ဆန္ဒမရှိသေးလုို့ စုိုးရိမ်စရာ မရှိတာပါ

အရှင်စန္ဒိမာ (မွန်စိန်တောရ)
ဧရာဝတီ၊ September 14, 2014

အွန်လိုင်းတွင် ဖြန့်ချိသော ဗီဒီယိုတွင် မြင်ရသော အယ်လ်ကိုင်းဒါး၏ ခေါင်းဆောင် Ayman al Zawahri (ဓာတ်ပုံ – Reuters)

လတ်တလော သတင်းပျံ့နေတဲ့ အယ်လ်ကိုင်းဒါးခေါင်းဆောင်ရဲ့ ခြိမ်းခြောက်ပြောဆုိုမှုဟာ မြန်မာနိုင်ငံကို လက်တွေ့သက်ရောက်မှု နည်းလိမ့်မယ်လုို့ ထင်စရာရှိပါတယ်။ နိုင်ငံတချို့မှာလို အသေခံ ဗုံးခွဲအကြမ်းဖက် တုိုက်ခုိုက်မှုတွေ ဖြစ်လာနိုင်ခြေ နည်းမယ်လို့ ထင်ကြလိမ့်မယ်။ ဒါပေမယ့် ငွေပေးရင် ဖြစ်ချင်တာ အရာရာဖြစ်နိုင်တဲ့ တရားဥပဒေစုိုးမုိုးမှု အားနည်းတဲ့ နိုင်ငံ၊ လူထုကြည်ဖြူမှု မရှိတဲ့ အစုိုးရ အာဏာရထားတဲ့ နိုင်ငံတနိုင်ငံမှာ အကြမ်းဖက်သမားတွေကသာ တကယ်ပစ်မှတ်ထားလာမယ်ဆုိုရင် မဖြစ်နိုင်ဘူးလို့ ပြောရခက်ပါတယ်။

မနှစ်က ကင်ညာနိုင်ငံက ကုန်တုိုက်ကြီးတခုကို ဆုိုမာလီယာနိုင်ငံမှာ အခြေစုိုက်တဲ့ al-Shabab အမည်ရတဲ့ အကြမ်းဖက်အဖွဲ့တစ်ခုက အကြမ်းဖက် ဝင်ရောက်သိမ်းပုိုက်ပြီး အပြစ်မဲ့ အရပ်သားတွေကိုလည်း ဓားစားခံအဖြစ် ရက်အတန်ကြာ ဖမ်းဆီးထိန်းသိမ်းထားခဲ့တယ်။ နောက်ဆုံး ကင်ညာလုံခြုံရေးတပ်ဖွဲ့ဝင်တွေက ကုန်တုိုက်ကြီးကို ဝင်ရောက်စီးနင်းတော့ ဓားစားခံများစွာကို ကယ်တင်နိုင်ခဲ့သော်လည်း အနည်းဆုံး အပြစ်မဲ့အရပ်သား ၆၇ ယောက် အသက်ဆုံးခဲ့ရတယ်။

al-Shabab အကြမ်းဖက်အဖွဲ့ဟာ နယ်စပ်ကို ဖြတ်ကျော်ဝင်ရောက်ပြီး လက်နက်ခုိုးသွင်းတာ၊ ကုန်တုိုက်မှာ အခန်းတွေ ယူထားပြီး လက်နက်တွေကို သုိုဝှက်ထားတာတွေကို ကင်ညာလုံခြုံရေးတပ်ဖွဲ့တွေ ရဲတွေနဲ့ အစုိုးရအမှုထမ်းတွေကို လာဘ်ထုိုးပြီး စနစ်တကျ ကြိုတင်စီမံခဲ့တယ်လုို့ သတင်းတွေက ဆုိုတယ်။ ဒါကြောင့် အကျင့်ပျက်ခြစားမှု လာဘ်ပေးလာဘ်ယူမှုတွေ ထူပြောတဲ့ နိုင်ငံတနိုင်ငံကို အကြမ်းဖက်သမားတွေ ဝင်ရောက်လာဖုို့ မခက်ခဲဘူးဆုိုတာကို ကင်ညာကုန်တုိုက်ကြီး အကြမ်းဖက်တုိုက်ခုိုက်ခံခဲ့ရမှုက သက်သေခံနေပါတယ်။

''အကျင့်ပျက်ခြစားမှုတွေ ထူပြောပြီး လူထု ထောက်ခံမှုမရတဲ့ အစုိုးရ အုပ်ချုပ်နေတဲ့ မြန်မာနိုင်ငံမှာ အယ်လ်ကိုင်းဒါးလုို ကမ္ဘာ့အကြမ်းဖက်အဖွဲ့ကြီးရဲ့ အန္တရာယ်ကို လျှော့တွက်ခြင်းဟာ အတွေးတိမ်လွန်းရာကျပါတယ်။ အကျင့်ပျက်ခြစားမှုတွေ ထူပြောပြီး လူထု ကြည်ဖြူမှုမရှိတဲ့ အစုိုးရ ဆက်လက်အုပ်ချုပ်နေခြင်းဟာ အကြမ်းဖက်အန္တရာယ် လမ်းပွင့်နေတဲ့သဘောပါပဲ။''

