ကျမတို့ ဆက်လက် တိုက်ပွဲဝင်သွားကြမယ်

ဇင်မာအောင်
ဧရာဝတီ၊ July 10, 2014

ပြီးခဲ့သည့်နှစ် ဇွန်လမှ စတင်၍ အမျိုးသားရေးဝါဒီ ဘုန်းတော်ကြီးအဖွဲ့တခုက ဗုဒ္ဓဘာသာဝင်တို့၏ အမျိုးဘာသာ သာသနာကို ကာကွယ်ရန် ဥပဒေသစ်တခုကို ပြဌာန်းနိုင်ရေး လှုံ့ဆော်လှုပ်ရှားလာခဲ့သည်။ ထိုဥပဒေတွင် ကိုးကွယ်ရာ ဘာသာ မတူသူချင်း ထိမ်းမြားလက်ထပ်ခြင်းကို အဓိက ထား၍ တားမြစ်ထားသည်။ သူတို့က ဗုဒ္ဓဘာသာဝင် အမျိုးသမီးနှင့် တခြားဘာသာဝင် ယောက်ျားတို့ လက်ထပ်ခြင်းကို ကန့်သတ်ထိန်းချုပ်ရန် တောင်းဆိုထားသည့် ဥပဒေကြမ်းတခုကို ရေးဆွဲပြီး လွှတ်တော်ကိုယ်စားလှယ်များထံသို့ ပေးပို့ခဲ့သည်။

အမျိုးသမီးအဖွဲ့များက ရိုးရှင်းသော သတင်းပေးချက်တခုဖြင့် တုန့်ပြန်ခဲ့ကြသည်။ ဥပဒေကြမ်းသည် လက်ခံနိုင်ဖွယ်မရှိကြောင်း၊ အဘယ်ကြောင့်ဆိုသော် ဥပဒေကြမ်းသည် အမျိုးသားရေးနှင့် ဘာသာရေး အစွန်းရောက်ဝါဒအပေါ်တွင် အခြေခံထားပြီး လူတဦးတယောက်ချင်းစီ၏ လွတ်လပ်ခွင့်၊ အထူးသဖြင့် အမျိုးသမီးတို့၏ ကိုယ်ပိုင်ရွေးချယ်မှုကို စွက်ဖက်သလို ဖြစ်နေကြောင်း ကျမတို့ ပြောခဲ့ကြပါသည်။

အဆိုပါ ဥပဒေကြမ်းကို ပြဌာန်းခဲ့ပါက ဗုဒ္ဓ၀ါဒသည် အလွန်အင်အားနည်းပါးပြီး အကာအကွယ်ပေးရန် လိုအပ်နေသည်ဟု ထင်မြင်စရာ ဖြစ်လာနိုင်ကြောင်းလည်း ကျမတို့ ထောက်ပြခဲ့ကြသည်။ တခြားသော ဘာသာအယူဝါဒများနှင့် ယှဉ်တွဲရပ်တည်နိုင်ရန် ဗုဒ္ဓ၀ါဒသည် ကြံ့ခိုင်မှုမရှိဟု ဖွင့်ဆိုပြသလိုလည်း ဖြစ်နေပါလိမ့်မည်။

ပြီးခဲ့သည့်နှစ်တွင် သမ္မတ ဦးသိန်းစိန်က အစိုးရ၀န်ကြီးဌာနများနှင့် တရားရုံးချုပ်ကို ဘာသာခြား လက်ထပ်သည့် ဥပဒေ သာမက တခြား ဥပဒေကြမ်း ၃ ခုဖြစ်သည့် ဘာသာကူးပြောင်းခြင်းကို ကန့်သတ်သည့် ဥပဒေကြမ်း၊ လူဦးရေထိန်းချုပ်သည့် ဥပဒေနှင့် မယားပြိုင်စနစ်ကို ဥပဒေနှင့် တားမြစ်ခြင်း စသည်တို့ကို တရားဝင် ရုံးသုံးပုံစံဖြင့် ရေးဆွဲရန် အမိန့်ပေးခဲ့သည်။ ၎င်းတို့အားလုံးသည် လူမျိုးနှင့်ဘာသာကို ကာကွယ်ရန် ရည်ရွယ်ခြင်းဖြစ်သည်။

