ကျောင်းသားခေါင်းဆောင်များ ထပ်အဖမ်းခံရ (၁၃၊ ၁၀၊ ၀၇)

ကိုသက် (ဧရာဝတီ)
၈၈ မျိုးဆက် ကျောင်းသားခေါင်းဆောင်များ ဖြစ်ကြသည့် ကိုဌေးကြွယ်၊ ကိုအောင်သူ၊ မမီးမီးတို့နှင့် ၎င်းတို့အား အကူအညီပေးနေသူ ကိုကိုတို့ ၄ ဦး ၎င်းတို့ရှောင်တိမ်းနေသည့် အိမ်တွင် ယနေ့နံနက်ပိုင်းက အဖမ်းခံရကြောင်း သိရသည်။
ကိုဌေးကြွယ်သည် သြဂုတ်လ ၂၁ ရက်နေ့ည ကဖမ်းဆီးခဲ့သည့် ကျောင်းသားခေါင်းဆောင် ကိုမင်းကိုနိုင်၊ ကိုမင်းဇေယျ၊ ကိုကိုကြီးတို့အပါအ၀င် ၈၈ မျိုးဆက် ကျောင်းသားခေါင်းဆောင်များ အဖမ်းခံရစဉ်ကတည်းက ရှောင်တိမ်းနေရင်း လူထုလှုပ်ရှားမှုများကို ဆက်လက်ဦးဆောင်နေသူ ဖြစ်သည်။
ကိုအောင်သူနှင့် မမီးမီးတို့မှာ သြဂုတ်လ ၂၂ ရက်နေ့တွင်စတင်သည့် ဆန္ဒပြလမ်းရှောက်ပွဲများကို ဦးဆောင်ခဲ့သူ များ ဖြစ်ကြသည်။
စစ်အစိုးရ၏ လတ်တလော ဖမ်းဆီးနှိပ်စက်မှုများနှင့် ပတ်သက်၍ ၈၈ မျိုးဆက် ကျောင်းသားခေါင်းဆောင် ကို စိုးထွန်းက နိုင်ငံတကာကြက်ခြေနီအဖွဲ့မှ အကူအညီပေးရန် တောင်းဆိုလိုက်သည်။
“အနည်းဆုံး နိုင်ငံတကာ ကြက်အခြေနီအဖွဲ့က ထိန်းသိမ်းထားသူတွေကို စောင့်ရှောက်ခွင့်တွေရရင် နည်းနည်းတော့ သက်သာမယ်။ နောက်ပြီး အမြန်ဆုံး ပြန်လွှတ်ပေးဖို့ကိုလည်း တောင်းဆိုတယ်။ ဒီကိစ္စကို ပြောနေတာလည်း ထပ်တလဲလဲ ရှိနေပါပြီ။ အဲဒါမှ မဖြစ်ဘူးဆိုရင် ကျနော်တို့အားလုံး လည်ဆင်းခံနေရတဲ့ သဘော ဖြစ်နေတယ်။ နိုင်ငံတကာ အသိုင်းအ၀န်းကလည်း ဒီကိစ္စကို ၀ိုင်းဝန်းလုပ်ဆောင်စေချင်တယ်” ဟု ကိုစိုးထွန်းက ပြောသည်။
ပြည်သူတရပ်လုံးက ကမ္ဘာ့ကုလသမဂ္ဂ လုံခြုံရေးကောင်စီတွင် မြန်မာ့နိုင်ငံရေးအခြေအနေအား ပြုပြင်ပြောင်းလဲ နိုင်မည့်ဆုံးဖြတ်ချက်မျိုးကို မျှော်လင့်ခဲ့သော်လည်း ဖြစ်မလာကြောင်း ကိုစိုးထွန်းက ပြောသည်။
အောက်တိုဘာလ ၁၁ ရက်နေ့က လုံခြုံရေးကောင်စီဥက္ကဌက မြန်မာနိုင်ငံနှင့်ပတ်သက်၍ ကြေညာချက်တစောင် ထုတ်ပြန်ခဲ့ရာ နအဖ စစ်အစိုးရ၏ အကြမ်းဖက်လုပ်ရပ်များကို ပြင်းထန်စွာရှုတ်ချကြောင်းကိုသာ ဖော်ပြထားပြီး အရေးယူဆောက်ရွက်မှုများ ၎င်းကြေညာချက်တွင် မပါဝင်ပေ။
