ရှားနေရပေမည်။ နအဖ၏ ထွက်ပေါက်များကို ပိုမို၍ ပိတ်ထားနိုင်သမျှ ပိတ်ဆို့နိုင်အောင် ထပ်မံ၍လည်း အရှိန်မြှင့် လုပ်ဆောင်ရပေလိမ့်မည်။ သို့သော် ထိုအပေါ် အာရုံပြု၍ စောင့် နေလို့တော့ မရပေ။ ဤသည်မှာ အရံတွန်းအားသာ ဖြစ်သည်။ ထိုကြောင့်လည်း နိုင်ငံတကာ သံတမန်ရေး တွေဖြင့် လူထုကို မျက်စိလည်မသွားစေဖို့ အရေးကြီးပါသည်။

ဒီတကြိမ်တွင်တော့ နအဖစစ်အုပ်စုအနေဖြင့် ၁၉၉၀ရွေးကောက်ပွဲပုံစံအဖြစ်မျိုး ထပ်ပြီး သူတို့အရောက်ခံ၍ မ ရကြောင်းကို သင်ခန်းစာယူခဲ့ပြီးပုံ ရပါသည်။ ၁၉၅၄နှင့် ၁၉၆၀ ရွေးကောက်ပွဲများ တုန်းကလို အတိုက်အခံ တွေ ပြည်သူတွေကို စစ်တပ်ကျောထောက်နောက်ခံဖြင့် ပျူစောထီးတို့ ကြံခိုင်ရေးတို့က ဖိနှိပ်မှုမျိုးဖြင့် ၁၉၇၄ ကလို အောင်ပွဲကိုယူမည်ဟု မျှော်မှန်းထားပုံလည်းရပါသည်။ တချို့က ပြောနေကြသည့် နိုင်ငံတကာ၏ မော် နီတာဆိုတာကရော …။ နအဖအနေဖြင့်ကတော့ စဉ်းစားပြင်ဆင်ထားလျှင်လည်း ထားနိုင်ပါသည်။ သို့မဟုတ် ဂရုမစိုက်ဆိုပြီး လုပ်ချင်လည်း လုပ်နိုင်ပါသေးသည်။ နောက်ဆုံးအခြေအနေသို့ ရောက်လာခဲ့လျှင်တော့ ထို ကိစ္စသည် မိမိတို့အတွက် လိုအပ်ပါသည်။ သိုသော် ပုံတော့ မအောထားသင့်ပါ။ စစ်အေးခေတ် နောက်ပိုင်း ကမ္ဘာတလွှားတွင် ဆန္ဒခံယူပွဲတွေ၊ ရွေးကောက်ပွဲတွေ အနှံအပြား ဖြစ်ပွားခဲ့သည်။ ကောင်းမွန်မျှတစွာ ပြီးဆုံး ခဲ့သည်များလည်းရှိသလို နိုင်ငံတကာ က အနီးကပ် စောင့်ကြည့်နေသူတွေများကြားမှ မျက်လှည့်ပြသွားနိုင် သူတွေကလည်း ဒုနဲ့ဒေး ရှိနေခဲ့သည်။ သိသိကြီးနှင့် လက်ဆုပ်လက်ကိုင် မပြနိုင်၍ ရောရိရောရဲတွေ ဖြစ် သွားခဲ့တာတွေလည်း ရှိခဲ့သည်။

ထို့အပြင် ပထမတန်း အနောက်နိုင်ငံတွေကလို ကွန်ပျူတာအခြေပြု မဲပေးစနစ်မျိုးမဟုတ်၊ တတိယကမ္ဘာ့နိုင် ငံတွေက မဲရုံစနစ်ပုံစံ ဖြစ်သည်ကိုလည်း သတိပြုသင့်သည်။ အရှေ့တီမောလို နိုင်ငံငယ်မှာလိုမျိုး အဆိုးဆုံး အခြေအနေတွေ၊ သွေးမြေကျမှုတွေကို ဖြတ်သန်းပြီး နိုင်ငံတကာ၏ ၀င်ရောက်ကူညီမှုကြောင့် ပန်းတိုင်တော့ ရောက်ခဲ့သည့် နိုင်ငံအနည်းငယ်တော့ ရှိခဲ့ပါသည်။ သို့သော် မြန်မာနိုင်ငံ၏ ကျေးလက်ဒေသသည် ကျယ်ပြန့် သည်၊ ဝေးလံခေါင်သီသည်၊ အများစုသော လူဦးရေကလည်း ကျေးလက်များတွင်သာ များသည်။ မော်နီတာ တွေ လက်လှမ်းမီသည့် မြိုကြီး၊ မြို့ငယ်တွေမှာတော့ နအဖအနေဖြင့် လက်ဝင်လျှိုချင်မှ လျှိုလိမ့်မည်။ သို့ သော် ကျေးလက်တွေကိုတော့ လက်ဝါးကြီးအုပ်၍ အနိုင်ရာခိုင်နှုန်းကို ယူသွားနိုင်လိမ့်မည်ဟု နအဖက တွက်ထားပုံ ရပါသည်။ ထိုကြောင့်လည်း နိုင်ငံတကာမှ စောင့်ကြည့်နေသည်၊ အနီးကပ် မော်နီတာ လုပ်နေ သည် ဆိုတာနှင့်လည်း လူထုကို ထွေပြားအောင် မဖြစ်စေချင်ပါ။