“တိုင်းပြည်တွင် လက်ရှိဖြစ်ပေါ်နေသည့် ဘာသာခြား လက်ထပ်ခြင်းကို ဆန့်ကျင်ကန့်ကွက်ခြင်း အပါအ၀င် ကိုးကွယ်ယုံကြည်မှုကို အခြေခံသော နိုင်ငံရေးလှုပ်ရှားမှုများသည် ကိုးကွယ်ရာ ဘာသာများ ငြိမ်းချမ်းစွာ အတူယှဉ်တွဲ နေထိုင်ရေး၊ အစွန်းရောက် အကြမ်းဖက်မှုနှင့် ပဋိပက္ခများ တားဆီးကာကွယ်ရေး စသည့် ဦးတည်ချက်များနှင့် ကိုက်ညီခြင်း မရှိဘဲ ၂၀၁၅ ခုနှစ် ရွေးကောက်ပွဲမတိုင်မီ ပြည်သူလူထုကို အာရုံထွေပြားအောင် ရည်ရွယ်ခြင်းဖြစ်သည်ဟု ကျမတို့ ယုံကြည်သည်”

လက်ရှိအချိန်သည် မြန်မာပြည်သူများအတွက် လူမျိုးရေးနောက်ခံ၊ ကိုးကွယ်ယုံကြည်မှု သို့မဟုတ် ယောက်ျား၊ မိန်းမ စသည်ဖြင့် ကန့်သတ်မထားဘဲ ဒီမိုကရေစီပြုပြင်ပြောင်းလဲရေးအတွက် စည်းလုံးရမည့်အချိန်ဖြစ်သည်။ ထို့ကြောင့် ကျမတို့ အမျိုးသမီးအဖွဲ့များက ကိုးကွယ်ယုံကြည်မှုကို အခြေပြု၍ ခွဲခြားထားသည့် ဥပဒေကြမ်းများကို ဆန့်ကျင်ကန့်ကွက်ကြောင်း ကြေညာချက်တခု ဒုတိယအကြိမ် ထုတ်ပြန်ရန် ယခင်လက ဆုံးဖြတ်ခဲ့ခြင်းဖြစ်ပါသည်။

“တိုင်းပြည်တွင် လက်ရှိဖြစ်ပေါ်နေသည့် ဘာသာခြား လက်ထပ်ခြင်းကို ဆန့်ကျင်ကန့်ကွက်ခြင်း အပါအ၀င် ကိုးကွယ်ယုံကြည်မှုကို အခြေခံသော နိုင်ငံရေးလှုပ်ရှားမှုများသည် ကိုးကွယ်ရာ ဘာသာများ ငြိမ်းချမ်းစွာ အတူယှဉ်တွဲ နေထိုင်ရေး၊ အစွန်းရောက် အကြမ်းဖက်မှုနှင့် ပဋိပက္ခများ တားဆီးကာကွယ်ရေး စသည့် ဦးတည်ချက်များနှင့် ကိုက်ညီခြင်း မရှိဘဲ ၂၀၁၅ ခုနှစ် ရွေးကောက်ပွဲမတိုင်မီ ပြည်သူလူထုကို အာရုံထွေပြားအောင်ရည်ရွယ်ခြင်း ဖြစ်သည်ဟု ကျမတို့ ယုံကြည်သည်” ဟု ကြေညာချက်တွင် ရေးသားခဲ့ပါသည်။