ကိုဌေးကြွယ်သည် ၁၉၉၁ ခုနှစ်မှ ၂၀၀၄ ခုနှစ် အောက်တိုဘာလအထိ အင်းစိန်ထောင်နှင့် သာယာဝတီထောင် တို့တွင် အကျဉ်းကျခံခဲ့ရပြီး ကိုအောင်သူမှာ ၁၉၉၀ ခုနှစ်မှစ၍ အင်းစိန်ထောင်တွင် ထောင်ဒဏ် ၅ နှစ် ကျခံခဲ့ရ သည်။
“၈၈ ကျောင်းသားတွေအပြင် ကျနော်တို့နဲ့ ဆက်နွယ်မှု အနည်းအကျင်း ရှိသူတွေကိုလည်း အငြိုးတကြီးနဲ့ လိုက်ဖမ်းနေတယ်။ ရှစ်လေးလုံး နှစ်ပတ်လည်ပွဲကို လာသူမှန်သမျှကို ဖမ်းဆီးမေးမြန်းတာတွေ ရှိနေတယ်။ ကျနော်တို့ အင်အားစုတွေ အားလုံးကတော့ ဒီလိုဖမ်းဆီးမှုတွေကို ကြံ့ကြံ့ခံရင်း လူထုလှုပ်ရှားမှုတွေကို ဆက်လက် ဖော်ဆောင်သွားမှာ ဖြစ်တယ်” ဟု ကိုဌေးကြွယ် အဖမ်းမခံရမီ ရက်ပိုင်းအတွင်းက ဧရာဝတီကို ပြောဆိုခဲ့သည်။
မမီးမီးသည် ၁၉၉၆ ခုနှစ်တွင် အင်းစိန်ထောင်နှင့် သာယာဝတီထောင်တို့တွင် ထောင်ဒဏ် ၇ နှစ် ကျခံခဲ့ရသူဖြစ် သည်။
ကုန်ဈေးနှုန်း ကျဆင်းရေးကော်မတီမှ ကိုအောင်ကြီးကိုလည်း ယမန်နေ့ညက ၎င်းရှောင်တိမ်းနေသည့်အိမ်တွင် အာဏာပိုင်တို့က ဖမ်းဆီးလိုက်သည်။ ကုန်ဈေးနှုန်းကျဆင်းရေးကော်မတီကို ဦးဆောင်သူ ကိုထင်ကျော်မှာ သြဂုတ်လအတွင်းက ရန်ကုန်မြို့ သိမ်ကြီးဈေးအနီးတွင် မြန်မာနိုင်ငံ အလုပ်သမားသွေးစည်းညီညွတ်ရေးအဖွဲ့မှ ဦးဇော်ညွန့်နှင့်အတူ ဆန္ဒပြရင်း အဖမ်းခံခဲ့ရသည်။

ဒီပဲယင်းတိုက်ခိုက်မှု အဓိကတာဝန်ရှိသူ ၀န်ကြီးချုပ် စိုးဝင်း ကွယ်လွန် (၁၃-၁၀-၀၇)
ကိုစိုး (ဧရာဝတီ)
စစ်အစိုးရ ၀န်ကြီးချုပ် ဗိုလ်ချုပ်ကြီး စိုးဝင်းသည် ယမန်နေ့ ညနေပိုင်းက ရန်ကုန်မြို့ မင်္ဂလာဒုံစစ်ဆေးရုံတွင် ကွယ် လွန်သွားကြောင်း သိရှိရသည်။
ဗိုလ်ချုပ်ကြီး စိုးဝင်းသည် သွေးကင်ဆာရောဂါကို လပေါင်း များစွာ ခံစားနေရပြီး ထိုဝေဒနာအတွက် စင်္ကာပူနိုင်ငံ သို့ ဆေးကုသမှုသွားရောက်ခံယူခဲ့ရသည်။ ထို့နောက် စက်တင်ဘာ လကုန်ပိုင်း၌ စင်္ကာပူမှ မြန်မာနိုင်ငံသို့ ပြန် လည် ရောက်ရှိလာပြီး မင်္ဂလာဒုံစစ်ဆေးရုံတွင် ဆက်လက်၍ ဆေးကုသမှုခံယူနေရာမှ ယခုကဲ့သို့ ကွယ်လွန်သွား ခဲ့ခြင်း ဖြစ်သည်ဟု သိရသည်။
အသက်(၅၉)နှစ်ရှိ ဗိုလ်ချုပ်ကြီးစိုးဝင်းသည် ၂၀၀၃ ခုနှစ်က စစ်ကိုင်းတိုင်း ဒီပဲယင်း၌ မြန်မာ့ဒီမိုကရေစီ ခေါင်း ဆောင် ဒေါ်အောင်ဆန်းစုကြည်နှင့် အဖွဲ့ကို တိုက်ခိုက်မှုတွင် အဓိကတာဝန်ရှိသူတဦး ဖြစ်သည်ဟု အေပီ သ တင်းက ရေးသားသည်။
