ငါတို့ကို ဒီမိုကရေစီပြန်ပေး

ငါတို့ကို ဒီမိုကရေစီပြန်ပေး
ဒေါင်းတမန်

(၁)
တက္ကသိုလ်ကျောင်းသားတဦးရဲ့
ဖျောက်ထားခံရတဲ့ သမိုင်းမှာ
သစ်ပုတ်ပင်ကြီးပါတယ်
သွေးစွန်းခဲ့တဲ့ အင်းလျားကန်ဘောင်ပါတယ်
ဖြိုချခံခဲ့ရတဲ့ တကသ အဆောက်အဦးလည်းပါတယ်။

ကျောင်းသားတို့ရဲ့
ကိုယ့်သမိုင်းကိုယ်ရေးခွင့်
ဘယ်လောက်ဖြင့် ဆုံးနေရဦးမှာလဲ။

ငါတို့ကို
ဒီမိုကရေစီပြန်ပေး ...။

(၂)
သံဃာတော်တပါးရဲ့
ခြေမွခံလိုက်ရတဲ့ ပုံရိပ်မှာ
စစ်ဖိနပ်ဒဏ်ရာနဲ့ ကျောင်းသင်္ခမ်းကိုတွေ့တယ်
တားမြစ်ခံထားရတဲ့ ဆွမ်းချိုင့်လေးတွေတွေ့တယ်
ရွတ်ဆိုခွင့် မရတော့တဲ့
မေတ္တာပို့ ဆုတောင်းသံကိုလည်းတွေ့တယ်။

ဘယ်လောက် ဖောက်ပြန်ပိုးထိုး
ခေတ်ဆိုးကြီးများပါလိမ့်
ဘုရားသားတော်တွေရဲ့ ဘဝ
သင်္ကန်းရုံမှ
ပိုပြီး မလုံခြုံရတဲ့အဖြစ်
ရင်နင့်စရာ ကောင်းလှချည့်။

အခုခင်းကျင်းနေတဲ့ အမိုက်ဇာတ်
ဘယ်တော့များ ရပ်ပါ့မလဲ။

ငါတို့ကို
ဒီမိုကရေစီပြန်ပေး ...။

(၃)
သာမန်ပြည်သူတယောက်ရဲ့
ဖျက်သိမ်းခံခဲ့ရတဲ့ ဘဝမှာ
မှတ်ပုံတင်ပြစရာ မလိုတဲ့
လွတ်လပ်စွာ ကိုးကွယ်ခွင့်ပါတယ်
အကြောက်တရားမဲ့ ပြောဆိုခွင့်ပါတယ်
အချုပ်အခြယ်မဲ့ စည်းရုံးခွင့်လည်းပါပါတယ်။

နောက် ဘယ်လောက်ကြာကြာ
အကျဉ်းချထားဦးမှာလဲ။

ငါတို့ကို
ဒီမိုကရေစီပြန်ပေး ...။

(၄)
သာမန်စစ်သားတယောက်ရဲ့
မက်ခွင့်မရတဲ့ အိပ်မက်တွေထဲမှာ
နေ့တိုင်း ရွတ်နေရပြီး
ဘယ်တော့မှ ဦးထိပရရွက်ခွင့်မရခဲ့တဲ့
သစ္စာလေးချက်ကို တွေ့တယ်
ဖယ်ရှားခံထားရတဲ့
ပြည်သူနဲ့ တသားတည်း ဖြစ်ခွင့်ကိုတွေ့တယ်။

အခုဖြင့်
ပြည်သူကို သေနတ်ပြောင်းချိန်ဖို့သာ
အမိန့်ပေးခံထားရတဲ့
မလူးသာ မလွန့်သာဘဝ
ဘယ်တော့မှ ကုန်ဆုံးနိုင်မှာလဲ။

ငါတို့ကို
ဒီမိုကရေစီပြန်ပေး ...။

(၅)
ရဟန်းပြည်သူ
ကျောင်းသူကျောင်းသား
စစ်သားမကျန်
မြန်ပြည်တဝှမ်း
ဘဝဂ်လွှမ်းအောင်
အစွမ်းရှိသမျှ
ဟစ်ကြွေးကြလော့ …။

“ငါတို့ကို
ဒီမိုကရေစီပြန်ပေး”

“ငါတို့ကို
ဒီမိုကရေစီပြန်ပေး”

“ငါတို့ကို
ဒီမိုကရေစီပြန်ပေး”

သံပြိုင်ဟစ်ဆို
ထိုတောင်းဆိုသံ
ပြည်လုံးညံကာ
ဤတခါမူ
ရန်သူဟူသမျှ
တောထုတ်နိုင်ကြပါစေသတည်း ။ ။

ဒေါင်းတမန်