အဆိုပါ ဥပဒေကြမ်းများသည် ဒီမိုကရေစီအသွင်ကူးပြောင်းရေး၊ ပြည်တွင်းငြိမ်းချမ်းရေး လုပ်ငန်းစဉ်များနှင့် အခြေခံဥပဒေ ပြင်ဆင်ရေးများကို နှောင့်နှေးကြန့်ကြာစေရန် ပရိယာယ်ဆင်ခြင်း ဖြစ်သည်ဟု ယူဆရသည်။ လိင်ကွဲပြားမှုကို အခြေခံသည့် အမြင်က ကြည့်လျှင် ဘာသာခြားလက်ထပ်မှု ဥပဒေကြမ်းကို ထောက်ခံသူများသည် အမျိုးသမီးများကို ရုပ်ဝတ္ထုကဲ့သို့ မြင်နေသူများ ဖြစ်နေသည်မှာ ရှင်းပါသည်။ ဆင်ခြင်တုံတရားနှင့် မယှဉ်သော ထိုအမြင်မျိုးကို ကျမတို့ လက်မခံနိုင်ပါ။ ၎င်းကို ဆန့်ကျင်သည့် ကျမတို့၏ လှုပ်ရှားမှုကိုလည်း အလျှော့ပေးလိမ့်မည် မဟုတ်ပါ။

သို့သော်လည်း အစွန်းရောက် အမျိုးသားရေးအဖွဲ့အစည်းများ၏ ပြင်းထန်သော တုန့်ပြန်မှုကို ကျမတို့ ရင်ဆိုင်နေရသည်။ ဥပဒေကြမ်းများကို ဆန့်ကျင်ကန့်ကွက်ခဲ့ကြသည့် အရပ်ဘက် လူ့အဖွဲ့အစည်း ခေါင်းဆောင်များ၊ အမျိုးသမီးအဖွဲ့အစည်းများထံသို့ Facebook နှင့် မိုဘိုင်းဖုန်း Application တခုဖြစ်သည့် Viber အပါအ၀င် ဆက်သွယ်ရေးလမ်းကြောင်း အမျိုးမျိုးမှ ဆဲရေးတိုင်းထွာပြီး ခြိမ်းခြောက်သည့် ဖုန်းခေါ်ဆိုမှုများ၊ Online Message များ ရောက်နေပါသည်။

ကျမကိုယ်တိုင်လည်း ပြီးခဲ့သည့် လကုန်ပိုင်းမှစ၍ ထိတ်လန့်ဖွယ်ရာ ဖုန်း Message များ ရရှိခဲ့ပြီးဖြစ်ပါသည်။ ကျမကို အမျိုးဘာသာအပေါ် သစ္စာဖောက်သူတယောက်အဖြစ် ပြောဆိုကြသလို အသက်အန္တရာယ်ကိုပါ ခြိမ်းခြောက်ခဲ့သည်။

“သစ္စာဖောက်၊ နင် သေချင်သလား” ဟု လူတယောက်က ကျမကို Message ပို့သည်။ တချိန်တည်းမှာပင် ဘလော့ဂ်တခုဖြစ်သော Myanmar Express က ဥပဒေကြမ်းများကို ဆန့်ကျင်ကန့်ကွက်ကြောင်း ထုတ်ဖော်ပြောခဲ့သည့် အမျိုးသမီးအရေးလှုပ်ရှားသူများကို ပုဂ္ဂိုလ်ရေးအရ တိုက်ခိုက်ခဲ့ပါသည်။

ခြိမ်းခြောက်မှုများ ဆက်လက်ရှိနေသော်လည်း ပြုပြင်ပြောင်းလဲရေး အမည်ခံ အစိုးရက ငြိမ်သက်နေဆဲဖြစ်သည်။ ကျမတို့တတွေ၏ လုံခြုံရေးအတွက် ဆောင်ရွက်ပေးရမည့်အစား သာသနာရေးဝန်ကြီးဌာန ၀န်ကြီးက မဘသ ဟု အများ သိကြသည့် အမျိုးဘာသာစောင့်ရှောက်ရေးအဖွဲ့ကို တရားဝင် အဖွဲ့အစည်းတခုအဖြစ် သတ်မှတ်နိုင်ရန် ကြိုးစားလာသည်။

