အောင်သူရ၊ အောင်ခိုင်
ဆဲဗင်းဒေး၊ Saturday, June 28, 2014
ရခိုင်ပြည်နယ်ဝန်ကြီးချုပ်အဖြစ် နိုင်ငံတော်သမ္မတက အဆိုပြုထားသော ဗိုလ်ချုပ်မောင်မောင်အုန်း ၀န်ကြီးချုပ်တာဝန်ထမ်းဆောင်စဉ် ကာလအတွင်း အသုံးပြုရန် တပ်မတော်ကာကွယ်ရေးဦးစီးချုပ်က ရဟတ်ယာဉ်တစီး ပေးထားကြောင်း သတင်းရရှိသည်။
အဆိုပါ ရဟတ်ယာဉ်ကို အနောက်ပိုင်းတိုင်းစစ်ဌာနချုပ် တိုင်းမှူးနှင့် တွဲဖက်အသုံးပြုရန် မှာကြားထားကြောင်း ဗိုလ်ချုပ်မောင်မောင်အုန်းက ပြောသည်။
ရခိုင်ပြည်နယ်သည် ပြဿ နာဖြစ်ပွားနေသော ပြည်နယ်ဖြစ်သဖြင့် အချိန်နှင့်တပြေးညီ အလုပ်လုပ်ဆောင်နိုင်ရန် ရဟတ်ယာဉ်ပေးထားခြင်းဖြစ်နိုင်ကြောင်း ရခိုင်ပြည်နယ်အရေး လေ့လာသူများက ဆိုသည်။
‘‘ပုံမှန်အားဖြင့်တော့ ပြည်နယ်ဝန်ကြီးချုပ်တွေကို ရဟတ်ယာဉ် ပေးလေ့မရှိဘူး။ အကူအညီတောင်းလာရင်တော့ ပေးသုံးတာတွေတော့ ရှိတယ်’’ဟု ကာကွယ်ရေးဝန်ကြီးဌာနမှ အဆင့်မြင့်အရာရှိကြီးတဦးက ပြောသည်။
ဇွန်လ ၂၅ ရက်က ပြုလုပ်သော ရခိုင်ပြည်နယ်လွှတ်တော် အရေးပေါ် အစည်းအဝေးတွင် ရခိုင်ပြည်နယ် တပ်မတော်သား လွှတ်တော်ကိုယ်စားလှယ် ဗိုလ်ချုပ်မောင်မောင်အုန်းအား ၀န်ကြီးချုပ်အဖြစ် ခန့်အပ်ရန် အဆိုပြုထားသော နိုင်ငံတော်သမ္မတ၏ သ၀ဏ်လွှာကို ဖတ်ကြားခဲ့ပြီး ဇွန်လ ၃၀ ရက် အစည်းအဝေး၌ အတည်ပြုခန့်အပ်သွားမည်ဖြစ်သည်။
Saturday, June 28, 2014
ဝန်ကြီးချုပ်တာဝန်ထမ်းဆောင်စဉ် အသုံးပြုရန် ဗိုလ်ချုပ်မောင်မောင်အုန်းအား ရဟတ်ယာဉ်တစီး ပေး
Subscribe to:
Post Comments (Atom)
No comments:
Post a Comment