ရယ်ရမလို ငိုရမလို

ဂျင်ဂလိ

ဂျင်ဂလိတို့ မြန်မာစကားမှာ “ခေတ်ကျပ်ရင် သဘင်သည် အရင်ငတ်တယ်” ဆိုတဲ့ ဆိုးရှိတယ်ခင်ဗျ။ အဲဒီဆိုရိုးစကားဟာ နအဖစစ်အာဏာရူးတွေ အုပ်စိုးတဲ့ခေတ်ကို ရည်ညွှန်းလေတာပဲရယ်လို့ ဂျင်ဂလိတော့ ထင်မြင်မိရဲ့။ ဘာဖြစ်လို့ အဲသလို ထင်မြင်ရသလဲဆိုတော့ ဒီကနေ့ သူတို့တတွေ ဗိုလ်ကျစိုးမိုးနေတဲ့ ဂျင်ဂလိတို့နိုင်ငံမှာ တိုင်းသူပြည်သားတွေက ဆင်းရဲမွဲတေ၊ ဟိုနားတအုံးအုံး ဒီနားတအုံးအုံး ဗုံးထထပေါက်နေလို့ နေရထိုင်ရတာ ကျီးလန့်စာစားဖြစ်၊ အဲဒီလိုအခြေအနေကြောင့် စစ်အာဏာရူးတွေက ဖျော်ဖြေရေးသဘင်တွေ ကျင်းပခွင့်မပေးရဲ၊ ချောက်တီးချောက်ချက် ကျင်းပခွင့်ပေးတဲ့ ဖျော်ဖြေရေးသဘင်တွေ ကျပြန်တော့လည်း လူတွေက မွဲနေကြလို့ လာရောက် အားမပေးနိုင်၊ အဲဒီလိုနဲ့ မုန့်လုံးစက္ကူကပ် ဇာတ်ထုပ်တွေခင်းပြီး အနုပညာသမား အများစုကြီးဟာ မုန့်ဟင်းခါး ရောင်းသူရောင်း၊ ဈေးဗန်းရွက်သူရွက်နဲ့ ကြုံသလို အသက်မွေးနေကြရတာ ကြာညောင်းလှပါပေါ့ နအဖတသက်။ ထိုထိုသော အကြောင်းကြောင်းတွေကြောင့်ပေါ့ခင်ဗျာ။ အခုအခါမှာ ဇာတ်သဘင်ဆိုတာ ချိုနဲ့လားလို့ မေးရမယ့် အနေအထားကို ရောက်ခဲ့ရပါပြီ။

ဇာတ်သဘင်ပဲလားဆိုတော့ မကသေးပါဘူး။ အဲဒီလို အခြေအနေတွေကြောင့် ရုပ်ရှင် ဗီဒီယို လောကလည်း ဇာတ်ပျက်၊ ဂီတလောကလည်း ခေါင်းကွဲဆိုတဲ့ အနေအထားမှာ မင်းသား မင်းသမီးတွေ၊ အဆိုတော်တွေဟာ ကုန်းတ၀က် ရေတ၀က် ငါးပက်လက်တွေဖြစ်ပြီး အသက်မျှင်းမျှင်း ရှူနေကြရတာပေါ့။ ဂီတလောကမှာဆိုရင် အဆိုတော်တွေခမျာ ငါးပွက်ရာငါးစာချ ကျိန်းသေမှ ထုတ်ဝေချင်ကြတဲ့ ထုတ်ဝေသူတွေ အလိုကျ ဆိုပေးရတဲ့ ဘ၀ကို ရောက်ကုန်ပြီး ‘ပြန်ဆိုတေး’ ဆိုတဲ့ ဂီတခေတ်ကြီးတခေတ် ဖွံ့ထွားစွင့်ငွားလို့ လာပါတော့တယ်။ ပြန်ဆိုဆရာတွေဟာ သေပြီးတဲ့ အဆိုတော်ရဲ့သီချင်းလည်း ပြန်ဆို၊ မသေသေးတဲ့ အဆိုတော်ရဲ့ သီချင်းလည်း ပြန်ဆို၊ မနေ့တနေ့ကမှ အဆိုတော်ဖြစ်တဲ့ အဆိုတော်ရဲ့သီချင်းလည်း ပြန်ဆို၊ ပြန်ဆိုပြီးသား သီချင်းကိုလည်း ပြန်ဆိုနဲ့ သီချင်းတော်တော်များဟာ ပြန်ဆိုတေး ၀ဲဂယက်ထဲမှာ ချာချာလည် မူးနောက်ပြီး ဖြူဖတ်ဖြူရော် ဖြစ်လာလို့ အရေးပေါ် ဆေးရုံပို့ရမယ့် အနေအထားကို ရောက်ကုန်ပြီ ဖြစ်ပါတယ်။

အဲ … ဒါပေမယ့် ပြန်ဆိုတေးခေတ်ကြီးထဲမှာ ‘သီချင်းမှန်ရင်လာထား’ လို့ သြချရလောက်အောင် သီချင်းပေါင်းစုံကို ပြန်ဆိုပြပြီး ဆယ်ကျော်သက် လူငယ်တွေရဲ့ လက်ခုပ်သံတွေကို သဲ့ယူနေတဲ့ ပြန်ဆိုဆရာတွေလည်း ဟောတယောက် ဟောတယောက် ဆိုသလို ပေါ်ထွန်းခဲ့တယ်ခင်ဗျ။ အဲဒီပြန်ဆိုဆရာတွေ အဆိုကောင်းလွန်းလို့ သူတို့ ဘာသီချင်း ပြန်ဆိုဆို အားပေးကြတဲ့ ပရိသတ်တွေကလည်း ဒုနဲ့ဒေးပဲ ခင်ဗျ။ အဲ … ဘယ်လောက်ထိတောင် အဆိုကောင်းသလဲဆိုတော့ … ။

တညသားမှာပေါ့ခင်ဗျာ။ စတီရီယိုခေတ်ဦးက အဆိုတော်ကြီးတွေကိုယ်တိုင် သူတို့ရဲ့ မူရင်းသီချင်းတွေကို သီဆိုဖျော်ဖြေတဲ့ Live Show တခု လုပ်ပါသတဲ့။ အဲဒီပွဲမှာ အဆိုတော်ကြီး ပလေးဘွိုင်သန်းနိုင်က သူ့ရဲ့နာမည်ကျော် ‘ဆု’ သီချင်းကို ဆိုပြပါသတဲ့။ သီချင်းအပြီးမှာ အောက်က ပရိသတ်တွေက လက်ခုပ်သံ တဖြောင်းဖြောင်းနဲ့ အားပေးကြတော့ သီချင်းမဆိုတာ ကြာပြီဖြစ်တဲ့ အဆိုတော်ကြီးလည်း ကြည်နူးမဆုံးဖြစ်လို့ပေါ့။ ဒါပေမယ့် ပွဲအပြီးမှာ လာနှုတ်ဆက်တဲ့ ဆယ်ကျော်သက် အမျိုးသမီးငယ်ရဲ့ ချီးကျူးစကားကို နားထောင်ပြီး အဆိုတော်ကြီးခမျာ ရယ်ရမလို ငိုရမလို ဖြစ်သွားသတဲ့။ အဆိုပါ ဆယ်ကျော်သက် အမျိုးသမီးငယ် ချီးမွမ်းလိုက်တဲ့ စကားကတော့ “ခုနက အဆိုတော် ကို - - ရဲ့ ‘ဆု’ သီချင်းကို ဦး ပြန်ဆိုပြသွားတာ အရမ်းကောင်းတာပဲ” တဲ့။

ဂျင်ဂလိ