အဆိုပါ ဒီပဲယင်းတိုက်ခိုက်မှုတွင် လူ (၄) ဦးသေဆုံးပြီး (၅၀) ဒဏ်ရာရသည်ဟု စစ်အစိုးရက သတင်းထုတ်ပြန်ခဲ့ သော်လည်း သေဆုံးသူ (၂၈၂) ဦးအထိရှိကြောင်း ပြည်ထောင်စုမြန်မာနိုင်ငံ အမျိုးသားညွန့်ပေါင်းအစိုးရ (NCGUB) က ထုတ်ပြန်ဖော်ပြသည်။
“ဒီပဲယင်း လူသတ်သမား” ဟု ခေါ်ဆိုခံရသော ဗိုလ်ချုပ်ကြီး စိုးဝင်းသည် ၀န်ကြီးချုပ်နေရာပင် ရထားသော်လည်း ၎င်း၏ လုပ်ပိုင်ခွင့်နည်းပါးကြောင်း၊ သို့သော် အာဏာကို အလုံးစုံချုပ်ကိုင်ထားသည့် စစ်အစိုးရအတွက်မူ နာမည် ဆိုးအထွက်ခံ၍ အမာခံရပ်တည် လုပ်ကိုင်ခဲ့သူဖြစ်ကြောင်း အေပီက ဖော်ပြသည်။
ဗိုလ်ချုပ်ကြီးစိုးဝင်း ပထမဆုံး စတင် နာမည်ဆိုးထွက်သည့်လုပ်ရပ်မှာ ၁၉၈၈ ခုနှစ် လူထုအုံကြွမှုတွင် ရန်ကုန် တက္ကသိုလ်ဝန်းကျင်နှင့် ရန်ကုန်ဆေးရုံကြီးရှေ့ရှိ ဆန္ဒပြလူအုပ်အား စစ်တပ်ကို ပစ်မိန့်ပေး၍ ဖြိုခွဲခဲ့ခြင်းဖြစ်သည်။
သို့သော် စစ်အစိုးရက ဒု-ဗိုလ်ချုပ်ကြီးသိန်းစိန်အား မေလအတွင်းကပင် ယာယီဝန်ကြီးချုပ်အဖြစ် ဗိုလ်ချုပ်ကြီး စိုး ၀င်း၏နေရာကို ပေးအပ်ထားပြီး ၎င်းသည် စစ်အစိုးရခေါင်းဆောင် ဗိုလ်ချုပ်မှူးကြီးသန်းရွှေ၏ သစ္စာရှိလူယုံ တဦး ဖြစ်သည်ဟု အေပီသတင်းတွင် ပါရှိသည်။
ဗိုလ်ချုပ်ကြီး စိုးဝင်းသည် အနောက်မြောက်တိုင်း စစ်ဒေသမှူးနှင့် လေကြောင်းရန်ကာကွယ်ရေးဌာန အကြီးအကဲ ဖြစ်ခဲ့ပြီး ၂၀၀၃ ခုနှစ် ဖေဖော်ဝါရီလတွင် စစ်အစိုးရအဖွဲ့ အတွင်းရေးမှူး (၂) ဖြစ်လာခဲ့သည်။ ၎င်းသည်၂၀၀၃ ခု နှစ် စစ်အစိုးရ၀န်ကြီးများ အပြောင်းအလဲတွင် အတွင်းရေးမှူး(၁)နေရာသို့ ရာထူးတိုးလာခဲ့ကာ ၂၀၀၄ ခုနှစ် အောက်တိုဘာလတွင် ၀န်ကြီးချုပ်ဟောင်း ဒု ဗိုလ်ချုပ်ကြီး ခင်ညွန့် ရာထူးမှ ဖယ်ရှားခံရပြီးနောက် ၀န်ကြီးချုပ် နေရာ ရလာခဲ့သူဖြစ်သည်။
ဗိုလ်ချုပ်ကြီးစိုးဝင်း ကွယ်လွန်ချိန်တွင် ဇနီး ဒေါ်သန်းသန်းနွဲ့နှင့် သား တဦး၊ သမီး တဦး ကျန်ရစ်သည်။ ၎င်း၏ အမွှာညီအစ်ကို ဗိုလ်ချုပ်တင်ထွန်းသည်လည်း စက်တင်ဘာလ အတွင်းက ကွယ်လွန်ခဲ့သည်။