အကြံပြုစာ (၁၁-၁၁-၂၀၀၇)

လက်ရှိ မြန်မာနိုင်ငံရေး အခြေအနေနှင့် ကျနော့်အမြင်
ငြိမ်းချမ်း(မျိုးဆက်သစ်)

စက်တင်ဘာ သံဃာထု ဦးဆောင်တဲ့ လူထုရဲ့ စွန့်လွှတ် အနစ်နာခံမှုတွေအပြီး လက်ရှိ အခြေအနေအရ နိုင်ငံတကာ ဖိအားကြောင့် သော်လည်းကောင်း၊ တိုင်းပြည်အတွင်း တပ်မတော်အတွင်း မကျေနပ်မှုများကြောင့် သော်လည်းကောင်း နအဖ စစ်အုပ်စုအနေနဲ့ လုပ်ချင်သည်ဖြစ်စေ မလုပ်ချင်သည်ဖြစ်စေ ပြယုဂ်တစ်ခုအနေနဲ့ ဖြစ်စေ သူတို့ တခုခုကို လုပ်ပြရတော့မယ်။ လုပ်ပြဖို့ လမ်းစခင်းထားကြောင်း ပြသရမယ်။ သူတို့ခင်းတဲ့ လမ်းကို သူတို့က လျှောက်ချင်မှလည်း လျှောက်မယ်။ လုပ်နေကျအတိုင်း အချိန်ဆွဲပြီး လျှောက်ချင်လည်း လျှောက်မယ်။ ဒီလိုနဲ့ နိုင်ငံတကာ၊ ပြည်တွင်းက ပြည်သူလူထုကို အချိန်ဆွဲပြီး သွေးအေးအောင် ထုံးစံအတိုင်း လုပ်ချင်လည်း လုပ်မယ်။

ဒါကို ဒေါ်အောင်ဆန်းစုကြည်လည်း ရိပ်မိပုံ သိပုံပေါ်တယ်။ ဒါကြောင့် သူမရဲ့ ကြေညာချက်မှာ အချိန်ကို ထည့်ပြီး ပြောထားတာကို သတိထားမိပါတယ်။ ဒါဆိုရင် ကျနော်တို့က ဒီအချိန်မှာ ဘာလုပ်ကြမလဲ။ ဒီလမ်းကို သူတို့ မလျှာက်လျှောက်အောင် နည်းအမျိုးမျိုးနဲ့ တွန်းအားပေးရပါမယ်။ သူတို့(နအဖစစ်ခေါင်းဆောင်တွေ)ကို ဒီလမ်းပေါ်မှာ ရောက်လာအောင် ကျုံးသွင်းရမယ်လို့ ကျနော်မြင်မိပါတယ်။ ဒီလို ကျူံးသွင်းတဲ့ အချိန်မှာ ပြည်သူလူထုအား၊ နိုင်ငံတကာအား ၂ မျိုးစလုံးလိုပါတယ်။

ဒါကြောင့် ပြည်သူတွေအနေနဲ့ ဒီတွေ့ဆုံပွဲ (တနည်း နအဖရဲ့ အစီအစဉ်)ကို ထောက်ခံကြောင်း ကြိုဆိုကြောင်း လမ်းမတွေပေါ်ထွက်ပြီး ဆန္ဒထုတ်ဖေါ်သင့်ပါတယ်။

သူသူကိုယ်ကိုယ် မတရား ဖမ်းဆီးနှိပ်စက် သတ်ဖြတ်မှုကို ဘယ်သူမှ မခံချင်ကြပါဘူး။ အားလုံးက သူတို့ကို ရွံမုန်းပါတယ်။ ဒါပေမယ့် စဉ်းစားကြည့်တော့ ဒီလို မခံချင်စိတ်တွေနဲ့ ဆန့်ကျင်ပြီး လုပ်နေမယ်ဆိုရင် သူတို့ကို ရှုတ်ချတဲ့ ဆန္ဒပြမှုတွေ လုပ်နေမယ်ဆိုရင် (မှတ်ချက် ။ ။ ဖမ်းဆီးသူများ လွှတ်ပေးရေးကတော့ တမျိုးပေါ့
ဒါကတော့ တောင်းရပါမယ်)၊ ပုဂ္ဂိုလ်အလိုက် အဖွဲ့အစည်းလိုက် သူတို့(နအဖ)ကို ဂုဏ်သိက္ခာကျစေမယ့် လှုံ့ဆော်မှုတွေ လုပ်နေမယ်ဆိုရင် အောင်မြင်မှုက လမ်းချော်သွားနိုင်ပါတယ်။

ဒီလို နအဖ စီစဉ်တဲ့ ဒေါ်အောင်ဆန်းစုကြည်နဲ့ တွေ့ဆုံပွဲကို ထောက်ခံကြိုဆိုကြောင်း ရဟန်းပြည်သူများက ပြသလိုက်ရင် သူတို့ကို ဆန့်ကျင်ရာလည်း မရောက်သလို ဒေါ်စုကိုလည်း ထောက်ခံရာ ရောက်ပါတယ်။ ဒီလိုလုပ်ခြင်းအားဖြင့် သူတို့ရဲ့ အတုအယောင် အမျိုးသားညီလာခံ ထောက်ခံပွဲက အလိုလို မှေးမှိန်သွားမယ်။ ဒါကြောင့် အခုအချိန်မှာ ဒါကို ထောက်ခံကြောင်း တိုင်းရင်းသား ခေါင်းဆောင်အားလုံးကလည်း ကြိုဆိုရပါမယ်။ ဒေါ်အောင်ဆန်းစုကြည်ရဲ့ ကြေညာချက်မှာ တိုင်းရင်းသားအားလုံး ပြည်သူလူထုအားလုံးက ထောက်ခံဖို့ ဒီအားတွေကို ပေးကြဖို့ ပါဝင်ပါတယ်။ ဒီအချိန်က ရန်သူကို ပူးသတ်ရမယ့် အချိန်လို့ မြင်ပါတယ်။

လက်ရှိ အခြေအနေတွင် နအဖကို အထိရောက်ဆုံး ဖိအားပေးနိုင်မည့် အစီအစဉ်မှာ ကုလသမဂ္ဂရဲ့ ကြားဝင်ဆောင်ရွက်ပေးမှုကို ကြိုဆိုကြောင်းနဲ့ နအဖရဲ့ ပထမ ခြေလှမ်းဖြစ်တဲ့ တွေ့ဆုံဆွေးနွေးဖို့ အစီအစဉ်ကို ထောက်ခံကြောင်း လူထုလှုပ်ရှားမှု ဖေါ်ဆောင်ဖို့ပဲ ဖြစ်တယ်လို့ မြင်မိပါတယ်။ လက်ခံကြမယ်ဆိုရင် နည်းလမ်းရှာကြံပြီး အကောင်အထည်ဖေါ် ဆောင်ရွက်ကြပါစို့။

မကြာခင် မြန်မာပြည် လွတ်လပ်ရမည်။ အရေးတော်ပုံ အောင်ရမည်။

ငြိမ်းချမ်း(မျိုးဆက်သစ်)