လူထုကြည်ဖြူမှုမရှိတဲ့ အစုိုးရအာဏာရထားတဲ့ နိုင်ငံမှာလည်း အကြမ်းဖက်သမားတွေ အကြမ်းဖက်လုပ်ငန်း လုပ်မယ်ဆုိုရင် မခက်ခဲနိုင်ပါဘူး။ အကြမ်းဖက်သမားတွေကို ခြေရာခံဖုို့ လက်ရာဖမ်းဆီးဖုို့ဆုိုတာ လူထုရဲ့ သတင်းပေးမှု ပူးပေါင်းကူညီမှု လုိုအပ်ပါတယ်။ သုို့သော် လူထုကြည်ဖြူမှုမရှိတဲ့ အစုိုးရအနေနဲ့ လူထုဆီက ပူးပေါင်းကူညီမှု အပြည့်အဝရနိုင်ဖုို့ ခက်ခဲပါမယ်။

နောက်တခု အယ်လ်ကိုင်းဒါးဆုိုတာ အမေရိကန်လုို ကမ္ဘာ့အင်အားကြီး နိုင်ငံကိုတောင် ဒုက္ခပေးခဲ့တဲ့ အကြမ်းဖက် အဖွဲ့အစည်းကြီးဆုိုတာကိုလည်း မေ့လုို့ မရနိုင်ပါ။ ဒီအချိန်မှာ နေပြည်တော် သမ္မတရုံးက စုိုးရိမ်စရာ မရှိဘူးလုို့ သတင်းထုတ်ပြန်ခဲ့တယ်။ တကယ်တော့ စစ်ရေး လုံခြုံရေးအင်အားတောင့်တင်းပြီး လူထုထောက်ခံမှုရှိတဲ့ ခုိုင်မာတဲ့ အစုိုးရအုပ်ချုပ်တဲ့ နိုင်ငံတွေလုို မြန်မာနိုင်ငံမှာ ပြင်ပအကြမ်းဖက်အန္တရာယ်ကို စုိုးရိမ်စရာမရှိဘူးလို့ ကြုံးဝါးနိုင်တဲ့ အခြေအနေမရှိပါဘူး။ အယ်လ်ကိုင်းဒါး အကြမ်းဖက်အဖွဲ့ကိုယ်၌်က မြန်မာနိုင်ငံမှာ အကြမ်းဖက်လုိုတဲ့ ဆန္ဒမရှိသေးလုို့ စုိုးရိမ်စရာ မရှိတာပါ ပြောမှ ပုိုမုို မှန်ကန်ပါလိမ့်မယ်။

ဒါကြောင့် အကျင့်ပျက်ခြစားမှုတွေ ထူပြောပြီး လူထုထောက်ခံမှုမရတဲ့ အစုိုးရအုပ်ချုပ်နေတဲ့ မြန်မာနိုင်ငံမှာ အယ်လ်ကိုင်းဒါးလုို ကမ္ဘာ့အကြမ်းဖက်အဖွဲ့ကြီးရဲ့ အန္တရာယ်ကို လျှော့တွက်ခြင်းဟာ အတွေးတိမ်လွန်းရာ ကျပါတယ်။ အကျင့်ပျက်ခြစားမှုတွေ ထူပြောပြီး လူထုကြည်ဖြူမှုမရှိတဲ့ အစုိုးရဆက်လက် အုပ်ချုပ်နေခြင်းဟာ အကြမ်းဖက်အန္တရာယ် လမ်းပွင့်နေတဲ့ သဘောပါပဲ။

ယခု အယ်လ်ကိုင်းဒါး ခေါင်းဆောင်ရဲ့ ခြိမ်းခြောက်ပြောဆုိုလာမှု တခုတည်းကြောင့် အကျင့်ပျက်ခြစားမှုနဲ့ လူထုကြည်ဖြူမှုမရှိတဲ့ အစုိုးရ အာဏာယူထားတဲ့ ပြဿနာကို ဖြေရှင်းဖုို့ လုိုအပ်လာတာ မဟုတ်ပါဘူး။ အယ်လ်ကိုင်းဒါး ခေါင်းဆောင်ရဲ့ ခြိမ်းခြောက်ပြောဆုိုမှုဟာ မြန်မာနိုင်ငံရင်ဆုိုင်နေရတဲ့ ပြဿနာပေါင်းများစွာထဲမှ တခုမျှသာ ဖြစ်ပါတယ်။

အယ်လ်ကိုင်းဒါးလုို အကြမ်းဖက်အဖွဲ့တွေရဲ့ အကြမ်းဖက်မှုတွေကို လူတွေ ထိတ်လန့်တကြား သတိပြုမိကြပေမယ့် အိမ်နီးချင်းနိုင်ငံများရဲ့ မြန်မာနိုင်ငံမှာ တမျှင်းမျှင်းနဲ့ ပါးပါးလည်းလှီး၊ အတုံးလုိုက်အတစ်လုိုက်လည်း ဖဲ့ယူနေကြတဲ့ နိုင်ငံပုိုင် သယံဇာတတွေကို ထုတ်ယူအသုံးပြုခွင့်တွေနဲ့ စီးပွားရေးအရ အသာစီးရမှုတွေကိုကျတော့ နိုင်ငံအတွက် အန္တရာယ်လုို့ မမြင်တတ်ကြပါဘူး။

နိုင်ငံအုပ်ချုပ်နေကြသူတွေရဲ့ မဟာဦးနှောက်ကလည်း ရာထူးမြဲခုိုက် ငါ့ဖုို့ရှာထားရမယ်ဆုိုတဲ့ ဝါးလုံးခေါင်း အတွေးထဲမှ မထွက်နိုင်ကြသေးပါဘူး။ အာဏာပါဝါရှိသူတွေရဲ့ ရာထူးဂုဏ်ဒြပ်နဲ့ မလျော်တဲ့ ယုတ်နိမ့်တဲ့ ကိုယ်ကျိုးအတ္တ အမြင်ကျဉ်းကျဉ်းကို မစွန့်နိုင်ကြတာဟာ ယနေ့ နိုင်ငံမှာ ရင်ဆုိုင်နေရတဲ့ ပြဿနာအားလုံးရဲ့ ရေသောက်မြစ်ပါ။ နိုင်ငံနဲ့ ပြည်သူတရပ်လုံး ဆုံးရှုံးနစ်နာရမှုတွေကို ငါ့ဖုို့ ငါ့မိသားစုဖုို့ ငါ့မိတ်ဆွေ အသုိုင်းအဝုိုင်းဖုို့ဆိုတဲ့ ကိုယ်ကျိုးစီးပွားနဲ့ လဲလှယ်ယူနေကြသူတွေရဲ့ အသိဥာဏ်ဟာ တာဝန်ယူထားကြတဲ့ ရာထူးအဆင့်အတန်းနဲ့ ဘယ်လုိုမှ လျော်ကန်မှု မရှိပါဘူး။ ပစ္စုပ္ပန်ခေတ်ကာလမှာ မိမိတုို့ တာဝန်ခံထားတဲ့ နိုင်ငံနဲ့ ပြည်သူအတွက်တောင် စစ်မှန်ရိုးသားတဲ့ အမြင်ကို မထားနိုင်ခြင်းဟာ အာဏာပါဝါရှိသူတွေရဲ့ မှောင်မုိုက်တဲ့ မောဟအဝိဇ္ဇာကို ဖေါ်ပြနေတာပါ။

ရေတုိုရေရှည် ပြုပြင်ပြောင်းလဲဖုို့ လုိုအပ်နေတဲ့ နိုင်ငံရဲ့ ပညာရေး ကျန်းမာရေးအပါအဝင် ဘက်ပေါင်းစုံ ချိနဲ့ကျဆင်းယုိုယွင်းနေတဲ့ ပြဿနာအထွေထွေကို လူထုထောက်ခံမှုနဲ့ လူထုပူးပေါင်းဆောင်ရွက်မှု အပြည့်အဝရှိတဲ့ တရားမျှတမှန်ကန်တည့်မတ်ပြီး တည်ငြိမ်တဲ့ အစုိုးရအုပ်ချုပ်ရေးစနစ်ကသာ ဖြေရှင်းနိုင်ပါလိမ့်မယ်။

ယနေ့ လူထုကြည်ဖြူမှုမရှိတဲ့ အစုိုးရကိုယ်တုိုင်က မြန်မာနိုင်ငံရဲ့ အဓိကပြဿနာပါ။ အဓိကပြဿနာကို ဖြေရှင်းနိုင်မှသာ ကျန်တဲ့ပြဿနာတွေကို ကျွဲကူးရေပါ ဖြေရှင်းဖုို့ လွယ်ကူချောမွေ့သွားပါလိမ့်မယ်။ သုို့သော် လူထုကြည်ဖြူမှုမရှိတဲ့ အစုိုးရတည်မြဲနေခြင်းဟာ အကြမ်းဖက်အန္တရာယ်အပါအဝင် အန္တရာယ်တုိုင်းအတွက် လမ်းဖွင့်ထားသလုိုပဲ ဖြစ်နေဦးမှာပါ။

(အရှင်စန္ဒိမာသည် အမေရိကန်ပြည်ထောင်စု၊ အင်ဒီယားနားပြည်နယ်၊ ဖို့ဝိန်းမြို့နှင့် မြန်မာနိုင်ငံ၊ ရေးမြို့နယ်၊ အစင်ရွာ၊ မွန်စိန်တောရ တို့တွင် သီတင်းသုံးသော ဆရာတော်တပါးဖြစ်သည်။)