တကယ်တော့ အချိန်က သိပ်မကျန်တော့ပါ။ ပြတ်သားတဲ့ အတွေးအခေါ်တခု လူထုဆီကို ပျံနှံ့ရောက်ရှိနေပြီး ဖြစ်သင့်ပါသည်။ နိုင်ငံတကာကို အားကိုးရမည်လော … ခေါင်းဆောင်တွေကို ထိုင်စောင့်နေရမည်လော … မိမိကိုယ်ကိုသာ ခေါင်းဆောင်တင် အားကိုးအားထားပြု၍ တော်လှန်ပြီး အောင်ပွဲခံကြမည်လော … တချို့ သော လူထုတွေကြားထဲတွင် ဤကဲ့သို အတွေးအခေါ်များ ထွေပြားနေသလို (ဒါကလည်း မိမိတို့ မညီညွတ် နိုင်မှုတွေကြောင့်လည်း သဘာဝကျနေပါသည်) မိမိတို့ တော်လှန်ရေး အင်အားစုတွေထဲမှာလည်း အတွေး တွေက မတင်မကျ ဖြစ်နေကြသေးသည် မဟုတ်ပါလား။

ဤတွင် အထူးပြု၍ ထပ်ပြောချင်ပါသည်။ အချိန်က သိပ်မကျန်တော့ပါ။ လက်ရှိ အခြေအနေသည် မိမိတို့၏ ၁၉၉၀ ရွေးကောက်ပွဲရလဒ် အလံကို တင်ထားသည့် တောင်ကုန်းကို စစ်အုပ်စုက တက်သိမ်း၍ မိမိတို့တင် ထားသည့် အလံကို ဖြုတ်ချပြီး ၄င်းတို့၏ တမတ်သား အလံကိုတင်ဖို့ ကြိုးစားနေခြင်းဖြစ်သည်။ ထိုတောင် ကုန်းသည် နှစ်ဖက်စလုံးအတွက် အရေးပါသော တောင်ကုန်းလည်း ဖြစ်သည်။ နောက်ဆက်တွဲ အနိုင်အရှုံး တွေကိုလည်း ဆုံးဖြတ်ပေးနိုင်သည့် တောင်ကုန်းလည်း ဖြစ်နေသည်။ တကယ်တော့လည်း ထိုတောင်ကုန်း ကို ကာကွယ်ရန်မှာ လူထုအင်အားမှလွဲ၍ တခြားမရှိနိုင်ပါ။ ထို့ကြောင်လည်း လူထုနှင့် ပြတ်ပြတ်သားသား လက်တွဲထားရမည့်အချိန် ဖြစ်နေပါပြီ။ လူထုထဲမှ ပေါ်ထွက်လာမည့် သူရဲကောင်းများကသာ စစ်အုပ်စု၏ ထိုး စစ်ကို ရိုက်ချိုးပစ်၍ အောင်ပွဲဆီကို ခေါ်ဆောင်သွားနိုင်မှာဖြစ်သည်။ ထိုကြောင့်လည်း တော်လှန်ရဲတဲ့ စိတ် ဓာတ်နဲ့ အောင်ပွဲခံရဲတဲ့ စိတ်ဓာတ်တွေ လူထုတွေကြားထဲမှာ ပျံနှံ့နေပြီး မြန်မာပြည် တနံတလွှားတွင် မက တော့ဘဲ ဘ၀ဂ်သို့ပါ လျှံထက်လာစေအောင် အမျိုးသားညီညွတ်ရေး ထီးရိပ်အောက်တွင် မိမိတို့အားလုံး လက်တွဲ၍ ကျရာနေရာ ကျရာတာဝန်တွေကို လုပ်ဆောင်ကြပါစို့ …။

ဏီသစ်