နိုင်ငံတကာတွင် ပြုပြင်ပြောင်းလဲရေးသမားအဖြစ် သတ်မှတ်ခြင်းခံရသော သမ္မတဦးသိန်းစိန်၏ အရေးယူဆောင်ရွက်မှုများကို ကျမ အလွန်စိတ်ပျက်မိပါသည်။ သူ၏ နားများကို အစွန်းရောက် သံဃာများအတွက် ဖွင့်ပေးထားပြီး ၎င်းတို့၏ အစီအစဉ်များ ရှေ့ဆက် သွားနိုင်ရေးအတွက် တွန်းအားပေးနေပါသည်။ အစိုးရ၏ သဘောတူညီချက်မပါဘဲ ပြည်သူများ ကိုးကွယ်ရာ ဘာသာကူးပြောင်းခြင်း မပြုနိုင်ရန် တားမြစ်ထားသည့် ဘာသာကူးပြောင်းခြင်းဆိုင်ရာ ဥပဒေကြမ်းကိုလည်း လွှတ်တော်တွင် ဆွေးနွေးတော့မည်ဖြစ်သည်။

ပြီးခဲ့သည့် အပတ်က ဥပဒေကြမ်းများနှင့် ပတ်သက်၍ ကျမတို့၏ စိုးရိမ်မှုများကို ဆွေးနွေးရန် ပြည်သူ့လွှတ်တော် တရားဥပဒေစိုးမိုးရေးနှင့် တည်ငြိမ်အေးချမ်းရေး ကော်မတီဥက္ကဋ္ဌ အတိုက်အခံခေါင်းဆောင် ဒေါ်အောင်ဆန်းစုကြည်နှင့် အရပ်ဘက်လူ့အဖွဲ့အစည်းများမှ ကိုယ်စားလှယ်တချို့ တွေ့ဆုံခဲ့ကြရာတွင် ကျမတို့၏ အမြင်များကို ပွင့်လင်းလွတ်လပ်စွာ ပြောပြခဲ့ပါသည်။

ကျမတို့လှုပ်ရှားမှု၏ နောက်ဆုံးရလဒ် အဖြေကို ဒီမိုကရေစီအသွင်ကူးပြောင်းရေး၏ ထိပ်တန်း မူဝါဒချမှတ်သူများက ဆုံးဖြတ်ကြမည် ဖြစ်သည်။ သမ္မတ၊ ၀န်ကြီးများနှင့် လွှတ်တော်ကိုယ်စားလှယ်များ အပါအ၀င် လုပ်ပိုင်ခွင့်ရှိသည့် တာဝန်ရှိသူများက အဆိုပါ ဥပဒေကြမ်းများကို လက်ခံရန် သင့်၊ မသင့် ဆုံးဖြတ်ကြမည် ဖြစ်သည်။ သို့သော်လည်း မည်သို့ပင်ဖြစ်စေ ကျမတို့က ကျမတို့ မှန်ကန်သည်ဟု ယုံကြည်သောအရာအတွက် ဆက်လက်တိုက်ပွဲဝင်သွားကြမည် ဖြစ်ပါသည်။

ဇင်မာအောင်သည် လူ့အခွင့်အရေးနှင့် အမျိုးသမီးအရေး တက်ကြွလှုပ်ရှားသူတဦးဖြစ်ပြီး Rainfall Gender လေ့ကျင့်သင်ကြားရေးအဖွဲ့ ထူထောင်သူများထဲမှ တဦးဖြစ်သည်။ ၂၀၁၂ ခုနှစ်က International Women of Courage Award ဆု ချီးမြှင့်ခံခဲ့ရသူလည်း ဖြစ်သည်။