Tuesday, May 23, 2017

ပြည်တွင်းငြိမ်းချမ်းရေးကို အောင်မြင်အောင်ဆောင်ရွက်ဖို့ဆိုရာမှာ ...


ဦးသိန်းစိန်အစိုးရလက်ထက်က အပစ်အခတ်ရပ်စဲရေးဆွေးနွေးပွဲတွေနဲ့ ပြည်ထောင်စုငြိမ်းချမ်းရေးညီလာခံထဲ အင်အားမယ်မယ်ရရ မရှိတဲ့ အဖွဲ့တွေကို မပါပါအောင် ဆွဲထည့်ပြီး မရှုပ်ရှုပ်အောင် မကြာကြာအောင် အကြံအစည်ရှိရှိ စီမံလုပ်ဆောင်ထားတာမို့ အဆိုပါ ကြာလဲကြာ နံလဲနံမယ့် အရှုပ်ထုပ်ကြီးကို နာမည်လောက်သာ ပြောင်းပြီး ဆက်ခံလုပ်ဆောင်နေရတဲ့ ဒေါ်အောင်ဆန်းစုကြည် ဦးဆောင်တဲ့ ၂၁ ရာစုပင်လုံညီလာခံကြီးဟာလဲ အိမ်နီးချင်း တရုတ်နဲ့ စစ်အုပ်စု ပြုသမျှ နုနေရမယ့် အနေအထားပါ။

စစ်တပ်ကို ချုပ်ကိုင်ထားဆဲ စစ်အုပ်စုကို မလှန်နိုင်မချင်း အဘယ်ကလို ပြည်ထောင်စုသဘောတူညီချက်တွေပဲရရ စစ်အုပ်စု လက်မခံရင် နောက်ဆုံးမှာ ပက်လက်လန်ခြင်းနဲ့ပဲ ဇာတ်သိမ်းကြရမှာပါ။

ငြိမ်းချမ်းရေးရန်ပုံငွေတွေ သုံးပြီး ဖက်ရှင်ရှိုးလျှောက်၊ ကောင်းကောင်းစား ကောင်းကောင်းပွား၊ ကောင်းကောင်းတည်း ကောင်းကောင်းဆွဲရတာလောက်ပဲ အဖတ်တင်ကြမှာပါ။

အောင်မြင်အောင် ဆောင်ရွက်ဖို့ရာမှာတော့ တပ်မတော်ကို အရပ်သားအစိုးရအောက် ရောက်အောင် အရင်ကြိုးပမ်းကြရမှာဖြစ်ပြီး ထိုမှတဆင့် အဓိက အင်အားစုတွေ၊ ခေါင်းဆောင်တွေ စုဆုံပြီး နည်းနည်းကျဲကျဲ ၀ိုင်းဖွဲ့ဆွေးနွေးခြင်းကနေ စတင်လုပ်ဆောင်ကြရမယ်လို့ မြင်ပါတယ်။

အခုအတိုင်း ဆက်သွားရင် ဒေါ်အောင်ဆန်းစုကြည်ဆီက ကြားရမယ့် အဆုံးသတ်စကားကတော့ ''ကျွန်မတို့ အစွမ်းကုန် ကြိုးစားခဲ့ပါတယ်။ ဒါပေမယ့် ဘလား ဘလား ဘလား ... ... ...'' ဆိုတာမျိုးပဲ ဖြစ်လိမ့်မယ်ထင်ပါတယ်။

အားလုံးသို့ လေးစားစွာဖြင့် ...

ဒေါက်တာလွဏ်းဆွေ
နံနက် ၁၀း၅၂ နာရီ
၂၃ မေ ၂၀၁၇

No comments: