အာဇာနည်နေ့ အခမ်းအနားကို နိုင်ငံ့ခေါင်းဆောင်များ တက်ဖို့ တိုက်တွန်း

RFA - 2014-07-13

လာမယ့် ဇူလိုင်လ ၁၉ ရက်နေ့မှာ ကျရောက်မယ့် ၆၇ နှစ်မြောက် အာဇာနည်နေ့ အခမ်းအနားကို နိုင်ငံတော်အခမ်းအနားအဖြစ် ကျင်းပပေးဖို့ အရပ်ဘက်လူမှုအဖွဲ့အစည်း ၄၀ ကျော်က မနေ့က ကြေညာချက်ထုတ်ပြန် တောင်းဆိုလိုက်ပါတယ်။

အဲဒီ ကြေညာချက်ထုတ်ပြန်ခဲ့တာနဲ့ ပတ်သက်ပြီး ကဗျာချစ်သူများအသင်းက ကိုဆောင်းခက အခုလို ပြောပါတယ်။

"အစိုးရကလည်း လျစ်လျူရှုထားတယ်၊ ဟိုးအရင်နှစ်တွေတုန်းက အစိုးရကိုယ်တိုင် သဘောင်္တွေ၊ မီးသတ်ကားတွေက အဲဒီအချိန်မှာ ဘာပဲလုပ်နေနေ ရပ်ပြီးတော့ ဥသြဆွဲတာမျိုးတွေ၊ အားလုံးမတ်တပ်ရပ်ပြီး အလေးပြုတာမျိုးတွေ တညီတညွှတ်တည်း လုပ်ခဲ့ကြတယ်၊ အခုတော့ အစိုးရက ဒါကို အမေ့ခံပစ်ထားတယ်ဗျာ၊ အဲဒါ ပြည်သူလူထုရဲ့ဆန္ဒကို အလေးထားသင့်တာပေါ့နော်"

ကြေညာချက်မှာ ၆၇ နှစ်မြောက် အာဇာနည်နေ့ အခမ်းအနားကို နိုင်ငံတော်သမ္မတ၊ ပြည်ထောင်စုလွှတ်တော်ဥက္ကဌတွေနဲ့ တပ်မတော်ကာကွယ်ရေးဦးစီချုပ်တို့ တက်ရောက်ဂါရ၀ပြုဖို့၊ အာဇာနည်ခေါင်းဆောင်တွေ ကျဆုံးခဲ့တဲ့ ၁၀ နာရီ ၃၇ မိနစ်မှာ ပုဂ္ဂလိကနဲ့ နိုင်ငံပိုင်မီဒီယာတွေကနေ တစ်မိနစ်ကြာ သြဥဆွဲအသံလွှင့်ပေးဖို့၊ ဇူလိုင်လ ၁၇ ရက်ကနေ ၁၉ ရက်နေ့အထိ အာဇာနည်ခေါင်းဆောင်တွေရဲ့ ကိုယ်ရေးရာဇ၀င်နဲ့ ဆောင်ရွက်ချက်တွေကို နိုင်ငံပိုင်မီဒီယာတွေကနေ ထုတ်လွှင့်ပေးဖို့ ပါရှိပါတယ်။

အဲဒီအရပ်ဘက် လူမှုအဖွဲ့အစည်းတွေက ၆၇ နှစ်မြောက် အာဇာနည်နေ့ အခမ်းအနားတွေကို စုပေါင်းကျင်းပသွားမှာဖြစ်တယ်လို့လည်း သိရပါတယ်။

ဆက်စပ်သတင်းများ
- သမ္မတကို စစ်ရေးပြ အခမ်းအနားနဲ့ အလေးပြုမယ် click
- တပ်မတော်က ချီတက်အလေးပြုဖို့ နိုင်ငံတော်သမ္မတအပေါ် မူတည် click
- သမ္မတက ဆန္ဒရှိရင် တပ်မတော်က အလေးပြုမည် click
- အလေးပြုခံရန် ဆန္ဒရှိပါက သမ္မတကို အလေးပြုမည်ဆို click
- အထိမ်းအမှတ်နေ့များတွင် သမ္မတအား စစ်ကြောင်းများမှ အလေးပြုရေး သမ္မတ၏ သဘောအတိုင်း ဆောင်ရွက်မည် click
- နိုင်ငံတော်သမ္မတအား တပ်မတော်က နှစ်စဉ် ပုံမှန်အခမ်းအနားဖြင့် ချီတက်အလေးပြုသောနေ့ သတ်မှတ်ရန်မှာ နိုင်ငံတော်သမ္မတကြီး၏ စိတ်ဆန္ဒသဘောအတိုင်းဖြစ်ကြောင်း ကာကွယ်ရေးဒုဝန်ကြီး လွှတ်တော်၌ ဖြေကြား click
- တပ်မတော်က အခမ်းအနားနဲ့ ဂုဏ်ပြုဖို့အရေး သမ္မတအပေါ် မူတည် (ရုပ်သံ) click