လစ်ဟာနေသေးသော ကွက်လပ်လေးတခု

ဒေါင်းတမန်

(၁)

ဖြစ်လာနိုင်ပါ့မလားဟု ကျနော်တို့ မချင့်မရဲ စောင့်ကြည့်နေရသော ဒေါ်အောင်ဆန်းစုကြည်နှင့် နအဖတို့အကြား ဆွေးနွေးပွဲ တဖြည်းဖြည်း အစပျိုးလာသည်ကို မြင်ရသောအခါ အကောင်းမြင်စိတ်ဖြင့် ပီတိဖြစ်ရပါသည်။
ယခုတခေါက် ဆွေးနွေးပွဲတွင် နှစ်ဦးနှစ်ဖက် ယခင်ကထက် အသီးသီး အလျှော့ပေး၍ ပြေလည်မှု လမ်းကြောင်းပေါ် ရောက်နိုင်ကြလိမ့်မည်ဟု ထင်မြင်မိပါသည်။

အဘယ်ကြောင့်ဆိုသော် နအဖသည် မည်မျှပင် ဟန်ကိုယ့်ဖို့ လုပ်နေပါစေ။ စက်တင်ဘာ အရေးအခင်းတွင် အဘယ်မျှ အထိနာခဲ့သည်ကို သူတို့ကိုယ်တိုင် အမှန်တကယ် ရိပ်စားမိနေပြီဟု ယူဆမိသောကြောင့် ဖြစ်ပါသည်။ သူ့အနေနှင့် ယခင်လောက် သဘောထား တင်းမာဖို့ မဖြစ်နိုင်စေသည့် အချက်များက ရှိနေပါသည်။

(က) သံဃာများကို ရက်ရက်စက်စက် နှိမ်နင်းခဲ့ရခြင်းသည် သမိုင်းတွင် အဆိုးဝါးဆုံး အမည်းစက်ကြီး ဖြစ်ခဲ့ရပြီး၊ သူတို့ အသွင်ပြောင်းပြီး ကချင်နေသော နိုင်ငံရေး ဇာတ်ခုံပေါ် ဘယ်တော့မှ မတက်နိုင် လောက်အောင် နာမည် ပျက်ခဲ့ရခြင်း။
(ခ) တိုင်းပြည် စီးပွားရေး ကောင်းလာလျှင် ပြည်သူတွေက သူတို့ကို ထောက်ခံ လာမည်ဟု မျှော်လင့်လျက် ကြိုးစား ကြည့်ရင်းမှာပင် အခြေအနေ ပိုပိုဆိုးလာခြင်း။
(ဂ) သူတို့ အတင်း စင်ပေါ်တင်နေသော ကြံ့ဖွံ့အသင်းကြီးကလည်း စည်ရုံးမှု ညံ့ဖျင်းကြောင်း ထောက်ခံပွဲများကို အဓမ္မ တက်ခိုင်းနေရခြင်းက သက်သေပြနေခြင်း။ အသင်းဝင် အင်အားဆိုသည်မှာ စာရင်းပေါ်တွင်သာ ရှိပြီး ၄င်းတို့ကို အမာခံ ထောက်ခံမည့်သူများ မဟုတ်ခြင်း။

အထက်ပါ အချက်များကို ထောက်ရှု၍လျှင် နအဖ အနေနှင့် ဒေါ်အောင်ဆန်းစုကြည်၏ ထောက်ခံ သဘောတူညီမှုမပါပဲ လမ်းညွှန်မြေပုံကို ဆက်ပြီး အကောင်အထည်ဖော်လျှင် အချည်းအနှီးသာ ဖြစ်မည်ကို တွေ့ရပါမည်။ သူတို့၏ ဖွဲ့စည်းပုံကို ဇွတ်အတင်း လူထုကို ချပြလျှင်လည်း လူထုက ကန့်ကွက်မဲပေးကာ တာဝန်ကျေပြဦး မည်သာဖြစ်ပါသည်။ နအဖ သည်လည်း ပြည်သူ မကြည်ဖြူသော ရွံကြောက်ကြီးဖြစ်သော အစိုးရအဖြစ်သာ သေနတ်မိုးပြီး ဆက်အုပ်ချုပ်ဖို့ ကြိုးစားရတော့မည် ဖြစ်ပါသည်။
ထို့ကြောင့်လည်း ယခုဆွေးနွေးပွဲသည် အဖြေတခု ထွက်သည်အထိ ဖြစ်နိုင်လိမ့်မည်ဟု ထင်မြင်မိခြင်း ဖြစ်ပါသည်။

(၂)

ကျနော်၏ နောက်အမြင်တခုမှာ …

နအဖသည် ၈၈မျိုးဆက် ကျောင်းသားများအား ဆက်လက် ဖမ်းဆီးထားပြီး စက်တင်ဘာ အရေးအခင်းကို မီးမွှေးသူများဟု အညှိုးကြီး နေမည့်အစား ၄င်းတို့အား ၀င်ရောက် ဆွေးနွေးဖို့ ဖိတ်ခေါ်သင့်သည်။

အဘယ်ကြောင့်ဆိုသော် သူတို့သည် ဒေါ်အောင်ဆန်းစုကြည်ပြီးနောက် လေးစားစရာ အကောင်းဆုံး၊ အရည်အချင်း အရှိဆုံး၊ လူထုထောက်ခံမှု အရှိဆုံး အဖွဲ့ဖြစ်သောကြောင့် ဖြစ်ပါသည်။

ကိုမင်းကိုနိုင်၊ ကိုဌေးကြွယ်၊ ကိုကိုကြီး အစရှိသော လူငယ်ခေါင်းဆောင်များသည် နောင်တခေတ်အတွက် မျိုးဆက်သစ်များအဖြစ် ပြည်သူတွေရင်ထဲ အတိုင်းအတာ တခုအထိ ရောက်နေပြီဆိုသည်ကို နအဖ အနေနှင့် လက်ခံသင့်ပါပြီ။ သူတို့ကိုလည်း ဒီမိုကရေစီအရေး ၀င်ဆွေးနွေးခွင့် ပေးသင့်ကြောင်း တိုက်တွန်း လိုက်ရပေသည်။

ဒေါင်းတမန်